大鍋口海鮮火鍋店 (已結業)

上次突然想搵間平平地既火鍋放題試下，見呢間大鍋口係Openrice都幾多好評，於是就想約班friend上黎試下。佢種類都算幾多，質素都Ok，但牛就當然無得同日式火鍋比啦！個人好推介佢個薯仔片，超正！

是晚突然想同男朋友打邊爐，10點去等到10點半都未入得，反而3人枱以上就即刻有位，就算有空枱都唔俾人，真係唔知咩安排既入座準則！最諷刺係等左1粒鐘，最後俾左張6人枱我，我真係諗唔明點解之前等咁耐

今日男朋友接放工，今晚晚餐由我話事啊，天氣冰冷，自然滾滾鍋啦先選擇湯底，好多款式，選一個出名的就是椰子滑雞，呈上奶白色的湯，內有好幾块滑雞，椰肉都有好多，非常香選擇自己喜歡的調味料各樣肉類的好鮮美滋味，花膠滑滑，黑松露整水餃系高級享受，牛肉薄而快熟，魚類甜美多汁蔬菜新鮮，香氣撲鼻飲品任飲，選左最清熱的蔗水

由於今晚喺旺角附近做嘢做得比較夜先做完，有好多食店都收咗工，所以我們突然諗起已經有一段時間無去喺瓊華中心嘅「大鍋口海鮮火鍋店」係營業到凌晨，所以我們就去咗食宵夜火鍋！同以前一樣，一開始店員就會攞咗個調味醬料盤畀我們自助選擇要咩調味醬料，可能係人流非常多嘅關係，所以啲辣椒絲、香蔥同蒜蓉都係好新鮮，唔會變乾晒，好似擺放咗好耐咁，而且處理得好乾淨衛生！至於湯底方面今次我們都係揀咗我們最愛嘅椰子滑鷄湯底，因椰子嘅味道相當清甜芳香，唔會太過濃郁而掩蓋咗所有材料原有嘅鮮味，而且喺滾起嗰陣有陣陣椰子嘅香氣撲鼻，感覺好滋潤，真係好正呀！手切肥牛嘅肉質好軟滑，牛肉味都幾濃郁，而且色澤好紅潤！生猛海蝦真係好新鮮大隻，而且肉質相當爽甜彈牙！白鱔片嘅質感非常爽滑彈牙，但就略嫌切得比較薄身！至於其他火鍋材料同蔬菜都清洗得好乾淨衛生，而且相當新鮮！

每次北江。妹同fd子想打邊爐第一時間就係諗到大鍋口！貪佢多款 多野飲 多湯底 價錢又唔貴今次北江。妹同3個朋友去食宵夜時段宵夜時段930開始但我地9點去攞位 都要等足1個半鍾呀所以有興趣嘅朋友要早啲去等位喇攞到位當然要叫湯底啦有蕃茄薯仔，椰子雞，醉雞，豬骨。。。今次就試醉雞醉雞真係好入味，又有藥材係入面野飲都好多款 有烏龍茶，忌廉溝鮮奶，可樂。。。最特別係有自家製嘅竹庶茅根 夠哂養生火鍋料就有好多選擇肉類有肥牛 鮮牛 羊肉 雞件等等丸類就有大路嘅牛丸 芝士丸 魚皮鮫等較特別嘅有黑松露水餃不過我最中意嘅就係響鈴 唔係間間任食都有架！

大学hall的floor dinner开sem饭来这里吃，但是整体感觉一般，甚至可以说并不令人愉悦。1.食物并不卫生，所有牛肉盘子叠在一起一起上，盘子和盘子接触有些脏2.汤底加料会加水，加水后味道变淡，食之无味3.麻将料和海鲜料并不分碟装4.丸子牛肉都不新鲜，吃起来有明显的动过的松散感，尤其是牛肉，全部冻在盘子上，不太新鲜。5.整体价位还可以，但是同样的价位可以有更好的选择，我不会选择这家。6.补充鱼肉尤其松散

一個大食嘅人遇到另一個大食嘅朋友可以做啲咩好？最好就梗係去食任食打邊爐，再捧住個肚走，呢啲咪叫爽囉🙌🏻。好彩朋友英明一早book咗七點半，一入去就有位座，再回頭望一望外面等嘅人，真係嚇死寶寶，望一下個價錢，在運用小學雞心算，連埋加一＄178一位，我同朋友會心微笑。蕃茄🍅薯仔牛尾湯底有幾舊蕃茄喺度，牛尾已經沉咗落湯底，冇飲到湯底，味精湯底就算吧啦。牛肉尚算可以，係衛生程度麻麻，直接將碟放在牛肉上，雞肉係我認為最好食嘅，冇骨而且仲好滑，前後叫咗五碟😏。四寶丸質素一般😧，細細粒但冇乜味道，反而芝心丸嗰啲就幾好食。戰鬥時間係兩個半鐘，食咗兩個鐘，同戰友已經投降，但難得係姐姐冇催我哋😎。

打過去問28號1830諗住book3位，就話無3人台，好啦，跟住再搵兩個fd去，再打去，又話無5人台，跟住我問walk in會唔會有，佢就cut左線，態度超差！！

大窩口火鍋一向都好難BOOK位, 所以為左食佢,我地就早左一個鐘去到等位, 因為我地都預左等位, 所以都覺得OK是晚係好大雨的, 由黃雨到除黃雨, 再掛返黃雨再到紅雨, 所以我同友人都差唔多半邊身濕晒咁入去食, 諗住食個邊爐暖返個身啦, 但點知比左個風口位我地,仲要開到鬼死咁大風, 我同友人都已經有外套都頂唔順,問待應可否關細少少個冷氣, 佢又愛理不理咁,然後我地諗住諗住食住, 之後多人D會暖D啦, 所以算, 但結果係完全冇效, 越食越凍最後我地都唔算好飽, 但不敵寒意咁食左一個鐘就走人我覺得佢唔係因為自己係火鍋店而開咁大冷氣囉, 而係為左逼人快D走人而開到咁大冷氣OK, FINE, 我認輸囉雖然有一段咁不愉快既回憶, 但大鍋口既食物真係算任食火鍋黎講幾好胡椒豬肚湯底個胡椒味岩岩好, 帶少少辣味, 做湯底黎講岩岩好!火鍋配料個肥牛好有牛味, 唔算太肥, 比出面任食火鍋高幾班, 蝦滑墨魚滑都好彈牙, 烏東係D隻偏身烏東, 算正宗, 個白鱔幾爽口, 但羊肉就比較失望, 我覺得幾穌下, 令到成個湯底都變左有D穌總結黎講任食火鍋黎講算幾好食, 但唔好再開到個冷氣咁大了, 特別係落雨既日子, 食

還可以啦！大致上都能接受沒有特別好與不好沒驚喜也不至於不再光顧服務人員也沒特別驚喜跟服務不過早鳥客人優惠多多非常適合愛省錢又愛美食的本人至於會不會再光顧本人選擇再給一次機會但要記住不要在冬天訂位⋯⋯需要等上一個月⋯⋯

今日7個人上到旺角食. 俾張卡位我地坐都算.食物好味就得.食到半路.個侍應成樽是油跌落地下.彈到我成個背都係.搞X錯呀.個侍應係咁道歉.我地等個可以話到事的過黎一路5見人.愈來愈慶.過一陣就有個經理既物體走黎又係道歉.講幾句就話打個折頭算數.講來講去都係個幾句.有佢講冇我講.完全一副你只可以接受的態度.突然有條金毛過黎.話我件衫著出去5好.落去買件我換.幾個字後.條金毛返黎帶我去換衫.我本來都以為佢就咁比我就算. 換完又問我岩5岩身.我著落都幾好睇.好細心幫我剪埋個吊牌.見佢咁有成意.就繼續開開心心咁食飯. 不過做野5該要小心D.............

同朋友去食係一個不錯嘅選擇，係啲旺區尼講都算係平平地！但地方就嘈啲～如果枱同枱之間再放多個架放食物嘅話，有點迫，走廊就唔好夠行，出入唔方便！同埋walk in 等好耐先有位，大家記得book左枱先尼食喇！Book 左枱都要等一陣架，不過好過冇枱啦😛😛😛

同一班同事辛苦過後想擦返餐勁但又唔想咁貴。即刻諗起呢間。一個價錢百零蚊一位任飲任食火鍋店而且質素唔差！自從記得上年係佐敦店試過，最正精選依然係雪花肥牛同新鮮蝦！老實講並不是每碟肥牛都一樣，但有七成上枱的都好靚仔。雪花分佈唔錯！滾10秒食就啱啱好。仲有就係d蝦。大大隻又飽滿。完全無甩蝦頭又實淨！街巿買最平都60蚊一斤啦，所以真係好抵食。仲要讚埋個脆肉鯇魚係堅脆肉。又係貴價料。唔似一般話脆又脆唔得晒個種再要推介係水餃，足料有肉有木耳有蝦！超爽口！其他嘢都無乜問題，汽水任飲，但啤酒要計錢了CP值同質素同樣地高嘅任食火鍋。超讚！

食材新鮮度問號.......、湯頭加水過後味道變了.....所有菜的味道都變得相當詭異......、不要點花膠......，整體感覺也就那cheap的CP值。肥牛不好吃.......、滑牛肉也還好.......、墨魚滑........脆鯇魚......God......餛飩煮完以後很可怕......豬紅有豬的味道.......萵笋還不錯！！！、食物選擇不多、下次一定不會再來。實在非常可惜還很期待的。

一直去開佐敦店的大窩口火鍋, 但食得多都厭..., 今次應同事要求, 去旺角店, 上網睇一月睇食評, 有23個, 好正常..., 如果閣下唔知我講咩..., 那你一定係一位十分天真的消費者, 現在的食評實在太多假嘢, 開業不夠三個月, 又或者, 開業很久, 但無端端在某段時間內, 有大量食評, 都係九成九係免費試食啦..., 只要睇一睇那些出晒名的餐廳, 例如澳牛、佳佳、又或心攞了米之蓮的食肆, 這些店肯定不會叫人寫食評, 所以每個月最多也不過是十多編食評, 這就是最正常, 那些不正常的, 尤其是有某幾位殿堂級食家的食評 (唔該佢地唔好再影D單據, 就以為可以証明唔係試食啦, 好低能囉...) , 更加唔使諗, 九成九係試食食評!  (希望編輯唔好Ban咗我, 我其實係幫緊你個網站)今天早收工, 打電話去問, 5:30pm有無位? (因為每次上6:30後上佐敦店都一定滿座), 店員的口吻, 與佐敦店差不多, 愛理不理, 通常.... 這些就稱為"名店"囉, 好似係你求佢比你幫襯咁... 真係大恩大德...5:15pm到達, 有窗口位, 雖然寫明, 只可以食兩個半小時, 但店員對我們