大門食堂 (將軍澳廣場)

營業中

休息中

之前黎過兩次，每次都試唔同既野，務求試晒為止小食點左玉子燒～好香蛋味同埋厚煎都依然嫩滑～試左原味後,我就試試加上蛋黃醬食～味道又完全不同今次試佢地既鬼門拉麵，本來以為日本拉麵唔會辣得去邊，點知一食第一啖已經非常驚喜！而且辣味慢慢滲出黎，愈食愈辣～忍唔住叫返個凍汽水喜愛辣既朋友一定要試另外，朋友叫左碗大門油麵～有點似撈麵，但係料同麵撈埋好香～好香既蒜油味加上溫泉蛋～不想食湯麵可不防諗諗 總結：價錢平民化，水準之上，一次又一次黎既原因～唯一一點，服務比之前差了好多～唔知係咪太忙呢

餐廳地點有點隱蔽... 係個超市入面... 炸雞定食:豆腐無任何調味... 嫩滑度適中... 麵豉湯味濃... 炸雞非常juicy!!! 而且個味道好有係日本食既感覺!!沙律醬汁酸酸地好醒胃~~ 係碗白飯略為細左少少...

聽聞大門係東京來的過江龍，每次經過都見長長人龍，今個星期日有時間就去一試。同友人一人叫左一個沾麵：大門沾麵，大門叉燒沾麵。因為始終沾麵唔係度度有得食。另外叫左個炸雞同魷魚鬚小食。佢開左業都有一段時間，估唔到仲係超級人手不足。我地等左半個鐘先有第一樣小食(炸雞)，d麵就再慢d，我地中間都有催單。最後等到一個鐘個魷魚鬚都未黎，我地唯有同待應講cut左佢。小食炸雞不過不失，外皮香脆，內裡幼滑。配上特製沙律醬，口感層次分明。兩個沾麵都唔錯。原來大門沾麵同大門叉燒沾麵入要都有叉燒，只係叉燒沾麵多d。沾麵醬汁唔會太咸，濃淡適中，麵條亦有彈性。可能因為等得太耐，我地都秒殺左兩碗麵。唯最後我地食完個麵都飽，無叫待應幫我地加湯(待應都忙=V=)。整體黎講食物幾唔錯，但服務就有好太改善空間(態度都良好既)。

將軍澳區食嘢貴係事實，又唔係好食過人先衰。行過aeon 見到有間拉麵店，又未試過，其實都抱著貴嘅心態走入去。點知價錢出乎意料之外⋯⋯平！應該話「貼地」。$48一碗拉麵，去邊度搵？呢個麵好特別，好似油麵，不過較硬身，湯夠濃厚，雖然得一塊腩肉，但勝在夠厚，仲係有碳燒味。正！食完非常滿足！

新聞也報導將軍澳區越來越多住宅建成區內的商場一早已作好準備越來越店鋪轉成食肆或轉成集團式食肆這一間是最近幾月開業的大門Aminn在假日中午已經光顧過幾次 門口間中也有排隊不過內裏座位充足 就算等也不用等很久門外的廣告燈牌標明湯底由日本自家工埸直送以及免收加一服務費 而且價格超親民餐牌設計非常簡單 款式選擇並不多只有拉麵、沾麵、丼、套餐、小食初期嘗試當然是點較大路的大門油麵送上來一看其實也是拉麵 配上一堆拉麵餸的撈麵？每張枱上都有介紹撈麵的食法還有蛋黃醬、醋、辣油等調味可以按倨人口味加料另外還有Aminn喜歡的沾麵大門沾麵的湯底較稀 拉麵只可以沾到表面少量汁不過最重要個麵底好彈牙 感覺更像在吃濃湯拉麵主食方面Aminn也會點套餐 米飯可以加錢轉16穀飯雖然數不出16種出來 不過感覺更健康吧Aminn試過麻婆豆腐和野菜豚肉 也很好味的說～日式咖哩也很不錯 甜辣感算很正宗呢！小食方面較欣賞餃子雖然跟日本吃的細細隻卜卜脆還有一段距離不過一樣皮夠薄身 味道算合格以上另外Aminn還是過燒雞骨腸 但沒有加雞軟骨有點失望至於玉子燒和鹽辛魷魚就建議大家不用嘥錢試味...由於它也是來自東京的熱店 也許大

見夜晚成日有人排隊，lunch時間去試下結果係難食到一個點 d肉唔係一般拉麵既乂燒，已經覺得格格不入，仲要又老又硬，又有骨，完全食唔到，對面吉野家d豚肉都好過佢個湯底唔夠辣，唔夠味麵身算係粗個隻，但唔入味同好硬食左幾啖已經食唔落同行朋友叫左個滑蛋飯，算係好正常仲叫左個玉子燒，呢個就真係超級搵笨，同張相差好遠三個人lunch食左$2百幾，但唔飽既

開張無幾耐試過一次，但上次食佢地既沾麵，今次決定試下佢地既拉麵這次order了「大門拉麵」，拉麵一到立刻試試湯頭，超級熱但味道十分濃郁但不會太咸麵身個人認為略嫌硬了啲啲，但可以接受，而且粗幼很適中拉麵配有一片叉燒，作為食肉獸的我的確少了點，但其實呢個價錢唔係淨麵都好好而且叉燒有得3片單點的～整體真係好唔錯～平民價錢，質素算好好

Order了一個大門拉麵，麵身較粗，煙un彈牙，自己鍾意食粗身拉麵多過幼麵，所以加分。湯應該係麵豉湯，極濃味，鍾意食濃味的會滿意，但是我覺得偏咸者太油，成碗湯底都是油，可能因為有油，拉麵變得滑，可惜太細碗，一個大漢應該要食三個麵，haha，OL食一個。。勉強可以，下午茶時段收費可接受，$48,唔貴，還會來吃，試試其他食品

睇雜誌知道香港新開左呢間來自東京埼玉縣的平價拉麵店，於是趁星期日放假就去左將軍澳既分店。將軍澳既大門拉麵位於Aeon超級市場隔離，星期六既下午三點唔需要等位即刻有得入。睇過餐牌，第一印象係價錢十分吸引! 炸雞定食$48有交易,仲不須服務費，但我一心黎食沾麵既，唯有下次再食炸雞!<大門叉燒沾麵 $68>沾麵份量充足，即使男士應該都可以食得飽。我急不及待將湯拌勻後夾一口麵放入湯汁，麵既掛湯能力不俗,放入口中時能感受到湯既味道，以豬骨及魚介熬成的沾汁質地濃稠，味道濃郁但唔會過咸，而麵條煙韌，叉燒肥瘦比例適中，入口軟滑，呢碗沾麵$68 好抵俾<叉燒炒飯 $28>炒飯唔夠乾身，偏濕濕地所似唔係太香口，入面都有唔少叉燒粒粒但味道唔太突出，不過$28算係唔錯

今日路經將軍澳廣場，試左呢間拉面店，店鋪不算大，有吧檯看住師傅煮面，另外有卡位及圓檯。一行三人，分別點了兩碗大門拉面，湯底有濃豬骨味，幾好，但稍嫌表面有層油，太肥膩,面條比平常粗三份一，質地較硬身，家人吃鬼門拉面，食到成頭汗，勁流鼻水，試左一啖辛辣味好重，唔食得辣千期咪試，忌廉薯餅皮夠脆，但餡料淡而無味，很一般三碗面加兩小食，埋單$181

本來諗住去AEON買野，突然見到有一堆人排隊，八卦既心態走去𥄫下，見到個開放廚房入面煮緊面好似好正咁，即刻走去排隊拎飛，可能一個人所以好快就有位，入到坐bar枱，見到地方都好大，坐得舒服，餐牌係一張3摺紙，但款式都幾多，因為唔係好肚餓純粹為食，本來想淨係叫小食，但見到隔離枱個個都食麵，最終都係叫左碗大門义燒沾麵同味蛋，侍應跟住比樽水我自己斟，等左十幾分鐘，麵到賣相都幾吸引，侍應仲比一張圖表教你點食沾麵，旁邊有的蛋醬、醋等幾枝醬油可以撈來食，原來沾麵即係撈麵咁，的义燒都幾大塊，有成5cm厚，首先試吃原味一啖，跟住按圖表落的醬試吓，味道相當濃郁，的麵又好食，义燒嫩滑，果然要跟住個圖去撈下係好味的，尤其個味蛋的蛋黃流心，咬落去蛋黃汁黏住個囗，好味到不得了，最衰佢3間分店都唔近我，唔係就可以成曰食到。

行行下Aeon supermarket, 見到間新開的拉麵，肚仔又打鼓，拿拿臨拎張飛跟著去比錢，返轉頭就入得，唔使等，唔錯入面好大，唔會搭枱，而且枱與枱之間隔得幾開，舒服waiter哥哥會擺一樽水你自己湛，menu入面既種類都幾多，有沾麵，湯麵同埋小食，最驚喜既係唔使加一仲有圖文並茂既食法教學教你點食沾麵（其實類似撈麵），有蛋黃醬，醋同辣油可以加落個麵見隔離配沾麵賣相好好，厚住面皮借隔離枱果碗影左張相，佢話幾好食，塊义燒好厚好大塊。之後見waiter仲主動幫佢落埋木魚湯，正！我就叫左鬼門拉麵（3個辣）同埋煎餃子（5隻）鬼門拉麵鬼門拉麵一到，我頭髮立即豎起，成碗野紅卜卜，雖然食得辣，但真係好驚辣到食唔出味。碗麵除左辣之外，仲有少少配菜，豬肉片，份量唔多，一碗麵應該唔夠飽。一啖食落去，麵質爽既，辣味濃郁，但唔嗆口，不過唔食得辣既唔好試啦。豬肉有少少韌，唔入味（除左辣味）。試埋佢枱上面既蛋黃醬同蒜蓉，蒜蓉配辣好香，將湯底既味道豐富左，反而蛋黃醬就食唔出果味道，畢竟個湯太辣。食完個麵唔係好夠，不過辣到飲左3杯水，問過waiter哥哥，佢話好多人都食唔哂，或者可以叫佢啲木魚湯溝淡啲，服務唔錯喎煎

聽說東京人氣拉麵店''大門食堂''進了將軍澳,,,,,作為街坊的我當然要去試試啦!!我們差不多晚上7點到達~門外已經人頭湧湧了.....取了號碼籌要等40張枱!!!其中很多人都是取了號碼籌之後就離開了...所以我們等了25分鍾就可以入座咯~門外的廣告燈牌標明湯底由日本自家工埸直送及免收加一服務費....而且價格超親民的...$48就有交易~我們坐在Bar枱的位置...可以看著師傅製作拉麵....附近擺放了多個鬧鐘....控制煮拉麵的時間!!!感覺它們在品質控制方面很重視~點餐紙就這樣簡單一張紙~選擇不算很多...我和老公分別點了兩個麵和一個小食....大門拉麵麵質彈牙有咬口.....叉燒是厚切的....還有筍、蔥花和紫菜~湯底夠熱, 味道濃郁濃....但是略為油膩!!赤大門沾麵湯底香辣濃郁....但是沾麵的湯不夠熱, 而且偏咸和略為油膩....枱上有介紹沾麵的食法....吃完麵條可以要求店員加木魚湯~再把湯底喝完!!!可是因為湯底偏咸的關係, 老公也無法把湯喝完。燒雞骨腸味道跟台灣腸差不多~沒有甚麼特別!!感覺這家店就在價格方面優勝....$48一碗拉麵也應該算是我在香港吃過最便宜的一

等了一段時間，附近終於又有新食肆開張了，趁假期馬上過去一試。【大門食堂】位於將軍澳廣場的AEON百貨，印像中這個舖位之前是一間西餐廳及拉麵店，現在兩間鋪位打通後變得更大。一個全開放式廚房，就在店舖門口的左邊， 而且相當寬敞，感覺有點浪費空間。可能因為春節假期關係，很多港人外遊；即使是午飯時段、又是新餐廳，竟然一反將軍澳區的情況，新餐廳也沒有擠滿貪新鮮客人。餐牌設計非常簡單，只有一張一開三摺的咭紙。由於款式選擇並不多，點單時候只須在一張簡單的餐單剔選，然後交給侍應。這裡的推介為沾麵及油麵，進食方法就貼在枱面。沾麵就知道是甚麼，至於油麵……當然並不是港式車仔麵的油渣麵，根據餐牌上的圖片，原來只是自創的日式撈麵，麵底依然是日式拉麵，材料則有叉燒、葱花、炸香了的即食麵碎及生雞蛋黄，進食方法則是混和不同的辣油、醋、蒜蓉或蛋黃醬。這種油麵實在太新鮮了，不敢嘗試。而且要試出一間拉麵店的質素，還是要測試標準出品，所以叫了一碗大門拉麵（$48）。麵條份量算少，材料只有一片叉燒、幾條日本酸筍、一塊紫菜；標準日本市場內食堂的拉麵份量，材料不會太多。湯底介乎醬油湯底及麵豉湯底之間，味道偏鹹，又沒有豬骨、魚介、

今次點了一款大門叉燒沾麵，有圖教埋點食，幾得意喎，就試下先侍應奉上兩個碗，一碗麵，冇汁乾身，一碗係醬汁，沾一下，好似冷麵點豉油，點一下就即食，個醬極咸，有少少變杰左的大板燒的味道，但超咸無比，好辛苦先食完一碗無敵咸咸咸的麵，感覺非常對不起自己的腎臟，圖示可叫侍應倒木魚湯落兜咸到9彩的醬裡，以為好d, 點知都係咸，最後飲左兩啖放棄，我已算食得咸的人，今次都要舉手投降