影片
更多
2021-11-01
543 瀏覽
今日好傖促咁去元朗做Gym，運動前食返個飯，見佢樓下開左間新店，價錢又唔太貴就即刻試下先。開頭見到佢用外賣碗比客堂食，個感覺好糟糕，不過大隻靚仔店員定老闆好有禮貌咁主動解釋試業未ready好餐具所以先用膠兜，咁就算啦😮💨我叫左咖喱牛筋腩$5x 凍檸茶好似加$3開頭見到兜野都幾失望，好似好細兜咁，但撈起d料原來好多牛腩同牛筋，都算唔錯牛筋好驚喜，超腍，腍到好似食緊肥膏咁😹😹😹 如果彈牙返少少會好d牛腩部份都唔錯，好腍，無渣，唔會咬到成口痴哂牙，半肥瘦嘅腩肉，好食！咖哩汁食得出落左好多香料，仲有落足蕃茄+月桂葉+香草，總之就好香！不過佢唔算係我食過最好食嘅咖哩，但我覺得都有70分。朋友叫左咖哩肉餅，我覺得肉餅好鬼肥。好多肥豬肉，但份量都多，有3大塊厚肉餅，還不錯！（圖中朋友已經食左一塊）今次太隨便影得好馬虎，但都想讚下佢地嘅服務態度，唔錯，保持落去繼續努力呀！
開頭見到佢用外賣碗比客堂食，個感覺好糟糕，不過大隻靚仔店員定老闆好有禮貌咁主動解釋試業未ready好餐具所以先用膠兜，咁就算啦😮💨
我叫左咖喱牛筋腩$5x 凍檸茶好似加$3
開頭見到兜野都幾失望，好似好細兜咁，但撈起d料原來好多牛腩同牛筋，都算唔錯
牛筋好驚喜，超腍，腍到好似食緊肥膏咁😹😹😹 如果彈牙返少少會好d
牛腩部份都唔錯，好腍，無渣，唔會咬到成口痴哂牙，半肥瘦嘅腩肉，好食！
咖哩汁食得出落左好多香料，仲有落足蕃茄+月桂葉+香草，總之就好香！
不過佢唔算係我食過最好食嘅咖哩，但我覺得都有70分。
朋友叫左咖哩肉餅，我覺得肉餅好鬼肥。好多肥豬肉，但份量都多，有3大塊厚肉餅，還不錯！（圖中朋友已經食左一塊）
今次太隨便影得好馬虎，但都想讚下佢地嘅服務態度，唔錯，保持落去繼續努力呀！
張貼
