15
1
0
港鐵銅鑼灣站 C 出口, 步行約2分鐘 繼續閱讀
電話號碼
23386908
52039992
開飯介紹
以音樂作主題的美式餐廳,主打美國南部地道菜式、海鮮及燒烤。環境寬敞,場內設有打碟機及專業音響設備。 繼續閱讀
營業時間
今日營業
11:30 - 22:00
星期一至日
11:30 - 22:00
付款方式
Visa Master AlipayHK 支付寶 現金
其他資料
網上訂座
電話訂座 詳細介紹
賞訂座積分
加一服務費
當面支付
有關獎賞計劃
招牌菜
燒美國頂級肉眼牛扒 香草牛油煎牙魚 滋味烤辣雞 馬里蘭州啤酒煮蝦
食評 (18)
等級4 2021-02-21
187 瀏覽
新年流流試新店,呢度環境唔錯,店員們都好友善,好啱三五知己一齊嚟聚,聽住歌食好東西!一出𨋢就見到有個打碟位,可以俾客人影相,老闆好好人,主動問使唔使幫我哋影Caesar Salad $88羅馬生菜爽脆,脆脆麵包粒丶煙肉碎,仲有少少黑醋,開胃Fish Finger $148必試!平時香港食到嘅炸魚手指一般用鱈魚柳,但呢度用嘅魚,魚肉呈片狀,質感結實;八卦一問,原來係用一款名為Barramundi嘅魚 (google譯︰盲曹),長知識了!Carbonara $118可以揀意粉或長通粉,芝士味濃,每條意粉都掛住濃濃芝味Australian Grass Fed Beef Rib Eye $2485成熟,草飼牛嘅肉質細嫩,脂肪含量低,完全唔覺油膩,除咗濃厚嘅牛味,仲有少少炭烤味😋Fruity Blossom $68食完好東西,心情靚靚,點咗杯個名睇落都好靚嘅Mocktail,味道有啲似久違嘅Fruit Punch,偏粉紅色,加埋士多啤梨粒粒,果味提升呢度嘅食物份量好足,我哋食唔晒,又唔想浪費,唯有打包拎走啦~ 而發現佢哋係用較環保嘅可生物分解(Biodegradable)紙盒!加分 👍🏻性價比高嘅餐廳,一定會介紹朋友再嚟! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-20
108 瀏覽
好耐無嚟銅鑼灣 The L. Square 搵食,其實這幢食廈也到訪過無數次。之前來吃過台灣牛肉麵、越南湯河、粥底火鍋…等等,今次就嚟試下這間新開的美式燒烤扒房酒吧「The Musicbox Grill House & Bar 」。餐廳地方頗大,環境寬敞舒適,以音樂為主題,場內設有打碟機、混音台和專業音響設備。餐牌提供廣闊種類的燒烤美食,從主廚招牌菜,到窮孩三文治、馬里蘭州啤酒煮蝦,以至夏威夷漢堡扒蛋飯等經典美國南方地道美食,都可以係 Menu 度搵到。先嚟一客凱撒沙律 Caesar Salad ($88) 做頭盤, 材料有羅馬生菜、芝士、脆麵包粒和煙肉碎等。羅馬生菜新鮮爽脆,芝士味道夠濃亦夠咸,拌入沙律當中,更能帶出沙律菜的鮮味,食落口感好 Fresh!接著是一客前菜炸魚手指 Fish Finger ($148),嘩!估唔到個分量咁大,足夠三至四個人分享。每條魚手指都非常粗身,外層炸至脆卜卜,香口卻不油膩,魚肉結實嫩滑,配上酸酸甜甜嘅他他醬或茄汁吃,很開胃。墊底的薯條味道亦唔錯,新鮮熱辣,入口外脆內軟。主菜點左草飼澳洲肉眼牛扒 Australian Grass Fed Beef Rib Eye ($248/12oz.),肉眼扒揀左 5 成熟,牛扒口感真係一流,不但肉質嫩滑軟腍,肉味濃郁,而且肉汁也多,吃起來更帶點油脂嘅甘香。大啡菇非常 Juicy,味道絕對不遜於肉眼扒。壓尾的卡邦尼意粉 Carbonara ($118)  食味亦不俗,麵條可以自選細長圓形的長意粉、扁意粉或長通粉。Linguine 煙韌而不過腍,火候掌握得恰到好處。醬汁芝士味濃郁,口感 Creamy,加上煙肉量亦甚多,入口帶脆有鹹香。飲品點左 Fruity Blossom ($68) 同 Iced Cappuccino ($48) 各一。杯 Mocktail 用左士多啤梨同菠蘿炮製,味道酸酸甜甜,很醒胃。其實佢哋嘅 Lunch Set 都好抵食,不過就只限 Weekdays,3月12 號前幫襯有八折, 啱曬附近嘅上班族。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-17
6 瀏覽
趁新開張優惠到店一吃,慶祝情人節。The Musicbox Grill House & Bar以音樂為主題,店內配置打碟室,提供經典美國南部地道菜式,環境輕鬆自在,與傳統西餐嚴肅寂靜成鮮明對比。三四點陽光明媚之際,人潮也不見得退減,除了店內餐牌,還有節日限定套餐,建議預定座位時可詢問節日食物提前預定。Caesar Salad頗為普通的菜色,勝在生菜新鮮水潤、口感爽脆、入口清爽富水分。師傅以大量芝士粉及面包糠配搭,豐富味道層次感。Fish Finger 炸魚手指美國酒吧必備菜式,以面粉裹魚柳條再酥炸,外脆內香潤油嫩。面粉若果更薄一點會更不易飽肚,相對亦會減低酥脆口感。Australian Grass Fed Beef Rib Eye草飼澳洲肉眼牛扒草飼牛肉瘦肉比例更高,而肉眼部位相對口感會更柔軟,肉汁豐富。大啡菇菌肉大而肥厚,肉汁豐富,爽中帶軟嫩,鮮味十足。Carbonara卡邦尼意粉店內可選意粉、扁意粉及通粉,師傅再以香濃芝士及蛋黃烹調意粉,火喉控制剛剛好。意粉煙韌香口,吊掛濃稠卡邦尼汁、好味又飽肚。LatteHoney Lemonade總括來說,店舖氣氛休閑輕鬆,食物不錯,不失為朋友聚會聊天的地方。 繼續閱讀
(以上食評乃用戶個人意見 , 並不代表OpenRice之觀點。)
銅鑼灣有多楝美食大樓,今日就揀咗位於駱克道L Square嘅The Music Grill House & Bar,幫朋友慶祝生日🥳🎂:我哋一共叫咗6款主菜:◭ 卡真辣蝦 $168◭ 窮孩爆谷蝦三文治 $148◭ 炸魚薯條 $168◭ 香草牛油煎牙魚(6安士)$298◭ 滋味烤辣雞(Half)$128◭ 燒美國頂級肉眼牛扒(10安士)$398每款食物都係水準之作,款款都不錯👍🏻當中嘅卡真辣蝦,香草牛油煎牙魚同窮孩爆谷蝦三文治都係比較少見嘅菜式😍呢幾款特式主菜都煮得幾好食😋👉🏻想食特色主菜嘅朋友仔,就可以試吓呢幾款餐廳係新開張期間,每人都會送一碗龍蝦湯(連蒜蓉包)同凱撒沙律☺️👉🏻Follow 餐廳IG仲會送飲品,大家快啲趁呢段時間,過嚟試吓呢間餐廳啦🥳餐廳仲設有黑膠唱片打碟機,遲啲開返晚市堂食後,我一定會再約朋友仔嚟幫襯。聽住live band食飯,個感覺應該會同今日好唔同,期待地等待中⋯⋯😍 繼續閱讀
(以上食評乃用戶個人意見 , 並不代表OpenRice之觀點。)
過咗拜年嘅日子🤐終於有空閒時間出去行街食飯朋友話我知銅鑼灣L Square有間新餐廳~以音樂作主題的美式餐廳The Musicbox Grill House & Bar🎶🎶 上到8樓就聽到音樂播放著,氣氛放鬆。門口當眼處擺放一部DJ台~相信有live show會更有氣氛🤘🏻我們點了Caesar Salad $88 , Fish Finger $148 , Australian Grass Fed Beef Rib Eye (12oz) $248 , Carbonara $118.Caesar Salad首先端上,份量也不少。生菜爽脆,夾雜著Parmesan Cheese,麵包粒和煙肉碎。加上自製沙律醬,好開胃。Fish Finger 份量好多,像主食一般。我們都十分驚喜🤭~ Fish Finger 做得十分出色!魚種是澳洲盲曹魚柳(Barramundi),較特別。魚肉肉質結實,外脆內滑。絕對值得Encore!Carbonara 可選Spaghetti、Linguini、Penne,隨個人喜好。我們選了Spaghetti。醬汁濃稠香濃。味道較重酒香,煙肉帶鹹香。也不錯~Australian Grass Fed Beef Rib Eye ~ Medium五成熟上枱,牛味十足,有嚼口。肉汁飽滿,滑而不膩。大推! 繼續閱讀
(以上食評乃用戶個人意見 , 並不代表OpenRice之觀點。)