大門橫丁串燒手打烏龍麵店 (山東街)

營業中

休息中

#鐵板蒜香牛脷 配 白飯（$49）好核突既牛脷👅！2號其實係唔食既🙅🏻。但有鑑於foodie既科學精神，點都試下先。其實個味道真係一流👍🏻，上枱都仲「咋咋💢」聲架，口感定香口度都好過樂天大喜屋！窮遊指數：6.5/10好味指數：7.5/10#芝士一口雞撈手打烏冬（$50）食烏冬真係要食讚岐☝🏻️。面頭淋左超多芝士，但又唔會好漏，再加多幾滴秘製汁撈埋💦，每一條烏冬都沾滿芝士⋯實在太正了。一口雞🐓其實唔係一口，可能要2口或者3口，但份量一啲都唔吝嗇，鮮炸出黎，油份鎖住肉汁，好juicy！窮遊指數：7/10好味指數：8.5/10

今日男友同我一齊放假,諗住出去行下街 睇下野,10點多先諗起食晚飯,咁o岩就係呢間大門橫丁既對面馬路,所以就走左入去食 其實我一年多前已經黎過食 一年之後番黎 竟然係失望我和男友叫了一個烏冬 一個沙律 同幾樣串燒烏冬就係胡麻湯炸豬排烏冬，烏冬彈性尚可，湯就真係(杰)左d 但還可接受 但塊炸豬排真係太咸 咸到不得了 又好似炸唔透咁溫泉蛋沙律  以前無呢個沙律 所以今次試下 酸酸甜甜幾開胃既 但係隻溫泉蛋太熟囉 好似烚蛋咁 呢樣唔得串燒我地就點左 牛舌 雞亦 牛柳粒同燒蠔  牛柳粒係當中最可口既一樣 但係其他雞亦牛舌真係好咸 男朋友都話呢間食肆既口味真係好重  咩都死咸爛咸 值得一提最得意既係待應之間好似不時有呼喝既情況  雖然無笑害 但唔會唔理人

以前成日好鍾意食大門橫丁,因為D烏冬真係好正,不過最近一次黎到,D質素已經大不如前啦排隊排左廿分鐘,入到去竟然換黎失望,唉食左個麻辣蕃茄烏冬,湯底仲保持到,但D烏冬好林,無以前咁彈牙,食落無咁爽口而個豚肉好似越黎越"蘇",質量真係差左唉,又一少年回憶無左

芝士唔夠溶，磨菇夠乾身，夠味道d芝士比起上面個磨菇溶d，雞肉好滑唔乾，但可以再入味d左邊嘅甘荀牛肉卷同右邊嘅金菇牛肉卷比例都好好，d牛唔會太厚，金菇亦唔會太un，咀嚼時仲感受到d肉汁，呢個值得推介呢個又係不錯嘅！唔濕亦未至於全乾，適度嘅咸味，帶出鮮菇嘅香味！呢個大小適中，可一口一啖，既咸亦甜！呢個新普通d，無咩特別的是次用餐感覺一般，d服務員叫極都無人應，埋單時仲發現多收幾樣無叫過嘅嘢食！張單無端端貴咗一倍！所以埋單時一定要睇清楚！

自從大門橫丁轉左餐牌之後，都無黎幫襯過，今日咁岩行完街，成夜晚９點，好多地方開始無野食，見到佢舖頭有空位，就入黎試下啦其實個餐牌都係大同小異，食物內容差唔多，唯一難能可貴既係佢無乜點加價由於一個人，最近又開始要減肥，所以食個沙津算ＬＵ，胡麻青瓜沙津，佢地Ｄ青瓜依然係咁新鮮，非常爽口，沙津菜又係好鮮滑，蕃茄仲好多汁ＴＩＭ加埋個胡麻醬，入口惹味好多，而且份量相當十足，一個減肥中既女仔食係岩岩好嫁遲Ｄ減完肥再黎試下Ｄ烏冬有無進步先

朋友生日食飯話約一班人普通吃餐飯，我諗起大門橫丁係尖沙咀個間幾好吃、又大份，所以咪去旺角個間試下。叫左紫芋甘栗餅、芝士魚餅份量真係好少，我們5個人，每人不能吃一口，得四舊。。。幸好有多點一個沙律，但都是一大碗，每人分一點。汁燒原份豬頸肉，味道不錯，燒得幾香，香口有嚼口。我點的烏冬是芝麻醬湯雞排烏冬，湯味有點太濃，吃完口很乾，但雞排很脆身，燒很很好。其實我們去的時候人不太多，不用一直超快的收起我們在看的menu，搞到朋友要攬實本menu

同朋友4人來晚飯，我最遲入坐朋友已經叫咗3款招牌手打烏冬同幾款串燒，烏冬不太大碗我試咗少少，叫侍應生拎menu一睇價錢就覺得有d唔抵,烏冬算彈牙但湯底同配料整體唔夠火山石好食。蜆雖大但味道唔夠鮮甜，豬軟骨炆得唔夠林唔夠火喉軟骨重硬硬地，雞扒還可以，3個湯底都唔太得，味道好行貨，胡麻湯底重好漏。串燒菠蘿同汁燒年糕就幾好食，炸豆腐同炸芝士年糕冇咩特別，冷豆腐賣相幾別致上面有櫻花蝦乾蟹籽配胡麻汁，汁味道唔夠出中規中矩。芝士燒大磨菇，隻磨菇本身味道不錯多汁鮮味，但用既芝士唔得，從形狀估計係超市普通片裝芝士，難怪芝士味唔突出。呢個價錢對應食物質素我覺得略貴，食物款式較少手打烏冬就佔咗menu一半，串燒價錢都幾貴款式唔多，整體感覺一般。

經常路經此餐廳但從未光顧旺角餐廳很多但通常要決定用膳地點時通常都選擇困難想食點比較清淡簡單的，此餐廳正中下懷可能由於六點多時間尚早，餐廳內只有六成滿翻了一遍餐牌對好幾款烏冬有興趣最終選擇了魚翅蟹肉蕃茄湯烏冬男友則選擇了咖喱牛肉湯烏冬魚翅蟹肉蕃茄湯烏冬本人素來偏愛蕃茄湯底不過這家的蕃茄湯底未見出色，蕃茄味偏淡標榜手打烏冬應該非常彈牙美味，但這家的烏冬一樣未見出色蟹肉是應該是來貨的，雪藏味頗重，一般般附上一撮素翅增加口感，份量不吝嗇咖喱牛肉湯烏冬咖哩辣度適中，味道還好牛肉份量算足夠，正常質素比預期之中有一點點落差，各方面都沒有突出表現不過未算差，但應該不會特別光顧

係旺角食好多野都食到怕 成日食都唔知有D咩選擇咁岩行過一間叫大門橫丁 個名幾特別同係食日本野 咁就同個FD去左食今次排隊都唔算耐 等左20分鐘就入得入到去坐 有少少迫 但都可以接受望望旁邊既人都叫左唔少串燒食咁同個FD就叫左好多串燒因為睇落好似好出名咁我地先叫左一個蟹籽沙律食住先之後我地叫左好多種串燒 多到我都唔記得我地叫左D咩但其中一個令我印象深刻既係燒牛舌，呢個係我既串燒推介另外叫左個烏冬食 烏冬個湯底好濃 唔似出面果D咁稀無味呢個蕃茄湯底既烏冬可以推介比大家 

時已過十點, 但仍未進晚餐, 不太餓, 那就吃烏冬吧.餐廰仍有八成滿, 被安排到BAR 枱, 坐了一會, 不太舒服, 立即站起來舒展一下, 眼尖的服務生馬上走過來, 告知有另一桌客人剛走, 待收拾後, 便可以讓我轉過去. 嘩! 太棒啦!   坐下隨即看餐單, 每類拉麵大都有註明等候時間, 超細心, 我點了沙爹湯底的牛肉. 豬軟骨烏冬和南瓜餅.在等時, 看到當眼處也有温馨提示, 煮食需時, 因為一切都是用心食物.等了良欠, 用心食物到.  熱呼呼的.  沙嗲湯為自家製, 咸中帶甜, 濃稠剛好, 喝多了也不口渴, 温泉蛋非常溏心, 牛肉鮮嫩, 烏冬又滑又彈牙, 果然是用心食物. 超讚!     南瓜餅炸得很皮脆外軟, 但不油.  很香甜!   其實餐廰不大, 郤有五位服務生, 每位也盡宗職守, 沒有客人呼喚時, 也沒有擠在一齊聊天. 有人會去每桌查看有否空食具要取走,  另一位則每桌去添茶. 這是我在香港唯中遇到客人一舉手, 服務生便即回應的餐廰. 而且招呼客人的日語每位發音也不錯, 可想這店的訓練和對員工的服務水準要求相當高. 鄰桌想點串燒, 剛好爐出了問題, 服

有晚心血來潮想食拉麵，岩岩人在旺角又諗唔到食咩最終諗到食日本菜，就決定食大門橫丁。我地一行4人，去到唔肯坐bar枱就等多一陣入到去有張最尾又大既梳化比我地坐，4個人坐好寬鬆我叫左個蕃茄雞肉烏冬($58)，啲餸係食極都食唔晒，反而啲烏冬就好快食晒！之後再叫左個燒雞翼串同芝士雞肉串。略嫌芝士雞肉串冇乜芝士味，雞翼串就幾夠味。整體黎講都ok!!價錢大約$58~$88一碗

平時我都唔寫食評...麻麻地最多唔去...但今次覺得要寫下成日經過間鋪都無試下，今日落大雨就入去試下，叫左一個番茄極尚牛肉手打烏冬，黑白芝麻豆腐，燒牛舌，燒羊架，食左$227(連加一)個烏冬茶餐廳係質素，開粉湯底，無技巧，牛肉..係肥牛..碎濕濕...而且成碗野份量少 ，唔知極尚係邊..極尚次貨當貴貨..$68蚊黑白芝麻豆腐味道可以，配櫻花蝦乾，不錯，雖然全部係現成野個燒牛舌入味，但得三塊細細塊同燒到過火有少少韌，賣成$34一串真係唔值個羊架得一件又細件，係吉吉島四十蚊醃好有兩件個隻，食放題仲大件過佢，仲要全熟，未食過羊係全熟，除左羊腩煲，仲要$68一件，真係賺死佢真係仲哂伏

平時食開尖沙咀同太子果間都好地地！點知一食旺角哩間就差到不得了！叫左個辣蕃茄雜菜烏東，啲雜菜梅到不得了都算！叫左個葱串燒，燒到成嚿炭咁黑！點食呀大佬！同佢地講左，佢地話燒過另一串比我要等多幾個字，我咪等囉！點知再黎果串葱用本身冇既燒汁鋪係面比返我！(我十分肯定係比返之前燒燶左果串比我，以為用啲汁鋪住就冇人知咩！)我問佢地點解會有燒汁？我食開都冇！佢竟然話一直都有！我話甘頭先燒燶果串又冇，夷家又會有呢！之後仲要有3，4個員工走埋黎圍住我話不嬲都有！我真係火都黎埋！夷家想兇我咩！

今日又放半晝，又同同事黎左哩間醫肚。今次唔想食烏冬，望望menu，set lunch話叉燒炒蛋飯係皇牌，就試吓有幾好食先~~個樣望落真係幾得，不過食落就有D失望喇！炒蛋係幾多，不過就炒到過左火，唔夠滑，亦無咩蛋味；叉燒係切成粒狀，都算多，但就好多肥膏，如果用半肥瘦叉燒會好好多！面頭有丁咁多豉油，只係夠幫D炒蛋吊味，墊底D白飯係完全無豉油撈，所以好乾。雖然話係皇牌，但黎哩度都係食佢D手打烏冬穩陣D喇！

一直都覺得哩間D烏冬幾好食，夠彈牙，特別係佢個蕃茄雞柳湯烏冬，湯底好濃茄味，雞柳又唔會好肥，真係唔錯！今次就試哩個一口炸雞芝士撈烏冬：開頭都驚佢會唔會得好少芝士醬，搞到食到最後會乾爭爭，但原來我既憂慮係多餘的！芝士醬好多，芝士味唔算好濃，但勝在個醬夠挺身，撈埋D彈牙烏冬好creamy；炸雞係即炸，熱辣辣，又唔會太油，點埋沙律醬仲正！午餐時段包一杯野飲，都係$46，旺角區黎講算係咁喇！