天天海南雞飯 (新城市廣場三期)

營業中

休息中

今日星期六好忙，加上疫情第四波開始，用咗Deliveroo叫咗外送午餐，全部都是單點，夾埋原價$212未計$20運費，但係唔知點解今日有優惠-$63.6，所以找數係$148.4加運費$20等於$168.4，感覺如下：1. 肉骨茶$148，做法是星加坡味道，即係冇乜藥材味，個湯清清地淺色，但係餐廳好有heart，應該係說左一晚撇去肥油，個湯味道好飲，雖然我比較鍾意馬來西亞的味道多一點，但各有特色！嗰碗湯有好多豆腐卜、腐竹及兩件豬肚，材料豐富！不過三條一字牌原條上，長到不得了！食的時候要用雙手揸住嚟食，我諗如果可以將佢解開一半容易食好多，但係都啖啖肉。原來這個菜式並不包括白飯，我唯有喺屋企煲咗半碗，將啲湯撈埋白飯好正！嗰個湯夠撈兩小碗白飯，等如一個大的白飯！2. 魷魚芽菜$38，由於上次食咗雞汁油好好食，所以今次試吓另一款菜，味道也非常之好，啲魷魚好靚，仲好多！因為怕膽固醇高，我只係食咗三分之一魷魚。3. 凍酸柑桔蜜$26，可能我怕甜，唔係咁鍾意，但係呢度啲飲品全部是樽裝的，每樽有兩杯，夠晒兩個人飲！我都係好鍾意上次叫嗰啲檸檬茶同奶茶，如果有少甜就好了！

沙田行街lunch hour 全部好多人，試一試天天海南雞張枱唔平衡郁嚟郁去，個櫃桶仲成日彈出嚟😅問題不大嘅，但有啲奇怪點了兩個set lunch 點可以唔試下海南雞飯？er...無乜特別，大把普通茶記都好食過佢，淋咗啲雞汁喺面，個汁都ok，但啲雞肉無咩味，難怪要淋雞汁🙈『雞好食，飯更加好食』佢門口係咁寫。。。但雞就講唔上點好食，飯就更加唔好食，我都食得好淡，但食落都無咩雞油飯嘅香味。啲醬汁杰撻撻，亦都無咩好味，雞湯主要係當水飲😑講真佢收茶位錢但水都無杯飲下，想焗我幫襯嘢飲前菜已經食咗一隻糖心蛋，個麵再有半隻，食蛋都食飽嘅節奏。麵係好似粉絲咁，但幾有咬口，問題係啲海鮮，蝦，魷魚，蜆肉，全部都係無味，食緊擦膠咁，浸喺碗辣湯𥚃面都有呢個效果真係唔簡單。有一半蜆肉仲未開殼，打開其中一隻有一大堆沙，我就真係唔敢食食餐咁嘅嘢要差唔多3舊水，實在有啲嬲，慘得過大把人等位，啲waiter仲好勤力嚟收碟🤷🏻‍♀️

行開沙田都知道某商場3期有一層開左好多餐廳，行過見到有間裝修幾突出以藍色做主色嘅餐廳，仲要成日好多人食，聽聞下新加坡米芝蓮餐廳，一於試試佢。注意，天天海南雞所有時段都有收茶位費$9每人。叫得天天海南雞，梗係要食海南雞啦！人氣招牌天天海南雞飯 例牌$158煮法完全跟足新加坡總店秘方炮製。雞肉非常嫩滑，雞皮薄，爽滑沒有脂肪，搭配左清新爽口的青瓜條係底。本身淋係面嘅醬汁比較清淡。搭配另外三款秘製醬汁：新加坡黑醬油、辣椒醬及蒜醬。個人覺得黑醬油甜甜地同雞肉更夾。辣椒醬係泰式辣醬嘅味道，好惹味。雞油飯（細）$38油飯粒粒分明，散發淡淡雞油香氣，仲要用厚實嘅砂鍋裝住，食好耐都keep 住溫熱。同海南雞係絕配。霧裡看花（咕嚕安格斯牛仔粒）$108呢個真係打卡之選。霧裡看花嘅霧嚟自乾冰，一上台就霧氣瀰漫，好似仙境咁，影相好靚。圓錐形嘅玻璃容器裝滿牛柳粒同燈籠椒，色彩鮮豔。一定要襯熱食，食到表面香脆。咕嚕醬酸酸甜甜好開胃，每粒牛柳粒都幾大下，送飯一流。比較可惜嘅係咕嚕太濃掩蓋曬牛肉味，食起身同咕嚕肉冇咩分別。黃金炸軟骨 $68呢個炸軟骨好好味！好想食多次！炸得又香又脆，而且鹹蛋黃味好濃郁，食到停唔到口！

今日朋友約咗我食飯，佢話想去一間响沙田嘅新加坡米芝蓮嘅餐廳，佢話朋友推介。門口見到雞隊長，好得意，餐廳位置同環境都幾開揚，地方乾淨，坐得闊落舒服。個餐牌成本magazine咁樣，好鬼靚。款式有好多，裏面插圖又多，見到都好吸引。花多眼亂，最後我哋都係決定叫一個二人餐，同埋叫多一個煲。呢個二人餐都幾多嘢食，頭盤係蟲草花伴(芥末蟲草花伴合掌瓜)，食落口好重麻油味，平日唔食合掌瓜嘅我都覺得d瓜好好食，瓜煮得淋，配埋有口感嘅蟲草花，簡直係健康之選，唔知點解無酸嘅感覺，但都覺得好開胃。呢個二人餐有燉湯，蜜瓜螺頭(蜜瓜瑤柱螺頭燉雞)，呢個湯飲最欣賞就係一路有火㷫住，入口每一啖都係熱嘅，啱晒近來涼涼地嘅天氣。原來蜜瓜燉出黎嘅湯味道係好特別，出奇地好飲。另外仲有螺頭，瑤柱，瘦肉同埋雞，名副其實嘅足料燉靚湯，清淡無油，原汁原味，我同朋友都勁鐘意。呢度嘅招牌菜係天天海南雞，例牌份量都幾多，d雞真係非常嫰滑，真係第一次食到。呢個雞仲有三款醬汁，無論係配鹹，配辣或疆蓉味道都好夾。如果天天都係海南雞，我諗我應該唔會厭。呢個餐仲有飯，叫做天天石鍋雞油飯。呢個油飯入口帶油香，但又唔覺得油膩，帶少少薑蓉味道，配埋海南雞

記得去星加坡旅行的時候，會特登去唐人街附近Maxwell foodcourt 找尋地道美食。其中一間好出名嘅係天天海南雞飯。剛巧沙田有呢間分店，我哋最近又去唔到旅行，就決定嚟到呢度懷念下。間店開放式，地方都幾寬敞，感覺特色。佢哋嘅餐牌都好特別，好似一本雜誌咁樣。我哋叫咗以下嘅食物：雞肉滑，醬汁都好有風味，有濃濃嘅星加坡豉油，另外有點雞嘅辣醬。呢啲醬汁攞嚟送飯都好好味。想不到咁大碗！有雞油香味，就咁食飯都滿足。我哋都好似冇食過西蘭花苗，感覺都幾特別。佢嘅口感有少少似菜心，味道係西蘭花。炒得都幾好味，有蒜蓉及銀魚仔香味。豆腐花同香港嘅好唔同，本身裏面有甜味，有啲似維他奶嘅味道，口感好細滑；加上美祿朱古力粉都幾特別。飲品好大杯！美綠同美祿粉一齊飲好得意，會有美祿粉係脆卜卜嘅感覺。另外下面嘅豆花都令到飲落去有層次。咖啡味道都幾香，唔會太過濃烈，平時好少飲咖啡嘅我哋都接受到。另外，本身入咗時佢哋會有壺茉莉花茶，都幾清新。總括來講，呢間店嘅感覺都唔錯。其實幾適合一家人一齊嚟。

天天海南雞，一早已經久仰大名，知道係新加坡過黎既過江龍，今日就去試一試啦天天海南雞飯有幾間分店，今日就黎幫襯比較近我既沙田分店，位於新城市廣場，十分方便我黎到既時間已經係晚上9點，不過都仲有吾少客人，果然超人氣餐牌厚到好似一本雜誌咁，超級多選擇，對於選擇困難既我黎講，真係十分頭痛。但店員話所有雞已經賣晒，好失望，試吾到海南雞，不過吾緊要，其他食物都好吸引呢到用既茶具好精美，而且茶香撲鼻，水滾茶靚叫左一個天天石鍋松露咸蛋雞油飯，份量十足，岩晒我呢個飯桶咸蛋整成咸蛋碎，食果時先倒落去。飯好乾身，而且粒粒分明，雞油味好香，配合埋咸蛋同松露，成個飯好滋味呢個龍王3.6勁有氣勢，食落果然好驚喜，鮮甜既龍蝦肉再加上3.6牛乳蛋白，香濃既牛乳味令龍蝦既鮮味更提升，龍蝦肉爽口彈牙，點埋個酸辣汁同樣出色，而且龍蝦已經剝好殼，岩晒懶人椰子烏雞湯，好滋補，飲落清甜，完全吾會有味精，好夠火喉呢間超人氣餐廳果然冇令人失望，下次再黎一定會試海南雞飯

位於新城市廣場第三期有多間食肆，而適合跟一家大少就選擇了有米芝蓮之稱的天天海南雞飯啦！ 茶位 HKD 18 / 2位 天天海南雞飯 HKD 158 雞隻富亮澤！ 肉質跟其他地方不同，鬆軟一點點～ 配上醬汁份外不同～ 果然米芝蓮不同凡響～ 雞油飯 (細）HKD 38 用石鍋盛載並附上木制蓋使油飯保持溫暖。 打開後香氣撲鼻傳入鼻中。 淡黃色米飯粒粒分明，入口軟硬度適中酸菜石班 HKD 128 友人愛酸又愛海鮮於是點了這道菜！ 石斑魚肉質不算太易散，酸度比辣強烈，吃不了辣也會愛上。連同魚好滋味 😋 海鮮喇沙 HKD 148 湯底有粗粉絲，青口、蝦、魷魚。湯底濃烈又鮮甜，使得粉絲被喇沙湯吸取其整精華並且掛得上👍🏼 海鮮 Size 挺大，得體！整體食物質素、服務、價錢都很貼地～ 偷閒日子過來吃頓飯也是不錯😌

終於終於我食到啦! 黎到呢度又點少得「天天海南雞」，餐廳好貼心，提供例牌和半隻供客人選擇，因為今次我地得2人所以選了例牌，但例牌份量都蠻多的!雞肉超級幼嫩超滑，配上3種不同醬料更增加風味，而我比較喜歡配甜醬油。如果配上辣醬，建議跟青瓜一起吃，帶點辣又帶點清新。海南雞的好朋友-「可石鍋雞油飯」也超讚呀!由於用石鍋盛載同有木蓋，所以保溫一流，而且雞油好香，唔經唔覺食完一碗又一碗。 除了海南雞出色之外，「鹽磚和牛」都好正，每一粒都好軟身同好香牛味，配上少少鹽，簡簡單單都好味道!同埋用埋粉紅色磚做碟子，吸精程度大增呀! 新加坡菜我另一最愛是「古法肉骨茶」，份量都超大份，肉骨茶足足有4大件肉骨，每件都好軟身，豆卜和支竹吸曬肉骨茶的精華再放入口，簡直回味無窮! 最最驚喜是「松露蝦多士」，件件都鋪滿松露醬，蝦肉份量都好多和好彈牙，每一口都可以食到蝦肉，同埋多士內有墨魚肉更加口感。 本身想試埋甜品，但因為太飽了食不下，所以留番一下次再食啦! 不得不提，餐廳座位好寬敞好舒服，同埋每一台都提供一個茶壺方便客人隨時自行添茶，而且茶好濃和好香，食完一餐咁豐富的新加坡菜再飲番杯好茶做結尾，完美!

新加坡既天天 係hawker market既平民排隊美食 開到尼香港變左高級版食肆 開左咁耐終於無咁多人等 可以試一試~辣子金玉 $58估唔到竟然有呢個小食 好驚喜!微微既辣味好惹味 即使調味偏重口味 都食得出粟米好甜海南雞(例) $158之前聽人講香港既天天海南雞貴得尼細碟但我親身食又唔係咁覺得 例牌size份量都好多 鋪滿2層去左骨 啖啖肉 未算好滑但份量對得住個價錢 2個人真係食唔哂喇沙脆腩 $158睇中文名唔知係咩 睇埋英文先知係羊肉 即刻覺得好吸引一碟切開有8件 羊肉雖然炸得較乾身但一咬落去 羊油味即刻係口腔入面爆發 超級香 好滿足☺️黃金大蝦 $128另一款好邪惡既菜式☺️☺️蛋黃既鹹香包住每隻蝦仁 蝦肉質感彈牙 食落唔油膩除左蝦肉 仲有翠玉瓜係入面 炸得好juicy 無諗到鹹蛋黃同翠玉瓜係咁夾😂最後我好勇敢地試左一個特式甜品：美祿可可粉豆腐花我frd本身叫我唔好試 覺得係伏 結果我又幾鍾意😂其實就係一小碗滑溜既豆腐花上面 加左成座山咁高既美祿可可粉出奇地夾😂 平時鍾意飲美祿恐龍既人就會明~~見到隔離枱食 龍蝦海鮮炸米飯用石鍋裝住龍蝦湯 再加炸米入去好似好正 唯有下次再try t

假期時經過，食客頗多，米芝蓮推介，餐牌吸引。就被吸引了入去。以圖中份量來說，不算便宜。但食物質素最重要，所以吃過再評論。只有▶️海南雞，飯要另外點😅😅😅真的好普通，首先海南雞口感不夠滑，很失望，調味也一般般，未達水準。油飯是好吃的，但頗貴。▶️喇沙脆腩都算好吃。人太少不要點，真的好滯。一個人平均吃兩塊已很足夠，最好3-4人才點這個。▶️松露炸🦐多士正常，但108元三塊太貴。結論是， 食物質素 普通 ，服務一般，不會再來。

放工有gathering响沙田新城市中心，去咗新加坡米芝蓮推介嘅天天海南雞飯，不過冇食海南雞，叫咗啲香口餸菜，真心值得推介🥳喇沙脆腩$158，喜出望外係羊腩，外層用薄薄嘅炸漿封住肉汁炸一炸，令食羊腩時多一種香脆口感，沾上香濃喇沙醬更顯野味，如果好似我咁鍾情羊脂香，可以留待溫度下降至室溫至食，羊香更現😋黃金蠔烙$108，讓我借用餐牌介紹「鮮味酥香，酥而不硬，脆而不軟，製作的每一步驟十分考究」，見真身時真係覺得有D硬嘅誤覺，但一咬就同佢介紹一樣酥、香、軟🤤黃金大蝦$128，一上枱好大碟，鹹蛋黃包得每一粒都好均勻，未食已經聞到好香蛋黃味，食到至知唔係粒粒都係大蝦，有少於一半係翠玉瓜，一碟有兩款食物，平衡到油膩感，不得不讚👍🏼水晶菌王$108，羊肚菌肉沫水晶粉，羊肚菌對脾、胃有好大功效，所以有菌王之稱，水晶粉煮得濕度啱啱好，羊肚菌吸晒肉沫味，而且數量唔少，食到底都仲有，羊肚菌出邊海味舖賣平均都要$200/50克，呢度咁多又洗埋煮埋加上咁好食，真係超抵🤩

說起來天天海南雞已登陸香港一年多，相信愛雞之人也早已一嘗旨味。但除了海南雞外各位還有沒有發掘到天天其他的美食呢？其實餐廳還引入許多不同的美食，今次就想跟各位介紹一下這些菜式。首先介紹返兩款精緻的前菜，就是脆爽海蟄和酒曹三寶。脆爽海蟄用料上乘，使用的不是一般常見的一條條黃色啫喱狀，而是一片片咖啡色的，爽脆很多，更混合馬蹄增加口感。另外酒曹三寶也是誠意之作，三寶就是醉雞翼、雞腳和雞腎，餐廳很體貼地把雞翼的骨都去掉，除了易吃之外更入味。主菜方面當然少不了雞，但我想介紹給各位的是相對少人提及的燒雞。天天的燒雞最好的是皮脆而不油膩，再配上獨有的醬料，比起平時的燒雞更好味，半邊燒雞暫下眼就掃光。最後的一個海南雞以外的美食是酸菜石班，一般酸菜魚只用淡水魚，我略覺魚腥味重，但換上石班就將這道菜升了幾個級，可以說是必食之選。

大家都知沙田新城市廣場好多好野食 通常都係一啲嘅西餐啦 不過呢間餐廳就係來自新加坡嘅星級餐廳 聽聞攞過米芝連獎㗎 試吓佢係咪名不虛傳咁好食先😺餐廳舖面唔算好大 但係都有好多卡位或者半卡位 都可以坐得幾舒服 一坐低店員就幫我哋斟茶 服務非常好 都幾有禮貌 而茶就係茉莉花茶 都幾香㗎🌱黃金軟骨 呢碟係鹹蛋黃雞軟骨 面頭嘅鹹蛋黃醬唔算好多 但係食落嘅鹹黃黃味都好夠 仲有好輕微嘅辣 令到成碟小食更加好食😛骨香鯧魚 呢碟好夠氣勢😻 估唔到佢份量咁多 一共有八大嚿炸鯧魚 好適合一大班人食 炸粉薄得嚟又脆 配埋上面嘅炸蒜配料 真係好脆口 真係好好食 熱辣辣又脆卜卜🙊半隻 天天文昌雞 店員介紹文昌雞嘅雞味會濃啲 又比天天海南雞抵食 所以就試一試🐓 食呢一種雞當然要配最傳統嘅三色醬啦 包括薑蓉 辣醬 同甜豉油 雞幾嫩滑 蘸醬食啱啱好😼細嘅雞油飯 用石鍋上 但唔會熱到辣嘴😺 食落口啱啱好 份量寫咗1至2人份量 兩個人食都夠嘅個人認為骨香鯧魚最有驚喜 下次再幫襯一定會再嗌🐟

一直都好期待有得食，而佢啱啱黎到個時勁多人，排好耐而放棄！今日放工去到終於吾洗等好耐啦！！！！yeah!!!!好易搵係新城市第二期，行入少少就大大隻字寫住天天海南雞🥰仲有位可以坐住等！跟住佢本menu好似本雜志好搞笑🤣有好多介紹同相！好仔細軟骨大根 $108咪睇好似好細碟！其實勁多，有成5大舊豬軟骨，同好多大根！大根入味，送飯一流！！豬軟骨吾算好冧，啲骨脆卜卜㗎！天天海南雞(例) $158好彩叫咗例咋，咁大碟！！好多雞，拆咗骨，名副其實啖啖肉！不過雞味吾算濃，都算滑嘅🤣最精彩係醬!!!好多味，有蒜油，辣醬，新加坡嘅鼔油！雞油飯(細) $38佢寫二人份量，但係我地2個每人食咗成2大碗飯，用石鍋上，所以好保溫，食到最後都吾會凍哂！！不過，略嫌雞油味吾夠重！哪吒鬧海 $148海鮮喇沙粉絲，超好食！！！成晚Highlight!!!啲粉絲吸哂喇沙湯好好味！仲要勁多海鮮，少少辣！性價比超高

性價比一啲都唔值貴丶份量又少丶又唔係好食海南雞飯丶喇沙海南雞飯啲飯，食完都仲係好肚餓大啦啦百幾蚊都唔知俾咗啲乜嘢我食。喇沙簡直不堪入目百幾蚊俾啲粉絲豆粕幾隻蜆魷魚兩隻細蝦我話過一定唔再食