大頭蝦越泰星馬特式料理 (已結業)

來過好多次次次都係叫平價22蚊SET LUNCH唔係特別好但未試過唔好食!推介炸香蕉(18蚊)!!好好食GA~~~~~

平時經過都無食, 終於昨日行過, 朋友話入去試下, 先第一次食呢個星加波+ 馬來西亞+ 泰國既食物.隨便叫左個最平既二人餐($128), 從8個choice 中選4個菜, 分別係1)香茅豬扒（另外既choice 係焗青口）(2)扎肉炒通菜　（另外既係咸魚通菜）(3)煙三文魚蒜蓉包　（唔記得左另外既係咩）(4)芋頭肉鬆炒飯　（另一個係泰式金邊粉）(5)每人仲有一杯飲品，我要左檸檬柑桔蜜，朋友要柑桔梳打基本上碟碟都幾大碟，　以二人餐黎講，　呢個真係可以食到兩個人都飽曬．　基本上每樣食物都有水準，而我覺得最好食既係三文魚蒜蓉包，好香口，而且三文魚同蒜蓉包都好大件，食完呢個真係唔使點食個飯．另外炒菜亦出色，佢仲加左ｄ胡椒粒落去炒，都幾得意．睇下佢個餐牌，原來佢都有好多創意菜色，例如有整個南瓜既翅．見佢sell 佢自己個燒大頭蝦好似好勁咁，或者下次再試下啦～～服務方面，佢地真係好快，上菜快，收碟都快．加埋一,每人約70多元,食得好飽

最好味就係呢個西蘭花牛柳粒,值得一試!d西蘭花好爽,唔會好林!牛柳好好味加上d汁,唔會好難嚼!

又係一個星期天, 練歌加上分享已經很晚了, 五個人來了吃午餐加下午茶.在這個懶洋洋的下午, 店方安排我們坐在較入的地方, 竟有員工在午睡, 仲係打橫幾張凳在睡.員工福利真好.挑了兩個午餐, 兩個下午茶, 再散叫兩樣菜色.蝦醬肉鬆炒飯: 8分, 炒得幾乾身, 蝦醬好入味, 配上點點肉鬆, 味道係不錯. 越式炒檬粉: 6分, 而碟反而炒得麻麻, 無乜鑊氣. 味道一般.咖哩牛腩香脆大大包: 5分, 幾特別的一味, 係主打菜色. 一個真係幾大的大大包裝著咖哩牛腩. 包大就夠大, 但基本上不能聯想到香脆. 麵包本身比較稔, 完全唔脆. 牛腩就唔夠稔, 咖哩不算好香.法式蒜蓉包: 5分, 不算太香, 亦不夠熱. 最怕溫溫吞吞的蒜蓉包, 始終熱辣辣的蒜蓉包係香口得多.超濃牛骨湯生牛肉湯粉: 6分, 點解叫超濃牛骨湯? 湯底飲得出係有牛肉味, 但飲落唔覺得濃, 名不副實. 生牛肉切得不太薄, 不太對勁. 冬蔭功多蝦米線: 7分, 多蝦米線? 還以為係早前有線日日洗腦的多哈A夢. 冬蔭功湯底幾辣, 不聽弟兄M的警告, 要了一碗, 係幾辣, 仲勉強頂到. 蝦名副其實係多, 但細細隻, 無乜口感. 加上米線

聽朋友介紹話好食咪試下啦!叫左個咖喱牛腩大包,一個大包裡面裝咖喱牛腩,成個包都食得,幾得意!西蘭花牛柳粒,正!南乳炸豬手好香口,同泰式椰汁炸香蕉, 唔會太漏。叫左杯芒果椰汁涼粉冰同芒果椰凍,拍得住出要果d糖水埔。服務ok,都坐得幾舒服!

朋友推介去大頭蝦度食飯，咦！又真好味喎~點左：通菜~好惹味丫香脆大大咖喱雞包~讚！個包真係焗得好脆，拍得住以前係馬來西亞嗰次，不過雞就有d"鞋"，咖喱再多少少椰汁更好泰式炒矇粉~唔錯，夠乾身，份量唔好諗住好大碟呀。泰式椰汁炸香蕉~正！唔會太漏，啱啱好，一咬落去，d香蕉醬流出嚟，真係好好味！服務態度一般啦！食物同侍應都冇之前d評語咁差喎~?_? 我都會再去下次。

兩個人食晚餐,叫了二人套餐B $148,加一個海鮮冬蔭功湯$48。蒜茸牛油焗青口----幾香,可以的。扎肉炒時菜---- 可以的。春卷---- 超咸。泰式炒河---- 不合格。海鮮冬蔭功湯---- 垃圾, 48蚊買返來的垃圾。餐飲---- 全餐最可口的。兩年前食過一次, 今日又去, 因唔駛等位, 不過一定無下次, 餓死都唔會再去。

我是在此店附近的學校上學的學生，以前(約兩年左右啦)都間唔中黎食，但係一年前開始開始唔得！(好似聽聞果段時間呢間野轉左手...因為d員工唔同哂)我地學生至緊要緊係食學生餐啦！貪平嘛...d學生餐的確係抵，但係...首先講味道，某些還算可以的，但我吃過一個唔知咩茅香豬扒飯(類似的東西啦，不記得...)，d豬肉唔知佢落左太多鬆肉粉定係加左芝士粉落去炒呢？d豬肉軟得不得了，食落去之後係直頭係唔知食緊d醃到左幾日既肉咁...真係難食到唔識形容，我d friends食完一次以後都唔敢再叫果個飯...有不少評論此食店的人都說收銀態度差，冇錯！絕對係！差得離譜！不過重點唔係呢度！重點係理論上每人總會有一杯水，但係學生餐係唔會有，點解？個waiter話學生餐已經好平，所以冇水！這是甚麼答案？一杯水都慳？話說我有d同學有一次坐左響擺水果個地方隔離果個位，咁佢就順便拎杯水黎飲，跟住過左一陣，有個waiter黎問佢：「邊個俾水你地架？」，佢答：「我地自己拎架！」跟住個waiter竟然話：「就係唔想俾你地嘛！」........你話我對呢間鋪仲可以有咩期望？

今日試過呢道o既生牛肉河,隻碗好大但係粉好少;牛肉切得厚o左,又韌又冇乜味....一句講晒...唔得,服務又差,俾錢時想望下張單,收銀果個立即黑面兼唔like....非常差!

今次我同朋友去食正係叫小食食~我地食左南乳炸豬手,值得一試,唔係好肥,正!!!三文魚多士個配搭唔錯..幾好~蒜茸牛油焗青口d蒜茸整走晒青口腥味,蒜茸又焗得香口好食!蝦多士個名聽落幾得意,就試試啦,佢一塊法包上面有一層碎蝦餅,再用麵包康一齊炸,加上沙律醬,應該有不少小朋友喜愛。最後一個:燒蝦餅,比我想像中好食,好香口,點上一些醬,現在還回味中@﹏@點了兩杯飲品:芒果椰汁涼粉冰和香蕉奶昔,好飲!

見佢幾多人食咪試下啦!入到去服務ok啦!跟住叫左個椒鹽軟殼蟹--不錯,幾香 冬蔭公湯--夠酸,不過太spicy 生牛肉湯粉--d粉一大"舊",麻麻地! 我最滿意西蘭花牛柳粒--D牛柳好好味,D汁都唔錯!

今晚同老公去食~見之前大家寫到好似幾ok 就試下食物選擇一般, 同普通越南菜差無幾兩個人唔食2 人餐, 因為唔多岩食~最後點左:1) 法式紅酒燴牛尾, 配蒜蓉包$452) 另叫白飯一個$8 3) 香葉包雞(6 件) $284) 素菜米紙卷(6件) $28蒜蓉包4 塊好新鮮, 即叫即焗, 不過太多油, 一手都係香葉包雞都好味, 不過學老公話齋, 塊葉大過件雞米紙卷外皮un un 地, 幾得意, 中間卷住冬菇青瓜生菜, 加埋d北京填鴨醬, 味道唔錯, 不過好似貴左少少咁囉個牛尾都ok, 味似食緊pizza, 不過, 最失敗既係食到最尾d 碎, o係個口到吐返出黎, 以為係骨,望真d 係指甲, 可能係廚師切得太落力..令我好想嘔返之前食左果d..>.<我都唔敢話比老公聽, 我怕佢會報警

做人一向鐘意留些口德, 唔會立亂咒人執笠, 但今次呢間大頭蝦既老闆就衝破咗我既防線=.=上星期日中午, 例牌在旺角和家人食lunch, 想起這店開了數年還未易手, 想必有其生存之道.先講食物, 天氣熱熱的, 自己要了個豬肉撈檬, 味道還可以, 不差!但家人的星加坡特式咖哩飯及鼓椒排骨飯就非常唔掂, 無論在材料新鮮度, 味道, 烹調功夫都完全不行!最差的是他的服務, 餐廳在結帳時計算了數, 找來了侍應把break-down計給他看, 講極佢都唔明, 佢就叫左老闆黎, 老闆一開波已經面黑黑, 講講下丟低一句"咪平番俾你囉, 唔好吵啦, 果幾蚊!" 話畢轉身離去...我同家人及隔離兩張枱的食客全部呆哂@@...

之前有同事話呢度幾好食,於是叫o左個菠蘿雞粒炒飯同油菜.個炒飯都幾大碟,但都幾油,同埋佢用茄汁炒,搞到怪怪地咁,味度又唔係咁好;個油菜只係得白菜,用水焯,但係個蠔油好鹹.結果個炒飯食o左三份二就冇食喇.果度冷氣又唔夠,越食越熱,服務又唔係好,下次寧願食隔鄰吉野家都唔會再去!

兩個人想搵個地方食飯同傾計, 見呢度好似幾好坐就入黎叫左個招牌大頭蝦, 拼盤, 炒飯...等等d野太油膩..而且味道好一般..不過想搵個地方坐下都可以黎既~