天 · 悠蔬食 (已結業)

平時食肉食得滯滯地，今日食下齋清清腸胃。呢間素食店全粉紅色，少女心爆棚，天花板仲有好多熱氣球，真係好岩女仔。叫了兩個晚餐，升級了這個蟲草花湯。成日都覺得煲湯一定要落肉，但這個無肉蟲草花湯依然很香甜，菇味濃郁，亦有椰子的清香。好鍾意食大啡菇，所以叫左呢個Pizza。餅底好似餅乾咁鬆脆，整個Pizza鋪滿芝士，每一啖都有芝士拉絲，勁滿足！闊條麵很多料，每一層面中間鋪滿了南瓜和不同的餡料。面頭的芝士很多，焗得很香濃。

有別於一般中式既素食，天悠蔬食除左有中式，仲有西式多元化，而且款式都好多。餐廳環境充滿少女感，天花仲掛左熱汽球做裝飾添🎈我今次就叫左晚市套餐C，紅咖喱野菜猴頭菇配印度煎餅同飯，係店員推介架🤭紅咖喱一黎到已經聞到香味，食落好香椰奶味加小小辣，好開胃。第一啖食猴頭菇真係好似食緊雞咁，咖喱入面仲有青瓜，紅黃椒，豆角，芋頭，西蘭花，椰菜花🥦紅咖喱配埋飯同煎餅係一啖接一啖🤤湯我就揀左蟲草花椰子黃耳竹笙燉湯配紫薯紅菜頭波波。燉湯足料，味道鮮甜又滋潤🥰另外仲加配左一個苜蓿芽手卷同栗子千層班戟。手卷特別之處係用苜蓿芽黎代替飯，苜蓿芽食落口感清爽，而且仲有好養營🤗最後飲埋香芋黑糖珍珠黎做結尾，滿足又滿意既一餐😋

門外裝潢好靚、好夢幻，被佢吸引左入去食午餐環境舒適、美麗，座椅非常寬敞，還播放着純音樂，非常放鬆。望一望餐牌，原來是素食餐廳，有好多選擇我叫左個泰式菠蘿炒飯+串燒串燒很入味，肉質鬆軟，好味，炒飯仲有雞髀菇粒，再加入九層塔吊味，開胃好食。另外再加左$10 配有前菜+蕃茄湯，湯方面茄味香濃，帶有芋粒。法包很脆口，還加上香椿醬，味道很好。香芋珍珠另+$10，非常香濃的香芋味。👍🏽走時還看見精緻嘅糖果擺設，原來12歲以下的小朋友可以抽獎❣️非常貼心，善美。餐廳開門時間還有蛋糕可訂，黎緊開party一定要試試有6/12人到會套餐，還有折扣外賣自取的餐牌

荃灣「天·悠蔬食」金沙四蔬配素鹵肉飯，炸物夠脆，有茄子、椰菜花、豆角，仲有一款唔似係蔬菜，白色的似素肉（？）咸蛋黃味好正，鹵肉醬略嫌太少，只夠撈半份白飯。鮮茄甘筍香芋濃湯配蒜茸包，湯係番茄甘筍打蓉加芋頭粒粒，幾特別，蒜蓉包上次食覺得好難食，唔香又唔脆，今次感覺一樣，只夾硬食咗一塊… 下次會叫店員走包，以免浪費。加咗份甜品「榛子海鹽焦糖乳酪蛋糕」，我食唔出有海鹽同榛子味，焦糖醬亦唔對味，得個甜字，$18得咁細件仲要加一，好一般。佢嘅飲品我只飲過兩款：凍香芋黑糖珍珠、熱咸柑橘蜜，前者非常難飲，死甜，珍珠難食，芋頭味好假好人工化，只飲咗半杯放棄咗，仲要加$10升級，好唔抵。後者嘅柑橘蜜好淡（可能佢d柑橘蜜好貴，要慳住落），除咗熱水浸住果塊檸檬出嘅苦味之外係冇乜味，不過我幾乎次次都係叫呢個，因為其他唔駛加錢嘅飲品我都唔想飲。幫襯咗咁多次，都係覺得佢服務麻麻，今次幫襯蓋第10個印仔（儲滿10個印仔可成為會員，以後有9折），佢都冇俾會員咭我，話下次再幫襯先俾我，怪怪的，我問佢下次俾會員咭我時係咪會做九折俾我，佢答我「應該係」… 都唔知係唔係嘅，冇乜理由儲夠10個印仔仲唔即時發咭俾個客，諗極都唔明。

路過一間雅緻的餐廳感覺好舒服，原來是素食餐廳，見到lunch set選擇也多而且賣相吸引。「蜜汁素叉燒 拼黑松露炒純素滑蛋 配羽衣甘藍菜飯」一看就覺得好健康，擺碟十常漂亮，旁邊的蔬菜種類好多，有西蘭花、西芹、紅蘿蔔等，還有新鮮的沙律菜伴在其中，效果非常好，兩者拼在一起有味道又有新鮮的爽脆。黑松露炒純素滑蛋看似是炒蛋，其實是切碎的豆類製品加上黃薑及黑松露醬製造而成，味道非常好有質感。蜜汁素叉燒外面是香脆的，內裡軟糯，汁醬的味道非常出色，好一個蜜汁叉燒。餐飲選擇也多好「荔枝檸檬蘆薈冰茶」清涼消暑，有茘枝清香，蘆薈粒粒，茶底唔會太濃，甜度適中。意猶未盡還要吃多一個甜品，加了一個「鮮磨香滑腰果露」份量唔係好多，但非常香濃，下次還可以試吓其他甜品。

偶爾會想吃點素食，但香港的素食餐廳選擇不多，剛好在荃新天地找到這間食物選擇比較多的素食餐廳😆感覺值得一試 餐廳的粉色調設計、天花板上吊著的熱氣球裝飾、播放著音樂盒般的純音樂，有種童趣的感覺，而身處光線充足的空間感覺亦非常舒適 🥗 西洋菜南北杏羅漢果蓮藕湯 配 松露藜麥沙律（+$10）清甜的老火湯能喝出媽媽的味道，非常推介大家加點👍🏻 而沙律的黑松露的香氣與豆腐乾及藜麥出奇地夾 🍴 鮮茄芝士菠菜南瓜新餐肉焗黃金蛋炒飯（$98）邪惡之選😈金黃色的芝士鋪滿在焗飯表面，加上素餐肉及粒粒蔬菜配料，極有一種在吃焗豬的感覺😋這款還能走芝士及奶，對嚴格的素食者非常友好 🍰 榛子海鹽焦糖乳酪蛋糕（+$18）榛子、焦糖、海鹽的味道非常平衡🥰蛋糕為紐約芝士蛋糕的質感👍🏻推 🍹 青檸百香果冰茶（+$10）青檸與百香果平衡得剛好，比起說是冰茶，感覺更像梳打😆吃著熱辣辣的焗飯，飲著冰茶，感覺超爽 🚩 想睇多啲好玩好食推介，即刻follow我既ig page 🔗 soyum_sogood

天 · 悠蔬食位於荃新天地2期，離荃灣站和荃灣西站都不遠😃，裝修得相當之唔錯，上面吊住好多熱氣球裝飾😍😍， 仲擺放咗啲公仔添，小朋友黎都應該好鍾意。意大利牛肝菌乾燒伊麵 $128同平時食開嘅乾燒伊麵唔同，牛肝菌味超級濃啊，仲有好多菜🥬好健康。泰式鳳梨炒飯 $108黎個飯落左好多菠蘿🍍落去炒， 都幾重菠蘿味，份量好大，差唔多裝到有4碗。椰香斑蘭千層班戟🍰 $58呢個甜品好食啊，賣相幾靚💚，好重椰香和斑蘭味。

食得太多肉想轉下口味食下齋，今日同埋屋企人一齊嚟咗荃灣呢一間比較非傳統素食餐廳🥦夜晚去有晚市套餐，需要前菜+湯要加20蚊，主菜8選1，自選甜品得菊花杞子馬蹄糕（另外3款要加錢）自選飲品2選1（加10蚊有香芋黑糖珍珠奶茶）🧋最後3個人叫兩個set dinner,另外再散叫左一個小食拼盤同埋黑椒四季豆炒素牛柳🐮黑椒四季豆炒素牛柳好大碟，食落同平時一樣，咬口都好有口感😋真係唔講都會以為食緊牛意大利牛肝菌乾燒伊麵賣相雖然一般，但係味道都係ok既✅大啡菇松露薄餅重芝士味🧀即整熱辣辣！食落都幾特別🤓不得不佩服而家嘅素食，食落去既口感同味道都同食肉無咩分別，鍾意食素嘅朋友可以試吓👍🏽值得推薦可以再幫襯🤩

今晚同朋友去咗呢間素食餐廳食dinner，叫咗2個dinner set，有前菜、湯、主食、甜品、飲品，非常豐富！原來素食可以咁好食，款式都特別，我特別推介：✨ 前菜：亞塔木耳黑豆亞塔嘅口感好Q彈，第一次食呢樣嘢！黑豆好甜，木耳酸酸地十分開胃！✨菠菜忌廉濃湯個湯有啲黑松露味，我鍾意個湯唔會太creamy太漏！✨ 素辣肉碎飯+泰式拼盤都幾辣，辣度應該大概譚仔五小辣🤣 啲肉真係好似肉，好神奇🤣 泰式拼盤嘅嘢食好香口好脆，個醬都好好食！間餐廳裝修好夢幻，係粉紅色主題，座位寬敞，坐得舒服，原來食素都可以咁新潮！

雖然見近排多左咁多新式素食餐廳但一向我同身邊既朋友都係食肉獸好少何有衝動要去食素🤣同素食餐廳比我既感覺一向都係傳統d平時出街行過見到有間望落好有童趣既新餐廳望真啲原來係食素既仲有好多唔同國家嘅素食菜式一於搵個機會帶個戒左好多年牛既屋企人黎試下佢既地道香港野->乾炒素牛河‼️一行二人叫咗一個午市套餐share套餐（$88）包1️⃣餐湯-> 南瓜扁豆玉米忌廉濃湯配香脆法包🌽🥣呢個配搭出奇地香甜入口順滑，估佢唔到👍🏻2️⃣乾炒素牛河配香脆腐皮卷個炒河一放低已經聞到香噴噴，都滿足到想食乾炒牛河既慾望，香脆腐皮卷佢用咗一支雪條棍繞住，食落個味就係平時係齋舖買金絲卷嗰味，我又幾鐘意喎3️⃣餐飲+$10 升級左做朱古力咖啡味道唔錯朱古力味好香😋但個拉花要再努力一下🙊4️⃣甜品+$38加配左鮮果脆脆芭菲呢個係荃灣限定嘅加倍甜品，尖沙咀分店限定嘅係宇治抹茶之旅呢個芭菲好有誠意，最少有八層唔同嘅配搭，上邊個奶油cream仲要係玫瑰花形狀，係打卡之選📷環境🏠有超過一半嘅座位係卡位沙發座椅，坐得舒服闊落，餐廳裝潢主要以粉紅色同綠色做主題，有種童趣既感覺👍🏻味道😋打破左我對素食嘅一貫印象，食肉獸食完唔會有空虛感，

覺得唔係好抵食因為明明下午茶職員又唔比餐牌我淨係比左散叫餐牌我呢餐食左5百幾蚊感覺好唔值咁到d野黎左先知有下午茶可能一開始印象已經麻麻啦所以感覺d野都係普普通通冇咩特別咁我諗食完呢次應該冇下次了不過唯有可取既係臨走小朋友可以係門口揀樣小禮物小朋友有禮物拎緊係開心啦😂

細女上完空手道班，指定要食呢間。素湯同素滷肉羽衣甘藍菜飯都係我個女最鍾意食嘅💙西檸杏鮑菇唔錯🍋有七舊。今次係第三次嚟，聽到隔離枱問起先知道原來可以儲印仔做會員，每次幫襯儲1個印，儲夠10個有張永久會員咭，以後幫襯有9折。唔問d店員都唔知到有呢一回事。由我第一次嚟，到今次都覺得呢度食物ok但服務麻麻，有待改善。

雖然素食喺香港一向都好流行，但作為食肉獸嘅我真係好少食素，硬係覺得食飯一定要有肉😂😂但今次食呢間新式素食餐廳真係顛覆咗我嘅認知，原來素食都可以咁似肉！！🫶🏻🫶🏻餐廳裝修好靚，仲擺咗好多可愛嘅公仔，坐得好舒服，同朋友嚟慢慢吹水都得～～-泰式素辣肉碎飯 配迷你泰式拼盤 $188素肉碎嘅份量好多，食落好香，同生肉碎冇咩分別😂😂而飯上面有一隻煎得好靚嘅太陽蛋，啲蛋黃汁撈飯食一流！！喺個泰式拼盤入邊我最推薦個春卷，炸得啱啱好，勁脆口，點啲沙嗲醬一齊食真係一流啊🔥🔥-泰式鳳梨炒飯 $108好有鑊氣，吵得幾好，有粒粒分明嘅效果，飯入邊有粒粒鳳梨果肉同埋炒蛋，亦配有沙律菜，大大碟分量十足～～-抹茶馬蹄糕抹茶味幾香濃，馬蹄好爽口，適合鍾意抹茶嘅朋友🫶🏻-柚子青檸蘆薈冰茶但係有柚子同埋檸檬嘅清香，非常refreshing!!

🍴晚市套餐🍴+ $20 加配自選晚市湯品 配 前菜猴頭菇竹笙黃耳無花果百合燉湯店員表示中湯燉足3小時，J妹聽到後即時落order！肉眼所見滿盅湯料！望落湯頭清澈，飲第一啖湯就發覺猴頭菇、竹笙、無花果、百合、杞子、蘑菇煲得出晒味！有黃耳的關係，湯頭質感仲會有少少膠質，足料又燉得足時間！ 飲晒成盅素湯感覺好滋潤，舒喉、無負擔！醬燒百靈菇淮山伴日本黑豆百靈菇同淮山，十分入味！醬汁味道調配好，好食！ 日本黑豆，甜甜的，有陣蜜糖清甜味，好食！不是砂糖做出來的一般死甜！自選飲品柚子青檸盧薈冰茶(凍)柚子蜜同盧薈粒份量多，濃郁的紅茶底是預先冰凍，不需加任何冰粒，咁就唔會出現因冰粒而沖淡紅茶味的情況！自選主菜菠菜合桃野菌忌廉燴意大利飯 配 香脆腐皮卷 $188好食！青醬充滿濃稠的忌廉香！ 而且好足料，除了菇外，再配以合桃、西生菜同入口嫩甜的小蘆筍，令原本燴得質感煙煙韌韌又香濃忌廉的creamy意大利飯增添爽脆口感！腐皮，好香脆！用雪條棒卷住炸，形成挺身的腐皮卷自選甜品鮮果脆脆芭菲 +$38無論是單點價$78 / 跟餐價+$38，J妹認為呢款夏季限定芭菲絕對值得order！面層的玫瑰花忌廉，有奶油香之餘

第二次帶來，今次食下午茶，食物唔錯，價錢偏貴。擔擔面可選辣與不辣（我選不辣），最鍾意都係個中湯。店員質素麻麻，問佢純素糕點係咩，佢話「好似係綠茶紅荳糕，又好似係馬蹄糕」，我話照要啦，兩樣我都食嘅，結果上枱原來係綠茶馬蹄糕。其他店員不停大聲傾計，同店內播放嘅柔和音樂格格不入。