大鍋口海鮮火鍋店 (已結業)

本身預約左上星期食生日飯，但朋友唔得閒就延期至10號食，佢就介紹一間任飲任食既打邊爐『大鍋口』，裡面有各式各樣的食材同埋林林總總既飲野。入到去侍應姐姐就急不及待問我們想要咩湯底，我哋選擇咗椰子雞煲，跟住就當然係混漿、落單……我朋友好似前世未食過野就一次過點咗勁多，牛肉，雞柳，豬頸肉，蝦滑，鯪魚滑，墨魚滑，韮菜餃，生菜，菇+豆腐，林林總總嘅丸……食完曬之後仲有雪糕贈送(溫馨提示：唔好食)＊＊另外提提大家，如果7:00pm前離開，每位可減$20

依間打邊爐位於旺角瓊華中心，成幢中心都有好多食肆，可惜已經有兩間打邊爐已經倒閉，希望其他食肆繼續加油，呢段時間係好難捱的，加油加油！今次我哋叫了一個豬骨湯底，湯底都可以！推介是肥牛，肥牛不錯，粟米超甜，仲有鵝腸唔錯，稻庭烏冬好滑！總括來講，環境舒適，不會太嘈，有卡位坐！

天氣轉涼就係打邊爐嘅時候啦，同朋友黎左大鍋口，因為唔相排隊等位，就一早五點黎到食個早場，話就話食兩個半鐘，但早場係七點要還枱的。十款湯底選擇，無左之前嘅冬蔭功啦醬料一定唔少得，整返個混醬先。餐具還可以，不算髒。飲品有汽水、茶等，但無免費啤酒。湯底揀左胡椒豬肚，味幾濃，飲完無乜口渴，似乎師傅沒下太多放題質素而言，食物ok嘅，新鮮亦上得快，少許漏單，但份量難以控制，無論寫一份定三份都係隨意比的。第二輪encore就莫名其妙地黎個double，第一輪寫一份係三片，第二輪一份係六片？哈哈，你估佢唔到，幻覺黎嘅啫食到中途個鍋已經變成咁未夠鐘就送上雪糕，有朱古力味同海鹽味。香港制造海鹽味幾靚，味道就又鹹又甜囉，我覺得幾好味，不過朋友覺得怪怕雪糕溶所以食左先，食完雪糕繼續打邊爐，哈哈，正呀～

天氣開始涼涼地想打邊爐,一早book左大鍋口任食邊爐,我們四個人,它比了窗口位我們,坐得舒服,鬆動湯底種類選擇多,我們選了章鱼冬瓜湯底,好足料,冬瓜煮後好入味,如要多一種湯底,另加hkd48就有.食物種類多,而且超级新鲜,嚟野食嚟得好快,又冇漏單.海鮮好新鮮,鮮味十足,鮮蝦超级彈牙,牛肉和鱔片都好靚,好新鮮其他如九肚魚、墨魚滑、鮮蝦滑、炸魚皮、蕃茄都好靚、好味,芋頭好粉,蘿蔔和粟米都好甜.唯一油炸鬼比較硬和甜品得一個雪糕球,冇得任食,其他樣樣都好得,另長者免加一,可以每隔一段時間食完再食

收工沒車，只能叫老公過來接我，到旺角就約女女一起吃宵夜，不用等位就進去，還是沙爹鍋底，其實我本不吃宵夜爲陪家人就坐下，肥牛好像沒有之前好，炸枝竹好好味，我們吃了n碟，各款魚類好新鮮，

半夜三更同一大班人食野都係打邊爐大窩口勝在有好多款湯底選擇今次揀咗鯊魚骨猴頭菇拼麻辣湯底清湯底啱食蔬菜 麻辣湯底啱食肉不過個人覺得麻辣湯底都幾辣仲有好多食材例如白鱔窩筍秋葵肥牛等等飲品都有汽水or 竹蔗茅根等款式160蚊1個其實勝價比好高今次唔記得影相

打邊爐任食都可以揀呢一間，$158 加一可食2.5小時，都幾岩朋友相聚，不過要記得訂位，都幾full 下。呢度有三樣嘢特別要試: 黑松露芝士牛肉餃 ，雞軟骨丸 同最後嘅甜品雪糕。出面冇咩地方見到禁特別嘅餃同丸。餃嘅味就一般，當試新嘢；鷄軟骨丸就好特別，咬到一粒粒鷄軟骨都幾好食。大大粒香港製造嘅雪糕令我地好驚喜，終於唔係雀巢😂😂😂 (雖然食落都諗起以前雀巢家庭裝三色雪糕） 朱古力味夠濃滑😋😋😋😋 手打四寶丸同脆魚皮就必食😋有自家製竹蔗茅根，一渣渣上，打邊爐下火岩唒 (仲要唔太甜）👍👍

聽友人說大鍋口的質素很不錯，一直都想來試一下，但每次都book不到位。這次終於book到了。我們一行七人book了星期4的6時，職員給了我們一張大枱。大鍋是是一間仼食的火鍋店，我們7個人所以order了兩個湯底，分別是四川麻辣湯底和花醉雞湯底，四川麻辣湯辣度是夠的，不過味道太淡，像是”麻辣水”。醉雞雞湯很重酒味，雞件也十分入味，醉雞件也是能仼點的。這裡的蝦滑和羊肉我是最推薦的，蝦滑十分爽口彈牙，而羊肉片的羊味很岀，岩晒中意食羊肉嘅我！

老大老二晚班機去首爾旅遊7天，就提前訂5人臺，吃7：30分，到16樓大鍋口，沒有之前想象這麽滿！還是上沙爹鍋底，點愛吃的肥牛，白膳片，這個值得點贊，質量保持！任食這個價格絕對超值！魚片老公最愛，説新鮮好味！上菜速度快，一輪攻勢後大家好滿足！後來點主食水餃！結賬才759！另因任食擺盤不是好漂亮！就不拍照

前幾日無食午餐，到四點幾五點開始肚餓，心裡想下午茶又晚了些，晚餐又有點早。突然想起可以五點鐘去排大窩口火鍋，因為平常無訂位可以話無機會有位的。大窩口的食物種類其實都好多，是日海鮮係我最愛的。同蝦串，都好新鮮。牛肉方面除左有鮮牛同肥牛，仲有牛筋腩。雞件同雞片。不得不提的是蝦滑都好重料，飲品方面各式各樣，有檸檬薏米水係驚喜。介紹下個甜品先，係一個雪糕球，一打開包裝紙就食得。好特別。咁早去，埋單每人都係百五元左右。。

旺角大窩口，一向以食物新鮮為名，引黎好多人排隊食，平時booking都要預早一兩星期，walkin更要等1，2個鐘。但食完覺得真係一般般。先講下環境，座位正常，唔算太逼，環境都算乾淨企理。食物方面牛肉，我地4個人，每次叫，都剩係黎2碟，完全唔夠喉，都唔知要入2幾多張紙先得，肉既質素一般，好乾，好難咬其他配料又少之又少，海蝦又細隻，又唔新鮮飲品方面，無啤酒飲，得d罐裝可樂，milk soda甜品方面，得一款，仲要勁難食，好似錬金術整出黎既合成大陸雪糕咁。比起隔離牛牛邊爐，真係差天公地，人地仲要$158不收加一，啤酒仲有嘉士伯，玻璃支裝汽水，甜品勁多選擇，海蝦新鮮大隻。。。。以後唔會再黎大窩口，完。

一家四口到他家吃火鍋，喜歡吃他家肥牛魚蝦，只要想吃火鍋，必選這家，我們吃5：30分，入座前職員説7：30要離坐，理解，任食火鍋一般都是2小時！我們叫沙爹鍋，老公喜歡！馬上下第一輪食物，女兒們最愛的肥牛，我的白鱔片，但這次肥牛質地較之前好像差點，鱔片也好小片，有點失望！但整體用餐還是愉快滿足的！當天用餐每人只需152元！絕對超值！

🤳🏼話說依排有中學同學喺新西蘭畢咗業翻咗黎香港，所以一得閒就約班同學出街食飯。🤳🏼有同學介紹我地一間佢平時食開嘅任食邊爐，可以坐2個半鐘，又近旺角。✨大鍋口價錢同一般任食差唔多，$158加一，假日加$10。$200唔洗就食到2個半鐘。✨佢地選擇都好多，一定有款啱大家。✨我地簡咗椰子雞湯底，不過我覺得有啲古怪，因為椰漿味特別重，好唔啱打邊爐。✨侍應會先上咗配料俾我地。✨第一輪嗌嘅野食，其實overall野食唔差，我本人特別中意佢地嘅蝦滑、墨魚滑同埋羊肉。✨最後，download左佢地個app就送咗啲雪糕俾我地，都唔錯。

天氣冷又是吃火鍋的季節，今天來到大鍋口海鮮火鍋店和朋友打邊爐。食過很多間火鍋店，說實話其實這間的食物質素一般，但勝在大部分火鍋料齊全，地點交通方便，而且價錢不貴，算是很不錯。最特別是最後會送你雪糕球，幾好食的！

同一大班朋友食飯，來來去去都係打邊爐架啦，同d大胃王食飯，更加要搵任食野邊爐！係旺角呢間都算幾出名既任食邊爐，價錢唔貴，款式多個湯底又唔錯。不過，好既餐廳就一定要排隊架啦，唔好彩排得耐就落去行下街先啦 哈哈