大門橫丁串燒手打烏龍麵店 (山東街)

營業中

休息中

這日有時要過來這頭，順路來到食個LUNCHOrder了這個迷你豚肉生薑燒定食$48日式醬油鹹中帶甘，當中的生薑和洋蔥夠提味，而且帶出豬肉的新鮮豚肉肉質細滑，又略帶豬肉的油香。米飯口感煙韌，感覺不俗，份量也適中。另外還有個沒影出來的蕃茄濃湯手打烏冬，感覺只是普普通通，就不作詳述。

行來行去都唔知食咩，求其就左入呢間橫丁下午茶。點了兩個下午茶set,每個set都有飯同細烏冬，十足午餐的份量。蕃茄烏冬，細細碗茄湯夠稠，幾醒胃。迷你咖哩吉列蝦丼，是日式的咖哩味吉列蝦夠鬆脆迷你蒜香厚燒牛脷丼，果真厚切，件數又多。跟餐仲有野飲，但建議不要飲桂花蜜，十足流質桂花糕

突然想食烏冬，諗起身食大門横丁，今日試試新嘗試，北海道豬頸肉撈烏冬，寫明輕食都知份量小，侍應話要等20min,見到有個8週年小食，加8元就可試小食一款，我選左芝士年糕，以為係咸食，原來唔係係點練奶食既，奇奇怪怪甘，仲要好油！烏冬到唔知係未食完甜既芝士年糕，剩係覺得佢咸得好誇張，豬頸肉既醬汁係咸到唔可以接受！唯一依然好食既就係烏冬，下次都係叫返窩燒烏冬

６－７年前成日同朋友黎依度食，因為真係好好食同好抵食最近同果位朋友見面，自然去返大門橫丁啦今次食返我最愛個蕃茄雞柳鳥冬，雞柳好香，不算好細舊，好易沈曬底烏冬好爽口，好滑，而且掛汁力好強，同湯一齊食好味個湯底好好飲，我地次次都一飲面盡，今次都唔例外啦

黎開旺角搞證件，等等下都到中午，係附近搵食發現呢個幾吸引的門面午餐都幾抵食，48元有飯有烏冬，正！蕃茄濃湯烏冬湯勁濃，而且有真茄，和冇味的烏冬很夾！蒜香厚燒牛脷迷你丼半碗飯左右size，好啱小胃的女士們，又可以食不同食物，個人幾中意，牛脷的確厚不過有點鞋，燒汁香甜，炸蒜夠脆和香，送飯又啱！！咖喱吉烈蝦丼咖喱汁香甜送飯正！吉烈蝦炸得好脆，抵讚

其實呢間食店都有KEEP住食開,因為貪佢唔洗點等位,又唔會食完吹你走,今次食既一如以往都是地獄湯牛肉烏冬,辛辣番茄豬軟骨烏冬同一條燒栗米,特別欣賞係佢既地獄湯底辣得過癮,對食開辣既朋友小弟非常推介,其實仲有好多不同款既餸同湯比你選擇,至於串燒方面都有好多選擇,特別係栗米,佢係有落鹽去燒,出到黎非常之香同食落去好甜,如果主打串燒既朋友,不坊等佢宵夜時段去食,有折可以食得好多,但近期可能物價高,野食係有縮水總結係,價錢合理,味道唔錯,希望會KEEP住落去

原本我地係叫叉燒拉麵同黑蒜拉麵,個服務員落錯單落左烏冬,都算!好佢錯又好我地表達唔清都好,明明好聲好氣問佢,佢就話'你唔好屈我,我無聽錯!'我地就話'咁可唔可以轉返拉麵'佢話'無'同埋話'我無落錯（態度惡劣）',就轉頭走左去!!之後我地等左好耐d野又唔送黎,我地就叫個個落單服務員跟,一黎就問'仲有咩未到',大佬你岩岩堅持自己無錯又唔會唔記得既!我地開始唔好老皮問'係咪應該我地問你你落定取消呢!'之後個服務員就話'我岩岩講得好清楚我話唔會轉!'我地就話'你咩態度啊!'個服務員竟然話'你以為客人大曬啊!'我就話'你咩服務態度啊'佢竟然走左去!我地要求道歉!!!個服務員想收工換曬衫!我地行去佢面前要求佢道歉!個服務員竟然叫我地'食藥啦!!!!!'（真係好嬲）吃左627蚊野最後無道歉無投訴電話無經理唔折無服務,仲要受氣!這係理解唔到⋯我只係想講出自己經歷!

大年初2，晚上相約朋友1行4人到mk吃晚飯，點知好多都無開。。見到呢間有開又不用等位就揀呢間啦，坐位好迫，要除下大褸外套放手袋都沒位置叫左個2個湯烏冬及小食share吃，湯烏冬份量俾預期少，小食方面，玉子芝士串燒都幾特別。串燒都幾惹味，不過埋單都要差唔多500蚊。個肚仲有空位大家就一齊去再戰甜品喇

聖誕節訓到自然醒,同屋企人落樓下附近食個晏,行過見到呢間大門橫丁,初初開既時候已經食過一次lunch,非常麻麻,之後都冇再食過,今次行過又諗唔到食咩之際,媽媽就提議不如再試下隔左咁耐比多次機會佢睇下有冇改善其實都係好一般,但今次重點係個侍應態度超差一入到去,人影都冇個,得一,兩枱客,冇人招呼問幾位,咁我地自己就搵個位坐低坐左一陣睇完menu想落單,我地:唔該想要個D...侍應: (即打斷)你地係咪3位我地: (未load到佢想點)..下?侍應:你地係咪3位,3位要坐埋一邊喎!!如是者比佢迫左我地去坐牆角坐左咁耐先叫人調位,仲要好冇禮貌,一開頭入黎又冇人又唔話我地知應該坐邊 之後上圖對情侶黎左,坐左係我地原先前面個枱,都係成間餐廳既中間,2個人霸4個位,但個侍應就冇趕佢地去牆邊坐,之後右手邊對情侶仲過份直頭2個人係4人枱打橫坐又係冇趕佢地,但我地3個人就比人掟埋牆角,d凳寧願比情侶擺袋都唔比人坐 如圖中所見,店內勁多空位, 但唔知點解死都要趕我地埋牆角, 個侍應又全程勁黑面,聖誕節第一餐同家人就搞到如此不開心聖誕節果然情侶係大哂, 毒L同家人食飯就是原罪以後唔會再黎亦叫哂所有親戚朋友唔會

以前黎親大門橫丁都會叫佢個湯烏冬, 仲有就係10後既半價宵夜串燒, 仲有日本梅子味酒, 好好飲嫁!但係太子店竟然執左...嗚嗚...唯有黎到旺角店食啦, 不過退步左...個番茄湯底好濃, 但D料就好唔入味, 粟米雞肉烏冬全部分開煮咁, 同以前唔同晒...仲有串燒甘荀牛肉D牛好韌...不過甘荀D味調得幾好

好耐冇食過呢間嘢了，之前經過太子見執左，佐孰同深水埗果都執埋，以為佢全線結業添，今日在旺角做完按摩就行過去球場果邊睇下間嘢仲喺唔喺度啦！見未執就入去食，點知食到成肚氣，一入到去就被安排坐貼牆嘅2人枱，勁逼，左手係緊貼牆咖！因實在太逼，所以要求轉位，而且我見其實仲有好多4人枱，個待應話可以𨍭，但要同人搭枱，D語氣已經唔好！搭枱唔係問題，好過成餐飯要貼住牆食！睇完餐牌就叫嘢食啦，我叫左個燒鳥手打烏冬辛辣蕃茄湯底，男朋友就叫左吉列豚肉烏冬辛辣沙爹湯底，加左個炸蠔！等左陣男朋友個烏冬到喇，但係淨上烏冬，等左5分鐘先拎個吉列豚肉來，而我呢就到左份燒鳥先，都係等左陣先上烏冬，其實點解唔可以一齊上餐咖呢？講返D食物，吉列豚肉賣相奇差，食落係炸到乾哂水，仲衰過茶餐廳，男朋友話辛辣沙爹湯底係咖哩味！蕃茄湯味道係罐頭羅宋湯味，個炸𧐢就超多炸粉，食落囗好似淨係食緊炸粉咁！D手打烏冬係軟淋淋，成pat嘢咁！服務又超差，冇水又唔斟水！識收嘢唔識斟水，未食完就趕住收嘢，好似要趕客咁！2個人折左都要$200，咁嘅價錢咁嘅服務，我寧願去茶餐廳食!坐得又逼！怪不知佢執左咁多間啦～我之後都唔會再幫襯囉！

一直都知道大門橫丁旺角有分店，平時去開尖沙咀分店，今日收工餓了⋯又想食下，就比次機會去啦～午夜時分仲係好多客人，點了地獄豬軟骨烏冬和黑蒜油豬軟骨烏冬兩個湯底都很濃郁，地獄湯當然很辣，不過辣得黎又很開胃，好好味～豬軟骨很軟，加上一些玉米、日式魚蛋、半顆溏心蛋，整體很有層次味道很夾～❤️️但食完黑蒜油湯之後就覺得地獄湯被比下去了，黑蒜油湯雖然不辣，但又濃郁，又香又美味～～下次都係會點黑蒜油湯～😁宵夜特價小食～芝士蟹籽雞肉串～都好好味～～雞肉很滑，加上芝士醬～吃完好有罪惡感～但真係好美味！！墨魚餅很軟很特別，跟平常酒樓食既唔一樣，可以試下～食完覺得其實尖沙咀同旺角都一樣keep到個水準，以後收工旺角宵夜特集又多一個口袋名單了～～

其實我都幾鐘意食日本菜大門橫丁也是心水食店一個烏冬加一份小食,份量剛剛好但最近去旺角的大門橫丁,烏冬鍋份量少了許多叫了一個番茄牛肉烏冬鍋喜歡酸酸甜甜有真正番茄味的湯底,感覺實在烏冬鍋配料有番茄塊,枝豆,一半溏心蛋和牛肉片除了枝豆其它的我都愛食,牛肉片也用了靚料,充滿牛味而烏冬同樣爽滑彈牙但烏冬鍋份量卻少得可憐,大不由前,一句話縮晒水食不飽所以叫了小食芝士燒磨茹不會太乾太硬,食落有汁,味道不錯燒波羅用新鮮波羅不是罐頭波羅波羅香甜而多汁引人食慾黑白豆腐主要用胡麻醬調味黑白色味道分別不大用匙子上,方便食用夏天食這菜比較合適其實大門橫丁的味道不錯如果牛肉烏冬鍋份量不大縮水應該還有下次

星期天與東東會面，諗唔到食咩！腦海中想起有這一間好像拉麵的餐廳，前來到餐廳才知這間餐廳是吃烏冬。我們進點的時候，只有一台客人，我的感覺總是怪怪的，開openrice這間的餐廳食評最近都不太好，但東東話試一試。我點了番茄濃湯豬軟骨烏冬，這個湯底非常之濃味，但濃得有點過分，非常之酸！很難入口～而蛋甜得很過分。烏冬面每一條都很酸。東東吃的是黑蒜油湯底，都是非常之難濃！太咸了！

聽同事講好食，就自己一個去試下，lunch冇咩人，叫左個set 蕃茄雞肉烏冬，吾洗5分鐘就黎到，有點可疑。食落就知，青豆好明顯後加，吾熱。但系雞肉好入味，足料！蕃茄湯濃到岩岩好，加埋粟米，洋蔥，好正！開始覺得哩間舖可以encore!!食左大半，芝士大菌燒終於黎啦，賣相吾太吸引，食落冇乜芝士味，吾夠濃，還有芝士系一舊舊，未溶晒咁，淨系食到菇味，但菇勝在夠乾身，哩個唯一優點。。當你諗住推介別人黎食，芝士大菌燒會完全抹殺你哩個念頭。下次都系叫烏冬好啦。。