天龍咖喱

營業中

休息中

係元朗行行吓街，突然比呢間紅綠色嘅門口吸引住！原來係食咖哩嘅🍛餐廳，好耐冇食過咖喱啦，決定要入去試吓😋話明叫『天龍咖喱』，緊係要食招牌嘅「咖喱」啦！🍽️咖喱吉列豬扒飯呢排吉列豬扒絕對係真材實料呀！食落啖啖肉，用麵包糠炸過嘅吉列豬扒食落去好好鬆脆同香口！食吉列豬扒最驚佢太厚粉，而呢間豬扒嘅粉層就啱啱好，食咗半塊已經好滿足😌加埋個咖喱汁簡直係絕配！不過個咖喱係分開上，唔使怕咖喱會令豬扒浸到好腍，唔會影響口感😆另外仲加咗塊酥油薄餅點咖喱汁食，薄餅唔會好韌同厚身，香口又唔會好油膩😋🍽️惹爆蔥油三黃雞飯食落啲雞肉好滑又厚肉，雞肉嫩滑且唔會好嚡身！加埋啲炒過嘅香蔥配埋落啲雞到一齊食，蔥香味好濃郁，送飯一流呀👍🏻🍽️特級花枝丸花枝丸炸到好金黃香脆，雖然係花枝丸係炸出嚟，但食落又唔會覺得好油！花枝丸面頭仲會灑上椒鹽，配埋個泰式辣醬，食落好滋味😋🍽️雞皮餃子呢款雞皮餃子絕對要再encore，都係第一次食用雞皮包嘅餃子🥟創意感加分💯將雞皮炸到好惹味，雞皮嘅煙靭配餃子足料嘅餡肉，食落有外脆內軟嘅口感，令到層次感好豐富😆🥤椰子冰椰子冰飲落好清新同香甜，就算啲冰融哂都唔會影響到椰子冰嘅甜度同口感！食完咖喱配返杯椰子冰，

其實好少特登去食咖喱，但元朗呢間就唔同呀。佢除左食咖喱，亦都有唔辣嘅野食，同埋佢D小食都吸引架!惹爆蔥油三黃雞飯 HK$64雞味幾香，肉都好瘦，蔥香味濃。咖喱生煎肉餅飯 HK$57佢個咖喱非常自家製，見到係勁重料。落左好多洋蔥，好有質感的。辣度都算有D辣，不過好香好好食。然後個肉餅超有份量呀!!自家製肉咬口好，佢係先煎左再放落咖哩度，味道咸度都剛剛好，岩我口味。加HK$23可轉3塊薄餅，薄餅又係好有份量，大塊又厚，其實食一塊都已經夠。孜然羊架 HK$78估唔到小食都做得出色，羊架肉非常滑，孜然味都配搭得好好。天龍雞皮卷 HK$42呢個都係考功夫嘅小食，雞皮再包住卷左嘅雞肉，外脆內嫩呀。蜂蜜生薑茶 +HK$8青檸柑桔蜜 +HK$8熱飲都非常濃，冇偷工減料。

今日有啲口痕想食咖哩，咁啱經過開元朗就上網睇吓邊間好食啦！咁啱見到有人大贊呢間咖喱！於是就決定一試！舖頭係一啲小店嚟，但裝修加埋顏色都幾盞鬼，見到舖頭都好用，俾心機喺廣告設計度。講返食物先，我哋嗌咗兩個主食加兩個小食！天龍咖喱🍛1️⃣ 金牌牛魔王咖喱牛大四囍飯($114): 嗰份量係非常之多，留意返我哋已經係叫咗少飯。牛大四喜飯入邊應該有齊咗唔同嘅牛嘅部分，另外仲配埋薄餅添。⭐️個薄餅送上嚟嘅時候仲熱辣辣⭐️😍 ，證明佢真係即叫即整唔係一早整定搞到凍晒！2️⃣ 咖喱大蝦飯 ($78) : 同樣個咖喱份量都係好多，個黑雖然係焗嘅，但係一啲都唔乾身3️⃣ 天龍雞皮卷($42): 個雞皮卷令我幾有驚喜，因為雞皮好嫩滑，然後外層就脆脆地，配埋辣醬就簡直一流！4️⃣ 香芋魚肉餅 ($38): 個魚肉味幾香

已經唔係第一次食依間咖哩, 以往要食巴基斯坦咖哩要去佐敦, 所以間唔中去開元朗都會想幫襯下😝『咖哩吉列豬扒飯』HK$58咖哩照樣有好多香料同配料煮到爛哂, 形成個咖哩汁, 撈飯一流💪🏻吉列豬扒好厚好厚, 又夠間肥, 完全唔乾🩶咖哩汁分開上, 完成冇影響吉列炸皮口感🫶🏻『香煎牛仔骨太陽蛋飯』HK$79牛仔骨煎完夠哂香, 份量超多, 食唔哂😂配太陽蛋蛋汁食好正☀️跟餐加凍飲HK$6，加特飲HK$10『香酥雞』HK$38 『蔬菜蝦卷』HK$38兩款都炸到好香口, 點個泰式辣醬最襯✨雞同蝦卷以小塊上好啱share 食💫°°°°°°°°°°°°°°°°°°°°°°°°°°°°°°天龍咖喱 @curryten_📍元朗合益路17-53號合益中心地下23號舖#MrsLong #hk #Longs #influencer #香港美食 #餐廳推介 #hkfoodie #假日好去處 #香港探店 #foodieshk #hkigfood #tasteofhk #hkfoodlovers #天龍咖哩

我今日去元朗辦事，順道約同好友去位於元朗合益路17-53號合益中心地下23號的天龍咖喱食午餐，環境舒適 ，坐得舒服。我點左惹爆蔥油三黃雞飯$64，好友點左香煎牛仔骨太陽蛋飯$79，小食係蔬果蝦卷$38，孜然羊架（2件）$78，餐飲係熱檸檬茶和西洋菜蜜（跟餐＋3）。三黃雞的雞味濃郁，肉質嫩滑；牛仔骨煎得表面香脆而肉質嫩滑有咬囗；蝦卷好味，加甜酸醬更惹味；孜然羊架煎得好靚，看見都流口水，好味又好食！熱檸檬茶和西洋菜蜜是這餐後的最佳拍檔。

食過返尋味🍛之前食過天龍嘅咖哩，有別一般茶餐廳咖哩的確係有種會掛住又想食嘅感覺🤤餐牌除咗有咖喱飯之外，仲有各款小食仲有下午茶餐，價錢都好貼地🍛咖哩羊架飯好好味！一大碗咖喱份量十足，咖喱加入洋蔥碎、紅蘿蔔粒炒，味道比港式咖哩磚更惹味微辣帶甜味，相信甜味係出至洋蔥同紅蘿蔔3件羊架厚肉唔算好肥，幾香孜然味好香口羊肉沾入咖哩湯更加滋味😌😛🍛咖喱滑牛肉飯加配太陽蛋一大碗咖哩滑牛囉飯出開上大大件滑牛肉掛汁同洋蔥碎等配料牛肉鮮嫩唔鞋口，口感軟腍將咖喱滑牛肉同太陽蛋拌飯，非常開胃😜小食推介雞皮餃子🥟用雞皮包住豬肉餡炸香，口感香脆多汁～香酥雞外皮香脆，同台式香香雞粒相若，好香口！叫埋杯凍檸樂至爽🍛

專門去新界個邊行下街，呢邊既餐廳物價唔高，抵玩抵食🫰🏻簡左一陣，最後都係去呢間天龍咖喱食牛，之前食過呢間牛腩好出名👍🏻金牌牛魔王咖喱牛大四囍飯 $114果然係牛魔王，咖喱辣度剛好，夠矖大份，同朋友食飯不妨都可以試下呢個，值得比個like🫶🏻生煎厚切牛脷飯 $58係厚切牛脷啊哈利，生煎又會有另一番風味，肉質鮮嫩，食落口又唔會太油🤠羊架 $78呢度既羊架唔錯，羊的肉味非常濃郁而且羊羶味唔算太重☺️蔬菜蝦卷 $38作為前菜都幾正，炸得比較脆之餘，蔬菜入面又會有濃濃的蝦味🤗奶茶 $12咸檸碧 $25飲品方面分別點左杯奶茶同咸檸碧，比較正既當然係咸檸碧啦，有點咸，而且不只一點，太棒了👍🏻好味指數：9/10性價比指數：8/10餐廳名稱：天龍咖喱餐廳地址：元朗合益路17-53號合益中心地下23號舖電話：70743234

元朗咖哩地標🍛今日放工又去飯堂，貪佢大碟好味又抵食！好彩今日早黎唔駛點排，餐廳都有唔小識途老馬開緊餐！餐廳跟以往一樣都是特式裝修，今次叫了咖哩牛三寶和煎羊架咖哩牛三寶正宗咖喱加上牛肉、牛脷、牛根腩...青椒、紅椒和土豆等成分製作而成，並配以濃郁的咖哩。咖喱系師傅自己用佢嘅獨特秘方烹調而成，同出邊食嘅系完全不同感覺！我仲另外叫咗一份薄餅，可以點著咖哩吃...超級惹味！難怪可以喺元朗那麼多多餐廳裡面仍然屹立不倒多時！煎羊架新鮮嘅羊架，經過醃制之後再煎熟，香脆之余又有非常豐富的肉汁！好羊的必要吃！

元朗必食惹味咖喱飯餐廳既特別之處係咖喱個做法係跟巴基斯坦的，為了附合番香港既口味所以整得冇甘辣，等大家容易入口。金牌牛魔王咖喱牛大四囍飯$118牛魔王有牛脷、牛肉、牛腩、牛筋～依個餐仲會附油酥餅2塊哦～成件事非常足料又大份堅抵食呀！咖喱羊架飯$107羊架非常肥美嫩口，食落不會太過羶勁邪惡呀～咖喱中有薯仔，口感偏向杰身質地既咖喱，撈飯食簡直一流呀～追加左小食薄餅～天龍雞皮卷(2條)$44🐰同朋友追加左一人一條，外表非常脆皮可口，內在多肉juice～叫左2杯飲品分別係傷檸樂同埋柑桔大話七有助降低燥火及咽喉腫痛，非常潤喉～

第一次去食咖哩牛脷飯覺得幾好，但今次食左大四囍飯個人覺得中伏，好似變左湯咖哩。中意食湯咖哩既人可以一試。咖喱味極淡，如果想食咖哩既人唔好order呢款。每款餸都係得一舊，性價比較低。呢個價錢去其他餐廳食會開心啲。佢以前食落係滿滿洋蔥底既咖哩，香料味十足，而今次幫趁就缺乏香料既刺激，得返咖哩粉同埋少量洋蔥碎。本來覺得天龍咖哩係同區少有既誠意咖哩店，但估唔到水準保持唔到，可以預見將來未必做得住。而肉餅煎得香脆、調味可口，但份量太少，大概三塊小圓餅，食唔飽。特飲比普通汽水多一粒話梅，飲唔出太大分別⋯可能叫返普通汽水較抵。

卡佬有日話好想食咖哩做老婆的我一定陪他吃過夠吧～大仔介紹我們兩老到他學校附近的一間咖哩店 @天龍咖喱 試試他說這裡是他與同學仔們的飯堂❤️金牌牛魔王咖喱牛大四囍飯➡️有超厚嘅牛舌、又林又入味牛腩和牛筋、還有爽滑牛肉➡️咖哩汁帶點點辛辣，還有好多洋蔥配料，薯仔夠粉夠入味，撈飯或配烤餅都一樣美味，阿仔竟然無介紹錯❤️惹爆蔥油豬扒茄子熟蛋飯➡️厚厚大大塊豬扒煎得夠香口而肉質爽口➡️大大碟的碟頭飯，除了豬扒，還有茄子和蛋，好豐富（可選太陽蛋或熟蛋）➡️還配上香爆的蔥油，卡卡我成碟飯都食得完，不過如果可以再加蔥油就更好❤️蔬菜蝦卷➡️蝦滑加入切碎的蔬菜，再炸成蝦卷，夠香口，配上甜甜辣辣雞醬，很惹味❤️孜然羊架(2件）➡️太愛孜然味😍羊架必配，烤羊架肉質嫩滑無渣，烤得好好，夠乾身而不失肉汁，讚，但如果價錢相宜一些，必然會再下單🤭❤️蜂蜜柚子茶➡️味道ok的蜂蜜柚子茶，不太甜膩，是我杯茶喔～❤️青檸柑桔蜜➡️卡佬讚清新香甜青檸柑桔蜜剛好為重口味的咖哩解膩📍天龍咖喱元朗合益路17-53號合益中心地下23號舖

餐廳搶眼顏色的門面門口寫著經典語錄的招牌，主打巴基斯坦咖喱，有多款辣和不辣的選擇。金牌牛魔王咖喱牛大四囍飯（附油酥餅兩塊）牛大四包括厚切爽口牛舌、軟腍牛腩、嫩滑牛肉和豐富膠質的牛筋。份量夠大大份，配有飯有油酥餅。咖喱雞扒飯香煎雞扒大大件，但肉質有點乾身。咖喱加入了蕃茄、洋蔥、紅蘿蔔粒再煮成溶，口感濃稠，拌飯一流。天龍雞皮卷雞皮夠薄微脆，包裹著嫩滑多汁的雞肉。蔬菜蝦卷明顯地火候太大，導致蝦卷偏老偏硬。

今日終於去咗港巴咖喱世一🍛🤭，我爸爸成日經過話呢度個外牆藍色好型😎， 所以今日約埋佢一齊食個午餐😉呢度啲咖喱好出名因為唔同平時喺街度食嗰啲椰汁咖喱太普通， 佢呢度似係印巴咖喱🍛， 因為冇咁多嘢椰汁所以唔會太甜好香嘅香料味🤩而且比我見到佢哋餐牌裏面有雞皮餃子🥟， 呢個簡直係生酮&低碳人士嘅恩物，我下次會叫埋佢哋個雞皮卷😜因為今日真係食唔到太多因為佢哋份量好足夠😁鍾意食咖喱嘅朋友真係唔可以錯過呢間真係好好食值得推介🥳🥳🥳佢哋嘅生煎肉餅飯都係一絕😉🤘🏻

終於黎左試區內幾出名既咖哩！叫左咖喱牛腩牛筋飯（追加厚切牛脷，+$15）叫埋熱奶茶，total $80最正係牛脷，見到在場好多枱客都有叫，超好食！煎到外面微脆，入面好軟淋，係我喺香港食過最好食既牛脷！牛腩份量超多，大大舊有7塊，但唔知點解食唔到牛筋，但牛腩本身個肉質都唔錯，都煮得夠淋，呢度唔會煮到太淋，牛腩嗰層筋膜食落仲係有咬口。咖喱好足料，每啖都有洋蔥蕃茄碎，味道香濃又有蔬菜既清新感覺，味道係唔錯，唔係好辣，但個人偏好椰奶味重嗰種港式咖喱，所以冇話特別好鍾意呢個咖喱。整體以個肉份量+味道黎講，80蚊係幾抵食！牛脷係必試！個咖喱味道ok，但相比起個牛脷略顯普通，會再黎，下次試埋佢個招牌雞皮卷！

朋友介紹元朗有間港式咖哩做得幾出色，今日中午飯市時間，不乏附近街坊光顧，一入到去已經聞到濃濃咖哩香氣今次叫左咖喱牛腩飯，一上餐就已經聞到好香既咖哩味，可以清楚見到用左大量洋蔥粒，撲鼻咖喱香，食落濃郁卻不油膩，辣味緩緩滲出，伴帶孜然、茴香的餘韻在口中。崩沙腩半筋半肉，軟綿鬆化，一咬即開，肉汁脂香兼備，配咖喱好惹味另外咖哩香煎青衣柳飯，魚柳厚厚三大塊，咖哩汁你另外上，青衣魚柳肉質更彈牙、嫩滑見到天龍小食都幾多選擇，蔬菜蝦卷都係唔錯選擇，香蔥帶出鮮蝦和花枝的鮮甜，炸至金黃味美📍天龍咖哩元朗合益路17-53號合益中心地下23號舖