天龍咖喱

營業中

休息中

餐廳位於元朗合益路，鋪面雖然唔大但企理舒服，店員老闆態度十分友善，聽聞咖哩特別出色特意一試。咖哩吉列豬扒飯（$58）吉列豬扒份量超大塊，足足有我塊面咁大，而且外身炸得金黃香脆，惹味十足。咖哩汁十分獨特，充滿港式風格，唔會太辣但同時亦更加香濃，此外仲有一些沙律菜伴碟。生煎肉餅飯（$55）肉餅雖然係三小塊，用料有豬肉及馬蹄等，食落爽口彈牙，而且肉餅兩面有特意煎過，食落十分脆口焦香。雞皮餃子（$38）餃子不是用一般麵粉製成既餃子皮，而是用了雞皮作為外皮，雞油香味濃郁，餃子皮香脆可口，餡料有肉和菜，非常飽滿。蔬菜蝦卷（$38）以蔬菜和蝦滑造成既蝦卷，口感煙韌，沾上甜酸汁更加美味可口。凍檸樂咖哩配可樂可謂係完美配搭。紅豆冰紅豆冰嘅紅豆非常之多，而且甜甜糯糯。椰汁香甜軟滑，用料十足。