大門食堂 (將軍澳廣場)

營業中

休息中

第一次食飯打食評因為實在太！失！望！叫左個鰻魚炒飯，好細碟！得罪講句，當人乞衣咁 份量少到兒童餐咁款個飯又油又膩 食完成個定食仲係好餓女仔食都唔會夠又貴又少又難食！ blacklist 呢間餐廳！唔會再幫襯！唔想再有人中伏！

滿足的拉麵午餐大門拉麵位於將軍澳廣場吉之島超級市場內，午市輪候時間唔需要等位太耐，而且全日免收加一服務費，午市餐牌可以選擇一個定食（$42-52），包括餐飲凍烏龍茶/汽水（雪碧、可樂、Zero可樂），及可以以優惠嘅價錢追加小食（$12-38），炸雞、玉子燒、餃子、味蛋、炸魷魚、燒雞骨腸等，因此我覺得真係非常優惠，而且味道真係非常正宗日本味道，因為材料都是日本直送香港，而我非常推薦大門拉麵及炸雞，拉麵質地QQ，木魚湯底香濃，日式叉燒不太肥，很冧身入口即溶，而炸雞香脆，再配合檸檬汁蛋黃醬，滋味大大提升，因此如果下次要到將軍澳搵食拉麵嘅地方，可以試吓幫襯呢間餐廳。

想食日本野，又想平，大門的確係一個唔錯嘅選擇。雖然款式唔多，但拉麵、定食、炒飯都有齊，拉麵最平40幾蚊就有，定食等大多都係6、70蚊就有，好過食茶記啦。我叫左個吉列豬扒炸蝦定食，有沙律菜、麵豉湯、凍豆腐。吉列豬扒同炸蝦都幾大件，點埋沙律醬食，唔油膩之餘仲好好食。因為我呢個係單點，所以唔包野飲，不過只係＄60 ,咁嘅質素來講真係好抵食。

香港食沾麵的地方有好多，但大門拉麵是其中一間值得推薦的拉麵店。大門拉麵所提供的沾麵有三種，是日中午品嚐點了有叉燒的沾麵。就湯底而言，味道濃郁，口感層次十分豐富。店中標榜湯底由日本直送，相信這樣濃烈的湯必需用上大量材料製作，以$80一碗沾麵而言，絕對物超所值。而叉燒採用卷腩叉燒，叉燒表面亦用火燒過，外脆內軟，口感一流，值得推薦。店內小食亦有驚喜，玉子燒有口感，有蛋味，入口鬆化，絕對值得一試，其他小食如炸雞、炸魷魚亦十分可口，喜歡炸物的朋友絕對要試。

路過AE0N SUPERMARKET，大門拉麵，大大碗，$40算抵吃。而叉燒炒麵連3隻餃子，盛惠$42。而另一款辣拉麵，夠曬辣，吃得辣人仕一定喜愛，但略嫌咸咗dd。整體來說，經濟又實惠。

今次要試試拉麵，第一次來光顧食左定食套餐，味道一般。大門拉麵老公試過油麵，今次試湯拉麵，湯底濃郁而不油膩，麵質彈牙，不太硬，味道不錯，义燒也厚有肉味。大門油麵老公極力推介我試油麵，這個油麵不是有湯的，是用肉味醬汁捞落油麵食的，店舖有介紹客人可添加幾種調味料混合一起吃，增加味道感，可以加入生蒜、辣醬汁或白醋。我只加入白醋，中和原本酱汁，一食令人驚喜，味道突出，麵質彈牙，不會太溜，果然是店舖首選推介。义燒炒飯$28 一碗义燒炒飯，好吸引，飯炒得好香口，又乾身，义燒份量都不少，如果女仕們只吃這個飯，足已填飽肚皮，非常抵食。此食堂食物與價錢都相當符合大眾化，令人滿意，我和老公出外吃飯又可多個選擇啦！

大門的set do 經濟又實惠，環境舒適，成為我的TKO飯堂之一。係過左膠的餐牌揀餐，好環保！由於唔係好餓，沾麵又太飽，晚餐食最basic的叉燒炒飯拼煎餃子。炒飯炒得唔錯，但係叉燒太柴。餃子就無得彈，煎得好香，皮又薄。

成日經過大門食堂，但又從來無去食過，突然想食拉麵，所以決定一試睇佢門口細細，入到去地方原來好大好喇好喇，點野食先～大門拉麵 $48醬油湯底 叉燒幾厚 係粗麵條來的 食左幾啖 心諗油到乜咁搞咩呀⋯⋯ 我幾鐘意麵既硬度同粗度，但真係超油！！大門油麵 $52我是看中了它的溫泉蛋麵條粗度硬度溫泉蛋叉燒厚而燒得幾香～但其實是 碗麵你看似清淡 實際係食緊油撈麵說真的 真係好油 但亦真係好食尤其蛋黃撈麵 再加佢d撈麵醬汁 嘩 好香喔這是一碗令我有衝動會去食既拉麵燒花魚一夜干定食 $68包括飯，味噌湯，冷豆腐花魚燒得偏咸但吾會好干，幾juicy！飯細細碗 大食既會吾夠豚肉炒野菜 $35眼闊肚窄的我 覺得會吾夠食 單叫多個小菜但好似有點貨不對版呢說好的豚肉 為何是薄版五花腩肉⋯⋯而且調味偏咸和油～整體來說，我個人就較推薦大門油麵喇

嘩! 伏到不能再伏!!! 😷 我地嘅感受係: 不可一不可再!!! 🤢 個 "野菜豚肉定飯 加配 十六穀飯" 真係令我爭啲大叫出 2個字... 😤😤😤 穀麥份量少, 難以相信有電飯煲嘅年代可以煮到咁嘅程度!!! 若然話佢 "零咬口" 都完全仲係抬舉佢, 口感梅爛得黎一忽忽痴埋整番乾身咁囉... 何止無米香 直頭係 up 味... 😑 愛飯人 第一次想掉食飯!!! 個炒菜 油到爆, 切得大細不一 唔止唔同菜類 係同一菜類熟嘅程度都控制得唔好, 肉片乾又硬 完全刮口呀唉!!! 忽咸油忽齋油... 😑 沾麵, 就一般 below average 咁啦, 食得入口嘅都仲叫做... 😂

今晚本想食譚仔，但去左吉之島買野果陣見到呢間野，又唔洗加一，即刻轉左去試喇唔記得個名，但個撈拉麵好食，溫泉蛋整碎佢撈仲好味，每條拉麵都滲透著日本蛋香。而叉燒又燒到剛剛好，唯一係塊紫菜林晒唔好睇又唔好食我食鯖魚定食，等左半個鐘終於有得食了，啲鯖魚被滿滿的濃湯浸住，汁用黎撈飯，魚剛好，不鞋，但也不是非常滑。不過送飯好正，加上蔥絲一齊食仲好味，而且份量好大啊

60蚊一餐，食物質素我都唔敢要求，只求平平穩穩有餐正常飯食下，所以我都唔敢叫啲咩新野，咖哩豬諗住點都穩陣，加埋個玉子燒，老婆叫左個大門叉燒沾麵一送到上枱食左一啖，飯凍，汁凍，豬扒微溫……我直接同佢講，佢都即時換過一碟……食住玉子燒等佢換個飯黎，個玉子燒……樣靚靚，38蚊，食炒蛋……完全唔係果回事個飯黎到食左幾啖……心諗真係寧願去大家樂食飯……

將軍澳食野愈來愈貴，要揾$50樓下，食物又有質素，又傾到計既地方真係幾難！發現呢到個秋刀魚定食只要$38，咁無理由唔試啦！個凍豆腐超滑超好食！勁有豆味！個湯都好濃好有份量！條魚燒得好脆，特別係個皮最喜歡就係有少少焦焦地既香味！魚鱗都清得幾乾淨。面魚肉都幾香秋刀魚既味！唔係滑個種，係好有質感既魚肉。覺得好似有好多蛋白質咁！正！飯係珍珠米，可以熱返少少就更好啦整體黎講不俗！可以再黎

Lunch set 有多款classic日式定食，試下食魚，因為見到都有幾種可以揀，有靖魚、秋刀魚…… 感覺唔錯。order在燒花魚一夜干定食，條魚開邊好大條喔！燒得好好味！仲有蘿蔔蓉加檸檬汁，配白飯，delicious!

難得有好耐冇見既老友請我食飯, 於是就帶我去食一間新開一段時間既拉麵店食拉麵。等左一段時間, 終於可以入座, 餐牌上既食物種類唔算話太多, 最後我地揀左幾樣野食:大門叉燒沾麵拉麵煮得岩岩好而且十分彈牙, 沾上佢地既醬汁十分好味, 醬汁味道濃郁, 豬骨香濃, 可惜醬汁過於稀身, 比較難掛上拉麵到, 比較失色小小。再配埋叉燒, 叉燒十分厚身而且有小小碳烤香味, 正!!!大門油麵呢個值得一試, 油麵同樣都煮得岩岩好, 好彈牙....撈埋溫泉蛋既蛋汁令到油麵味道更加香滑, 再加埋乾筍, 香蔥, 紫菜, 味道十分豐富同惹味。叉燒同樣都好厚身而且油脂比例岩岩好, 甘香味濃, 值得一試!!!煎餃子餃子煎得岩岩好, 皮薄而裡面既豬肉餡料都十分入味。剛上枱熱呼呼令人食得好滋味, 價錢十分相宜, 值得一試....

是日午餐食大門叉燒沾麵，麵和湯分開上，見到湯儂郁芳香，已經急不及待要夾住麵去浸湯食，麵質爽滑帶湯汁食，正！没有油腻感覺。料多，有紫菜，叉燒大大塊，有兩大片加碎肉。食完之後可再加木魚湯飲，有些咸，但係幾好味！