大頭蝦越泰星馬特式料理 (已結業)

週日下雨天，睇完Mi3都唔知食乜好，見佢地方幾闊落咁就是但喇。例牌下午茶︰雞扒檬、扎肉河、豬扒檬、什菌檬，仲要加$10先有等色野飲，其實都唔係咩咁特別，但係個三色冰同珍多冰就幾好飲喎。食物都係一般咁喇，但係地方寬敞，可以消磨一個下午，真係好喇。

我帶咁多次朋友去食都冇彈過唔好食既，係d服務一時時，如果老闆娘係到會好d。我最like佢地條烏頭魚，其他小食都ok，反而飯食係差d，不過黎呢d餐廳都唔會為左食飯既，所以問題不大。

今日行mk行到很累,所以走入來抖抖.我叫了一個芋頭炸卷(正確名巳唔記得),$12+$5有一柸咖啡.咖啡唔好飲~好怪,好苦澀,又冇咖啡香.個柸好似好dirty,冇洗個咁,有些漬0係度....但芋頭炸卷就好好味,好香芋頭味,個外皮炸得好脆好薄,又唔會有層好厚的粉0係度.個賣相都幾好~我覺得呢度好抵食,下次又有多個選擇了.不過清潔方面請做好一點,因為有小小影響食慾.

上星期五同朋友黎呢間餐廳食晚飯, 好大個招牌寫住大頭蝦, 入到去客人唔多仲有電視睇, 朋友追緊電視戲, 睇到食完野都唔捨得走...香芧牛肉檬- 牛肉好韌, 湯底好油好重味精時菜抄豬頸肉- 白菜仔好爽但豬頸肉好油春卷- 春卷炸到好硬, 附生菜, 好唔新鮮同太厚身, 都包唔倒春卷食物麻麻, 侍應又唔多理你, 所以我應該唔會再光顧啦

之前個friend生日, 男朋友介紹成班人六七個去左呢間餐廳食, 佢不嬲都好係食家咁, 通常有彈係讚, 見佢咁熱烈推介就同o的friend去試, 果然無介紹錯, o的野食真係幾好味.叫左三文魚多士, 炒菜, 鮮牛湯檬, 軟殼蟹, 芝士焗青口, 豬手, 札肉凍檬, 炒飯, 牛仔骨, 甜品係炸香蕉. 首先講三文魚多士, 下面都有人讚過, 三文魚多士真係好好味, 中間夾層牛油, 多士又帶濃而不重既蒜溶味, 兩者配合得好好, 勁快清碟,同o的friend 再追加左一碟.炒茶同炒飯ok, 同出面差唔多價錢既大檔差唔多, 中上. 鮮牛湯檬同札肉凍檬抵讚, 湯檬湯底好鮮甜, 牛肉剛好, 不會過熟又不會過生, 好香口, 札肉凍檬札肉好味, 同出面食到既一般價色唔同, 好明顯有心去整, 睇黎檬粉係佢地既招牌菜.軟殼蟹又係好快被掃光既一碟, 炸得脆, 香口, 卻又不油, 用tissue 索都只係有好小油印, 慢肥既女仔都可以食多o的. 芝士青口好味, 芝士應該係用唔同芝士混的, 吃落有不同層次既芝士味, 又唔會搶左青口本身既味道, 又係必食之選. 至於豬手, 由此我係唔係豬手的, 但見朋友狂風掃落葉既速度

為了要再吃到好味的撈檬, 行經此店時見價錢吸引, 便外買了個香芧牛肉撈檬由於尚未到晚飯時間,所以是下午茶價$15 + $1外賣盒回家後一打開, 哇, 好多牛肉呀, 有成碗咁多牛肉不韌, 但卻油了少許魚露加入涷檬中, 幾好味及開胃, 但還是”老趙”好味一點如果多些菜絲及青瓜絲就好了等待外賣的時候, 店員禮貌地問是否需要一杯水, 很罕有

琴日同朋友去睇完戲…就去搵野食啦！我地就搵到呢間””大頭蝦”啦…我地叫招牌菜大頭蝦…都幾大隻…Ｄ蒜茸幾香口…仲有叫左”生牛肉粉！～係Ｄ待應介紹．．＊＿＊幾好味…湯底都幾濃！落足料啦都算～最後叫左杯芒果涼粉冰…幾好味…芒果同涼粉都幾”夾”服務都ＯＫ～會再去幫襯．．

雖然住係旺角,呢間鋪頭就開正係屋企附近,但都無幫襯過,事實佢地開張初期拎過D單張黎睇,價錢不合理；但上星期經過見到價錢調低左，於是同阿媽入去食lunch。叫左生牛肉河，ok大碗，廿幾蚊唔係貴，加菜都係加$3，好似係包野飲，所以都夠飽；環境都算濶'落'，食野既時唔候唔會覺得好侷促。可能係我對食要求唔高，我就覺得無乜問題，但阿媽就略嫌佢味精重手左少少(但出街食野總會食到味精個喎...)Anyway，值得再去幫襯。

我同老公係頭先,姐係12月31日11點幾去食我食左個$28豬扒撈檬豬扒幾脆,撈檬果d汁幾好,食左幾開胃正!!我老公食左個$28燒肉泡飯.隻燒肉有d似日本叉燒,湯底比較農,味精多左小小不過不失$12柑桔綠茶.味道一般$12荔枝綠茶,就差左d了埋單加埋一$88總括黎講都算抵....

食二人晚餐三文魚多士同牛油蒜茸焗青口真係一絕!!!不過服務真係麻麻左d...

手機壞左去買番部,臨買前醫醫肚,叫個tea set,燒香茅豬扒河粉加凍檸茶.$20.塊豬扒就唔多似燒,都係煎o既居多,但都做得幾好,唔會落得太多所謂"鬆肉粉"而變得太過腍,又吾會乾到柴皮咁,保留到豬肉o既原味,腌料唔會太多,o岩o岩好.河粉用好幼身o個隻,相當滑,湯底好清,冇多餘配料,唔錯!可能由於係tea o既關係,分量好似小左D,但冇問題,唔好食比一桶你都冇用.

本人在大元邨個間大頭蝦食過早餐\\\及午餐\\\,食物都吾錯.但服務就好差. d服務員吾識做野錦。先講早餐\\\,一入去,張張枱都有客人食完d杯杯碟碟都冇人執,亂七八租。入左去都吾知食吾食好,最後坐底叫左兩個早餐\\\,一個來左,第二個等左10分鐘都未來,我問佢\\\欠一個早餐\\\,係呀！！佢\\\話,吾記得拿出來。到今日食午餐\\\,又留左杯飲品,又食食吓,d服務員叫我地起身話羅d嘢,我以為羅d食物材料,冇所為啦！我地咪起身羅,点知原來係羅自己d衫收工,吓！！！！d咩嘢服務態度呀!!!!!!!!你話啦!!!遲左收工咪叫老世補反時間咪得羅!!!!!駛吾駛叫客人起身,羅自己d衫收工。我以後都吾會去食!!!!!!!!

之前一日去過隔離間吉野家...唔想再去.見呢間野冇咩人.. 入去試下.. 叫左生牛肉河, 咖哩牛腩河, 一口粉稞.生牛肉河-- 湯底清得黎又好夠味, 好..咖哩牛腩河- 牛腩好味, 腍,唔老, 入味, 薯仔入味又腍.. 兩個河粉都唔係本地河粉, 係貴刁, 好有o趙口..粉稞就細只左d.. 不過味道都ok.. 呢度地方大, 客唔多, 幾闊落.但食反時間都唔多人,唔知可以支持幾耐呢?

lunch 去食冇咩揀,叫左個好普通ge豉椒排骨飯,冇試佢d越南野. 個飯同大排檔水準一樣,好味~ 大大碟都係$20 only.

我與男友間中都會去大頭蝦食飯, 大約一個月一至兩次,在夜晚旺角的鬧區中, 可以找到一間比較靜的餐廳, 舒舒服服食dinner好難得.餐廳地方大, 每次都不用等位, 可以慢慢食, 無人迫你走, 而d野食又好味, eg, 大頭蝦, 南乳豬手, 咖哩牛腩..值得一讚..我地遲d又會再去幫襯^.^