大鍋口海鮮火鍋店 (已結業)

平時唔寫評嘅我忍唔住一定要同大家講我嘅經歷。 我上次黎食火鍋飲食，點咗啲牛肉全部嗰邊都係乾曬， 真係好核突， 唔知放咗幾耐定還是冇儲存好。味道亦都唔得, 完全冇牛味。 有同個侍應哥哥講，叫佢換過一碟，但係佢好唔耐煩咁嘅樣，跟住再攞出嚟嘅一樣個邊都係乾曬。 雖然我打邊爐係最鍾意食牛肉，但係咁嘅情況之下就諗住轉移目標，叫咗一啲肉丸同埋蔬菜，只能夠說肉丸亦都係低質素嗰啲，但蔬菜都算係正常。算了吧，以後唔回貪平。衛生算可接受。

好彩有訂位，唔係真係好多人訂位。叫咗個超值鴛鴦湯底，要加$48蚊先可以揀鴛鴦湯底。皮蛋芫茜湯底+鮮蕃茄薯仔豬軟骨湯底。🥺皮蛋芫茜湯底反而少芫茜同唔夠味。鮮蕃茄薯仔豬軟骨湯底反而夠味，而且味道好濃，仲有啲鮮蕃都幾大粒同幾多。野食方面都係平時打邊爐咁無咩特別。啲肥牛都幾薄片下，無咩牛味。啲🦐反而好啲，都幾大假。而其他材料都係大同少異嘅邊爐材料。但食每碟份量上得都幾多。不過佢最後食完會送一個即食雪糕球嘅甜品，幾得意，估唔到又幾好食

趁天氣開始轉涼就心思思打邊邊，於是就同親愛的去左大鍋口，大鍋口咁多年嚟質素都幾好...而且係任飲任食的我地慣左早食飯，於是就5點去到等位lu..早食飯另一好處就係平dd丫麻，一坐低我地就揀左鯊魚骨猴頭菇湯底，湯底3分鐘就到了，大鍋口嘅服務算幾好，待應哥哥姐姐們唔會要等好耐先過嚟幫忙..大鍋口d材料都算新鮮，我哋必點肥牛,海蝦和鱔片...以及大量蔬菜肥牛的質素算不錯，海蝦唔會”梅梅的”,而且蔬菜類都算很新鮮..飯後仲會有雪糕球供應，加分!

好幾年前同fd食過，記得食到好開心，所以今日同佢地又嚟過。之前已打電話訂位，所以大約6點，我地入座即有枱。之前已睇其他人上個月喺Openrice上載嘅餐牌，點知無咗冬瓜嗰個湯底，原來11月轉咗湯底嘅 list。飲品選擇唔過10種，不過都算正常受歡迎嘅飲品，竹茅根一大支都係包嘅。醬料嗰d自己攪，攞咗之後職員會收走。鯊魚骨猴頭菇湯底，猴頭菇加埋d湯好味，仲有d豆腐都好味~ 職員見到湯只有一半都會主動嚟加湯~ 點咗2至3次火鍋料，每次出少1種啦，不過都快上嘢嘅，而且擺得好整齊~ 海蝦點第2次終於有，不過魚皮點咗兩次都無出試唔到。牛肉唔肥，好正~ 丸都正常嘢~ 黑椒牛肉好味~ 喺d貝類有好多沙。食物數量計人數出，所以不論寫咩數字都係出咁多架，入紙點多次囉~ 8點鐘職員嚟話 last order，問我地要唔要免費意大利雪糕球，佢地公司代理喎。咁我地就話試下啦。當一籃嚟到，好多好開心，再睇唔到袋寫咩味嘅時候，發現d包裝袋無封好口，7包都不同程度爆裂開曬，最大嗰個開口放得入1隻手指！咁我地即刻同職員講唔要啦，同佢講咗爆開曬架。買嘢食嘢就算包裝咗都要睇清楚包裝袋有冇破損呀，如果食咗唔舒服，就大件事啦~

之前食過佐敦店 又抵食，食物質素唔錯，飲品種類都幾多今次打電話去book位食1730 佐敦店冇位 就諗住去旺角店食 一去到門口 帶位個人已經黑曬面 講野又晦氣 唔使笑笑口咁對客但係起碼要對客人好態度而唔係唔想客人嚟食 但係唔緊要 呢個價都預望有咩好態度/服務到野食， 打邊爐最緊要嘅肥牛竟然係食落去好柴 全部野得啲菜係正常水準 環境唔差 但枱與枱之間狹窄，客人出入會影響隔離枱唉 雖然價錢平又任食但食物質素認真連鎖快餐店都好過呢間野多多聲 如果一大家人嚟食就食氣氛啦～幾個人嚟食就不如食連鎖/食貴啲啲啦 認真呢百幾蚊唔值

9個人、訂左8點半，我地已經提早左10分鐘左右到達，都要8點4x分先入到等位期間望入去已經覺得枱與枱之間好迫，入座後更加明顯得地9個人，比張平時應該只坐6-7人既人大圓枱，坐得唔舒服就預左，侍應經過10次有9次都撞到我張凳推車果陣直情撞晒....好怕會整到自己，再加上侍應只會話「唔夠位過呀」就算...坐低頭10分鐘只能用驚嚇黎形容食物尚算新鮮，牛冇乜味，冇d人講得咁好食，坐得好迫，唔係聚會大隊話黎，都唔會再黎

我去食當晚係星期三，當都相當爆，有人等位! 應該係因為太抵了，所以建議大家要訂位!!佢HK$158 加1，其全包，包湯底醬料野飲同雪糕，男女老幼唔使就住就仕咁食!!!一般野邊爐嘅食物佢都有，當中我覺有幾樣都幾值得推介下就係虾，佢好新鮮，大大隻，肉質爽爽，唔好霉口另外佢每日都有一款精選海鮮，我去果日係沙白，好有海水味，好新鮮又冇沙其他食物質素都幾好，選擇又多，有幾樣唔係話特別名貴但唔係度度有得食例如台灣腸，千島龍虾丸，黑松露水餃，都好值得試另外，野比都係任飲，自己拎，汽水呀茶呀等等都好齊

今次已經係第二次食，水準依然，湯底比以往選擇更多，任食都有墨魚滑，蝦滑，蝦（都還算新鮮）同蜆（是日海鮮）食，最感到驚喜既係有窩荀，椰子湯底幾清又甜，下次都會再食

我地一行五個人去食！book 咗7:00p.m. 樓下已經一大條人龍，上到去就已經有一大班人等緊位，所以一定要預先做booking，否則要等好耐！餐廳安排咗窗邊六人sofa卡位，傾計一流！湯底都有幾多choices, 我地揀咗麻辣🌶同芫莤皮蛋湯底，雙湯底加四十八蚊！💸 麻辣底出奇地香，吾係話好辣!!!! 👍🏼👍🏼👍🏼 食物款式多，仲有海鮮🦑🦐🐟 任tick 吾嬲！但係有時D料黎得吾係好齊，尤其係大蝦！要追一追先有，但係D大蝦係堅高質，爽口嫁！All in all, 今次第一次食，有驚喜！🤤

哩間打邊爐，永遠都咁多人，每次都等得超耐，無他既，因為佢夠平夠抵，係要有耐性d，響鈴必叫而且每次reorder都一定有剔，貼地價錢，食物質素都唔差，已經好好架喇。

之前同朋友去咗大鍋口打邊爐，岀奇地幾好質素～ 以為旺角既任食火鍋冇乜料到，但瓊華 呢間大窩口真係唔錯！我地有訂枱，不過去到都要等陣先入到，火鍋店內又唔算迫，唔會太大油煙味～或太焗！我地叫左番茄原味湯底同沙嗲湯底！ 兩個都唔係辣嘅，因為有人唔食辣，所以我哋就索性食辣嘅自己加調味料～佢嘅配菜選擇都幾多，而且每次都幾大份，例如餃子都有幾隻味，不過都係一般嘅配菜，例如豆腐，芋絲，肥牛，炸魚皮等等，冇話特色手作果啲～ 配菜嘅質素都好高質，唔會好難食！同埋本身湯底唔差，好似粟米為例，浸喺湯底度幾轉，入晒味，好好食👍🏻👍🏻

又到約一大班朋友出來吃飯的日子，作為搞手的我，決定吃火鍋，這間任點任食，限時2.5小時，我發現後來原來一邊聊天一邊吃，時間原來是不夠。湯底要點鴛鴦要加$48。因為我們一行有7位，所以還是點了鴛鴦湯底，一邊是沙嗲，一邊是花雕醉雞湯底。首先，沙嗲湯底是正常的，但花雕醉雞湯底不太建議點，味道不太出外，雞塊一直沈在底，所以我們剛吃不久已濃了。首先，食物種類很多，丸、肉和海鮮也有，飲品也有我最愛的忌廉鮮奶！喝了兩三瓶！值得一提的是竹蔗茅根也有提供而且還是溫，對於我朋友不能喝冰的，非常好！海鮮我覺得蝦是頗新鮮，也很大隻，我吃了好幾隻，其他海鮮一般。鮮牛肉也值得叫，好吃。蝦滑和手打丸系列都推薦！

印象中佐敦分店無論咩時段，門口永遠坐滿等位的客人，侍應的態度麻麻，唔憂做咁，有次冇book枱，提早5點半去到，被接待職員屈1.5小時交枱，食唔足2小時，但都要比足正價。今次我特別提早訂枱，試下旺角分店，食早場，由5點開始食到7點，仲有$20優惠。有10款免費湯底選擇，如鴛鴦鍋就加$48，我哋揀左好評如潮嘅椰子滑雞湯底，的確冇令人失望，椰子清香但唔會蓋過海鮮、蝦滑同墨魚滑的味道👍🏻。鵝腸係肥腸👍🏻，平時坊間大多數都係冇肥膏的冷藏鵝腸。海蝦新鮮👍🏻，隻隻都彈牙離殻。但每次送黎的數量都唔同，由5隻變4隻，4隻變3隻，越叫越少。手切肥牛，肥膏均勻👍🏻，好食過日式連鎖牛肉火鍋店。邪惡的鵪鶉蛋🤤，本身已經熟的，第一round蠢左，我連殼落，搞到好多碎殼溶落個湯度，第二round剝左殼先放入煲，好味👍🏻。牛筋腩同花膠由一開始已經放落去煲，但點煲都唔冧，煲到原本柱候醬的味都冇埋，似湯渣👎🏻，似乎未ready比人打邊爐食。飲品竟然有白色罐裝的「減脂」可樂，仲有C+、烏龍茶、鍚蘭檸檬、蘆薈汁同忌廉溝鮮奶，好多選擇👍🏻。出街食嘢，除左食物質素，服務態度都好重要，而呢度嘅侍應就保持一貫的水準～有性格，雖然唔係

上次嚟呢間大鍋口已經係兩年幾前嘅事， 今晚朋友慶祝生日，主角想打邊爐，又重臨舊地。呢度出名火鍋放題，食物其實都算有好多選擇。 先講湯底，由於每個人都有不同的口味，好多時都會叫鴛鴦湯底，但呢度嘅鴛鴦湯底竟然要加48蚊! 我哋叫咗番茄豬軟骨鍋，啲豬軟骨其實唔係好肥，但成煲嘢都油，遠睇仲以為我哋食緊麻辣火鍋。叫咗手切肥牛，第一碟嚟嘅肥牛，偏肥，為咗唔好浪費食物，硬著頭皮照食。第二次再叫嘅肥牛先至叫正常啲。叫咗是日海鮮，但其實只係幾隻蜆仔，另外啲白鱔同鯇片，都唔算好新鮮。唯一安慰嘅係啲蝦都算大隻同鮮甜。呢度有我個朋友好鍾意食嘅萵笋，唔係有好多火鍋店都有得食。 坐夠兩個半小時，阿姐就趕我哋走了。

超滿意的一次打邊爐火鍋。就是到旺角這間大窩口。材料新鮮。Very good...豬骨湯底，有豬骨味，不錯。粟米，很甜，而且皮薄嫩。牛肉片，新鮮，夠薄，放在水中，很快就熟了。魚云，都鮮味十足。墨魚膠，我的至愛，很彈口，又打得夠滑，很滿意。海蝦，新鮮，肉質爽彈。南瓜，蔬菜類，都很正常，沒有什麼不好。丸類，款式都多，跟一般街市買的丸類質素差不多，所以都沒有什麼挑剔的地方。麵類選擇都多，喜歡食哪款麵都可以選擇，所以都滿意的。醬油，有麻醬，䓤花，辣椒等........該有的都有，齊全，滿意！整體很滿意。價錢合理。材料滿意新鮮。