天山小館 (已結業)

這天雨下得有點大，和朋友經過小店來吃飯，暫避大雨，由於天雨關係，客人不多，份外寧靜。坐下不久，老闆親切地推薦了他們的招牌菜式新彊菜，雖然店裡還有川菜等看似十分吸引，但我們還是主點新彊菜。我們點了新彊手工拌麵，烤羊排和特色的手工羊肉餡餅。新彊手工拌麵配料足，賣相很吸引，朋友十分喜愛鮮艷的椒類，配料還有羊肉碎和翠玉瓜。而手工拌麵很有咬口，感覺像平時食的蘭州刀削麵，個汁底香濃惹味，整碟很快地讓我們一掃而空。烤羊排值得一推，我們點了半辣半不辣，看似平平無奇，以為會很乾硬，原來肉汁仍然被鎖住，帶點原汁原味的羊肉油香，不會羶，而辣味配上孜然粉，味道恰到好處。還有特色的手工羊肉餡餅，我們點了半份，初嘗餡餅找回在東北旅遊的感覺，想起以包餅為主食的東北人，一口咬入餡餅，就像直率的東北人一樣，肉汁湧出。而餅的表皮仍然香脆，就算我們聊了很久，餅仍然保持溫熱。下次會再來一嘗其他的菜式，這間的新彊味道確是很地道，在港島想吃新彊菜，還真是一個好選擇。

呢間天山小館係我同我男朋友好中意去既餐廳雖然餐廳裝潢好似好普通既茶餐廳咁，但其實呢間係難得一間好既新疆菜餐廳。首先係羊肉餃子，佢既餃子每隻都好大粒，一咬落去d肉汁真係會濺出泥！好似食小籠包咁，羊肉但唔會有羶味，我地每次黎都會叫。第二樣菜我地每次都會叫既係新彊手工拌麵，呢個真係無得輸，其實佢好足料，有羊肉、翠肉瓜、青椒、蕃茄、佢個汁有少少辣幾惹味，個麵麵身好彈牙，大家泥既話一定要試呢個。最後個炒豬頸肉，普普通通，炒得幾好，不過佢唔特別值得推介。

唔係好食魚, 出街食飯不外乎豬牛雞, 無乜新意. 今晚決定上Openrice 發掘下新嘢!! 終於搵到豬牛雞外的選擇,  一於新疆全羊宴. 由於未試過新彊菜又怕唔知叫乜, 本來都驚驚哋. 去到門口發覺貼滿相片, 可以睇圖; 仲有雜誌介紹過,  當然一試啦! 牆身繼續係圖文並茂介紹不同食物. 除咗新彊菜, 仲有廣東同四川菜. 今次當然係主力新彊菜啦!!! 先來一個半份嘅羊肉餡餅. 好香, 好明顯係即炸嘅!熱辣辣! 羊肉又香又多汁! 外脆內軟!!羊肉串, 又係即叫即整!! $20串, 可以叫唔辣, 大中小辣! 羊肉外滿滿孜然粉, 又好睇又好食!大大口食落去, 滿口羊味!! 手工拌麵, 亦可唔辣, 大中小辣!分量十足, 材料有羊肉外, 仲有翠肉瓜蕃茄辣椒. 麵條有D似刀削麵, 人手拉切出來的!有口感, 夠惹味.一邊食羊, 一邊飲埋冰凍嘅洛神花茶. 酸酸甜甜, 既開胃又解辣!! 食飽行出去, 仲係滿滿羊肉味

天山森仔今日無帶lunch反公司食。所以同同事出街食😂 因為e期大家都想食平dd，所以我地去左類似茶餐廳既進食。天山環境好似一般新式茶餐廳，都幾光猛同乾淨。e擺位，就似足翠華餐廳。位置亦算坐得舒適。由於今餐太多人食坐一張長枱，所以其他人既食物影唔到。只有我所叫既羊肉酸辣米線🍜。不過，e個米線真係好出色！先講羊肉，佢切成細粒，讓羊味深深落入湯中。同埋，每一粒羊肉亦滿有羊味同嫩滑！仲要佢可以比你選擇辣度，喜歡辣既森仔選左大辣！👍🏼真係辣得幾正😆而個份量亦都好足，令我好飽飽👍🏼👍🏼👍🏼正正子😉😉😉

下雨天黎到天后覓食，天后一向好多美食，香港食新疆菜既地方唔多，而我亦未食過，所有今日就黎到天山小館初嚐新疆菜。呢間餐廳除左有新疆菜之外，仲有川菜同埋粵菜。店內環境光猛，牆上有好多菜式照片可以參考，坐位闊落，坐得舒適。一坐低店員就即刻奉上熱茶。係我地睇緊menu既時候，老闆娘好熱情咁走黎同我地簡單介紹店內既菜式，亦推薦左幾款新疆菜式。menu內既菜式除左多元化，仲有好多選擇。最後我地叫左烤羊肉串、新疆手工拌面、水煮龍躉球、半份羊肉餡餅。男友本來想叫多個白飯，但老闆娘好友善咁提醒我地拌面都好飽肚，可以唔洗白飯都夠飽，建議我地真係唔夠食先再加單！呢樣野幾好，唔會由得我地係咁叫，叫完食唔曬又會做成浪費！烤羊肉串（＄20/串）烤羊肉串一叫係4串起，份量夠大，每塊肉都好大塊，用鐵枝串住，面頭佈滿孜然粉同辣椒粉。食落羊肉味足、唔騷、羊肉烤得好軟、重口味既我覺得可以鹹小小。羊肉餡餅（半份）＄50半份羊肉餡餅有兩個，一人一個岩岩好。餡餅外表炸得金黃色，咬第一淡好酥脆，而且唔油膩。食到有羊肉既時候有驚喜，好多汁阿！一路食d汁一路滴落碟到。羊肉碎有肥有瘦，加埋洋蔥碎係入面，調味剛剛好，羊肉一樣都係唔騷，好食

天山小館 新疆新發現最近很多人都鐘情新疆西藏自由行，探索風土民情、當地特色，但動輒就要數星期什至一個月，一下子打消我這種打工仔的念頭，新疆之旅應該短時間都很難滿足，但新疆菜就一定要試試，彌補一下我的遺憾。羊肉餡餅熱騰騰新鮮即叫即炸的餡餅，外皮薄薄的，香脆可口，一咬開時熱氣溢出，濃濃的羊味湧來，羊肉肉碎握成的肉餅，非常扎實和肉味濃，肉汁亦非常多。新疆手工拌麵手工麵非常彈牙，厚厚的麵條份量相當十足，加入青椒、紅椒、辣椒和羊肉粒，醬底偏辣，經攪拌後醬汁沾滿了麵條，惹味得很！招牌陳醋咕嚕肉炸得香脆的咕嚕肉，和一般坊間的比起來的甜酸度，當中的酸度較重，相信是陳醋的由來，配料亦見到提子乾，相當特別，送白飯一流！

友人喜歡周圍去發掘不同地方的食物，他知道這裡有新疆菜，當然不會錯過啦 ^_^我覺得奇怪，為何招牌會有山的標誌，是否與附近一間登山店舖互相輝映呢 ^_<初以為似中菜小館子，原來與茶餐廳格局相似，但座位比茶餐廳更寬敞，坐得更舒適。雖然這裡有中菜，但我們專程來食新疆菜的。所以我們點了「新疆手工羊肉饀餅」、「新疆手工涼皮子」及「新疆手工伴麵」。新疆手工羊肉饀餅，店員告知可點半份 ($98 一份四個，$50 半份兩個)。正當我們猶豫一份會否太多之際，半份是很好的選擇 我們不好羊肉，但新疆菜大部份都是羊肉，所以點了這菜！幸好，羊羶味不太濃，饀餅炸得金黃香脆，餡料豐富，很有特色的小吃。新疆手工涼皮子，因為「涼」，這道菜適合夏天享用！涼皮子加了很多配料，爽口又惹味！新疆手工伴麵，麵條煙靭，配料十足！我們點了小辣，層次及色彩都很豐富！每樣新疆菜都很有特色，很有風味

成日都去銅鑼灣搵食，今日轉場黎到天后。同朋友都想食中菜，最後黎左呢間家庭式餐廳～一坐底侍應哥哥就遞上茶，招呼周到。一睇menu, 原來呢度出名新疆菜，主打羊肉菜式，可惜我地今日想食廣東菜多d，下次再食羊啦唯有～因為得兩個人ge關係，我地只係叫左一飯一麵一菜。份量幾大碟下，夠四個人食。馬拉盞炒好香，唔會好多油。呢個炒拉麵有d似干炒牛河，係換左個河粉做拉麵。好中意個麵質，食落口煙煙un un，仲落左好多芽菜同芝麻，夠香口。最後呢個蒸雞飯，好多件雞～d飯有雞油所以食飯都有雞味～最特別係佢地加左d紅米一齊蒸，夠哂健康。另外想讚下服務，侍應哥哥主動加水，老闆娘又夠哂nice！

天后一帶真的好多特色食店中菜其實也有分好多地區的菜式，而這間天山小館主打有新疆菜、川菜、廣東菜，很適合港人口味。是個適合一家人來吃晚飯的地方。各式各地的中菜，愛吃羊肉的不妨試試這裡的新疆菜，因為我不好吃羊，所以沒有點有羊肉的菜式但餐廳菜式選擇豐富，還有好多菜式想試試涼皮子酸酸辣辣好開胃，手工涼皮子充滿彈性，質感厚實，不會一夾就斷，入口亦較彈牙雞肉新鮮嫩滑，啖啖口水汁，好開胃鐵板上的啫啫煲吸收了醬料精華，令芥蘭好惹味！滿足的晚餐

最近開始對普通西餐中菜生厭，不約而同聽幾個朋友介紹有間烤羊肉新疆菜幾好食，今晚決心黎食重香料既菜式refresh下。十幾頁圖文並茂既menu有少少花多眼亂，睇左幾次都未下定主意，於是趁同行朋友遲到、阿姐埋黎斟水既空檔問下有冇好介紹。　阿姐隨口講左幾味，重點係最後佢指住羊肉餡餅話：「呢個就必食啦」，好，一於咁話。羊肉餡餅 ($50) 半份金黃香脆既外貌已經令人胃口大開，「咔嚓」一聲咬開酥皮後，肉汁應聲而出，頓時有種食緊小籠包既錯覺。 肉汁豐盈既餡料明確感覺到彈牙扎實既肉質同肉鮮味，洋蔥香而冇喧賓奪主，羊肉佔左起碼九成，真材實料。即叫即炸需時，但外皮甘香鬆脆，表面完全冇多餘油份，名不虛傳。 將碗內盛載既精華飲盡，十分滿足。新彊手抓羊排飯 ($98)超頹既賣相令我係朋友落單時面色一沉，上菜時圖與現實相符亦冇令我有一絲期望，估唔到食落好有驚喜！本來覺得手抓羊排同飯冇咩色水，感覺淡味又唔夠餸，原來飯底係用上湯煮成再撈左羊油，單獨食飯都好夠味。中式煮法當然會將羊肉煮至全熟離骨，但手抓羊排依然保持柔軟嫩滑有彈性，口感似幼嫩版既牛肋條，滑嘟嘟啖啖肉。 我其實唔太鐘意食羊，但今次竟然令我感受到傳說中食羊

作为一个地道的新疆人，是多么的想在香港这个美食天堂找到一家地道好吃的新疆餐厅。由于香港大学附近的巴依餐厅周一休业，在别人的推荐下求其次来了这家天山小馆，菜品的味道是真的不敢恭维，色泽则foodie都无法挽救。我们是将近下午6点到的这里，店里没有一个顾客，按照想念程度点了凉皮，馅饼，水饺，拌面，大盘鸡，老虎菜以及烤肉。下面来一道道说道说道。凉皮：这应该是这些菜里最好吃的了，就是面筋有点少，辣椒应该是四川的小红辣椒，没有晒干磨成辣椒面弄成辣椒油，味道还行，但是欠缺一点新疆味道。馅饼：新疆的馅饼在我的记忆里应该是蒸出来的，但这个是炸的，没有了面食的感觉，里面的馅量还可以，就是孜然味洋葱味欠缺，只能说一般般。水饺：这个是为了给孩子吃才点的，味道真的很一般，既然是羊肉水饺，那肯定得有羊肉的香和洋葱的清淡，可是完全没有感觉到。拌面：新疆拌面的配菜应该是看着让人很有食欲，番茄的味道基本都已经入在汤里，汤汁能够将面条染色。但这家清清淡淡的葫芦瓜，让人看着很没有食欲。大盘鸡：如果这能叫大盘鸡，那新疆家家户户的爸爸妈妈都能称为大厨了，要是没人告诉我这叫大盘鸡，我是不会觉得这是大盘鸡的！皮蛋面应该是大盘鸡吃

好朋友剛去了新彊, 她說可以直航烏魯木齊,  旅遊不算太遙遠！   她遊罷北疆喀納斯、吐魯番、可可托海, 乘坐越野車穿越天山峽谷, 這是旅遊新體驗, 好好玩!   她很懷念新彊菜, 所以今晚要找間新彊食店.打開 Open Rice, 看見 天山小館, 朋友回憶起天山峽谷, 就決定到此試試.   從天后地鐵站步行至水星街, 大約 7 分鐘, 位置好方便.  餐廳門面很闊, 給人印像光猛整潔.餐廳門外張貼了餐單及圖片, 主打新疆及廣東菜.  菜式吸引.並設有外賣.餐廳座位闊落, 有四人卡座, 也有長枱.   梳化座位那邊還設有大電視.  我們被安排了卡座, 既舒適又寬敞.  侍應迅速送來熱茶, 好窩心.餐廳老闆娘好落力, 可能見我們是新客人, 親自送來餐單, 並介紹此店的招牌菜. 餐單彩頁印刷, 圖片設計清晰.  價錢合理.  先看新彊菜,再看傳統廣東菜.我們先點了新疆風味小食:羊肉饀餅  $50/ 2 件 富北方風味, 饀餅比較大件, 即叫即制, 上枱熱騰騰,  表面炸得極香脆.  老闆娘提點我們要慢慢吃, 小心燙口.饀餅外皮香脆, 內包着滿滿的羊肉饀料, 混有洋蔥,  比小型的廣東點心

平時與女朋友不是吃西餐就是日本菜，實在太悶，今天就搞搞新意思，來到天后的天山小館吃新彊菜。餐牌有新彊菜、廣東小炒及川菜任君選擇，價錢不算十分便宜，但食物份量非常多，整體性價比高。招牌陳醋咕嚕肉雖然說要吃新彊菜，但都女朋友說今天不吃羊，所以叫了咕嚕肉，但卻有意外驚喜，因用上陳醋所以色澤較深，而香濃味醇，甜酸適度，外層香脆，肉質嫩滑，沒半點油膩感。金沙琵琶豆腐鹹蛋加熱融化成金黃流沙般，包裹住製作工序繁複的琵琶豆腐，一上枱鹹蛋香味四溢，按捺不住立刻往嘴裡送，一咬外皮酥脆，而內裡軟嫩，味道鹹香帶勁，層次豐富。大盤雞今天主角大盤雞的確大盤，鮮美雞件夾雜著青椒、紅椒鮮亮的色彩，軟爛薯仔的澱粉混合在湯汁中，用筷子夾起寬且薄的手拉麵條，在香濃微辣的湯汁中攪拌幾下，立刻被稠密的湯汁包圍，放到嘴裡麻辣鮮香，菜式看似簡單，但其實調味分量之間的平衡拿捏恰到好處，粗糙細膩並存。

慶祝生日飯局，大家都想吃新口味，朋友介绍，今晚就来個新疆菜，店子不是开在商業購物大街，走的是樸實路线。来到大西北，一定是食羊。新疆手抓羊：肉嫩滑吾肥腻，有羊肉味但又太羶。新疆手做羊肉饀餅：皮薄又脆，炸但又吾油，手切饀料又Juicy,邊度揾？羊肉水餃：皮薄帶靱度，饀料足又好Juicy!羊肉串燒: 火候控制刚刚好，腍而不鞋。風沙魚肝：未食過，好像是雞肝和豬肝混合體。大盤雞：味道好特别，有点似带微辣嘅葡汁。主角不是雞，而是在下面的麵條和薯仔。脆皮牛腩：脆皮燒腩就吃得多，這個是第一次，夠創意！基本上每道都做到色香味，冇得輸！

老媽今晚約了一班耆英吃盆菜賀新年，只有老爸一人留在家中.....咁得閒！？為免他太悶，我決定要他來我家修理東，修理西，其實我也是為他好，讓他不用無所事事，哈！我當然不會要他修理完便走咁不孝，必定跟他吃餐好。老爸最愛吃羊，記起前排睇食評時提及一間有新疆烤羊的小店。新疆菜！？有新意，一於齊齊去吧！店子門面挺搶眼，大大個燈光店名招牌鑲在店子正中，門口就貼滿不同款式的餸菜相片，睇落幾吸引。內裏裝潢簡約平實，環境光猛，跟一般的茶餐廳相似，但地方寬敞得多。一邊設有一排多張四人卡座，另一邊有一排泊牆的長沙發座配四人枱，而中間則有一行數張四至六人枱，兩邊通路闊落，出入方便。看看餐簿和各份餐牌，設計清晰，分有推介菜式、小食、新疆菜、川菜、廣東菜、蔬菜類、豆腐類、飯類、湯類、米線類和飲品等，選擇不少，又有特式。******************************今晚目標是羊, 在多款新疆的羊肉菜式中, 老爸看中新疆手抓羊排飯 ($98)。滿滿的米飯上放了四件羊排, 週邊伴着清甜的紅蘿蔔。每件手抓羊排 雖略為細小, 未能令人滿足, 但勝在味道美味, 令老爸吃得津津有味。每件羊排 都連帶軟骨 或骨排,