天晴日本料理 (已結業)

係灣仔red mr 唱完卡啦ok,大家決定食d野，無意中發現左呢間天晴日本料理，門面好闊落，裝潢非常雅緻，唔會坐到好逼。入到去老闆娘都好熱情咁介紹有咩當季好食，等我地可以試到最新鮮食物☺仲送上一盒自家製既泡菜比韓國泡菜唔同既係偏蒜香味重，唔算好食得辣既我都好中意彷彿魚未接觸過既一種魚，名字好特別配上芥辣醬汁，更帶出佢既鮮味，係新鮮從日本送來，非常值得一試吞拿魚腩厚切既吞拿魚腩，油脂滿滿，入到口油脂化開非常正柚子松露帶子加左左柚子更帶出松露帶子既味道，多左份清新感，醬汁滿滿的，旦唔會漏，中間食左先知道係士多啤梨既薄切，美觀又好食環境衛生，服務都好周到，每樣食物都會講解返，下次會再同朋友去食

天晴門外有椅子提供食客坐坐, 呼吸一下, 日式風格, 讚, 而坐下後都不會有擁擠的感覺, 坐得舒服, 食得都開心前菜叫左份牛油果蕃茄沙律, 我本身都好中意食牛油果，面頭加上魚籽多左份口感咬口，醬汁亦好配合炸天婦羅手卷, 趁紫菜仲保有脆度的時候，趕緊咬一口, 脆口既感覺良好, 裡面包的米飯份量不少，口感札實，炸蝦天婦羅及炸蔬菜也很搭, 無需多餘既配料既手卷已經好夠味新鮮龍蝦拆肉, 燒好後切成薄塊上碟，加上紅卜卜閃亮的龍蝦殼做點綴，單是造型就攞足滿分, 鮮香味道傳來，令人更開胃肉質爽脆鮮甜之餘，啖啖肉好好吃

忙過頭，朋友約既飯局終於可以赴約了。我地就揀左港島既日本餐廳，就灣仔上班既朋友。外面睇都幾有日本feel！太累了，吾想揀食啲咩！就同朋友們點左兩個春既套餐（$328）再點其他野食。三文魚沙律清新既開頭，蟹籽卜卜脆增添左口感！刺身四點幾新鮮同埋厚切！帶子夠鮮甜～軟殼蟹手卷　炸到夠脆身，食落吾油膩！如果加啲沙律醬就更perfect鐵板燒比目魚　幾鐘意依個魚，啲骨都算大條！外皮煎到脆，入面魚肉好鮮嫩！串燒牛肋骨　好香牛味帶嚼勁，但又吾會嚡！海鮮泡菜鍋，勁大一個鍋，仲有成大個魚頭砍件！近魚眼位好多膠質，好滑好嫩！燒手羽　最正係佢攤開左個雞翼去燒，甘就易食啲~日式炒飯 炒得好香，粒粒分明！抹茶雪糕奶味比較重，但都可一解抹茶癮既。整體泥講依個套餐都幾抵食，特別係個鍋，２人份已經好多料！

灣仔區一向不乏美食，但呢間日本料理食物高質夠高之外，服務仲而好好真係好難得。踏入初春，餐廳推出嘅春日套餐就當然要食啦。首先嚟到三文魚沙津，新鮮爽脆嘅沙津菜配上惹味醬汁固然好食，加上肥美嘅三文魚同埋脆卜卜嘅蟹籽，滿足度更高! 而刺身同樣出色，三文魚魚香味道豐盛，而帶子夠厚身，食到嘅係濃郁嘅海鮮味，半點雪藏味都無，抵讚。接著嘅軟殼蟹手卷，軟殼蟹炸得金黃，肉身都夠厚，所以食落質感都夠豐盛。鐵板燒比目魚，魚身結實，燒汁調得夠晒惹味，所以又係另一出色之作。燒牛肋骨同燒雞翼就啱晒中意食香口食物嘅朋友，牛肋骨比一般嘅燒牛嘅味道更香濃，質感更有咬口! 燒雞翼肉嫩多汁，其實真係好想食多幾隻!海鮮泡菜鍋聽個名好似好辣咁，但其實係鮮甜味更濃，原因係用料夠多，黃芽白、三文魚、紫菜共冶一爐，所以一定係令人滿足。雪糕甜品唔係坊間普遍嘅出品，而係真材實料，紅豆味雪糕會的確食得到紅豆，奶味又充足，所以真係大滿足。

無論晴天陰天雨天, 美食都是不可或缺, 就如無論開心苦惱煩悶空虛, 我們都需要美食去陪伴, 錦上添花或雪中送炭, 同樣重要。 今天晚上毛毛細雨, 跟朋友來到天晴日本料理, 天氣不似預期, 但要吃美食的心, 是不可更改的。走到這才發現, 原來之前的納思比沒有了, 變了天晴, 座落於灣仔旺中帶靜的街道, 不是那麼起眼。  店舖走的是簡約日式風格, 走道寬闊, 座位有一定空間, 店員亦招乎周到, 可以很舒服的吃日本料理。 牛油果蕃茄沙律$75未食已聞到沙律醋醬的酸味好突出, 致口水直流, 果然醬料頗足, 沙律菜很清新爽口, 味道夠酸很開胃, 加上蟹籽粒粒增添口感, 話說今天本來也突然想吃牛油果, 能馬上在晚上就吃到, 軟潤香滑透出堅果香味的牛油果, 十分滿足。 炒枝豆$68枝豆從來都是簡單煮熟當冷盤, 沒什麼調味, 這裡卻很有創意的用來炒, 勇於嘗試, 枝豆炒得蒜香濃濃, 帶少少辣, 非常惹味, 令人吃不停口呢! 泡菜$50這是自家製的泡菜, 可能是日式吧, 沒有韓國泡菜的辛辣, 也沒有很多辣醬, 反而是清清的樣子, 一咬下去口感清爽脆, 酸中有蒜香, 也是一個必選的餐前小吃! 彷彿魚

昨夜天氣突然變得潮濕下微雨~和同事路經見到有間日本料理「天晴」。。。正好為我們放晴門面光鮮整體環境乾淨，空間感十足！而且又有包箱房間私隱度十足。叫左枝朝日啤酒夠哂凍透心凉。三文魚皮手卷比較特別，三文魚皮新鮮炸起非常香脆口感一流~再加上紫菜亦都非常脆更帶出層次感，最重要係唔會食到油膩感覺~抵讚活赤貝刺身~非常非常鮮味~入口爽甜！帶輕輕既海水鮮味非常推介彷彿魚刺身~第一次食呢款魚~店員推介話係新鮮飛機貨價錢又唔貴，咁大碟都係$180,薄切每片厚度剛好~先唔蘸附設醬汁，味道鮮甜唔濃味~再食塊蘸上芥辣酸汁~又另一番風味！個汁唔會辣但係會令條魚鮮味更提升超好味帆立貝壽司~超級厚切~入口軟綿綿細緻香滑再叫左份鐵板燒活龍蝦~已經拆哂肉~啖啖肉感覺好正~有d忌廉汁配上煙肉！令龍蝦更出口感質感爽彈~

今日去左灣仔,搵左間餐廳食日本野晚餐有套餐,都可以散叫我地叫左個2人餐, 包埋甜品有9道菜沙律幾新鮮, 蕃茄幾甜什錦刺身質素一般,唔夠新鮮海膽手卷夠足料,可以再鮮味d鰻魚肉質有d淋, 蒲燒汁香濃, 味道唔錯佃權燒好彈牙, 燒汁好香好惹味海鮮泡菜湯份量超大, 2個人食唔晒. 原隻三文魚頭, 材料幾豐富鐵板燒牛肉新鮮熱辣. 入面有細蔥花, 好香口. 牛肉味都幾濃郁烏冬有d普通炒飯係鐵板炒, 夠火喉, 好味甜品係抹茶雪糕, 抹茶味唔算重, 但都唔錯

曾經經過天晴日本料理數次，總覺得這裏店面神秘又帶點高雅。於是這天便決定相約朋友一同前來一探究竟。這裏可以吃鐵板燒或一般的日本料理，我們選擇了後者。除了可以吃不同價錢的晚市套餐外，還可以單點。最後我們還是決定單點，這樣可以確保每一樣食物都是我們想試試的。點菜後，先來一份前菜。蟹子沙律和麵豉青瓜。麵豉青瓜味道頗爲特別，清新得來又帶點鹹香。海膽壽司這裏的海膽的確非常新鮮，鮮甜無比，完全沒有一絲的腥臭味，而且口感creamy，美味極了。三文魚腩刺身，油甘魚刺身，赤貝，牡丹蝦同樣也是相當高質的刺身，十分新鮮。尤其是三文魚腩和油甘魚，新鮮又肥美，師傅還厚切，油脂豐腴，魚香十足。牡丹蝦新鮮爽口，非常清甜，而赤貝則很爽脆可口。炒秋葵以牛油和蒜蓉炒過的秋葵特別惹味，比起鹽燒秋葵味道更爲豐富。燒牛舌這裏的牛舌肉質十分爽脆，一點也不會靭，而且牛味十足，也燒得外脆帶肉汁。清酒煮蜆十分足料的清酒煮蜆，清酒分量慷慨，每一口都是清酒清甜的酒味，每隻蜆也很飽滿，而且鮮甜無比，蜆的精華都滲透進湯中。湯底蘊含蜆的鮮甜味道和清酒的酒香，令人忍不住一喝再喝。最後來一份燒菠蘿。賣相已經很吸引的燒菠蘿。燒過後的菠蘿更加清甜多汁，

今日我又黎食，真係愛上食食食，今日記得影相啦，上次因為見到都想食，所以食先過相機，今日我就食左呢四款，大家可以睇一睇相片，多數睇完就忍唔住要即刻去，記得去時要打電話去訂位，因為今日去都已經滿左啦，好彩我又訂位。

第一次跟朋友黎食，第一次就愛上，呢到環境好，價錢又唔貴，食品又好食同新鮮，服務又好，呢到食品比得上其他高級日本料理，最緊要我地次次黎埋單，人人都係比300有找，因為太好食，無影到相，食先過相機，大家中意食日本料理真係要黎天晴日本料理

朋友屋企新居入伙，我同另一個朋友去灣仔買燈飾做入伙禮物，買完之後決定在灣仔搵食，見到謝斐道有一間日本料理，於是行入去試吓！呢度食物嘅種類有好多，如果有選擇困難症可以試吓套餐，我地今次就決定散叫試吓先！芥辣八爪魚小小攻鼻嘅Wasabi配合鮮甜嘅八爪魚，口感彈牙，呢個前菜唔錯！刺身我哋分別點左六款刺身，全部都勁新鮮，質素唔錯！三文魚魚腩刺身，魚腩很肥美！珍寶帶子刺身，粒帶子真係好，大可以切成幾份，入口很鮮甜！油甘魚刺身清新彈牙，劍魚腩刺身魚味重，油脂可口。灸燒左口魚裙邊壽司燒過嘅左口魚裙邊香噴噴，裙邊嘅口感軟滑，魚油浸在飯粒中，令人回味！牛油果軟殼蟹卷飯粒的硬度適中，入面嘅軟殻蟹脆卜卜，卷物都非常出色！牛舌最怕吃到很「鞋」的牛舌，這裏的燒牛舌很彈牙，一點也不韌，有黑椒粒調味，很惹味！煙肉蠔卷出面嘅煙肉燒到好脆，再配合入面軟綿綿嘅蠔，估唔到係咁夾嘅！燒大蝦大蝦真的輸不了，超大隻之餘仲好彈牙！入面仲有蝦膏！當晚隔離嗰枱客人講原來佢午餐都喺度食，因為呢度嘅質素太好，所以佢夜晚都帶咗朋友來試吓，可以見到呢間小店嘅食物係好出色，下次一定會再幫襯！

今日又到每月一度的公司同事生日飯局。由於生日同事喜歡日本菜，所以一行人決定到灣仔試試日本鐵板燒。天晴位置不大起眼而且不近地鐵站，所以我地都行左成3個字先搵到目的地。我地全部都叫左鐵板燒套餐b ,除了其中一個叫了極上刺身定食由於沒有直接食只能從外觀評分味道：不適用外觀：7/10（冰底有d溶）分量：8/10 （每款刺身都厚切）因為我地人數多所以可以入包房，鐵板燒的其中一個賣點，即場見師傅功架可惜不是日本藉師傅（唔知佢地有冇）個師傅充滿香港特色，目無表情的埋頭苦'炒'。前菜有沙律，燉蛋，湯不過不失第一樣是燒蝦同帶子燒蝦味道：6/10（冇乜蝦味）外觀：2/10（竟然可以甩左個蝦頭）份量：7/10（有兩隻）燒帶子味道：3/10（真係同食擦膠冇分別）外觀：1/10（小弟真係見識少，殻同帶子分開上...即係一個殼樣既盛器⋯⋯）份量：5/10炒野菜味道：5/10外觀：6/10份量：7/10燒牛柳粒味道：5/10（有牛味但燒耐左，比較'老'）外觀：7/10（靚仔）份量：7/10（都有七八粒）朂後是炒飯，亦是我覺得最奇怪的一味我會將個動作稱為'翻熱之前炒定的炒飯'個飯竟然已經一早炒定，並不是既場用白飯炒的

本身請了半天假下午要到灣仔辦證件，之後約了住在灣仔的朋友吃晚飯，他說他的家附近有一間日本料理很不錯，是位於謝斐道的天晴日本料理。可以看到師傅在製作壽司！先點了一些前菜。蟹子沙律，蟹子卜卜聲，青瓜絲很爽甜，味道很清新。我們點了一些刺身，刺身都十分新鮮！三文魚魚腩刺身，魚腩很肥美！特別喜歡珍寶帶子刺身，真的超大粒，而且很鮮甜！油甘魚和劍魚腩刺身都好鮮，不會有渣和筋。螢光魷魚仔第一次吃螢光魷魚仔，沒有大魷魚的韌度，卻多了鮮味，一口一隻！牛油果軟殼蟹卷軟綿綿的牛油果，超香脆的軟殻蟹，份量也不少！牛油炒秋葵我好喜歡吃秋葵，一端上台已經感受到牛油香氣噗鼻而來，爽脆的秋葵，炒得剛好，不會有草青味又不會過老，讚！煙肉蠔卷煙肉的油香混入了蠔中，外層燒得甘香，蠔還是軟軟的，完全不腥，層次感豐富！日本蕃薯對於喜歡吃蕃薯的朋友，一定愛吃這個，竟然可以燒到有點焦糖味，外脆內軟，很好吃！柚子雪糕最後吃過甜品後就完成了滿足的一餐！食材全部都十分新鮮，值得一讚師傅的用心烹調，價錢絕對是合理，雖然位置在灣仔站和銅鑼灣站之間，要走一點點路才找到，吃到這麼好吃的一餐飯，也是絕對值得的！

之前經過天晴時，總覺得門面很神秘，看似是正宗的日本菜。是夜終於妹妹過來試試。雖然有晚午套餐，但我們都想試多些燒物，於是決定單點！先來兩客前菜- 蟹子沙律和麵豉粒青瓜。刺身四貫我們參考職員提議，最後選擇三文魚腩、油甘魚、赤貝和牡丹蝦。樣樣都新鮮，而且刺身屬厚切。三文魚腩和油甘魚同時是魚油味濃，十分肥美，令我齒頰留香，特別是三文魚均勻紋理已令人很滿足。而赤貝清甜爽脆，脆卜卜，質感不錯！而我更驚訝是牡丹蝦十分大隻，咬下去仍然彈牙，亦十分鮮甜，可見用料新鮮。海膽壽司我們另外單了一客海膽，份量適中，而海膽也清甜和creamy，屬淡口，卻不會覺腥。炒秋葵第一次食炒秋葵，嘗到牛油和蒜蓉的味道，炒香後的秋葵很惹味和香噴噴，𥚃面仍是滑嘟嘟，令我們一條接一條。燒芝士年糕芝士年糕的麻糬很滑，而熱騰騰的芝士半溢，令味道更香濃，和糯米皮混在一起，半彈牙的質感很過癮燒牛舌牛舌很厚身，而且燒至金黃脆邊，牛的香味也挺突出，最欣賞是牛舌啖啖肉，很嫩滑，不會「鞋」。燒菠蘿黃澄澄的菠蘿燒香兩邊，一咬下去便已經很多汁，而且十分香甜！燒烤後令菠蘿甜味逼出來，真是最自然的飯後甜品！整體食物質素挺好，下次要來試試包廂中廚師親自在面

要吃好的一餐，總要給個理由去說服自己去花這筆錢。慶生日、週年紀念、升職加薪......話說我已經多年想體驗鐵板燒，但一直錯過機會。眾所週知，鐵板燒絕非兩三百元吃得飽的料理，要說服自己去花這筆錢，決定不用任何理由，只為了-我想吃！要吃好西，就得找個同路人，細問識食的友人，得知灣仔一間日本料理也供應鐵板燒，友人也兩脇插刀、義不容辭陪我一嘗鐵板燒的心願。在灣仔集城會合友人，行到位於謝斐道的餐廳，也不用5分鐘。鋪頭外設有長椅，甚有日本風。入內見餐廳裝修簡約，地方闊落而舒適，燈光亦甚充足。我們表示會選擇鐵板燒料理，服務員帶我們到鐵板燒專座，坐下覺得份外舒適。打開餐牌，一般日式料理應有盡有。刺身、壽司、串燒、鍋物、燒物、炸物、海鮮、疏菜、和牛都有。當日看到有食客一行差不多二十人，大人小朋友都會有合適的料理。最後我們選擇了單點，極緻的鐵板料理正式開動！梅子立𩶘沙律，為是晚期待已久的料理kick off。𩶘魚的表面輕輕燒過，迫出魚油令沙律更可口，而且開胃的梅子醬更帶出𩶘魚的鮮味。清新而有鮮味，作為前菜絕對滿分。時令刺身四點。刺身總是日式料理的必殺技。油甘魚甘味不太重容易入口。友人曾經害怕劍魚腩的腥味，