天龍咖喱

營業中

休息中

天龍咖喱❣️位於元朗的小店絕對要來支持下，呢度主打巴基斯坦咖哩，用左多種香料製成。同其他食開的咖哩好唔同。咖哩味較重，又冇平時椰奶果種味道，真係別有一番風味。除了咖喱，呢度仲有其他港式風味，特別推介炸物小吃！🌟咖喱吉列豬扒飯金黃色的吉列豬扒好厚切，炸粉薄，外層酥脆，鬆化。火候控制得啱啱好，保留汁和豬肉的原始甘香。入口的外脆內軟，好Juicy。咖哩香味十足，用了洋蔥粒和多種香料烹飪而成。真材實料的咖哩，而辣度可以加重。🌟咖喱厚切牛脷飯除咗好厚切之餘，牛脷基本上都炆到好淋。入口勁鬆軟，而且牛味好重。同咖哩都好夾。🌟特級花枝丸由墨魚、魚漿製作而成的花枝丸。炸到金黃色，入口超彈牙又爽口，外脆內軟。🌟天龍雞皮卷以雞皮裹著免治肌肉炸，非常獨特。皮脆肉嫩，好爆汁。配上酸酸甜甜醬。令人停唔到口。🌟話梅可樂中和了可樂甜味。帶有鹹香和輕微酸味。一邊食住辣嘢一邊飲，都幾refreshing。

今日同仔仔去天龍咖喱食好正呀，估唔到原來開咗一間咁好食嘅咖喱我同仔仔都勁鍾意食咖喱，之前去旅行冇機會食到，今次好開心食返夠本最特別係佢咖喱裏面其實加咗蕃茄，所以冇咁嚟，辣度都係剛剛好仔仔係食厚切牛脷咖喱飯，非常厚身，而且係淋嘅，唔會硬骨骨。牛味好香，非常之配合咖喱嘅味道，而且賣相都好靚！我就食咗個青衣柳，原來係石斑嚟嘅，真係好新鮮，彈牙，好食🤤佢好細心嘅係魚柳同咖喱分開上，唔會淋曬！我哋兩個食到一粒飯都冇整，仲叫咗兩個小食，一個係香芋魚餅，令一個係孜然羊架，真係不得了，羊架啲羊嘅油香到漂晒出嚟，留喺個口度好耐💯💯香芋魚餅好特別，有陣香芋嘅味道配合魚餅都好好食😋飲品方面叫咗個可樂，有名堂㗎，係大話可樂，即係話梅加可樂，味道好特別，而且好開胃～

✨$64 天龍牛腩牛筋咖哩飯呢間咖哩較似港式咖哩嘅味道🍛～裡面都有唔少料：洋蔥🧅、番茄🍅、薯仔🥔、牛腩牛筋🐮，啲牛炆得好香 牛筋質感脆口。.✨$56 惹爆蔥油雞扒茄子煎太陽蛋飯幾鍾意呢個飯‼️既惹味又豐盛，同埋本身我就好鍾意蔥油+豉油 撈飯食🍚💝。雞扒係正常size，塊扒咬落偏肉感🤏🏽 冇乜脂肪🐓；太陽蛋煎得好香、唔乏味🍳👍🏻.✨$38 香酥雞（配有泰式辣醬🌶️）雞粒食落非常酥脆可口🐓🔥亦都好有鹹香，不過我覺得佢係好dry，越食越口乾( ´▽｀)飲咗不少coke zero🥤.✨$36 炸鮮奶x4️⃣正正常常嘅炸鮮奶🤍外脆內軟，內餡嘅奶香濃郁～

「天龍加喱」，打正旗號以咖喱為主打，當然，我會對餐廳的咖喱抱有很高的期望，但最終感覺是咖喱的味道竟然不如普通茶餐廳！首先，咖喱的香氣完全聞不到，致命傷是半溫不熱，根本吃不出咖喱的味道，更別說正宗了。金牌牛魔王咖喱牛大四囍飯（$114)這個咖喱牛大四囍包括：牛肉、牛腩、牛舌、牛筋和薯仔。厚切牛舌有一片，但食落完全沾不上半點咖喱味道。牛腩切成很大塊，較難咬開。牛筋是炆得夠稔，充滿骨膠原的口感，是四囍中處理得最好的。牛肉是最差的一環，肉質偏靭，肉味不夠，每人吃了一片，全部留低。白飯/油酥餅這個大四囍飯還附送油酥餅兩塊，口感比較硬實，沒有空氣感，應該是預製翻叮的製品。白飯是一般的白米飯，並不是 Basmati 長米。天龍雞皮卷（+$22)追加一個雞皮卷小吃，外皮是薄薄脆脆的，口感似腐皮多個似雞皮，𥚃面包著雞肉，配搭甜酸雞醬很夾。柑桔大話七/夠姜大話七跟餐+$13，正價$28，話梅和姜的味道不太突出。門面內在環境餐牌

元朗的隱世美食眾多，而這間元朗咖喱名店“天龍咖喱”就是其中之一，雖然店面細小裝修簡單，但坐得舒服，職員友善，服務很好，更重要的是，從來都沒有吃過比這裡更好味的咖喱主菜和小食。咖喱牛腩飯 59咖喱汁非常濃郁，加入椰漿、八角、辣椒油和多種香料等，甜中帶辣，味道香濃，口感滑溜。牛腩份量很多，炆煮得夠腍，肥瘦均勻，脂肪比例適中，而且每塊都經過慢火燉煮，肉質鮮嫩多汁，食落啖啖肉，搭配著香濃的咖哩醬汁，加上份量充足的白飯，令人回味無窮。咖喱羊架薄餅 107羊架外皮燒得微焦和香脆，內裡嫩滑多汁， 肉質鮮嫩，非常柔軟有彈性，每一塊羊架都燒得剛剛好，味道濃郁，軟嫩入味，所以羶味不會太強烈。 咖喱汁味道香濃，配有薯仔和大量洋蔥粒。印度薄餅口感酥脆，加埋沙律菜和烤羊架一起吃，非常滿足，口感一流。天龍雞皮卷 42是用雞皮包著雞腿肉的鎮店小食，外表燒得香脆有彈性，鎖住了雞腿肉汁，雞腿肉質嫩滑，口感彈牙，每一口都大大滿足，配埋秘製的甜酸汁，很有風味，超水準之作，值得一試。牛肉薯餅 38香甜幼滑的薯蓉，加上味道濃郁的牛肉，再配上口感鬆脆的炸衣，製成的牛肉薯餅，外皮酥脆可口，裡面充滿著薯蓉與牛肉的香味，口感豐富，滋味

🔸咖喱大蝦飯 $78和一般茶餐廳的中式咖喱略有不同，這裏的是印巴咖喱，味道的層次比較豐富，香料味亦比較重，加了洋蔥碎煮成，好惹味 😋 蝦肉新鮮彈牙，開邊處理很方便進食 👍🏻🔸咖喱茄子三色素菜飯 $56有茄子、豆角和紅蘿蔔，用油炸過很香口 😍 配上咖喱很好吃！🔸天龍雞皮卷 $42用原塊雞皮包住雞髀炸成，火候控制得很好，雞皮十分脆口同時亦保持雞肉鮮嫩 🥰 是小店自家製作的小食！🔸淨咖喱配酥油薄餅 $32薄餅永遠是咖喱的最佳拍檔 😛

今日專程嚟到元朗嘅天龍咖喱試下佢哋嘅出名美食店員好有禮貌又好熱情
✧ 惹爆蔥油三黃雞飯（$70）超鍾意「我朋友唔食辣㗎」section😂
叫咗個惹爆蔥油三黃雞飯啦雞肉每啖都好juicy 配埋蔥油嘅香味 真係冇得輸 白飯吸咗啲雞汁 更加美味 份量又足夠 食完真係好滿足另外仲加咗$6要隻煎太陽蛋煮得剛剛好一督就爆👈🏻🍳✧ 金牌牛魔王咖喱牛大四囍飯（$114）
至於金牌牛魔王咖喱牛大四囍飯😈包含牛肉、牛腩、牛筋、牛脷 每一種牛肉都煮得好入味牛肉嫩滑 牛腩入口即化 牛筋有嚼勁 牛脷多汁 每啖都係享受咖喱醬濃郁但唔會太辣🥘香料味道啱啱好～✧ 天龍雞皮卷（$42）
天龍雞皮卷就係佢哋嘅特色小食之一 用雞皮包住咗雞脾肉🍗外層炸得香脆 入面嘅雞肉仲保持住嫩滑多汁就算平時唔食雞皮嘅朋友都話好好味 😂✧ 炸鮮奶（2條，$19）
最後叫個炸奶做甜品但係同咖喱一齊食出奇地夾 外皮酥脆 入面甜甜地嘅鮮奶 一咬落去有爆漿嘅感覺 真係忍唔住一口接一口 🤤✧ 夠姜大話可樂（$13）
有濃郁嘅生姜味🫚仲有好大粒話梅好清新可以解咖喱嘅辣✧ 蜂蜜柚子茶（$10）蜂蜜嘅甜同柚子嘅微酸結合得剛剛好🤝🏻好清爽好啱夏天飲🧊總括嚟講

行開附近見到有間天龍咖哩，聽人講佢地啲咖哩好出名，所以就試下咖哩系列。除左咖哩都仲有其他選擇架金牌牛魔王咖哩牛大四囍飯 (附油酥餅2塊) $114入面有牛腩、牛肉、牛筋同牛脷。牛既份量都唔少，都大大舊架！我就鍾情於牛肉片同牛筋❤️牛筋好彈牙，牛肉好滑，牛腩好結實，牛脷好爽口🫶🏻好鍾意個咖哩汁，唔係出面果啲好流既咖哩汁，用黎撈飯同點油酥餅食😂食完無好口渴👍🏻香煎牛仔骨煎太陽蛋飯 $79牛仔骨好煙韌，加埋好滑既太陽蛋一流，啲蛋黃同蔥油油香撈飯食真係無得輸👍🏻天龍雞皮卷 $42雞皮酥脆，入面有豐富多汁既雞肉，食落去唔會好乾🫶🏻芋頭魚肉餅 $38芋頭味好出好香，加埋甜酸醬幾正✌🏻話梅可樂 $25鹹味可樂又幾特別✌🏻傷檸樂 $28好解渴，夏天飲一流😎天龍咖喱 (元朗)📍元朗合益路17-53號合益中心地下23號舖

天龍咖喱可謂是咖喱的天堂，種類多樣，口味獨特，讓我忍不住，要與各位美食愛好者分享一下😝【孜然羊架】孜然羊架是羊肉愛好者的絕佳選擇。羊架烤得外酥裡嫩，每一口都能感受到羊肉的鮮嫩與孜然的濃郁香😉【牛四囍四寶】包含了牛筋、牛腩、牛俐和牛肉四種不同的部位，牛筋彈牙有嚼勁，牛腩軟糯入味，牛俐質地嫩滑，牛肉則帶來濃郁的肉香，每一口都充滿了濃郁的咖喱香氣😎【三黃雞飯】雞肉煮得嫩滑多汁，簡單的調味就能讓這道菜變得美味可口☺️【炸鮮奶】簡直是甜品中的創意之作。外脆內嫩，入口即化，最重要的是吃下去甜而不膩😁【紅豆冰】在炎炎夏日，來一碗紅豆冰真是清爽至極🥳【椰汁冰】每一口都讓人感受到椰子的天然香氣，仿佛置身於熱帶風情之中😚好味指數：8/10 性價比指數：9/10

餐廳位於元朗合益路，鋪面雖然唔大但企理舒服，店員老闆態度十分友善，聽聞咖哩特別出色特意一試。咖哩吉列豬扒飯（$58）吉列豬扒份量超大塊，足足有我塊面咁大，而且外身炸得金黃香脆，惹味十足。咖哩汁十分獨特，充滿港式風格，唔會太辣但同時亦更加香濃，此外仲有一些沙律菜伴碟。生煎肉餅飯（$55）肉餅雖然係三小塊，用料有豬肉及馬蹄等，食落爽口彈牙，而且肉餅兩面有特意煎過，食落十分脆口焦香。雞皮餃子（$38）餃子不是用一般麵粉製成既餃子皮，而是用了雞皮作為外皮，雞油香味濃郁，餃子皮香脆可口，餡料有肉和菜，非常飽滿。蔬菜蝦卷（$38）以蔬菜和蝦滑造成既蝦卷，口感煙韌，沾上甜酸汁更加美味可口。凍檸樂咖哩配可樂可謂係完美配搭。紅豆冰紅豆冰嘅紅豆非常之多，而且甜甜糯糯。椰汁香甜軟滑，用料十足。

食過公司附近幾間茶仔的咖哩都不太合口味，是晚又想食咖哩，就去返天龍咖哩，自己都係鍾意呢間味道🤤八點來到雖然唔使排隊，但都係得返最後一張枱，幾好彩唔使等，快快落單先。⭐咖哩牛腩牛筋飯自己就點左牛筋腩飯加辣，牛腩炆得軟腍，牛筋滑嘟嘟入晒味，咖哩香口又足料，加辣嘅辣度啱我口味，勁好食😍⭐咖哩吉列魚柳飯家人要左炸魚柳，即叫即炸香噴噴，仲要超大塊，有成隻碟咁長🤤家人要左正常辣，好食都一滴咖哩汁都無淨。⭐香酥雞口痕又加左碟小食炸雞粒，鍾意佢夠香脆，一粒一口方便食，上面灑左辣辣地嘅調味粉好惹味。⭐凍鴛鴦 & ⭐話梅可樂食辣野要飲凍飲，爽🤤多左新小食喎，下次試下先。

呢一間位於元朗食咖喱嘅餐廳，一個咖喱飯幾十蚊就有交易，碟碟都大大碟，長期都吸引唔少客人幫襯！咖哩牛腩牛筋飯🍛佢哋嘅牛腩牛筋🐮炆得好腍好入味，佢哋嘅咖喱質地同埋味道都係偏向重蔬果🧅🥬同香料味🧂，係真正真材實料嘅咖喱！咖哩雞扒飯🐔雞扒好大塊，而且煎到金黃色，做到外皮脆，而且有保留到入面既肉汁！配埋咖喱飯真係令人食到停唔到口啊！炸牛奶🥛炸牛奶外皮非常酥脆，內裏非常軟糯，奶香味十足老少咸宜！香芋魚肉餅🐟呢個香芋魚肉餅，點埋泰式醬汁酸酸甜甜咁，都係一個幾開胃嘅小食！

門外寫住「人生就像吃咖喱，偶爾辛辣一輩子，不管辛苦一輩子。」好！ 就即管入去辛辣一陣啦 🤣🤣🤣 餐廳既招牌食品係咖喱，但係仍然會有好多其他選擇同埋小食比唔太鍾意食辣嘅客人 👍🏻👍🏻 店面整齊乾淨，坐得舒服，咖喱同小食既味道都做到自己既獨特之處，推薦比鍾意食咖喱既朋友！！金牌牛魔王咖喱牛大四喜飯 （連埋油酥餅2塊） $112咖喱牛大四喜入面有齊牛筋，牛腩，厚切牛脷同埋滑牛肉，勁豐富。最鍾意食牛筋，因為有勁多骨膠原，啱晒女仔啦 🤣🤣🤣 而且咖喱汁用嚟半油酥餅或者白飯都好好食 🤤🤤🤤生煎厚切牛脷飯 $58牛脷外層煎到香脆，入面肉質仍然係嫩口！而且厚切牛脷仲要係3大塊，配埋豉油汁，送飯岩曬！！ 特級花枝丸 $33/ 4粒炸到金黃香脆，爽口彈牙，仲會有花枝粒係入面👍🏻 花枝丸上面仲會灑上椒鹽，配埋泰式辣醬，正！！孜然羊架 $78/ 2件香料香氣十足，煎得香口，調味同肉質煮到岩岩好，而且啖啖肉，好味 😋話梅可樂 & 鹹檸碧 呢杯話梅可樂好好飲！！話梅既鹹酸味中和左可樂既甜味，喜歡話梅既朋友絕對可以試下😉 📍元朗合益路17-53號合益中心地下23號鋪

今次小編直入元朗發現左間高質咖喱小店！舖面細細但乾淨企理👍🏻 可以坐得舒舒服服嘆咖喱keep住有多街坊過嚟食飯外賣數量都唔少！ 果然係元朗街坊飯堂👀餐廳主打咖喱 但唔想食辣既都有好多選擇架🍛🍛🍛金牌牛魔王牛大四囍飯 $114🍛🍛🍛咖喱飯有齊牛筋、牛腩、滑牛肉同牛脷而且仲配兩塊油酥餅！一次過滿足哂咁多位牛魔王呀🤤咖喱用左大量蕃咖同洋蔥煮成再加上煮到溶晒既薯仔令到咖喱變得杰身得嚟帶有豐富既蔬菜甜味所有餸都好出色！牛腩相當入味同淋身🤤牛筋炆得好軟滑 食落有滿滿既骨膠原感~滑牛肉份量比得好足！另外牛脷都勁大塊😍 食落又好彈牙油酥餅都好正🫶🏻 食落煙煙韌韌用嚟點咖喱食一流！餐廳除左咖喱出色 其他菜式都好多人叫我地就試左呢個🐷🐷🐷惹爆蔥油豬扒茄子煎太陽蛋飯 $56🐷🐷🐷份量勁驚人！咁大碟都只係$56佢個蔥油勁香😍 而且仲有啲炸洋蔥粒粒配埋食好惹味🤤豬扒厚得嚟好嫩滑 茄子都好好味！成個飯層次勁豐富！另外仲叫左個小食🐮🐮🐮炸牛奶條 $36@4條🐮🐮🐮炸到表層好酥脆牛奶就好軟滑香甜好味！😋餐廳性價比好高！難怪咁多街坊幫襯啱哂鐘意食香口惹味菜式既食肉獸大家快啲泥試下啦！

真係…唔只食咖哩。今日入元朗追叮噹輕鐵，順便喺附近搵啲嘢食，就搵咗元朗合益路嘅”天龍咖喱”。由於午餐食得好飽，我哋只係叫咗一個主食、兩個小食、兩個飲品。主食叫咗”咖喱羊架飯”(轉酥餅)，兩個小食分別係”天龍雞皮卷”同”炸牛奶卷”。兩杯嘢飲分別係”夠薑大可樂”同”柑桔大話七”。羊架上到嚟，香草和羊的香氣沖天，直指西餐水平。咖哩原來都有一定辣度，如果唔食得辣要注意，不過佢Menu都有一部份嘅嘢食專為唔食辣嘅人而設。酥餅就正常，點呢個辣辣咖喱就相當開胃，個人認為餸飯都好唔錯。“天龍雞皮卷”，香口又有雞肉嘅豐富味道，最重要係唔肥膩，今次同行人士就算怕雞皮都食咗好多件😂。“炸牛奶卷”係一個surprise，原來甜甜地嘅牛奶產品襯上咖喱係可以有好大反差，好襯好夾。最後兩杯嘢飲都幾特別，係真係有薑同柑桔嘅味道，用嚟解咖喱辣都有效果。不過要提嘅係杯嘢飲嚟到要先攪勻佢，否則飲到底嗰陣會好甜。食咖喱本來消費就唔高，但肉類如羊架做得好好，根本可以當成另一個主菜，同咖喱分開享受。餐廳有紙巾提供，就算覺得辣都可以慢慢呻鼻😂。