影片
以上資料只供參考, 請與餐廳確認詳情
同朋友聚舊,順便慶佢搵到大生意,於是就選左大門橫丁和食屋,呢間我曾經係度食個lunch，覺得味道同分量都幾好下，決定再幫襯。一行三人去到唔駛等位，入到去發覺約四成滿。今次有部份食物唔記得影相，只可以粗略講番其他無相既食物。吞拿魚刺身，四片，厚切，視覺同味道都無問題，鮮味道夠，食落亦唔見有渣，68蚊既價錢有呢個質素真係出乎意料正。鰻魚卷，味道一般，賣相亦同餐牌差一段距離，一睇飯多個乜就知食落只係得飯味，其他既味就係上面既蔥花 。但師傅手工好，夾起唔會爛，都值得加分。燒煙肉年糕，燒得恰到好處，無過火位，見其他食評同樣出面有出事既事件，燒到太過火而溶晒，呢個就好彩無事，入口肉香四溢，配合年糕既煙韌，每啖都刺激著味蕾，值得一叫再叫。蒜香鐵板牛舌，又係厚切，不過牛舌厚切就確係唔同，單睇圖已經見到六大塊，而每塊厚度都有番咁上下，全部加埋都應該有1/4條牛舌咁多，真係不惜工本；因為係厚切，所以好難要求要滑要易咬，但食落亦唔係太韌，而且亦食到有一陣陣牛肉香味，鐵板燒過再加上蒜香，令個肉本身既肉味更突出，彌補左本身太厚而難煮左既問題，食出黎最後有合格以上既分數。之後叫左個冷烏冬沙律(無相)，以甜甜酸酸既柚子汁伴少少醬，烏冬分量夠，而入口都好滑，雖然未至於好彈牙同爽，不過係醬汁配合下，食落亦有一番風味。雜錦天婦羅($68)，新鮮炸出黎，配以天婦羅汁加蘿白蓉，味道唔錯，唯一要彈又係基本野，就係天婦羅汁係凍既，咁樣沾天婦羅就會整凍而變得無咁好食。呢樣野係好多日本料理都常犯既錯誤。食到呢度，仲有少少唔夠喉，於是再加左一個軟殼蟹卷同埋雞翼芝麻雞翼味道一般，燒得合適，不過係咁多道菜中，佢就算係細份，以廿幾蚊以及呢間舖做慣既分量黎講，真係估唔到佢會畀咁細隻雞翼我地。軟殼蟹卷，同之前果個卷一樣，有六件，但係飯就明顯無咁多，軟殼蟹亦係先以天婦羅既做法炸左先做壽司，味道比較之前既鰻魚卷好得多，至少當中食材既分量較多，而軟殼蟹亦炸得好香，上碟時亦有一陣陣天婦羅炸野味，反而個天婦羅併盤就無呢種味。整晚既菜色都幾有水準，其實我比較覺得佢地應該主力集中做刺身,雖然叫左三道刺身壽司中，果兩個卷物唔係太出色，但單單睇刺身既新鮮味道，其實唔會差過燒物太多，不過似乎佢地呢間本身定位都係未見清晰，燒物同刺身類各一半，如果可以再放多D心機去做好D壽司，相信一定可以吸到更多客返黎。呢餐飯既氣氛好好，首先係環境，雖然未至於好有日式風情，但裝潢上都見有下過工夫，而且地方闊落，唔係出面好多都係要用盡一切空間去放檯，每張檯之間有段距離，食野講野大聲少少都唔怕影響到其他人，而燈光冷氣適中，坐落亦好舒服，令客人可以放鬆咁去享受美食。而當晚其他客人都係叫飯或者烏冬為主，相信係價錢方面令佢地選擇較抵食既類別，不過整體上我覺得呢度既質素係物有所值
繼續閱讀
之前午餐有來過吃~ 那時比較滿座。沒想到晚上來吃的話~反而沒什麼人=0=!!! 這個沙律有點交行貨 >___<！！主食點了 - 什錦魚生飯 ($78)刺身會很少本來都預了...但沒想到來到後可以更失望Q_Q！唯一好的是這個飯總算有點味道。因為另外點的這個 - 和風牛肉鍋飯($78)。這個飯真的好淡......好似沒有味道似的Orz麵豉湯也太咸了 不過小食的 - 汁燒魷魚筒 ($48)這個很好吃!!!!! 那個汁的味道也很好~卷物點了 - 金龍卷 ($58) ^^覺得炸得有點過火了... 紅豆綠茶($28) 是特飲。綠茶的味道比較淡~但幸好紅豆不算太甜。不然只有甜味的話會很難飲。
繼續閱讀
經常到mk,太子,tst大門橫町食野,間間都有一定質素,作為橫町fans,特別喜歡他們的特色串燒,素材新鮮而價格合理見佢地開分店,點可以唔黎試試?門內空間感很大,而且坐位寬敞,是很少有能坐得舒服的日式居酒屋呢橫町中也是它最大了吧?溫泉蛋沙律有點像放題,份量很細小,下了太多醋令味道過酸,跟蛋本身不是很配,但半熟蛋本身味道是很好的蒜香牛脷, 注意: 並非牛舌,心水清的同仁應該注意到,寫牛脷的大多是荼記,而且大多腌得很淋,這裡也一樣,非常淋,一點也不彈牙,但加了炸蒜, 令它挽回了一點分數抱歉吃了一半才記得影相@@已經消失掉的油甘魚味道最好,既有回甘, 又肥美,吞拿魚去筋做得很好,完全沒有渣,三文魚則一般炸三文魚皮因為炸得不夠...吃到很多鱗...蟹肉忌廉薯餅裡面的忌廉熱辣辣,放了一陣子也沒有涼掉,而且份量足~很正~但蟹肉就完全吃不到三文魚頭非常油膩,不過燒得不錯,不過太乾身牛肉野菜鍋,極重味精的一道菜,只要淺嘗一點就吃得出來,味精味嘛,味道當然好但亦因此過咸一般貨色,但放在冰上值得影一影總體來說,質素還可,幾道菜都味精略重但如果要吃這個價錢,我寧可去其他橫町叫一個烏冬加串燒算了
繼續閱讀
首次約朋友到這店, 之前去過其他分店, 這裡比較起來大很多, 枱與枱之間有足夠距離, 感覺好一點!厚切一共四片, 好港式的切法, 實行餵飽大家視覺, 入口當然無問題不過不失的沙律, 現成醬都很難有什麼出錯, 幸好蔬菜都爽口新鮮都不錯的品質, 鰻魚當然要夠鰻魚汁才沒有那樣腥, OK, 而帶子都沒令人失望, 大大片的, 入口都不差, 尚未有冷藏味!都很大隻的雞翼, 啖啖肉不是日式, 香口又脆口賣相OK, 味道都不錯, 都很香, 夠熱又有牛味, 不錯帶子都不錯, 雖然不是很香口, 又有點兒燒過了火, 但芥茉的味道真令其很出色, 很出奇又是吸引的賣相, 很香脆, 夠味道, 又好肉甜味較重的炒飯, 飯微濕不是太乾身, 鰻魚片都算多, 整體都讚
繼續閱讀
在附近上完堂來吃晚餐, 不用等位, 叫了兩個烏冬蟹肉蕃茄濃湯烏冬好味, 有蕃茄肉, 上枱才知蟹仔也是全隻上的, 一路食一路覺得蟹仔可憐有點後悔叫了佢.糖芯蛋普通入味, 可以煮耐些.沙爹湯底的味道好似比其他分店淡了一點, 雖然依然好味.另外還叫了玉子壽司, 不過本人不食生的食物, 不予置評.
繼續閱讀