天天海南雞飯 (新城市廣場三期)

營業中

休息中

位於沙田新城市的過江龍餐廳-天天海南雞飯真係超人氣，亦都獲米芝蓮推介，所以今次特登去試吓佢係咪真係咁正🥶餐廳有勁多菜式選擇天天海南雞（中份）$ 158黎得呢度點可以唔叫佢地既招牌嘅菜-海南雞食呢😍雞肉件件都好嫩滑〜雞皮好薄，食落勁有雞味，好正！配上三色醬料：薑蓉、黑醬油同秘製辣椒醬，食落更惹味😍而且啲雞差唔多全部都去哂骨，食落啖啖肉超方便，啱哂我呢啲懶人呀🤤招牌菜果然真係好有水準呀！雞油飯 $38一打開個蓋就聞到濃濃嘅油香味，仲有熱煙飄出，飯粒粒分明，份量都好大！涼拌秋茄 $38呢個涼拌小菜好出色、茄子配上特製香辣醬汁，非常惹味，而且每條都好入味！無骨鳳爪 $48估計佢係用左竹絲雞黎做的涼拌鳳爪，鳳爪食落口感夾彈，而且麻麻辣辣，好過癮☺️椰子八寶湯 $88好香椰子味，湯料超豐富，有：豬肉、栗子、龍眼肉等等，湯水燉左4個鐘，好入味，飲落好甜，一點味精都冇，勁推薦！原味小龍包/2件 $28賣相十分精緻，附上小滴管，將醋直接加入小籠包，令肉餡更原汁原味！

提早慶祝聖誕節，夜晚等左一陣間就有位啦~ 原隻波士頓龍蝦炒3.6牛乳 ($298) 🦞聖誕節梗係食好啲啦，呢道菜真係值得一試😋 龍蝦肉已經拆咗殼，非常方便，好容易食到啖啖，部分龍蝦肉炒埋3.6牛乳一齊食，食到龍蝦既鮮同牛乳既甜，非常夾👍🏼 龍蝦拌埋表面既蒜茸蔥一齊食又係另一個層次海味豆腐 ($108)💙呢道菜好精緻，由乾瑤柱，乾魷魚，蝦米，豬肉，同自家製豆腐一齊煮成，就咁食比較濃味，用黎拌飯就一流，食落有啲鹹香味。雞油飯 (1-2人份) ($38)呢個飯必食😋我地2個人食呢個份量都唔係好夠食，肚餓既建議可以叫2-3人份會比較好🙊雞油飯就咁食都十分滋味，用來拌餸仲正，粒粒分明👍🏼

The service is extremely slow from the staff, they are even busy chatting in the middle of cleaning. The food comes out very long. It took 40 mins just to get the food. And took 20 mins for ONLY RICE to come out. Very terrible service. Not recommended. Don’t even try to come during peak hours.

上個月有一天大約3:00至4:00路過看見沒有什麼人想入去試試入去的時候看到他左邊半場都有人坐的那個女服務員安排坐在電梯位置邊我太太好有禮貌地問可否坐在卡位但那個女服務員10分沒禮貌的只說了兩個字唔得之後左邊半場有人坐的地方最角角有一個位置我只是不想坐在路口那個女服務員再給我三個字唔可以還要態度10分惡劣其實你不給我坐我最多離開但最生氣的地方是為什麼態度可以這樣惡劣有點感覺就像呼喝我一樣又不是繁忙時間你店內只有三份一客人不明白你不耐煩什麼最後我是沒有光顧的但這樣的體驗已告訴我我已經不用嘗試來這個餐廳

VERY rude service, absolutely no training. half the meals didn't arrive, only 1 hour to eat. How can we eat in 1 hour with no meals?tofu dish was cold, returned, still cold. beef noodles, warm, taste like water. my whole family had to hold their hands up to get service for a full minute. it wasn't even busyabsolute joke.

秋風起，又係食蛇羹嘅好日子估唔到天天海南雞都出咗蛇羹二人餐，仲有當做既蟹粉豆苗咁不如就試吓啦每人都有一碗花膠太史蛇羹，蛇羹濃稠度啱啱好唔會太稀。而且蛇肉口感都唔錯，加上蛇羹專配嘅香料同脆塊，係兒時食蛇羹既味道配蛇羹又點少得糯米飯-蛇王芬生炒糯米飯糯米飯配上臘腸，有咸香而且不太膩更可配以蟹粉豆苗清清膩，都係唔錯嘅選擇因為豆苗味道好清新，伴以蟹粉作點綴，蟹粉味道都好突出仲有餐廳既招牌海南雞，都幾大份肉質滑嫩，點上醬汁就更惹味食完就可以暖笠笠啦

又到咗半年一度嘅購物節，經過一陣血拼之後係附近搵間餐廳食埋晚飯先返屋企，友人話好耐無食過星馬菜就揀咗「天天海南雞」作為今晚嘅晚餐👍🏻天天燒雞 💰168海南雞就食得多，「天天」嘅燒雞就第一次食，質素完全不亞於招牌海南雞，反而仲多咗一層口感，雞皮燒得非常脆，好似食薯片咁，而且完全唔會有油膩感，雞嘅脂肪亦唔多，食落去啖啖肉😋龍蝦炸米 💰198龍蝦湯以砂鍋上台可以加長保溫時間，炸米同其他材料就另外上菜，打完卡後，店員會幫你將所有材料加入龍蝦湯，炸米完全索哂龍蝦濃湯變得好有咬口，龍蝦🦞尾已經起肉切粒，加埋蝦仁、帶子為哩道菜再加添一份鮮味榴槤丸子 💰58以榴槤作餡料嘅煎堆仔，綠色嘅外皮包藏住軟綿綿嘅榴槤蓉，外脆內軟要趁熱食原味豆花 💰18豆花份量雖然唔多，但勝在豆味香濃同夠滑溜，唔使再加黃糖已經好夠味招牌超級水果茶 💰381L 咁大杯嘅水果茶，完全足夠2人分，茶底加上新鮮百香果，酸酸甜甜好醒胃😋

話說三年前去過新加坡食過天天海南雞飯，一口氣食咗兩碟，返咗香港之後一直念念不忘。知道天天海南雞喺香港開店，不過一直都冇去機會去試，期待已久今日終於可以嚟試啦😆星加坡嘅天天喺個熟食中心入面，香港呢間相反坐得舒服好多。海南雞保持到皮脆肉又滑又嫩嘅水準👍🏻啖啖肉配埋個醬汁非常好食，個雞油飯真係好正，粒粒分明有彈性，佢話凍咗可以叫店員整返熱，不過咁好食我喺佢凍之前已經食晒啦！😝小食叫咗個涼拌秋茄同梅情茄意，兩茄都超水準！茄子配埋佢個特製醬汁非常惹味🤤特別推介呢個剝皮小蕃茄！配個梅汁甜甜地好開胃。黃金雞軟骨炸得好香脆，每一粒都充滿鹹蛋黃，非常邪惡😈呢餐飯叫咗幾樣嘢食都好高質素，如果價錢可以再經濟啲就好了😂

好耐冇黎沙田，之前都會黎行下Ikea 睇下戲，今日入黎探朋友，順便食個飯，食天天都好喎，又坐得舒服。好，坐低睇吓有咩好食先。天天海南雞，呢度有得揀有骨或者無骨海南雞，分別在於有骨雞肉味重點，但我喜歡無骨啖啖肉。雞肉嫩滑，仲有三款醬汁。配雞油飯一流，都有四碗飯，扮粒煙韌彈牙。黑金叉燒，叉燒用上腩肉，所以比較肥美，我就好喜歡，加上濃郁蜜汁，正！麻辣魚皮，魚皮好爽彈，而且個麻辣汁多強勁，胃口大增。馬來風光，個通菜炒得唔錯，上面啲蝦乾卜卜脆。筋腩相逢，呢係筋腩煲好有份量，牛筋條條都好肥美厚身，腩肉都大大件，又炆得腍。

雞皮幾爽口 雞肉唔鞋口👍🏻本身以為呢啲過江龍啲質素應該麻麻地 但竟然有驚喜！唔洗點醬已經好夠味好好食😂所以都淨係試過味之後都冇點過男朋友略厭油飯唔夠香但我覺得ok 可接受啦Btw個水果茶勁大杯差唔多成千ml😂黎到嗰下呆咗覺得勁抵另一杯鴨屎香香水檸檬茶就um 味道有小小一言難盡😂推薦水果茶多啲 好飲好多回頭率🌕🌕🌕🌑🌑（5🌕滿分）

又到咗年尾，經過沙田買聖誕禮物，順便同朋友食個飯原來呢頭有海南雞，之前叫外賣食過一次對雞油飯念念不忘。天天海南雞（中份）：雞肉食落有雞味，難得雞胸肉既部位唔會乾柴配上青瓜、辣椒汁、黑醬油、姜汁幾有特色風味特別一推水果茶，有台灣x芳增量version既味道，好多既熱情果粒+蘋果塊、配上橙汁+茶底，酸酸甜甜，同埋真係好開胃。個份量講緊800ML左右，真心好抵飲至於個雞油飯：食落真心粒粒分明，粒粒米都甘香飽滿有口感，唔會太油同咸。係有番回憶既味道涼拌鳳爪：食落正常發揮，如果可以凍少少就更好～筋腩相逢呢個煲出奇地牛筋既部分比較多，比肉更多林軟，中意筋部既朋友不能錯過。如果肉既部分可以林少少就更好晚餐大約$400左右，但食專門既雞飯幾值得～

好耐冇去沙田新城市行街，原來一田改動佐，開心shopping 行到勁攰，又肚餓，咁啱見到「天天」，太好啦，聽聞個飯好好食，我需要補充energy😬😬😬Open area 既設計令人感覺好舒服，個水壺仔好Kawai🤣🤣🤣望下個餐牌，除咗海南雞，仲有好多小菜同冷盤，樣樣都想食🤪🤪先黎一個招牌海南雞配油飯先！😉原來海南雞都有兩隻雞款可以揀，個waitress好細心咁解釋，最後我哋揀咗文昌雞個一款，雖然有骨，但係雞味真係好香，上面有莞茜點綴，配搭非常清新👍🏻👍🏻個飯我已經叫咗一至二人份量，但係兩個女仔真係食唔晒，太抵食🤣🤣佢個青檸雖然只係半碟，但係切到一粒骰仔咁，好可愛🤩多手叫咗個冷盤，蒜泥白肉，果醬超級好味呀😍😍我個朋友話，又想試吓肉骨茶喎，諗住細細碗，點知變咗一窩🤣🤣 用料足，豬肚冇煋味，排骨夠晒林，very good 👍🏻👍🏻👍🏻👍🏻大滿足😘

星期六同朋友去沙田踩單車，所以中午一齊去天天打算試下佢D雞，未開門我地已經到左，好自然地我地成為果日第一檯客不過好可惜既係未入去已經有職員話D雞未到，咁就唯有試下佢其他菜式，同一時間留下之後再幫襯既伏筆三個人叫唔到太多餸，前菜點左皮蛋($38)同茄子($38)，主菜叫左酸菜石斑($138)，叉燒($88)，仲有龍蝦(食到最後埋單先話冇貨 ) ，再加一大一細雞油飯($58+$38)D野食份量適中，味道亦都唔錯，個細雞油飯係因為個龍蝦一直未上所以後加，而有趣既係我地發現大細雞油飯個份量好似係冇分別，咁即係大家可以叫細既就ok最後埋單500有找，大家有6,7成飽，以運動前食飯去考慮係比較合適，如果上埋龍蝦可能會太飽 for運動，不過平時食飯如果加埋隻雞我諗大家預人均200蚊

新城市广场店。朋友一直推荐，前来试菜。招牌海南鸡和酸菜石斑鱼。饮品是豆花美禄和薏米水。海南鸡的鸡翼部分毛未处理干净。蘸料尚可，份量尚可。鸡皮不是脆口的，软糯。石斑鱼调味稍微酸了一点。配茶是平菇和魔芋结。份量比较小，算是小菜。鱼可以再腌制到位一点，会跟酸菜更合适。饮品普通。带的东西较多，领位到逼仄处。因为借用座椅放置，店员态度比较生硬，要求拿起来，没有给解决方案。提出后，搬了一把座椅。整体应该是顾客盈门日久，服务较为荒疏。

成日係沙田都唔知食咩好，時間尚早難得見佢唔駛排隊就入去試下南薑海南水果沙拉入面有多種生果，無花果、番石榴，士多啤梨再加埋梅粉，酸酸甜甜，整體好清爽，好開胃黃金軟骨雞軟骨炸得香脆，粒粒都充滿咸蛋黃，超邪惡正宗海南雞配上三種醬汁，秘制辣醬、黑醬油和薑蓉不得不說個辣醬好好味！雞肉份量都幾多，雞肉肉質夠嫩滑而且有彈性雞皮亦都夠爽點都要叫埋個天天石鍋雞油飯配海南雞油飯夠香，而且飯粒粒分明，用上石鍋裝住，又能保持溫度配埋海南雞食，真係好好味，記得趁熱食！鴛鴦菜花炒得好乾身，而且好惹味，裡面有唔少蝦乾同魚乾仔