大門食堂 (將軍澳廣場)

營業中

休息中

因為突然有d想食拉麵，所以就係附近搵一間拉麵，就黎左呢度。我份人就唔係成日食拉麵，因為我係好怕油膩。我同我個frd一人嗌左碗拉麵，我嗌鬼門拉麵，因為感覺辣d解膩，我個frd就嗌左大門拉麵，我地仲叫左個炸魷魚。先講下個炸魷魚，佢個炸粉好薄身，唔會食到成口粉，我好怕太厚，所以幾滿意，同埋佢都好夠味，所以係好唔錯，下次黎會再嗌呢個。跟住講下個鬼門拉麵，佢真係幾辣下，同埋好濃味，頭個幾啖d辣都蓋過油膩，但食到後面，開始好濃好油，有d唔想再食😩因爲我真係唔係好頂得順油膩的野食。但我個frd個碗大門拉麵就反而濃得黎又唔膩，所以後尾交換食，舊叉燒肥瘦適中，好啱d好似我怕膩的人食。