天天見麵 (已結業)

來這裏都會吃雲吞米或牛肉米不會選河粉因為不夠滑米粉的質感就算還好，當然如果他們能選好一點的米粉更好(個人對麵食要求挺高的．．．)雲吞很大一顆，蝦子比豬肉多，我心目中的雲吞就是這樣子了嘛~~~~牛肉也是不錯的，因為應該有用鬆肉粉，牛肉會變的鬆化不過現在價格上調了，以前只賣HKD10的雲吞麵，現在要HKD12還13了．．．．

今日補完習…經過呢間鋪~始終忍唔住口入去食飯碗雲吞河~~D湯依然係好鮮味~>/////////<雲吞又夠大粒~~不過如果可以多粒會仲好= =+有點細碗左少少~可能我自己平時都ok大食~~~SO幾乎要食兩碗先可以填得飽個肚仔呀><\"

尋晚同媽咪係度食野,我地叫左2碗水餃面,一碟芥蘭埋單$35好好味,因為都有成年無黎雖然貴左個dd,但我以後都會多d黎食架^^

以前旺角返工, Lunch 都一定去呢間食雲吞麵, 因為鍾意佢好大粒雲吞, D蝦又爽口。今日路經此店, 就再去幫襯, D雲吞依舊大大粒, 但D蝦就有問題, 好似悔悔咁, 同以前水準差好遠!老闆娘, 要注意保持水準呀!

19/5, 本來返學校取畢業證書, 不過ot得太耐, 所以去吾切. 後來約男友黎食dinner..我地無咩頭緒之下就行到此店門外...好似ok敢...因舖內好多人...所以就入去坐低左la.我地叫左以下食物: -1) 雲吞,墨丸米($18) - 雲吞好彈牙, 墨丸好爽口, 好鮮味, 好好味. 估吾到咁既地方都有敢好食既野. 不過d米粉就差d la, 無咩特別...湯底都ok , 好似無咩味精.2) 雲吞, 鯪魚球米($18) - 個鯪魚球好大粒, 仲有好香既陳皮釀入內....已經好少有架la...18雞有超水準既既output...值得一試^0^服務就無咩架la...如多人入去又無位的話, d 亞姐就會push你走...吾係幾得lor. 我地仲努力食緊既呢...!

$10 鯪魚球河好抵好抵, 都唔mind 同人坐了, 一枱 6個人, 好迫!

今日試ｏ左個鯪魚球河，ｄ鯪魚球有少少腥咁，ｄ河粉好薄身好滑。但下次都係會食返雲吞麵～５蚊碟蠔油芥蘭，次次都有叫！有葉又有'框'食，好新鮮幾大碟。４蚊杯豆漿～但感覺似街買ｄ樽裝豆漿咁。anyway 咁o既價錢已經合格有餘，而且ｄ野好快到齊。多人時可能要搭ｔable，但o黎依度總好過食街邊車仔麵啦～不妨一試。

從直通巴士站頭走過來，跟師弟找傳說中的「十蚊麵」。點了兩碗粉麵和兩碟油菜。 a. 鯪魚球米（$10）：三大粒珍寶級數的鯪魚球，味道雖然一般，但吃到有鯪魚的味道。米粉軟硬適中，較「雲吞x」少四分一。 b. 雲吞麵（$10）：雲吞亦是三大粒珍寶級數的，味道雖然一般亦唔太鮮味，以「十蚊麵」而言，算超班了！ c. 蠔油芥蘭（$5）：量不少，無渣唔老，幾好。 d. 蠔油西生菜（$5）：量偏少，灼得有點過火。整頓晚餐才十五塊，經濟抵食，有下次。有不少上班族光顧啊！男店家經常詢問店員「有冇麵未到？」一種改善效率的手法。

好耐好耐冇黎呢度食! 今次黎返係因男友失業, 唔想食得太貴, 就黎呢度!!! 唉, 我希望下次黎呢度食野,係開開心心.... 一坐底, D 阿姐已係咁問你食咩!講真咁細間舖, 真係唔洗2個阿姐坐晒係度!今次我都係叫返鯪魚球麵! 不過冇之前咁好食了??另芥蘭麻麻, 好老, 煮到有D苦, 不過咁既價! 都唔太高要求了!不過天天見麵同西門丁呢2間我都成日去架!

依家成行成市都係十蚊碗粉,想突圍唔係咁易,不過位置好,上野快,係唔同時段都有客都係一種生存手法,我同太太食LUNCH,一人一碗加碟菜唔駛三十蚊,太太一碗雲吞米,我就一碗鯪魚球麵,講真皂水幾重,但鯪魚幾有魚味,下次都係淨食好D!不過上野快,食得快,走得快(因為好逼,成日比人撞)

呢度D食物雖然選擇唔多...但係勁平...最貴果樣XXX撈麵都係$18....油菜都只係$5咋....自己一個人食左個雲吞米$12....原本想要河粉架...但係賣哂...雲吞得三粒....少左D...但係蝦好爽...其中一粒雲吞D蝦仲好鬼大隻...挑走哂蝦腸...食得放心...只可惜...都幾好味...唔錯...唔怪之得稱得上招牌菜...D米&湯冇乜味..普普通通咁....如果下次去會叫淨雲吞算...碗麵既份量算少左D...好彩之前食左D零食所以都OK....如果唔係我諗要食兩碗先夠....走果陣坐隔離果位女士碗冬菇米上檯...8掛望下...嘩...得果三片冬菇...少得可憐....

這只是一間便宜又飽肚的店子,因為鋪位太小,枱又擺得密,人客手撞手,背貼背,坐得不可能舒服,更怕給湯水燙傷,打單泡時又會隨時給阿姐請你讓坐給別的人客,以如此的食物水準,實在提不起勇氣再光顧o麵食方面,用料是新鮮的,味精也不多,但湯底不算好味,但配料選擇不多,只得數種,連牛腩,豬手等也沒有o所以不值得專程去食o

天天見麵的老闆叫我去佢間麵店試吓，我就即管去試試。去到他的麵店，好多人，不過唔駛等。店面不算大，坐得唔舒服。好在老闆唔係店面，我先可以知道真正服務係點，服務算OK，不過D阿姐有D唔醒目。麵：冇鹼水味，有彈性，過關！湯：有蝦味，味精少，過關！料：雲吞好大粒，蝦好爽，過關！不過我希望老闆自己唔好比分比自己，好唔公平！

除左招牌雲吞麵係$12 之外, 其他都係$10 碗!次次都係食鯪魚球麵, 今次就轉左食雲吞麵, 好大粒, 好新鮮... ,$5 就有一碟油菜, 抵到暈!你唸下咁細間舖, 都2個廚房, 4個阿姐, + 一個洗碗, 就知佢地幾掂啦! 不過最大問題係, 食完真係要走, 因太多客人啦!2個人都係$35 咋!

今日又係四點已可走人，下晝只係食左5蚊工場腸粉當然係唔夠飽，溜連到旺角，諗住食件臭豆腐，途經此店，見到此店，記得店主曾在Openrice留言，又去食番碗捧下場。呢度走平價路線，麵食多數十蚊，亦有部份是十二蚊的，油菜5蚊都幾大碟，怪不得非飯市人客都不少。麵碼盡以「大」為主，大粒雲吞大舊鯪魚球，一定能滿足時下不重量不重質的口味。叫左雲吞麵，雲吞幾大粒，做得麥奀記的三至四粒！內裡充斥著蝦，單食三粒雲吞都份量十足。可能係由沾仔記開始，雲吞要有大大粒又有多多蝦至合規格。望著這粒大雲吞，心裡不禁問：其實吃這粒雲吞同吃粒加大碼的蝦餃有何分別？又有沒有人知雲吞原本是怎樣的？不過唔緊要，市場需要這些，便一定多多有得供應，但個人意見是都要去吃吃正宗的雲吞麵，始終是本地特色菜之一。麵夠份量，彈牙，是略有鹼水味，不過結合價錢亦無計了。連油菜一碟，埋單17蚊，吃得飽飽的。「夠平」同「夠飽」，是此店的兩大賣點。