大門橫丁串燒手打烏龍麵店 (山東街)

營業中

休息中

行街行到9:xx，好多餐廳都關門喇好在諗起大門橫町關好夜所以每次我過十點都會幫襯😍今次嗌左個沙嗲湯底既豬軟骨烏冬平時會嗌燒鳥既，即係燒雞扒🤣不過喉嚨唔舒服就食豬軟骨啦今次個湯底就咸左少少平時我會嗌豬骨湯底🤔不過今次想試下新野下次都係轉返豬骨湯底較好不過個烏冬有好多豬軟骨，扺讚另外我朋友叫左蕃茄湯底既吉烈豬扒烏冬我就無影相，不過我試左幾啖蕃茄都不俗啵，同埋吉烈豬扒即叫即炸係好味既，下次都會試下😋

夜晚喺旺角踢完波覺得有啲肚餓之前呢度有串燒特價所以記得呢間餐廳再嚟呢度食個烏冬醫醫肚入到餐廳入邊環境都OK不過啲枱燈就比較迫睇餐牌都幾多嘢揀嚟食烏冬款式多好多價錢就有60幾蚊到80幾我就叫咗個蕃茄雞柳烏冬湯底都算OK親埋啲綠豆就有啲怪粟米都幾甜啲雞唔會好老隻蛋就一般啦味道唔係特別出眾烏冬都算彈牙整體來講中規中矩

Happened to walk by when it was about 10minutes to way-too-late-to-eat-dinner o'clock. Having just spent a week in Osaka I was already craving some Japanese food. As a main dish we had the udon with spicy tomato base and fried pork cutlet. The soup base was great. Definitely wasn't expecting it to be so tasty. It must have been bath water for the Shinto gods in another life. I would try a different meat next time as the pork was a bit chewy and fatty for my liking. Other good dishes were the mo

朋友某日接小編放學，帶小編去吃新嘢~其實都唔新，只係拉麵店啊...好多間，又見這間門面都不錯，所以介紹一下。餐牌很多選擇，但喜歡蠔的小編還是敵不過蠔的引誘。 朋友叫了這個沙嗲湯極上生肉，小編叫了吉列蠔手打烏冬，我們再加了清酒煮花甲和日式胡麻沙律！ 小編每一次去吃新嘢，都會預計自己不可能來第二次，所以叫了很多~~HAHAHA！ 沙嗲湯極上生肉到了！立即試味~~ 個湯好有味，但...好"結"！"結"到一個點！OH~~但其實牛肉很好味，而且份量很足夠。 清酒煮花甲最正！清酒酒味不太濃，個清酒令人回味，而且花甲大粒！有咬口。整個配合都好正好得！用這個當湯底比上面那個沙嗲更好！ 吉列蠔手打烏冬，是蕃茄湯底，湯濃，不太鹹，是健康之選。 認真一試手打烏冬，我覺得有彈性，口感不錯，手打烏冬真的有點不同。 另上的吉列生蠔處理不錯。 炸粉不厚，咬下去蠔汁滿滿，香口脆味都十足！！ 日式胡麻沙律~~原來個胡麻是另上，對健康一族實在體貼。沙律ONLY想清清腸胃，不太苦已經好成功！ 這餐廳食物份量大，價錢不算貴，所以都OK！服務中等，但環境真是一般，太逼

門面裝修得好大規模，而裏面又好神秘，係好容易挑起人嘅好奇心。"手打烏龍麵店"主要食手打烏冬一張張食物相貼滿鋪外睇生menu，我睇中佢嘅蕃茄湯！蕃茄湯雞柳手打烏抱著滿心歡喜的期待細嚐蕃茄湯+招牌手打烏冬蕃茄湯好濃，會有蕃茄蓉，似真材實料。流心蛋好甜，好good好好味。而雞柳唔似雞柳味，有啲似豬軟骨。手打烏冬比較硬，口感幾好但難吞，會頂胃地獄叉燒手打烏冬，湯都幾香而且幾辣下，建議食得辣先好叫。

見門面頗大，第一次經過，即管試試。蕃茄烏冬湯底不錯，沙律菜都很新鮮。 環境一般，叫了一盆沙律二人食，但不提供碗仔，亦沒有匙羹，食得十分狼狽，因為沙律中的粟米沒有盛，唯有用自己的紙巾碟(見照片)另環境太迫，有被催促的感覺。所以用餐半小時便要埋單走了。

尖沙咀行了下，出了地鐵站再落雨，陰陰濕濕的天氣好悶，行了一下落起雨找個地方小吃一下歇下腳避下雨🌧️再去朋友家裡閒聊！整條街都係吃耶，覺得店面外掛的大紅燈籠好有意思，手打烏龍麵店咁大個招牌字入到去吃個麵歇下腳避雨再行去老友屋企吹水打牌！話明手打烏龍麵就試個麵，填下肚仔🍅番茄雞排烏冬，我最鐘意番茄味濃郁，正湯底番茄應該自己熬出來的酸味夠，雞排肉淹過的，味好入！半邊糖心蛋，裡面玉米粒都好新鮮脆口！烏冬幾Q彈，碗麵都唔錯，就係份量唔係太多雞泡魚乾送麵我最鐘意，鹹甜鹹甜

記得第一次去食既時候已經係三年前，但係個味道依然記憶猶新。其實我一直去開尖沙咀既分店吃，而今次就去試下旺角這一間，不知會有什麼分別!!未入到入面已經好有日本既feel啦!!今次我係叫左個沙嗲肥牛烏冬呢度既沙嗲湯係自家製既, 少少咸同少少甜, 濃度就岩岩好,因為唔係味精湯, 就算飲哂成碗都唔會想飲水, 温泉蛋勁溏心, 牛肉鮮嫩, 烏冬又滑又彈牙,超正!!水準KEEP到而同行既友人就叫左個「沙律冷烏冬」我試左幾啖 UM...味道就係普通既芝麻醬味，加上我唔係太鐘意食蕃茄，所以就覺得一般!!總結：轉左新餐牌之後，表現真係比以前差，湯少左個種好濃郁既感覺，但係多左份清甜既味道。

讀大學時很喜歡大門橫丁。因為很喜歡蕃茄烏冬，那位朋友知道後特意生日帶我吃尖沙咀的大門橫丁。湯底很濃郁，串燒也好吃，之後也經常幫襯。畢業了幾年，和那位朋友也疏遠了很久。這天來到旺角，忽然想試一下久違的味道。七點半到，不用等便有位。見到湯底多了很多款式，不過對我而言，蕃茄湯底才是重點。點了蕃茄野菜烏冬。湯底淡了很多，比起以前差得遠了。很失望，比起甘味的番茄湯底差得遠了。菜則不過不失。男友點了黑蒜雞肉烏冬。他說湯底很淡，雞肉也不好吃。也點了我們摯愛的魷魚筒。一貫的味道，沒甚麼特別。也許回憶的味道總是最美好的吧。試了今次，我想短期內也不會再光顧了。星期日晚餐時間旺角也不滿座總有它的原因。

間間爆一。淨係佢未爆就入。好似焗豬咁。又迫。手袋只可放個欖仔。冇私人空間。張枱只可放兩碗野同兩碟野。完。野食款多。價唔算好貴。但唔值。街邊好佢多多聲。我fd無食辣野狂出汗。叫職員開大d. 原來冇開冷氣。開完隔黎食飽埋單話服務態度好差。冷氣叫開。一直唔理。埋單先最快。仲幫我地講說話。話我朋友d野食食晒。我果d都仲未黎。到第2枱坐落黎。埋邊4人位都唔比人坐。一直掉空。是否有野坐緊。但我地時運高睇唔到。明太子雞翼超咸超細烏冬辣椒多過d餸茄子上面d蒜蓉硬到。難食夠番茄生到硬。好似冇煮過咁。

由於今晚約咗好朋友收工後8點喺旺角嘅公園等，而佢又一早喺公司食咗飯，所以我們去咗公園附近山東街嘅「大門橫丁」食晚飯！我們叫咗胡麻鷄絲冷手打烏冬嘅烏冬相當煙韌彈牙，但份量就比較少，而餸菜嘅份量比烏冬多，特別係生菜，多到差唔多將啲烏冬遮蓋著晒，鷄絲嘅肉質都幾嫩滑，而胡麻醬係分開另上，可以隨自己嘅喜好去加胡麻醬嘅份量！特選大門蕃茄濃湯手打烏冬嘅蕃茄湯底好鮮味濃郁，鷄肉都幾大件厚身，肉質好軟滑，叉燒嘅肉質都幾鬆軟！特上橫丁沙嗲湯手打烏冬嘅沙嗲湯底味道好香濃惹味，味道唔會好鹹，牛肉嘅肉質比較韌，豬軟骨嘅軟骨都幾爽脆，肉質都幾鬆化！鮮蟹肉蕃茄濃湯手打烏冬嘅蟹肉比較鬆散，而且味道非常腥，令我們比較失望！

尋日A姐畀老細卒到死，下午五點半先叫我Honey去準備聽日朝早九點半點開會用嘅Powerpoint。無事吖麻？原本約咗嘅飯局真係凍過水。為咗畀嗰驚喜A姐，我就去做咗陣Gym，等埋佢收工先去食野。好彩A姐叻女快手，九點半就搞掂。咁夜去邊到食好呢？A姐咁鐘意蕃茄湯，就帶佢去食。十點仲有宵夜，大量串燒小食有特價，可以怒叫怒食，一雪心中之恨！A姐成日話蕃茄可以抗衰老，要食多啲。因為跟得呢條女多，搞到我都開始食多咗蕃茄，依家連車厘茄都食埋。戀愛真係會改變一個人……A姐最鍾意雞柳蕃茄烏冬，嗰湯底有好濃嘅蕃茄味，好彩嘅話有時會有新鮮蕃茄肉。不過相比以前，嗰蕃茄味已經無咁濃，味精好似多咗！不過仍然係A姐最鐘意嘅蕃茄湯烏冬！蕃茄湯烏冬係滿足唔到我Honey。唔該！整番串車厘茄煙肉串先！再嚟多串烤菠蘿！串燒記住要趁熱食，嗰啲煙肉燒到好鬼香！ （頭先做完Gym都無用啦！）怒食怒飲後，A姐條氣順番哂，又見到嗰甜美笑容。OT大家都唔想，等另一半收工都可以係幸福事。見到A姐俟住我嗰膀頭，成個人即刻冧晒！

是夜想吃點較輕又暖肚，簡簡單單叫碗烏冬。番茄湯底濃郁，酸酸甜甜很開胃。豬軟骨炆得非常林，平時有些地方的透明軟骨咬下去仍要用勁，這裡的炆到像膠質般軟林，差點分不清是肥膏還是軟骨。肉也很林而不鞋口，加上醬汁非常入味。令人有驚喜的是那半隻糖心蛋，外面用醬油浸至棕色夠入味，內裡蛋黃橙紅流心，蛋白則已成固體，火候控制剛剛好，比很多拉麵店的蛋還做得出色。配料有蜜糖豆、粟米、鳴門卷，份量不吝嗇，也與烏冬很夾。最後講烏冬，條條分明彈牙，是剛好熟的少透明，掛上濃郁番茄湯超級好吃。還有是份量其實好大，小吃一點其實會完成不了一碗，$70當豐富晚餐絕對抵食。

係旺角下午 唔知食咩好。諗起以前係旺角收夜都食過唔少次大門橫門 覺得幾好食。甘就決定過去食下!入到去都仲有位，但d侍應好奇怪，好似好憎你甘。佢安排我坐係門口對正個位都唔緊要啦，但最惨係客人走左冇刪門 佢地見到都唔刪!!甘我勁快落完單等野食黎。我叫左九洲豬骨叉燒烏冬(好似個名係甘)佢一放低，我已經覺得個樣比以前夜晚食樣衰🙈🙈一食落去，淡味左好多。叉燒又一夾就散曬，勁碎，得露出既部分係唔散。。。😖到我埋單走 收錢果個都勁黑面🙈🙈

I had the oyster udon with sesame soup base. Oysters were fried and crispy, served before the udon. The soup was nice and gently spiced (think very mild satay) but got quite overpowering towards the end. It's a soup base that stays with you the whole day (not so good for me but others may enjoy it). The udon itself (said to be handmade) wasn't the best udon I have had - kind of chewy but not really springy enough.I also ordered some mini sweet potatoes - these were excellent! Roasted/grilled and