大頭蝦越泰星馬特式料理 (已結業)

自己最愛食中菜，次選泰國菜，好記得那時是姐姐帶我到這裡吃晚餐的，因為很久沒光臨了，便提議今晚有這裡吃晚飯 ─ 一餐很重要的晚飯。我們都是散叫自己喜歡吃的款式，最最最記得蒜蓉包$9/隻，真的嚇了一跳，以為是巨型蒜蓉包，豈知.....跟平時的沒分別，而且味道很一般，氹仔好味好多，$9/隻真的不值不值！至於超級愛雞翼的我們，點了一客蒜香牛油雞翼，都是一般啦，夠蒜蓉味但蓋過牛油味，所以似食蒜香雞翼。還有其他菜式，都是一般啦，好記得我點了一杯三色冰，好甜..........超甜........殷勤的老闆娘不在，感覺服務很一般。

上星期周末一天约了朋友到旺角找旅游資料，不覺又已是晚飯時刻，雖然旺角到處都是食店，但不想去一些人頭擁擁的地方吃，要花一番考量想起這旺角邊緣的大頭蝦，今次已是第二次來，因為天氣濕熱吃口味較濃的東南亞菜便最合宜。一行三人叫了五樣食物:軟殼蟹米纸卷: 安哥的越式食品，保持上次的水準蒜茸炸鷄中翼： 一碟六隻鷄翼炸的夠香脆，表面不會蒲滿炸粉，蒜蓉味很香口惹味。烤蝦柚子沙律： 夠酸味但不夠辣，當生果食，烤蝦夠大隻但肉質麻麻。煙三文魚西多士： 三文魚經煙熏後有魚香味，是一味很好的餐前小食。馬拉盞炒通菜： 炒菜没有上次那麽多油，上枱時仍冒着煙，以馬拉盞炒非常香口。菠蘿炒飯: 飯粒带菠蘿的清香菠蘇味，飯内有很多配料，每人可最少可吃兩碗，這處菜牌上的食物口味繁多，很適合一次想吃不同食品的我和你。整體食物水準達中上水羊，服務則普普通通，去别旺角不妨一試。

去完永不錄用的<貴川>0既時候, 祖安係仲未食0野0架, 所以佢就提議去隔離0既<大頭蝦越泰星馬特式料理>食返佢驚嚇後的午餐!!! 1. 豬扒湯河($18) ~ 祖安話d 豬扒就普通啦, 而且分量比較少. 不過就勝在個湯較清, 仲有d 河粉睇落都好晶瑩剔透, 食落都幾爽!!! 2. 蝦多士 ($10) ~ 至於積奇只可以食個蝦多士, 因為比較飽!!! 但係個蝦多士都有驚喜喎, 外層唔會用好厚粉, 而且炸0既timing 0岩0岩好, 所以食落口感不錯, 配上沙律醬, 味道都幾好!!! 加上我地係下午餐時間去, 所以$10, 真係好抵食!!!P.s. 繼續每食評都會附上相片的原則, 不過今次影得麻麻地!!!整體評價：質素普通, 蝦多士有驚喜!!!

上次經過旺角咖哩大王時, 見到大頭蝦越泰星馬特式料理, 覺得幾有特色, 所以今日 (12/09/08) 來試試, 當時約 7:30pm, 客人不多, 我們 2 人沒有點套餐, 叫了以下食物: 炸豬排泡飯 (豬排炸得幾香, 泡飯的湯味幾濃, 而家天時熱幾好入口, 唔錯!)大包咖哩雞 (大包的上層烤得香口, 開頭配咖哩食很好吃, 但食食下麵包會吸左太多咖哩汁, 淋了不好吃, 咖哩唔算辣, 同雞的味道 ok!)串燒 3 串 (豬, 牛, 雞各一, 燒得不錯, 沙嗲汁都幾好味!) 埋單 $125, 不算貴, 服務及環境一般, 味道也是 ok, 總之整體都算 ok, 不過不失! 這一餐 2 人吃, 份量不算多, 我們吃完再過隔離的甜品店吃碗糖水就剛剛好了!照片可參考:http://hk.myblog.yahoo.com/thxdtsdd/article?new=1&mid=1789

同男友行街行左6個鍾,熱到死=0=周圍行睇下有乜好食,行過呢邊見人小小唔洗等位咪入去試試,熱辣辣緊係食涷撈檬啦^^我點左春卷撈檬($42),男友點朱頸肉炒丁($39),朱頸肉炒丁好快到,嘩!!!個丁好少呀...茶餐廳好多都個半面餅,佢就1個面餅=.=..朱頸肉得5塊,仲炒得幾油下....千其唔好喺越泰星馬餐廳食,炒丁喇!!旦旦~.~要係茶餐廳先好嗌呀~!!本身好愛牛尾,見佢餐牌有,都有d心郁想點,但越泰星馬餐廳有西式嘢,有d信唔過,最後都打消念頭~男友食完個丁,我個撈檬仲未到,催左2次,四眼老闆話炸緊...成3個字喇喎!!終於黎喇~賣相幾好,春卷成6舊好多分d比旦旦,檬低仲有生菜絲,酸青瓜絲,酸紅白籮蔔絲,都好是料*v*正~個酸魚露汁,夠酸,好正,我鍾意~!!春卷炸得好脆好熱,美味唯一唔好就係檬唔夠凍,凍d就完美喇*v*飲品:青檸梳打($20貴左d)+凍華田一定再黎食春卷撈檬!!

行開呢頭就諗起食呢度, 之前都黎過幾次由於過左10點關係, 可以叫宵夜set(但宵夜set都要成$36, 仲未計凍飲, 不過o係mk食係咁架啦)落單佢聽完你講就算, 好似一句說話都冇出過!?叫左炭燒豬頸肉飯+凍奶茶 & 蝦醬肉鬆炒飯+凍華田 & 拼盤上菜speed ok, 但都係就咁放低就算果隻炭燒豬頸肉飯-- 豬頸肉好似少d, 得4塊, 同個飯對男仔黎講真係比較細..凍奶茶-- 男友的蝦醬肉鬆炒飯-- 唔覺有肉鬆存在, 飯有點油凍華田-- 黎既時候我望左一陣先知邊杯係華田=-= 同杯野好快就o係面出左一層水, 有點淡同比較甜, 可能多糖水拼盤-- 貴食, 60幾蚊, 3串串燒個醬ok, 4舊春卷+幾塊生菜(不過唔敢食d生菜)+3件一口粉卷男友話似粉果=.=+好少好少蝦餅埋單叫左好耐都冇人黎, 叫個卷髮呀姐佢應該一陣先記得返, 但又叫第2個過黎埋=-=, 仲味我地係咪埋單, 你話呢!?p.s. 有電視睇, 同前幾次相比今次比較差; 同2人set加左價但都係果d野食, 起碼加左20幾蚊, 以前最貴果個都唔過200, 而家就要$218

上星期日放工同老公到MK搵野食，睇落間餐廳都幾好坐啊...以一貫做法俾一次機會試一試。睇吓餐牌，個冬瓜翅都幾好，為本月推介特價菜式，就試一試啦。我地點咗三個餸﹕冬瓜翅、炒檬粉、釀雞亦，埋單連加一$184，好貴好難食服務...哦冇服務可言。個女侍應好似冇食飯咁講野冇氣冇表情，好似唔想撈！而家逐樣睇吓D野幾難食﹕1、冬瓜翅---一塊正方體中間凍既冬瓜，上面淋咗大量生粉水，再加一D所謂既翅，份量少又不倫不類，唔知似咩！2、炒檬粉---都算唔錯，份量足夠，都叫有鍋氣，冇投訴。3、釀雞亦---2隻亦咁大把，切開4份，中間加咗D豬肉，唔好食。四十幾蚊買2隻雞亦，好搶啊...就以上3樣野，食咗差唔多2舊水...問題係味道好一般，尤其是個冬瓜翅真係好搵笨，街邊D碗仔翅口味仲豐富D，而且又冇招乎..又加一...有D誇...真係到大家樂大快活好過，穩穩陣陣...總之冇下次！

上星期師傅又喺呢頭搵野食, 但係撞啱呢期勁冇心情, 間接攪到連食嘅興緻都冇埋, 但係人始終要食野, 於是四圍行下睇下啦, 最後決定左去搵咖哩大王, 點知入到去勁多人, 要等位嘅情況下, 師傅就轉戰到呢間食店!由於從來都未黎過, 所以心情都幾緊張! 入到去就即刻有位, 師傅心諗會唔會唔好味架? 不過既然入左黎就點都試下啦; 一坐底即刻睇下有咩食啦, 原來呢間食店最主要係以泰國同越南菜為主, 商量一陣後決定柯打呢度嘅招牌菜法式芝士焗大頭蝦, 越式春卷, 泰式炭燒豬頸肉, 泰式炒金邊粉再加兩杯特飲!最先登場嘅係泰式炭燒豬頸肉, 豬頸肉燒得好乾身唔爽口, 加上都幾油, 唔算好味; 越式春卷有三條, 炸就炸得好脆, 不過入口依然係勁硬, 完全唔吸引去食, 差; 泰式炒金邊粉算係炒得幾好, 唔油而且味道唔錯, 可以啦; 至於招牌菜法式芝士焗大頭蝦就係最後登場, 芝士真係焗得好香, 芝士好好味, 至於大頭蝦肉地唔爽口, 鬆鬆散散咁, 口感勁差, 點能夠叫做招牌菜呢? 兩杯特飲係青檸梳打同埋西瓜刨冰, 飲品一般, 以青檸梳打較好, 皆因西瓜刨冰其實即係西瓜汁, 唔多覺有刨冰嘅感覺!總括黎講食物質素唔掂

星期日行旺角八點幾, 見呢間餐廳冇乜人...不過好似坐得幾舒服, 就坐低左叫左個二人A餐, 點左:大頭蝦咖哩雞蝦餅炒菜酸辣鳳爪白飯兩碗三色冰+咸檸梳打大頭蝦 - 招牌菜, 但肉質唔好, 有D霉, 用好多蒜黎cover個雪味......失望咖哩雞 - 雞冇雞味, 好鞋, 咖哩唔香蝦餅炒菜 - 蝦餅一夾即散, d菜好多獻汁, 好杰酸辣鳳爪 - 好辣, 冇酸味, 比出面食細隻....總括黎講, 呢間野係旺角開但又冇乜人食就知咩料

我是第一次寫食評, 可能內容不夠豐富, 但這家店實在是好 !星期六晚上同一大班朋友來晚飯, 說實在的, 星期六晚上八點, 願意幫你留枱的餐廳實在沒多少間, 多數你book 完都係去度要等, 呢度個老闆娘好好人, 幫我地留左兩張大枱 ( 我地一共是十五個, 原本是book 十八個的, 後來有人放飛機... ) 可以點的款式實在很多, 推介的有三文魚蒜蓉多士 同 黃金軟殼蟹, 其實其他的菜式都非常好味, service 又好, 我地男士們比較多, 可是份量都夠吃, 也不會很趕要我們走 ( 因為是吃飯的黃金時間麻 ~ )

沿住條街揾嘢食, 發覺呢間地方比較大, 人就比較少, 決定冒險一試!招牌話係越泰星馬菜, 打開餐牌就知無錯, 真係四國菜都有齊, 款式好多好多, 搞到我三心兩意, 好難決擇咖哩牛腩配蒜蓉包 - 蒜蓉包四片, 好多蒜蓉, 好好味. 咖哩牛腩都好好味, 牛腩連牛筋, 夠淋, 咖哩夠香.菠蘿炒飯 - 餸料比較少, 有蝦有菠蘿, 但飯的份量就多啦, 味道就唔錯wo.魚"雲"鍋 - 好似打邊爐咁, 用一隻鑊裝住好大個魚頭, 好多肉呀, 唔錯.生牛肉河 - 幾抵wo, 夠大碗, 牛肉好大塊, 但牛肉的品質普通, 牛肉味道唔夠重, 整體都叫ok啦.其實已經比預期好, 人少唔洗等, 又坐得舒服, 人手又夠, 服務唔錯, 仲有電視撈飯tim. 嘢食話係越泰星馬, 似乎都俾港式化了, 唔多正宗, 好彩樣樣都似模似樣, 又抵食又好味, 好過去菜餐廳啦!

今天放工又晚了些，不卻匆忙趕回家吃飯，便約了在旺角附近工作的朋友一起吃晚飯，自從早前跑了一趟越南後，便愛上了吃越南菜，記起日前看過OR內有關越南菜的食評，想起在新寶戲院旁豉油街那邊有越菜食，終於不難就找到大頭蝦了。 大頭蝦的舖面很深大小檯也有，環境裝修像是一間中價食店，近大門那邊坐了不少人，我便要求坐進較小客人的內廳那邊，侍應有求必應，又落力替人客添水，服務也算唔差了。我詳細看看菜牌，看看有甚麼菜式供應，正如店名一般這店有齊越泰星馬菜式供應，花多眼亂，經過一倫商量便柯打了以下幾味菜:1. 冬蔭公湯(2人份量) $48 湯夠辣味但酸味不足，蝦的體型跟無名指差不多大小，碗內還有兩隻頗厚肉的青口，有很多香料，但沒有下草菇增加鮮味，不過價錢不高，味道都算合格。2. 扎肉炒芥蘭 $38 火侯控制得宜芥蘭炒後表面仍然青綠而且入口爽脆，但整碟都很油，可能廚師忘記了扎肉在大火煮後會出油，不用落太多油炒菜。3. 越式炒檬粉 $42 這碟反而不太油膩，配料有扎肉、蝦仁、魷魚等，用料和味道都是一般。4. 軟殼蟹米紙卷 $42 這個是我最喜歡的，味道清爽不油不膩，隨碟跟一碟魚露，

毋懼禽流感，吃其海南雞飯，不過是標榜蒜及椰子香的特別版。一盤上，好似快餐，賣相亦不吸引。帶骨的雞件雖不鞋韌，但是也不算軟滑，普普通通。反而飯散發椰香，食落亦夠油潤，不錯。越式炒貴刁的材料不算豐富，主要是一些魚蛋及幾隻蝦仁，味道幾辣，但似乎炒得未算均勻，其中一兩口更食到些少咖喱粉。雖然水準一般，不過喜歡其套餐包油菜，感覺健康些，是日的生菜亦爽甜好食。

已開幾年，也算是街中的老舖，同街的食肆都吃過一遍，但呢間星馬泰料理，卻一直未有意慾來。目的地是尖東，行程突然有變，一番調動後，來了旺角，來到這裡，最後出了這食評。說是大頭蝦專門店，但看看餐牌，舉凡同大頭蝦有關的菜式，只得三款，其中兩款是焗的，反而焗豬扒、炒牛河能輕易地數出十多款，不知道專門在那裡。叫了一鍋咖喱大頭蝦煲、一碗特濃牛骨河粉，原隻大頭蝦配上港式咖喱汁浮著一層添加的紅咖喱油，青椒、薯仔下得慷慨，但洋蔥卻無幾片，薯仔先煮熟後加入咖喱汁內，味道好極有限。吞了半口濃芡咖喱汁，很化學的辣味亦很嗆喉，無蝦膏香，很港式做法，鍋中的大頭蝦頭是夠大了，卻見不著蝦膏，不知是什麼國籍的大頭蝦，幸而蝦肉有彈性，如朋友所言，當做「一件食物」看待的話，吃過，亦無不可；慶幸大頭蝦煲無跟餅、麵點，否則浪費的將更多。而澱粉系列特濃牛骨河粉，簡單來說是味精湯，不敘了，同老趙同級價錢，味道差上幾個馬位，無再來之理。

之前食過一次, 覺得幾好食, 所以再去多次.點知今次食到成肚火, 人唔係多, 未Full 晒, 叫左野食成5 個字都未黎野食, 叫個Staff 催一下, 佢就周圍行掛住收錢.最後都係要發火先肯黎野食. 野係好食. 但係今時今日咁既服務態度..................