大門食堂 (將軍澳廣場)

營業中

休息中

本來諗住去AEON買野，突然見到有一堆人排隊，八卦既心態走去𥄫下，見到個開放廚房入面煮緊面好似好正咁，即刻走去排隊拎飛，可能一個人所以好快就有位，入到坐bar枱，見到地方都好大，坐得舒服，餐牌係一張3摺紙，但款式都幾多，因為唔係好肚餓純粹為食，本來想淨係叫小食，但見到隔離枱個個都食麵，最終都係叫左碗大門义燒沾麵同味蛋，侍應跟住比樽水我自己斟，等左十幾分鐘，麵到賣相都幾吸引，侍應仲比一張圖表教你點食沾麵，旁邊有的蛋醬、醋等幾枝醬油可以撈來食，原來沾麵即係撈麵咁，的义燒都幾大塊，有成5cm厚，首先試吃原味一啖，跟住按圖表落的醬試吓，味道相當濃郁，的麵又好食，义燒嫩滑，果然要跟住個圖去撈下係好味的，尤其個味蛋的蛋黃流心，咬落去蛋黃汁黏住個囗，好味到不得了，最衰佢3間分店都唔近我，唔係就可以成曰食到。