天晴日本料理 (已結業)

This place is always bustling during lunch time so we were very happy to find a table upon arrival with no reservation. There are a range of different lunch set options, a lot of them less than HK$100 each, with fresh sushi/sashimi, udon noodles and the like. My favorite is always the avocado salad, and the tiny cups of steamed eggs with fresh seafood in them are just the best kind of comfort food. The seafood tempura are always a good choice--sizzling with oil on top, the crispy outside and the

平日放工約友人晚飯，友人帶我去彎仔天晴。餐廳地方大，座位舒服。加上平日晚上較少客人，環境安靜，最啱傾計！二人行，只點了清淡的單㸃。每様均富水準！壽司帶子和赤貝都色澤光鮮，食味鮮甜爽口，仲好似食到有海水味咁！所以話，食材新鮮已經贏了一半！天婦羅海膽蝦卷是幾新穎的配搭！將蝦天婦羅切成粒，鬆脆！伴入海膽，香濃軟滑！加埋黏糥的壽司和卜脆紫菜，整體口味豐富，味道香口，值得試吓！熱食黑松露野菌炒鮑魚片 - 這是最驚喜，最好味的菜！鮑魚切成薄片快炒，炒得剛好熟，腍得嚟帶少少爽。黑松露提昇整體香味之餘，又另鮑片更滑溜，相當好味！安格斯牛肉薄燒 - 水準之作！安格斯牛肉本身已是信心的保證。燒牛片再卷入炒香了的蔥蒜同吃，老拍檔，無械可擊！燒冬菇 - 原來我都冇諗住有乜outperformance! 我只係想食冬菇！然而，師傅在普通的冬菇串燒上加了木魚，木魚隨著升煙搖吓搖吓，冬菇都生動啲！又豐富了囗味！燒三文魚飯團 - 外表燒香的飯焦脆卜卜，飯團中心keep住軟腍腍，帶㸃㸃三文魚香（我覺得再多啲三文魚會更加好味！）令人有滿足的感覺！唔係點了好多餸，已經好飽足！店員的服務態度友善，價錢合理。可以再嚟！

尋找好味而又抵食的午餐，灣仔及銅鑼灣的駱克道同謝斐道是一個勝地。在灣仔區工作的大家，梗會間唔中來到位於這兩條又長又窄的街道，食茶仔，食西餐，食日式，食泰國菜等等等等等...當然夜晚仲有好多異國女子在街頭活動.....是日，約了胞兄午餐，因為他有灣仔北上班而需要就一就他，由他負責選近他工作地點的餐廳，而他的選擇，是這一間算是新開業的日本料理《天晴日本料理》。 這一家日本餐廳，英文的名未並不是日文發音，叫做《Crystal Sky》。通常，見到這一些日本餐廳，心中一想，一定不是日本人開，而且一定會不正宗。不過，這一個想法其實是錯的，有時候，本地師傅做出的日本菜，也是非常有水準的，此外，用英文名同用日文發音，對餐廳是否正宗，是沒有掛鉤的。 中午來發現人也很多，是在灣仔一帶食中午飯的通病。幸好，這餐廳地方大，中午沒有訂位，也不需要等太耐的位。我們兩兄弟，簡簡單單，每人一份定食最經濟及快捷。在香港工作，通常只有一小時的午餐時間，行到餐廳，排埋隊，等埋餐，真的食用的時間也許只有半小時，所以，express lunch 是很重要的。而這兒的定食，一個丼，一碗湯，及一邊香橙。 在香港的日本餐廳食

不知怎樣的 , 心情總是忐忐忑忑 , 整天坐立不安 , 可能是我踏入更年期了 , 於是太座就提議去吃日本鐵板燒解解悶 .... 這個主意也不錯 ~只不過每次我們吃鐵板燒都總是去那幾間老地方的 , 太座就認為沒有新意 , 於是就上 OpenRice app 找尋找尋 , 並揀了這家位於 灣仔謝斐道 的 天晴日本料理 ~這家 天晴日本料理 , 不論是其門面或是餐廳的裝修擺設 , 都甚具日本風情 , 氣氛舒適平和 ~Menu ~我們點了鐵板燒的二人前套餐 " 四國 " $ 880 -- " 四國 " 的食物包括 : 田園沙律、大海蝦、北海道煙肉蠔、南非活飽魚、西班牙豬鞍架、日式炒飯、炒雜菜、麵豉湯、甜品 ~田園沙律 : 蔬菜新鮮 , 配搭得宜 , 加上味道清清甜甜的沙律醬 , 似乎是好的開始 ~大海蝦、南非活飽魚 : 海蝦在鐵板炒得夠火候 , 肉質爽彈 , 鮮口惹味 ~ 南非飽魚 : 相當肉厚 , 肉質爽嫩也帶點Q韌口感 , 調味得宜 , 味道鮮美香口 ~北海道煙肉蠔 : 一碟共有四隻蠔 , 隻隻脹卜卜又肥大 , 經用鐵板炒過的煙肉和蔥花蒜碎 , 再混合起來一拼來吃 , 既惹味又不太鹹 ,

日本料理真是百吃不厭，無論是春夏秋冬，日本料理都是我的首選！通常這類型的餐廳都是單點，這裡難得有套餐，對於不想用腦的朋友，實在是不費任何功夫就能下單！夏天，當然選個名為「夏」的套餐。每人$488包括了10款食物。鹿兒島黑豚沙律用上豚肉作沙律比較少見，豚肉質感挺嫩，配上帘胡麻醬是萬無一失的。築地季節刺身四點四款刺身都很新鮮肥美，質素屬中上。帆立貝海膽花之戀大大塊的三文魚包著飯團，這個花之戀十分巨型！中間放上切成粒狀的帆立貝，與海膽撈勻，味道很鮮甜，沒有腥味。鐵板海帶香菇燒鮑魚鐵板鮑魚質感爽口，沒有難咬開的感覺。串燒蕃茄煙肉燒成熱洪洪的蕃茄，簡簡單單已經很好吃。煙肉則沒有很特別，卷著蕃茄吃幾開胃。海老天婦羅海老彈牙，體型也不小。雞翼燒得金黃香脆，內面釀了很多明太子，吃到可口的雞翼之餘，又嚐到明太子的咸香。鯛魚湯素麵這個湯魚味濃郁，個人不太好麵類，全都給友人吃。日本清酒煮蠔蠔肉粒粒肥大，咬下蠔汁溢出，很JUICY。炭火燒焦糖菠蘿我最喜愛的燒菠蘿，這裡的燒菠蘿加上焦糖來燒，味道更甜更好味。每人一球雪糕作結。

放假同肥髀去灣仔攪文件，完成順便在附近晚餐，搵咗呢間日本餐廳，去到門面好大好日式，淺木趟門布檔，入內好驚，一個客都無，店員姨姨好有禮，招呼我哋坐梳化卡位，地方好寧靜，就算店員間都唔會吵鬧，上茶之後慢慢等我睇菜單，太多嘢想食，但胃袋又細，叫咗個餐之後，再加幾款小食！食物會按次序，前菜上晒，先到熱食！幾細心！蟹籽沙律（$45）玻璃碗盛載，蟹籽放得多又卜卜脆，青瓜絲好長好爽脆清甜蟹柳絲唔多，沙律醬酸酸地開胃！唔會落太多醬蓋過食物原味！好味魷魚筒（$75）肥髀最愛，原條切圈圈上，賣相幾靚，燒得幾脆，甜豉油好夾，魷魚有咬口唔韌！好味煙肉蠔卷（$36）煙肉煎得香脆，出晒油，味道鹹香，蠔半熟唔夠嫩，有少少食金蠔嘅感覺，沙沙的一般！魚湯稻庭（$50/細）魚湯奶白色，完全無油，夠熱！好濃滑但無魚腥味！加啲脆口蔬菜絲、海帶嘅配料，烏冬彈口好味，好滑溜！正！天晴B餐（$388）田園沙律：生菜爽脆，蕃茄仔酸酸地，加麻醬沙律醬吊味，好味！大海蝦：已經分開一截截，煎得香，蝦大隻，蝦肉爽口！加少許鹽已經好夠！正！加拿大銀鱈魚：煎得魚皮香脆，魚肉好嫩滑，油香滿咀，微鹹好味！匈牙利鵝肝：鵝肝厚身，煎得香脆，熱辣辣油香滿

今晚朋友帶我到灣仔，說要吃日本料理，她昨天去日本回來，難道還未吃夠嗎？梅子立魚沙律$128一客六片的立魚沙律，淋上如啫喱狀的微啡色梅子醬，酸酸苦苦，味道特別。軟殼蟹牛油果卷$128牛油果和軟殼蟹是不敗組合，天晴的軟殼蟹蟹肉量多，鮮甜白滑，米飯較一般軟糯，較易散開，若壓實一點更好呢。三文魚鮫$38/件我最愛這個燒 三文魚鮫，三文魚厚肉量重，燒後魚香特出，魚油滑嫩，油份豐盈，正。燒牛舌$45一客兩片的牛舌，牛質爽彈，充滿嚼勁。燒大蝦$48/隻大大的蝦子，賣相不俗，只是較為味淡哦。

位於灣仔的天晴，是一間裝修舒適的日本餐廳。今天帶媽媽來到吃晩餐，常常要她等侯我吃飯，真有點不好意思呢吃日本菜必點刺身，刺身拼盤包括: 三文魚腩$25/片，油甘魚 $30/片，池魚王 $35/片，吞拿魚 $45/片，活赤貝 $45/隻。刺身色澤鮮嫩，刺身盆的冰夠凍，足以保持刺身的新鮮三文魚鮮甜腍滑，很好吃哦。油金魚魚肉扎實，囗感不俗。池魚王肉質結實，也屬鮮味。吞拿魚魚味較濃，若是拖羅則更好了，哈哈。炙燒左囗魚邊壽司$38/件最愛吃炙過的左囗魚邊壽司，魚油豐富濃鮮，啖啖油脂甘香，必點哦。燒煙肉蠔卷$36一般勻是煙肉配荔枝，首次吃煙肉配蠔，另有風味呢。柚子芝士蛋糕最後更有自家製柚子芝士蛋糕，柚子蛋糕是日本直送，除用柚子肉，更用柚子皮，微苦酸甜，是大人的味道呢

珊瑚海話好想食'餓媽卡些'，不過出面食又好貴喎。朋友介紹灣仔呢間可以自己講價錢，再由大廚發板，質素又唔錯，所以就決定今晚嚟試吓啦！我哋向店員表示大概每人$750樓下，要食到飽為止！牛油果番茄沙律 ($75)牛油果份量多，口感香滑味道帶甜，簡單清爽，色彩繽紛，作為一餐餓媽卡些嘅opening真係無錯！牡丹蝦 ($98*2=196)貴為海蝦之王，價錢當然唔失禮，好在佢個樣都唔丟臉，顏色艷紅，大大隻又肥美，肉質香甜彈牙，食完之後嘅after taste久久不散吞拿魚 ($45*2=90)其實我就鍾意食拖羅多過吞拿魚，但店員話今日嘅吞拿魚新鮮到，咁好啦！肉質鮮紅、有嚼感但唔油膩，不過我都係鍾意食油膩嘅拖羅多啲！哈哈....刺身劍魚腩 ($35*2=70)肉質細滑豐腴，逐點逐點喺舌尖上融化，食到咁上吓劍魚嗰種獨特嘅油香味慢慢滲出，好滿足！我都係鍾意滿口油嘅感覺！三文魚腩 ($25*2=50)好耐冇食過三文魚，比我想像中無咁肥美，比起頭先食嗰件劍魚腩清淡啲活赤貝 ($45)係原隻活赤貝呀，好似朵花咁吸引，刀工工整亮麗，味道鮮甜口感爽脆金時薄切 ($128)比較少食，每一片都晶薄透光，透出粉嫩肉色，

門口嘅套餐menu真係好吸引，今日去開灣仔唱k，一定要試下。簡潔嘅日式風格，座位寬敞，店員十分親切。見到A la carte 價錢都非常合理，店長又推介我地食新鮮運到的好野，我地乾脆請店長揸主意，來個大約$750 Omakase，食個有驚喜的晚餐！牛油果蕃茄沙律 $75份量頗多，沙津菜好新鮮，配上無敵芝麻醬，令人開胃嘅前菜。金時薄切 $128金時鯛魚肉晶螢剔透，魚鮮味突出，配上芥末酸汁簡直激發味蕾。口感幼嫩，油脂不多。薄切厚度一致，盡顯師傅刀功功架十足。劍魚腩 $35/片呈漂亮的淡紅色，鮮甜，可惜咬到一半有根而且比較硬。三文魚腩 $25/片、吞拿魚 $45/片 超厚切，油脂比例剛好。活赤貝 $45/隻，鮮甜爽口。最出色係牡丹蝦$98/隻，甜美細滑，綿軟中帶彈性，蝦頭更是整隻蝦的精華所在。刺身好新鮮，質素高，令人十分滿足。三文魚皮手卷 $28店長介紹哩個手卷的特別之處係三文魚皮用燒嘅方法處理，除左同油炸一樣咁脆，仲可以迫出魚油的甘香，比炸嘅更勝一籌。重點係28蚊，性價比高。醬油漬吞拿魚 $35 吞拿魚嫰滑，特別喜歡壽司飯微微嘅醋味配醬油漬。 左口魚邊 $38炙燒過嘅左口魚邊微焦，魚油甘香

天氣開始由春天步入夏天了，連天晴日本料理都推出2款關於春或夏的套餐今次跟友人點了<夏。套餐> $328/位先上鹿兒島黑豚沙律，豚肉都幾嫩腍，沙律菜都算翠綠新鮮築地季節刺身四點，三文魚厚切肥美，其他都不錯帆立貝海膽花之戀，其實都係一般花之戀再加入鮮甜帶子跟海膽提高層次，沙律醬有點多蓋過鮮味了日本清酒煮蠔，蠔身飽滿無腥，清酒湯入面仲有其它配料鐵板海帶香菇燒鮑魚，鮑魚用鐵板炒至剛熟味香，爽脆鮮甜串燒蕃茄煙肉，有蕃茄清新之餘，仲有微焦煙肉油香海老天婦羅，海老新鮮爽彈，不過粉漿有點厚燒明太子手羽，雞翼燒得外皮香脆，入面飽滿的明太子，啖啖肉好正鯛魚湯素麵，麵有點過腍了炭火燒焦糖菠蘿，最尾有薄脆焦糖包住的菠蘿，好多汁夠甜中帶微酸其實都幾抵食，一個餐有咁多款，不錯

天晴日本料理在灣仔謝斐道，距離筆者公司只是十分鐘步程。作為喜愛四出發掘新餐廳的貪食一族，竟然遺留了這間地舖日本料理，實在奇怪？！ 經典傳統的和式門面，配合簡約時尚的和式內裝，感覺舒適不拘謹。食品方面，既有新鮮的刺身壽司，亦有串燒鍋物，更有熱騰騰的鐵板燒料理，選擇多元化。 要評價一間日本料理的食材新鮮程度，刺身與壽司是最直接的選擇。最理想的安排，當然是每日從日本直送來貨，即晚享用，但礙於成本問題，不是每間料理店也能做到。與店員閒談，得知餐廳每日也會從日本限量來貨，頓時多了一份期待。因每天的來貨不同，筆者亦參考了店員的建議點選了數款是日推介。 這客自選刺身盛由四款刺身組成，分別有池魚皇腩、油甘魚腩、吞拿魚腩及牡丹蝦，全部均是筆者喜愛的款式。魚生及全部以厚切處理，賣相新鮮吸引。雖然全部選用腩肉部份，但完全沒有過肥過膩的感覺。池魚皇腩是白身魚的一員，口感爽滑清甜。油甘魚腩味道甘香，是魚味最重的代表。吞拿魚腩用上中拖羅部位，入口細嚼慢慢溶化，雖然不像大拖羅擁有突然澎湃的一刻，其細膩餘韻更為持久。牡丹蝦是蝦中之皇，只要新鮮，其爽甜食味無容置疑。 刺身講求新鮮及刀功，壽司則至少多加握飯及調味

之前和老友來过， 感覺不錯，知道最近換了新menu，所以再來嘗試。三文魚沙律： 三文魚新鮮，沙律菜加上酸酸的沙律汁还有卜卜脆的蟹籽口感不錯。刺身4點：有点大路，但新鮮。軟殼蟹手捲：軟殼蟹是我的至愛鐵板燒比目魚：魚肉嫰滑，美味，配菜的茄子和冬茹燒得好味道，尤其是冬菇非常之有冬菇味。串燒牛肋骨：牛肉燒得適中但有点躁味，但上可接受。燒雞翼：雞皮燒得剛好，外脆内嫩，最香口美味。海鮮泡菜鍋：聽個名还以好辣，：其實是材料多，黃芽白、三文魚、金菇，豆腐共冶一爐，所以鮮味。日式炒飯：粒粒分明👍 ，平常不嗜米飯的我也扒了半碗。最後是芝麻雪糕作為甜品。

獨自一個人，突然想起附近有間日本料理店，於是膽大一點去吃飯。 晚上七時到達，當時人不算多，等了一會才有人來招待。 店員領我到一角位置坐下，看完 Menu 點了一個一人前套餐。 有沙律，鐵板燒煆，燒帶子，八目魚，網燒牛肉，日式炒飯，甜品等，味道真的不錯，一個人吃已很滿足了。  店內環境很有日本風味，可惜是店員人手不夠。  往往叫人時都花頗長時間。  這點讓人有些失望。

又到月尾又要O. T.時間了，填飽肚子再努力吧！火速到公司附近的日式料理店，因有特價晚餐，算抵食。三文魚沙律份量頗多，清爽清甜的菜蔬好開胃。刺身鮮甜肥美。軟殼蟹手卷不錯，蟹炸得鬆脆。鐵板燒比目魚，魚肉質尚算嫰滑，可惜烹調的油有點油溢，店方要注意喔！串燒牛肋骨，醬汁偏甜，牛肉有躁味。燒雞翼幾香口，雞皮燒得金黃脆口。海鮮泡菜鍋惹味，有大量蔬菜，還有我最喜歡的三文魚頭，好肥美，泡菜的辛辣度不多不少，恰到好處，滋味。最後的炒飯亦是我的最愛，粒粒分明，炒得好香，如可添加就更好了....嘻嘻嘻芝麻雪糕作總結。整體來說，價錢實惠，份量頗多，服務態度好，不錯。