天天見麵 (已結業)

黃昏去食HK$12雲吞麵，唔算特別好。湯底：一般食完口渴雲吞：三大粒，比較碎。麵：鹼水味稍重和未完全開。都加多HK$1.-去黃根記好D^m^！

係眾多$10麵檔的冠軍....雲吞麵$12,個三粒雲吞等於第間的六粒,好多蝦.....腐乳通菜$5好鬼大碟,我對面搭檯gei姐姐見倒我碟菜自己都叫埋...其實我心想可以同佢分兩份佢俾番$2.5我仲好....因為無可能食得哂.加礶可樂總共$22,飽飽......好經濟

好

雲吞都唔洗點講,麥文記的已大不如前.論麵質,這間都不下其他貴價麵鋪,現在都很多採用大大隻雲吞作賣點,但這間的蝦會較大較爽,而麵條更是吃過之中最好的.

簡直不能相信$12可以有這麼高質素的鮮蝦雲吞麵，雖只有3粒雲吞，但這裡的雲吞比普通的大1至2倍，而且味道差不多"泊"得住「麥文記」。

>>個男待應竟然著shirt衫西褲，我懷疑>>係老細你估中左>>但賣麵唔洗著到好似返office咁掛，誇>>張左d者你都估中埋,個老細日頭的而且確要返一份OFFICE工>>Lee位人兄d服務幾好，我倆人只食二>>十蚊野都幾好招呼多謝^O^>>唯一美中不足係冇乜選擇，連水餃、>>牛腩、魚皮餃Lee d基本野都冇，希望>>第日有所改善！貴精不貴多嘛^^ 呢個係"我地"O既策略,特登唔做到咁雜,你知啦,要多款,成個太子打到去旺角...到尖沙咀,大把選擇

睇到有人讚Lee間店d野掂，今晚係附近睇完戲便去一試。估唔到成9:30p.m.去食都好多人呀，我個檯搭檯有成8個人勁迫！但d野食真係唔錯，我食$10碗鯪魚球河，三大粒鯪魚球幾彈牙，湯底唔錯，我個朋友食牛丸米，都有四粒牛丸，d麵真係同其他舖頭十幾蚊碗個d差不多，絕不將貨就價，女仔必夠飽，男仔咪加碟菜or叫雙拼lo。環境算整潔，豈碼好過好多價錢仲貴的麵檔。個男待應竟然著shirt衫西褲，我懷疑係老細，但賣麵唔洗著到好似返office咁掛，誇張左d者，Lee位人兄d服務幾好，我倆人只食二十蚊野都幾好招呼，唯一美中不足係冇乜選擇，連水餃、牛腩、魚皮餃Lee d基本野都冇，希望第日有所改善！

好食到唔停得口招牌貨,雲吞+鮻魚球就唔洗點講,好多人無留意到的是佢地D麵,好爽好彈牙,第二度真係食唔倒

我都成日去食,真係幾正,無論咩時間去都好多人,難得就係好多人既時候,佢地都好好禮貌,咁既價錢都食到咁既服務態度,真係唔錯.不過D豆漿真係麻麻啦..唔夠滑,同埋野食既款色唔夠多.同埋SHOP太細,成日都要等位.

$10 一碗麵,可能旺角有好多間, 但呢間就肯定係足料既一間, 有時叫河粉女仔黎講都食唔晒!鯪魚球麵係我既至愛, 次次黎食都叫咁制, 又大粒!豆漿反而麻麻! 不過咁平都唔care 呢d 野啦, 咁細間shop 都有獨立TOLIET 幾難得!次次去襯都多人到要搭!@仲有油菜都係45 度,佢地既芥蘭唔苦幾正, 但若叫通菜就最大碟, 勁勁勁抵食!