天龍咖喱

營業中

休息中

天龍主打咖喱，都有少少頹飯格式，見到Menu上嘅咖喱飯，只可以加錢轉配薄餅，但我又想食麵，即管多口問問，不得不提老闆嘅細心同貼心，佢即刻介紹其實可以轉烏冬或者出前一丁，仲可以選擇湯麵或者撈麵，因為老闆認為咖喱始終都係配白飯最好食，所以就無特登將轉麵寫出嚟，原來係hidden menu嚟㗎，大家想食麵就要出聲問喇。#咖喱吉列豬扒撈出前一丁 $58吉列豬扒新鮮炸起熱辣辣，都好大塊，薄薄蘸上撈咗香料嘅麵包糠炸，唔油膩。豬扒唔算厚身，但都唔會炸到乾晒，依然有肉汁。出前一丁唔使另外加錢。成碗咖喱汁奉上，我就直接將丁麵浸落碗咖喱汁度撈嚟食，唔止係咖喱撈丁咁簡單，直頭變咗咖喱濃湯丁，最後成碗咖喱汁都食晒，絕對有下次。#咖喱牛腩飯 $58咖喱汁用咗爆多洋蔥去煮，好有洋蔥嘅甜味，食到好多唔同香料嘅層次。咖喱汁辣度剛好，唔會話辣到食唔到其他味道，客人可另外要求加辣。牛腩大大舊，啖啖肉，份量都唔少，同薯仔一樣炆得腍，好入味。真係學老闆話事齋，其實咖喱汁撈飯先係最正嘅配搭。#天龍咖喱地址：元朗合益路17-53號合益中心地下23號舖

講到元朗食咖喱，好多人都諗到咖喱xx，但個間店真係大不如前。是日想去超市買啲野，發現左天龍咖喱，下午時段入面都坐滿人，應該係好野黎喎，試下佢先。咖喱都好多配搭，唔想食咖喱都有其他口味揀，仲有下午茶餐同唔少小食，正喎😋🐏咖喱羊架飯🍚 + 傷檸樂🍋叫左羊架飯，唔係度度有得食，試下特別啲嘅先🤤羊架有三支骨，份量十足呢，仲係即叫即煎，上枱時真係超香，熱辣辣香噴噴超吸引，見到都流晒口水。羊架仲係厚切，啖啖肉，啲脂肪位煎到甘香，咬落啲油脂回甘超正呀😍咖喱係分開上碟的，用左超多料黎煮咁喎，見到有粒粒洋蔥，仲有入晒味嘅薯仔，好好味啊。個人覺得唔夠辣，店家話可以加辣㗎，加完後好正，又辣又香，淨係咖喱汁都可以食兩大碗飯🤤見餐牌有樣飲品叫傷檸樂，原來係檸檬加鹹檸嘅可樂，又叫龍鳳可樂（？）😆橫掂本身想飲檸樂，咁就試下呢個傷檸樂啦。又鹹又酸再加上冰凍可樂，勁正，配咖喱又啱口味👏天龍咖喱啲咖喱真係好好味，有新咖喱據點了，想食咖喱可以黎天龍啦。

🔅因為住元朗，筆者食過幾次天龍咖哩，響好多平台都見到讚佢地個咖哩好得！今次終於寫返個食評推介比大家！佢位於又新街街尾。👨🏽‍🍳佢地個咖喱同出面唔同，係巴基斯坦🇵🇰咖喱，加左好多洋蔥粒🧅同蕃茄，問左年青老闆，因為傳統巴基斯坦咖喱味道太濃太strong, 我地香港人未必接受到，所以佢改良左變返岩香港人口味，吸引好多回頭客返黎再食。🍛咖喱吉列豬扒飯$58咖喱味香濃，落左好多種香料，加上啖啖洋蔥粒，有口感亦非常好餸飯！吉列豬扒炸得新鮮香脆，咬落去啖啖肉，炸粉亦唔會過厚👍🏼飯粒亦都是長條形印度香米。🍕加配薄餅+$9相信好多為食家都會叫多份薄餅點咖哩汁黎食！😋筆者都唔例外，除左香飯之外，用薄餅食又係另一種風味。🍖天龍雞皮卷$42每次去都必食雞皮卷，亦都係店內大熱小食，炸雞皮包住嫩雞肉，外脆內軟，砌成小粒，再沾上泰式酸甜醬，非常美味！大力推薦！🥟店主仲話下次可以試下食雞肉餃子，下次回訪再食～店員都好nice, 大家入黎元朗都不妨過黎試下天龍咖喱。

呢間咖哩開左差唔多年半 離遠就見到大大個招牌由元朗站行過去好方便~而且係食巴基斯坦咖喱 幾特別原來係洋蔥比較多既咖喱 也唔算好辣 (下次可以叫加辣)幾細心 食唔食到辣都可以享受到嘛😆.🔸金牌牛魔王咖喱牛大四囍 $112選擇困難又樣樣都想食既我揀左個巨大的餐 sorry我走左飯🤣 因為唔想浪費呢個餐本身跟飯+兩塊酥油薄餅 的確大份量~而佢d咖喱真係有一粒粒洋蔥粒煮出黎 好足料食得出百分百用香料咖喱粉煮牛大四囍係有: 牛腩, 牛舌, 牛筋, 牛肉醃肉既方法係用蔬菜汁 食落感覺更健康.🔸咖喱吉列豬扒飯 $58個吉列豬扒係酥脆既外皮 肉質juicy而且又係巨大份量食呢間要有心理準備飽到抱住個肚走因為佢d咖喱係越食越開胃😂.🔸天龍雞皮卷 $42招牌雞皮卷 外脆中間多汁🔸雞皮餃子 $38起初以為用雞皮會好油膩食落一d都唔油 餃子仲有好多材料.🔸凍檸碧 $10🔸傷檸樂 $13不能抗拒的咸檸+檸檬組合😉.📍天龍咖喱📌元朗合益路17-53號合益中心地下23號舖

已經回訪過好多次嘅天龍咖喱 終於的起心肝記錄吓 聽佢個名 以為係老店 但其實係由後生仔打理嘅咖喱店同其他咖喱唔同 呢到嘅咖喱佈滿洋蔥蓉每一啖汁都有 味道好適合香港人唔會太辣🍂咖喱牛腩飯-份量唔會過多 牛肉算多 可惜嘅係叫牛腩都係會比埋牛筋-薯仔好入味 如果多2-3嚿會開心啲🍂咖喱生煎肉餅飯-肉餅係厚身嘅 鬆軟 唔會好實 而且俾成3塊 都算多🍂薄餅 (叫咖喱飯可加$9 多一塊薄餅)-唔會太油 🍂紅豆冰 (跟餐加$10)-紅豆唔會過甜 軟硬適中 而且有碎冰 咬紅豆時會咬到冰粒 多重口感💡會繼續回訪嘅小餐廳 覺得個男侍應態度100分❤️反而個女侍應就好似我地食飯欠左佢咁🥲

雖然係街坊但我一直好少留意呢條街直至最近見谷友提過呢間嘅咖哩今日先知原來好多fans，未停過排隊同出外賣首先我好respect佢個名叫咖哩而佢又真係主打咖哩目測全場食客都食緊咖哩😂（餐廳有少量非咖哩食物嘅）我哋梗係跟隊食咖哩啦！🍛咖哩吉烈魚柳飯咖哩汁分開上，無論係汁定條魚定係飯個份量都真係完全冇欺場😂佬飯size咖哩汁，我都唔知用個汁字啱唔啱因為佢其實幾杰身，見到入面有啲蔬菜蓉食落有啲爽爽口感嘅原來係洋蔥碎所以我覺得用中文嘅「辣」形容唔貼切佢哋呢隻咖哩係spicy但唔係hot食落係多香料，著重調味如果想食辣，可能要自己另加辣椒油了下午茶時段有tea set🍜咖哩撈烏冬，可揀一餸，我揀左雞扒雞扒大塊㗎，啖啖肉咖哩汁夠撈曬成個烏冬而且個汁一樣有比薯仔㗎煮到勁淋勁入味👍個烏冬都ok，係彈牙嘅，冇煮到一pat小食而炸物為主街坊大推嘅牛肉薯餅，係日式korokke所以唔好expect入面有牛味😂日式係creamy忌廉狀另外叫咗個芋頭魚餅同蔬菜蝦卷額外有甜酸醬同沙律醬但我會沾埋啲咖哩😆估唔到嘅係佢哋個水吧都幾得杯奶茶真心拍得住茶記！等我仲以為呢度得可樂七喜添🙈小店數埋大概坐得20人但店員服務好好，

【天龍咖喱🍛】睇完YouTube嘅Flat Out 地板油(前蘋果日報員工講車經嘅Channel) 介紹呢間嘅咖喱同牛肉薯餅，又見大牌檔2.0呢度有谷友提過佢哋，前兩日咁啱經過，於是就入去試吓~ 佢哋嘅孜然羊架燒得好香、軟熟多汁，個咖喱唔係一般嘅茶餐廳或者泰式咖喱，係比較有原始香料同原材料嘅味道、接近南亞特色嘅咖喱，如地板油介紹，薯餅配咖喱汁係好夾、好美味嘅，而奶醬酪餅就比一般嘅奶醬多或者夾餅有層次，另外仲有試咗佢哋嘅特飲嘅椰子冰同柚子梳打，都好好味，有機會大家都可以試吓😋😋💛💛

嚟到sell咖喱嘅餐廳，對咖喱當然有啲期望，豬扒雞扒都嗌咗份試試，但係個咖喱汁都幾令人失望。。簡單嚟講，就係冇乜咖喱味，同埋有啲浠，似羅宋湯咁雞扒冇乜特別，反而豬扒有驚喜，大份同香口我加6蚊多隻蛋，望落好似滿足啲

天龍咖哩 (元朗）📍地址：元朗合益路17-53號合益中心地下23號鋪=================今日同朋友黎到元朗西鐵站附近，見到呢間餐廳個招牌幾靚，幾有玩味感，加上我地都好耐冇食過咖哩，於是就入去試試佢。😍其實天龍咖哩已經在元朗開店差唔多一年半, 餐廳招牌就係正宗巴基斯坦咖哩，洋蔥會比其他國家咖哩多，絕對唔係咖喱磚開出嚟，而係用咖喱粉煮出嚟🤩真係誠意之作‼️咖喱味道相當唔錯， 再配上薄餅真係好夾好美味。❤️我地叫左咖喱吉列豬扒同咖喱牛腩各一，吉列豬扒大大塊，外脆內軟，d 豬肉仲係好juicy。 牛腩方面，配咖哩本身已經係天作之合，呢度d 牛腩份量好多，絕對足料，值得推介。小食方面，我地叫左牛肉薯餅+炸雞塊，我同朋友都覺得個薯餅好出色，好鬆軟，下次可以再叫其他野😛

作為一名健身教練，黎到元朗上堂，行哂成條合益路都諗唔到食乜，最後決定都係 #天龍咖哩今次就試吓佢哋歌咖喱豬扒飯同埋牛肉薯餅大家都見到啲塊有骨大豬扒煎到金黃色、啖啖肉，有呀媽煎豬排果種味度！咖喱汁我就另外加咗辣油（個辣油有料到！），應該屬於中辣，問返老闆先知，個辣油都係自家制，唔怪得有種獨特既味道！！！！牛肉薯餅新鮮即炸外脆內軟，味道非常特別，想更滋味一定要加埋咖哩一齊食！#Curryten_天龍咖哩

作為一名健身教練，黎到元朗上堂，緊係要試吓元朗最出名既 #天龍咖哩 大家睇睇個咖喱汁幾足料！由幾十種香料煮成，淨係個汁已經可以餸到3碗飯！再睇埋塊雞排，每份都係即煎，皮脆肉嫩！追加一隻太陽蛋都係$6！！！最令我意想不到既係有雞皮餃子！餃子外皮係用原塊雞皮包，煎香後果陣雞油味真係令我食慾大增！另外一提，老闆話佢地個辣汁係自加制，辣味有別於其他餐廳，如果食自辣既朋友可以另試辣汁

三長水遠入嚟元朗，當然要試下呢間咖喱店啦！加上小弟鍾意食咖喱，呢間一定走唔甩🍲🍲咖喱牛脷飯+薄餅 🍛🐮 （$59+$9）難得有舖頭煮咖喱會落超多洋蔥，勁惹味再整塊薄餅點下啲咖喱汁撈埋啲洋蔥一齊食，正~！！牛脷唔會太難入口，幾淋，唔錯👍👍但如果薯仔可以整多一兩食就最好😆😆傷檸樂 （+$13）🍋🍋飲完會好傷心嘅檸樂😆😆唔係，係檸檬+咸柑桔+可樂天龍雞皮卷 （$42）🐔🐔餐廳嘅招牌菜，雞皮卷住雞肉，然後攞去炸，外脆內軟，點啲泰式雞醬，推薦~！！雖然鋪頭細小，地方狹窄，但食物質素都可以👍👍可以再食

天龍咖哩位於又新街盡頭 如果有打算入元朗搵食嘅人應該都聽過又新街鋪頭細細 唔太起眼 裝修有啲似新派茶記 叫外賣嘅人較堂食嘅多其實之前就已經食過一次外賣咖哩吉列魚柳飯今次就試下個咖哩牛脷（熱飲+$3 凍飲+$6）食咖哩點少得薄餅 梗係要加塊黎試下咖哩係印度/巴基斯坦嘅咖哩 有大量嘅洋蔥粒辣度接近唔辣 有得另外叫加辣 味道控制得幾好 唔會太鹹 而且幾香 入面有幾舊細薯仔 好入味 碗仔細細原來入面都有3大塊牛脷 算係對得住個價錢 牛脷都夠淋 唯獨係根部有小小柴 可以接受👍🏻薄餅表面平平無奇 食落又幾鬆軟 有驚喜就咁點咖哩已經好好味 夾埋牛脷一齊食直頭覺得幸福絕對係必叫順帶一提 小食方面有得叫薄餅連咖哩 唔一定要叫咖哩飯另外我地仲叫左個蔥油雞飯呢個就比較失色雖然蔥油真係又香又好味但三黃雞食落無嘜特別佢唔會好鞋 但又未列好滑蔥油味較重亦唔太食到雞味感覺有啲似食緊燒味檔切雞飯份量唔少 但燒味切雞黎講元朗有太多平靚正之選總括而言本人都係比較推薦食咖哩👍🏻另外提一提 外賣平台自取有折 如果叫外賣可以考慮一吓🙊

咖哩試食老公話最近見到呢間天龍咖哩有啲好評喎所以就嚟試吓喇茄子雞扒蛋飯原先個名係超長架雞扒幾好食又夠滑茄子同蛋一般原先諗住茄子會唔會係成條呢不過呢碟賣相都ok啲汁撈埋啲飯仲好好味咖啡牛筋腩飯對於一個唔食辣嘅我嚟講係一啲都唔辣我個人鐘意食牛筋同薯仔薯仔仲好好味最失望係呢個印度薄餅下面嗰塊仲要係偏生口感同味道都一般總括嚟講可以接受我個人比較少食呢類食物所以都好難作比較但如果有朋友話想試嘅都可以再嚟食吓

元朗開左天龍咖哩，本身小編唔算對咖哩好有興趣～呢都想一試😎 呢日就買左外賣番去同家姐share~不得不提收銀哥哥同其他店員都好禮貌😚🍛 咖哩牛脷飯 $59小編係超中意食牛脷，呢度既牛脷又厚又淋又夠牛味，有成4大塊😱😱 真係超正！咖哩仲配埋薯仔一齊煮，都煮得超淋超入味😳講番咖哩，唔辣既，食得出超濃～唔食點評，就係好有咖哩味😁🫓 薄餅 $9（加配）食咖哩點可以冇薄餅！小編都加點左一塊，好香脆😄😄😄 都幾大塊下～點咖哩汁食，絕配🥰 一定要加一塊呀！單點可能都覺得少貴，但絕對物超所值🥰兩個女仔細胃啲仲可以share tim😚