太平洋咖啡 (已結業)

行完朗豪坊又未到食飯時間，就想搵個地方坐下。朗豪坊同時有Starbucks同Pacific Coffee，不過Starbucks個層太多人經過，環境好嘈，反而Pacific Coffee喺最底層環境比較靜，所以決定去Pacific Coffee坐一陣。入到去點咗一杯Green Tea Latte同一個Bagel。Green Tea Latte奶味太重，偏甜同少咗抹茶味，唔太合我心意，下次唔會再叫。Bagel就焗得啱啱好，包上面有黑色嘅一點點，唔係燶咗，而係洋蔥粒。入邊嘅洋蔥粒做調味令到個包更香。$14嘅價錢值得再過來食😋😋😋

放假嚟到Pacific coffee hea hea🤨🤨 未食lunch所以就叫左個幾attractive geh 蛋沙律雞肉軟包😋😋 佢堂食會先整熱嘅，所以個包幾好鬆軟🤓🤓而入面嘅雞都夠juicy, 幾似板燒雞腿飽其實😂😂 食左成個真心好full🙃🙃 #hk #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn#pacificcoffee

公司既合作伙伴約左我同同事lunch之前去飲杯野，順便拜年。結果，揀左去Pacific Coffee，我係唔飲咖啡，所以揀其他飲品，叫左杯什莓迷情加cream, 好飲喎，夠莓味，加左cream 之後，飯完好飽肚。環境都ok, 12pm 好少人，可以靜靜地傾下計。

同朋友係旺角行到無嘢行，就去朗豪坊嘅Pacific coffee坐下，飲杯咖啡，食件cake,悠悠閒閒嘅渡過一個下午。可惜朗豪坊問Pacific coffee係開放式，坐得無咁舒服，難啲傾計，好似會俾人望住同聽到咁！86我地叫咗兩杯咖啡，一杯vanilla latte同一杯 caramel latte!兩杯咖啡都好好飲，咖啡同奶嘅比例好好！杯Caramel latte叫咗少甜，唔鐘意飲太甜嘅記住要少甜！仲嗌咗件blueberry cheesecake, 呢個芝士蛋糕個質地比較硬，但芝士味好濃，同個blueberry好夾！係呢度渡過一個下午都真係好悠閒，可以放鬆一下心情！

九月pcc做左個買一送一既優惠可以買定啲電子卷用足三個月，真心抵玩！由於係旺角番工既關係，最近得朗豪坊最地底嗰間，係依三個月就咁成日好唔就腳咁行落去換佢既咖啡。我既口味一向係Warm soy latte extra shot。次次叫warm因為佢地真係沖到滾水咁熱，奶都打到燶哂乜味都冇。不過次次叫佢唔好咁熱，大部分都冇理我，聽佢打奶都知burnt哂出哂事。半價就屈就下啦，佢既soy milk唔太好飲，唔match咖啡，所以有時忍唔住叫番牛奶。唔係半價都唔會買，唔值三十幾四十蚊。以上講朗豪坊嗰間，飲過中環嗰間覺得唔錯既

Pacific既 ice tall latte，成日都會飲因爲天氣真係太熱了，pacific既豆唔會太苦，所以個人係好接受呢隻味，加上奶味香滑，我就tall size夠飲。

印象中Pacific Coffee 會員喺每年8月都有買咖啡買1送1優惠。都見過有客人即俾$200入會，用買1送1優惠架。今日行過朗豪坊，再去用呢個優惠。點咗凍 alto cappuccino，再點熱 alto cappuccino，兩杯都只收$42，平均每杯$21咋。呢到俾客人自助嘅位都好整齊同乾淨。呢間分店喺下午茶時間坐到滿曬人，當然有d人買1杯嘢，家人坐幾個位，放曬買嘅戰利品啦。所以俾d霸位坐嘅人啤下啤下嘅情況之下，影咗兩張相之後，我地就帶埋咖啡走咗喇。

It was the time for tea . After starting thinking about what to drink for some time , I found it was already 4pm . Then I just went to the Pacific coffee and ordered a cup of pomelo soda mixed with plum candy . Since I was a child , I liked the sour flavour no matter food or drinks . Sometimes the sweet drinks are too over .Sometimes the sour drinks are too excessive . However , the combination of pomelo soda and plum candy is just fit for each other

繼續飲燕麥奶嘅咖啡，同用加4蚊轉燕麥奶之後送一杯咖啡嘅優惠。 天氣又熱又落雨又濕，於是選個清新檸檬撻 (Lemon Curd Tart)~ 要杯香蕉朱古力咖啡 (Banana Mocha) 加4蚊轉燕麥奶 (Oat Drink)，所以又送多杯。選咗朱古力咖啡 (Cafe Mocha) 入紙杯。檸檬撻同啞杯袋嘅香蕉咖啡一早出曬，等紙杯嘅朱古力咖啡... 香蕉朱古力咖啡第1啖真係有香蕉味架，之後就飲到淡淡嘅朱古力味，再飲耐d只飲到甜味... 不過感覺上都係用燕麥奶嘅甜味自然d，容易d入口。再食涷嘅清新檸檬撻，涼涼地加上檸檬味，係清新嘅。 下面餅底唔乾，所以感覺唔係放咗好耐。嗰片檸檬真係檸檬。場內全部枱都有人架，有d人要搭枱。沙發位舒服d，長期有人坐。我都好好彩咁啱有人走，所以有沙發位坐。不過有隻大蒼蠅全程陪住我下午茶，都好打擾下... 可能天氣熱啦。飲完杯香蕉朱古力咖啡同食咗個撻之後，我就走咗喇。朱古力咖啡就攞咗返屋企加冰變凍啡繼續飲。畢竟，嗰隻蒼蠅係咁停喺我杯香噴噴嘅熱朱古力咖啡，都唔係辦法... 希望燕麥奶可以供應耐d，俾我呢d唔飲得牛奶嘅人，飲咖啡用荳奶之外，多1個選擇。

今日去咗Pacific Coffee見到個綠色蛋糕個賣相都好靚叫綠茶柚子蛋糕基本上完全搵唔到綠茶味同柚子味係一個好膠嘅蛋糕面層嘅綠茶糖膠真係好硬完全得個甜，基本上食唔落口入邊嘅蛋糕其實都好普通所以呢個真係一個伏的蛋糕仲要30幾蚊所以千其唔好食依個蛋糕😵😵😵

朗豪坊真係長期好多人，有時想搵個位坐下，以前都會搏一搏走上四樓星巴克或者food court睇下有冇位坐，但而家唔會嚕，寧願慳番啲腳骨力囉，因為9成9冇位。某日約左朋友喺朗豪坊等，收到佢訊息話要遲30分鐘左右，由於我唔想喺度齋企傻等，我只好搵個地方坐。（對，我係唔會行街的，因為一行就驚大出血，畢竟對女士黎計，太多誘惑）我只好落去太平洋睇睇有冇位，比起四樓，呢度有位嘅成數都會大啲，始終位置都多啲，而且我一枝公，又唔怕搭枱，都唔難搵到位置。當日係平日，差唔多到晚飯時間，仲咁好彩可以獨自坐一張枱添。雖然都係打算歇一歇等朋友，都要循例買杯飲品。個人就麻麻地喜歡黃昏時間飲咖啡，所以只係剩番沙冰呀、抹茶、朱古力呢啲選擇。雖然我唔係抹茶控，不過醒起自己都冇飲過，都可以襯個機會試下啦。所以點左抹茶拿鐵，出乎意料之外味道都唔錯喎，唔知其他人覺得點，始終口味好個人化，我就覺得幾啱我飲。抹茶味都有，幾明顯，回甘咁誇張就冇，奶味唔算好重，不過鐘意佢唔算話太甜，面頭又有啲核桃咁，有少少口感。輕鬆坐一陣，又有wifi，果然最適合等人。

依家pacific coffee又有搞活動去宣傳下一啲新飲品，今次就輪到聖誕期間限定嘅黑森林飲品。要想用買一送一嘅優惠就要上去like facebook同答左條問題先（條問題都幾煩）。今次我就叫哂兩種黑森林熱飲--mocha同chocolate。因為兩種都係朱古力嘅關係，我覺得兩種都幾甜下（少少過甜）。但如果係以兩杯做比較嘅話，我會選擇chocolate多於mocha，因為我覺得chocolate果杯嘅味道幾接近細個飲嘅果種美祿朱古力，而我幾中意呢一種味道。

前晚(10-12-2016 Sat)同老公,男友人JT夫婦四人食完晚飯,因要整o野,所以要搵地方坐低飲o野,原來去洗衣街o個間超係香港特色o既Starbuchs,係有位,但可惜係分開,於是要轉移陣地,o黎o左呢間,呢間大間兼有好多位,我老公求祈要Mocha,我就揀$44.00特大o既抹茶仙踪,M幫我老公決定要特大.而佢自己要熱茶,JT我就唔知佢o個杯係乜.等o左一陣,我同老公o個杯攪掂,老公o個杯雖然係凍飲,但一啲都唔凍,似室溫.而我o個杯係沙冰類,所以會夠凍,抹茶味甘,飲到少少奶味,但成杯味道麻麻,有啲失望.呢篇只計我杯飲品.

上個星期 約左一位朋友 旺角太平洋咖啡見面, ，去到先知原來佢呢度設定左最低消費50蚊，咁我唔理啦，反正我都未食lunch叫左個沙律，加杯凍 latte 少甜。鴨胸沙律 一變配左一個醬汁 醬汁味道個人覺得怪怪地 相當刺鼻 落完我都有d後悔而d鴨胸肉亦都好乾身， 感覺好似唔夠新鮮， 至於沙律同但就冇乜問題，正正常常咁啦， 不過價錢真相對以前貴左 感覺冇咁抵食。

凍 hazelnut latte，一向飲開 Mocha，但 pacific 無就飲 hazelnut 代替啦，因為味道最近似，愛的替身 hazelnut。西方文化一向無凍啡架呢，因為冰溶化後會影響味道，但近年開始普及喇。要係冰溶化而破壞味道前飲晒去，hazelnut 味道微甜沉厚，質地帶點粗糙，配上洋溢甘苦味既咖啡豆及鮮奶，羞怯既咖啡香感覺良好，不錯既選擇。人頭擁擁，坐無虛席，艱難地找到位置，環顧四週白坐既多過真係幫襯架喎，做功課、睇報紙、上網、打機、瞓覺、等等，場面有趣。行旺角行到腳軟呀，尊登請假為新居添置用品，好耐無試過行幾粒鍾，睏死人咩﹗飲杯咖啡坐坐休息一下回回氣。