影片
開飯介紹
來自新加坡的天天海南雞飯，其招牌海南雞飯，雞肉皮薄肉嫩，加上以煮雞精華一同煲出的黃油飯，深受歡迎。
繼續閱讀
營業時間
今日營業
12:00 - 21:15
星期一至日
12:00 - 21:15
以上資料只供參考, 請與餐廳確認詳情
有關獎賞計劃
相關文章
同男朋友去咗Tian Tian (HK Fashion Walk) 食晚餐，今次係我哋第一次試呢間餐廳，整體感覺唔錯，值得同大家分享！ 😊 餐廳位於商場內，裝修簡約但幾有格調，坐位寬敞，雖然人多但唔會太嘈雜，適合情侶傾計 👫。 1. 天天海南雞 (中份) - $169 🐔 海南雞肉質超嫩滑，雞皮爽口，配埋三款醬汁（黑醬油、薑蓉、辣椒醬），味道層次豐富！男朋友大讚係全晚MVP 👍。 2. 黑胡椒羅氏蝦粉絲煲 - $149 蝦嘅size幾大，黑胡椒味濃郁，粉絲吸晒湯汁好入味，蝦肉都幾彈牙3. 酥炸椒鹽板豆腐 - $49 外脆內軟，椒鹽調味剛剛好，係一道唔錯嘅小食，但份量偏少，兩個人食幾啖就冇咗 😅。 4. 芒果冰沙 - $49 🥭 冰沙打得細滑，甜度適中，解膩一流！ 5. 新加坡原味豆腐花 - $22 豆腐花口感順滑，糖水唔會太甜，作為飯後甜品清清地～ 店員態度友善，上菜速度合理今次叫咗咁多嘢食，連加一後總共$503.8，以質素同份量嚟講算合理，尤其海南雞真係值得encore！ 💸 Tian Tian 嘅海南雞同粉絲煲表現出色，環境同服務都合格，適合想食新加坡菜嘅情侶或者小家庭。下次會想試吓佢哋嘅喇沙同肉骨茶！ 🌟 回頭指數：👍👍👍👍 (會再嚟食海南雞！)
繼續閱讀
銅鑼灣Fashion Walk搵好坐嘅餐廳，Food Street太多人，行下旁邊，有好多有戶外座位嘅餐廳，再行少少，竟然有一間係食海南雞，感覺非常驚喜。睇下餐牌有咩食天天海南雞 中份 $169去得呢間嘢，自然要叫海南雞。今次啲雞算滑，都好有雞味。加埋有一個濃度類似蠔油嘅豉油膏，又未必需要點醬汁。不過都試下啦！薑蓉有熟悉嘅味道；辣醬有少少酸甜不過比平時辣；豉油都係黑豉油，係鹹嘅，唔係東南亞常見嘅甜。酥炸椒鹽板豆腐 $99外脆內嫩，豆味好足，裡面又唔會太水，呢個係板豆腐先有嘅效果。就咁食已經好正，不過點汁味道更加有層次。呢個豉油，有少少美極嘅感覺，加埋蔥，所有香味都有，只係個汁真係有啲鹹，要點少啲。黃金蠔烙 $99雖然海南雞，真係要配油飯，不過之前試過，所以睇下有無其他澱粉質適合做主食。廟街嘅蠔餅最出名，不過唔會成日去。難得見到餐牌有，姑且一試。佢呢個比一般潮州式更好，一樣香脆，一樣有胡椒粉，一樣底部都無油。但呢個辣汁好出色，極少酸味，愈食愈想食。不過真係要趁熱食，凍左就腍啦！火焰石燒豬頸肉 $109將一塊熟嘅豬頸肉，現場用火槍燒香。燒嘅過程，會出油，豬頸肉會變得乾身，比直接燒好拎出來更香。想食燶啲，可以叫職員燒耐啲。就咁食，有少少燶邊，同蜜糖嘅香味，呢種港式燒烤味道已經好正。如果想有豐富多啲嘅味道，可以夾香草，或者點汁食。黑色嘅，係鹹味嘅豉油；黃色嘅，係好有花生香味嘅沙爹汁，咁就適隨尊便啦！茶位 $10*2=20一壺香片茶，算幾清香。只要飲曬，隨時有人加水。小計：$446加一：$44.6總數：$490.6
繼續閱讀
香港嘅海南雞大多都係泰式海南雞，係泰國餐廳必備嘅招牌菜式；而新加坡嘅感覺唔太多，我數得出名嘅只有三數間，而排第一嘅一定係多年人氣爆棚嘅「天天海南雞飯」，想當年登陸香港亦轟動一時，現時間唔中我都會去食一次招牌嘅海南雞飯。最近發現一個折合達67折嘅白色情人節套餐 (原價$779，現價$520)，真係幾划算，而且套餐菜品都係一般會食嘅招牌菜式，唔洗諗即刻衝!杏汁木瓜花膠燉雞湯: 睇落幾足料，木瓜味比較突出，雞味一般唔太濃，但餐前簡單飲完碗黎講，算係唔錯。水果沙律: 主為係無花果及蕃石榴加上梅子蓉，梅子味甜中帶酸，幾濃味，與生果都幾搭配。黑松露酥炸生蠔: 炸粉酥脆香口，加上黑松露增鮮，蠔肉肥美飽滿，大大隻勁厚肉，其鮮嫩多汁，蠔味仲幾濃郁!天天海南雞拼燒雞: 常溫雞件淋上熱香雞油，雞肉微暖，其肉質極為細嫩，係我食過最滑嘅海南雞，再三強調，雞油真係好香好濃郁；燒雞都係比較滑身，都係好食嘅，但就無海南雞咁獨特。雞油飯: 飯粒顆顆分明，質感唔錯，滿帶雞油香，香而不膩，係必食之選!鴛鴦菜花: 鴛鴦菜花配酥炸白飯魚，整體咸香感較重。新加坡美祿豆腐花: 雖然質感唔算太滑，但豆花味重，且美祿朱古力粉超多，正!
繼續閱讀
突然好想食下海南雞飯，好自然就諗起好有名氣嘅天天海南雞飯，一於同埋朋友黎開餐先，呢次我地叫左酥炸椒鹽板豆腐($49)、黑胡椒羅氏蝦粉絲煲($149)、天天海南雞(中份)($169)、雞油飯(碗)($23)、豆花椰奶咖啡($35)、茶位($10/位)*2先放低壺茶，飲落茶香撲鼻內裡乾淨企理，仲會見到牆嘅位置貼滿唔少名人合照，顯得人氣十足😄食物齊晒當然影返張大合照😁酥炸椒鹽板豆腐：呢個板豆腐係外脆內嫩嘅完美代表。炸到金黃香脆，入口先係酥脆嘅口感，跟住就係豆腐滑溜嘅細膩口感，再配上椒鹽嘅鹹香，再點埋醬汁黎食，簡直係小食之選😋黑胡椒羅氏蝦粉絲煲：呢道菜一上枱已經聞到濃郁嘅黑胡椒香氣，羅氏蝦大大隻，新鮮彈牙，味道鮮甜。粉絲吸晒濃濃嘅黑胡椒醬汁，夠晒惹味🤤天天海南雞(中份)：呢度嘅海南雞可以話係招牌菜，雞肉鮮嫩滑溜，雞皮啱啱好啲啲膠質，夾埋秘製醬汁，真係越食越上癮😍中份啱啱好夠兩個人分享，唔夠滿足仲可以選擇大份添😉雞油飯(碗)：配海南雞當然要加碗雞油飯啦！飯粒煮得剛好，粒粒分明，又吸晒雞油嘅香味，食落去真係無敵好味。淨係食飯都想加多一碗👍 豆花椰奶咖啡：呢杯豆花椰奶咖啡係我嘅心水推介！咖啡嘅醇香加埋椰奶嘅清甜，仲有滑嫩嘅豆花，三重口感一齊落，既特別又refreshing，絕對係一個驚喜😍呢到最出名嘅海南雞飯當然出色，但其他菜式同飲品一樣高水準，遲D有機會再約朋友食埋其他菜式先得😊補MENU
繼續閱讀
星期四晚去咗銅鑼灣一間新加坡餐廳，係米之連餐廳，聽講佢哋主打海南雞！一入到去，環境非常舒適，裝潢有少少熱帶風情，讓人有種置身新加坡嘅感覺。今日我哋叫咗海南雞、雞油飯、黃椒魷魚黃豆麵同埋海味雜菜煲。餐廳內部裝修清新，牆上有啲熱帶植物嘅裝飾，令整個環境感覺輕鬆。座位安排得幾好，雖然係繁忙嘅銅鑼灣，但入到去之後感覺唔算擠迫。服務員都幾友善，落單時非常有耐心，等食物嘅時間都唔算太長。講返主角海南雞，呢個真係必試！雞肉煮得非常嫩滑，皮薄肉多，淋上特製嘅醬汁，味道真係好正。雞肉本身已經有一種淡淡嘅香味，再加上醬汁，口感層次分明。跟住就係雞油飯，呢個飯粒粒分明，吸收咗雞油嘅香氣，食落去非常香口。飯質鬆軟，搭配海南雞一齊食，真係好搭配。再講講黃椒魷魚黃豆麵，呢個麵條煮得啱啱好，滑順有嚼勁。黃椒同魷魚搭配，味道非常特別，魷魚鮮嫩，黃椒則帶有一種微微嘅甜味，整碗麵食落去非常開胃。最後係海味雜菜煲，呢個煲入面有好多新鮮嘅海鮮同蔬菜，味道清淡又健康。海鮮新鮮，搭配住各種蔬菜，真係好適合想食得清淡嘅朋友。再加上煲嘅熱度，將所有食材嘅鮮味完全釋放出來。整體而言，呢間位於銅鑼灣嘅米之連新加坡餐廳真係一個唔錯嘅選擇，食物味道正宗，環境舒適，服務亦都幾好。
繼續閱讀