大鍋口海鮮火鍋店

營業中

休息中

呢間一定要book位，不然要等1-2個鐘，好慘架，最好提早2-3日book呢間不嬲好味，料新鮮，仲要好服務，飲品都係韓國，仲有烏龍茶，正，飲得多汽水就最岩👍👍。入到去有好多配料簡，而且每枱都有，幾衛生😄😄太好味，所以無點影相 食物推介，芝心丸，同平時街市果啲完全唔同，好味100倍，因為一咬開，已經勁多芝士流出黎，而且都幾濃郁既芝士味😍😍😍第二係肥牛，cut得岩岩好薄，牛肉新鮮，入鍋幾秒就食得，正😄😄😄，可惜第4轉果次啲牛肉cut得好細塊😵😵其他肉丸類其實都做得幾好，起碼我見到係有解凍過先，同埋食唔到雪藏味，魚旦good😉😉值得一讚既係每日海鮮之選，唔限叫幾多次都ok，上次食係鮑魚仔，今次係聖子仔，呢次個size都幾mini，所以要細心啲夾起黎食，食落仲要無沙，good😉😉烏冬都好正，係'到'庭烏冬，食落好彈口，叫一次真係唔夠，要叫2次先ok，配埋湯底，正呀9:30後平啲，計埋加1都係$150內，絕對好多好過平價既火鍋店

那天和同事做完運動，便去了這間店用餐，那天是星期天，所以沒有book位的我們也等了半小時……入座後，豉油辣椒那些是每張枱也有的，而且是自由配搭，超方便！而飲品款式很多，例如忌廉鮮奶、仙地……且也是任飲的！！湯底方面，我其實唔知有咩湯底，因為唔係我揀，但我食既係魚湯底，而佢個湯真係有半邊魚頭係底因為我好少食係有魚湯的，所以令我有啲驚訝。到打邊爐既料，真的是不得了！好多料，有啲仲要未試過用來打邊爐！例如油炸鬼？花膠？真係未試過用來打邊爐！佢啲料都唔錯，只係覺得那些肥牛，太細片，同一啲肥都無……總括而言！值得再去的！

標榜任食新標準，環境不錯，合理空間。食物上枱快，絕無飛單拖時。佰零元有如此食材，驚喜…………放縱食吧！記住訂枱呀！湯底則有6/7款任揀，沙爹，豬骨，牛腩都有，今次要椰子雞試試，椰香撲鼻，真係大大塊雞架。配料也很多，一般的都有，海鮮最正，蝦又夠大隻，特別留意'是日海鮮推介'日日不同，有鮑魚，蟶子，花甲，今次是蜆。狂食，叫了6/7次😈牛肉更是以任食來說質素已是十分有交待，唔會白雪雪得肥膏。你睇叫好多次都👍👍👍 其餘都相當不錯飲品仲正，朝日beer26皮3罐，汽水，Lotta全部任飲500元有找，3條友巳可放肆地飲飽食醉，今時今日仲想点呀…正正正

之前見朋友喺佐敦間大鍋口打邊邊好似好正，一於跟住去啦早兩日打去訂位，竟然FULL BOOKING，咁只好WALK-IN拎位啦！朋大約6點半去拎位，最後都要等到8點先可以入座用左$68要了胡椒粒豬肚湯底 胡椒粒豬肚湯底~~~個湯比較淡，下次都係叫免費的湯底算了選擇唔算好多 雖然選擇唔算好多，但配料質素真係好好！GOOD而且飲品仲有幾多選擇重點係冇漏單架總括來說，食材質素好好，加湯唔係加水Good！

呢間店之前同事極力推介, 話上菜快, 無漏單, 仲有韓式飲品任飲.  咁啱有朋友約去呢度開餐, 我當然參加.當日我地訂了6點, 去到也不是太多人.  我地一行9 人+1位小朋友+1位BB, 在呢個任食2.5小時內, 我地不停狂飲狂食, 侍應仍好快手, 真係無漏單, 又上菜快.任飲有鮮奶溝忌廉, 檸七, jolly sandy, 自製蜜桃綠茶(呢個味道.......未必個個LIKE), 可樂, 忌廉, 仲有紫貝天葵添~~~任食方面, 雲吞最唔掂. 粉腸 / 炸魚皮 / 魚類 / 竹籤蝦 / 墨魚滑都有不錯好評.  個個都食到好滿足咁走, 真開心~~~有免費WIFI差不多2.5小時, 會有侍應走來埋單.  走的時候, 店外真係站滿人............

佐敦旺區 位置一流6位卡位 (全窗邊) 坐得舒適大家目標一致收費的全不叫 限時2.5 hr鮮蕃茄薯仔豬軟骨湯底 – 清清地 唔太夠味肥牛 – 完全食唔到肉味羊片 – 有少少羊酥味 好食墨魚滑/三寶丸 – 新鮮足料有咬口脆肉鯇 – 脆到爆 同中山食果d有得fight 好食鱔片 – 薄 爽脆 好食 叫好多黎好少海蝦/吊桶仔 – 新鮮魚肉蟹棒 –30秒即食魚皮/響聆 – 10秒即食雞子 – 新鮮無怪味飲品大部份任飲任食黎講 整體質素偏高位位~$160 抵食!不過回想食過”新星””德興”質素差少少 價位亦相應便宜 ~$120因此最後結論係”用料新鮮 價錢合理 物有所值”值得推介!

本身自助餐之夜,變左食任食火鍋,心情已不太爽,仲要係呢間多人到爆既大鍋口心情都好低落食物選擇不少,但係以近期食任食火鍋都中伏既戰積來講,真係無咩慾望加醬既時間很短,很快被服務員收番,好CHUR,但又唔算無禮貌既湯底味道比較淡雖然只係百幾蚊貨仔,但係有些食材都值得讚一讚,例如那些瀨尿蝦,蝦,上台時都仲郁,證明是新鮮,瀨尿蝦很鮮甜另外那些丸質素也不錯,姐係那些假肉既丸呢,比起好多酒樓的味道好得多,來貨可能貴一點飲品也是任飲,但係選擇很少,如一些印有韓文的汽水,又或者係酸梅湯竹遮矛根之選.仲有BEER點幾多出幾多呢方便,就係除了熱門的,其他都會出齊,什麼是熱門?就是港人最愛的肥牛之類,通常寫10出3咁上下最後一讚是鱔片幾肥美咁總結係,150蚊左右來講,算係幾有水準

有好一部份人都會覺得打邊爐只可以响冬天發生，夏天係唔適合打邊爐嘅，點解呢？有啲人嘅解釋係。。。夏天咁熱仲打邊爐，未熱過咩？開住冷氣打邊爐，嘥電兼嘥錢。雖然我係一個超級發熱壓人，但就非常喜歡打邊爐。對於家庭人口少嘅我，响屋企打邊爐唔可以有太多食物嘅種類，每樣少少，就已經變得好多。但打邊爐種類少又會打得唔過癮，所以我鍾意出外打邊爐。人多就可以去啲唔係任食嘅打邊爐，始終質數好啲嘛！人少就一定係揀任食邊爐，每款份量嚟得唔多，可以揀好多唔同種類嘅食物。如果搵到間質數好，又係任食打邊爐咁就 very good 喇！响一年多前已經聽聞過呢間火鍋店嘅材料靚，仲要係任食打邊爐。當時佢只得一間分店响荃灣，我試過提早一個星期去訂枱，都會同我講爆咗，所以一直都無機會去試。直至有日，只到有朋友嚟呢間打邊爐，佢同我講係响佐敦唔係荃灣，我先知原來佢响佐敦開咗分店。$150左右任食任飲兩個半小時，絕對係夠哂時間你食同飲。雖然係任食火鍋，但材料一啲都唔差。今次揀咗這個蕃茄湯底，蕃茄味重，加湯亦都係加蕃茄湯而唔係加水，所以打到尾聲個湯仍然保持住好濃嘅蕃茄湯味。粟米絕對唔係甩頭甩骨，碎濕濕。。。粒粒粟米都肥嘟嘟任食都有海蝦

荃灣的店跟朋友有去過，這晚發現到原來佐敦也開了家，當然要衝過來啊荃灣店的水準不錯，只是地點對我來說很遠啦，現在新分店有小巴直達這晚吃過覺得不錯又划算後，隔了個星期還帶妹妹跟媽咪一起來店內空間不比荃灣店大，但桌與桌之間還ok，不會太擠第一晚跟朋友約了7點可惜她們都遲到，呆呆等著的同時也發現這很旺場也有可能因為它是任飲任吃 同時飲料也免費，免費的鍋底也不少每次都一定選鮮蕃茄薯仔豬軟骨湯底，番茄味重、香加入靚貨的蟹棒吸滿濃濃的湯底又甜又美味肥牛的質素也很ok，肉嫩鮮味濃每次的量也差不多這樣，不會少又不會漏單少有的瀨尿蝦、花膠這晚都吃到味道也算不錯，以此價格實在沒話可說啊魚皮香脆放進鍋1-2秒就剛好，1軟1脆的口感我愛的菇菌類選擇也不少吃到飽一飽再回來，平價又美味值得一訪再訪啦

  今天約班舊同學食飯，原本諗住APM打邊爐，不過發現...APM無邊間任食又要好好味既，舊同學提議下去佐敦這間「大鍋口」。初時聽到就不禁「頂」，放工時間由灣仔過去尖咀果邊，一定塞車塞到媽都唔認得，仲要泊車勁貴!!!點知個「大鍋口」這個商場同童軍總會停車場有連繫，系商場消費過500蚊有FREE 2HOURS，成件事滿意哂!!當然提提車主們，如果幾個朋友都渣車的話，走時記住叫經理開多幾多OVER 500蚊既收據落保安部囉優惠卷。首先我們一行6人，只能叫一個鍋，我地就揀了一個蕃茄湯底...不過唔知系咪多人黎食，個湯底好似溝左好多水，所以唔夠濃味。 個任食點心紙，都記多選擇，不過最特別就系有「是日精選海鮮」，仲要系任叫!!! 這個選擇我真系未見過其他有囉!! 出發前我已上來看看食評，肥牛出產量極奇低，寫4牒就黎2牒，而且每牒份量好少!!不過我密D口時就密D手任點!!肥件質素系任食來說，最高最高既一間!!肉味重,口感好,唔會肥到件塊肥牛白色!!喜歡任食火鍋食肥牛既, 真系可以唔洗考慮即黎呢間試!!另外芝士丸等會爆既丸類亦是值得一提既佢款式好多，有D系市面買唔到既丸類，咬落去入面既醬系有芥末味，

約咗班舊同學喺呢度晚餐聚舊。9個人，book咗7點，2.5小時任食，9點25分已經埋嚟話夠鐘仲要即時收走兩個煲，夾緊嘢食都焗住縮手，有朋友仲啜緊麵都要即時咬斷俾佢收走咗碗筷！最慘我哋坐角落頭位，即係90度牆角位，另外兩邊係其他食客嘅枱，得一個角位可以出入。執枱嗰個人就企正個路口執枱，佢仲要一路執一路唔停口咁叫我哋走，話夠鐘要走唔好再坐喺度！先生！仲有5分鐘，你都俾我哋吞埋口嗰啖先收碗啦！我哋一粒聲都冇駁過佢，佢又仲要企正唯一出口執嘢阻住我哋走，又講到我哋賴死唔走咁！另外點解我哋坐咗2小時25分仲食緊，9個人，肥牛寫2碟嚟2碟好正常，寫4碟又係嚟2碟！分兩張紙各寫4碟又係嚟得2碟！咁即係要每15分鐘遞一次紙？每碟肥牛份量又少！做任食嘅咁冇效率點等架？！再嚟？如果連加一$100樓下咪會考慮吓囉~~

近來吃火鍋都是我和鬆弛兩個人去吃的，其實火鍋還是適合一大班人一起吃，而且已經有一陣子沒和殺殺殺小隊的朋友吃飯了，所以偶然間得知這裡開了分店，就問一下和我一樣是火鍋愛好者的隊友，有沒有興趣一起來試試。其實兩三年前我和鬆弛到過荃灣店，那時已覺得水準很不錯，可是以後每次到荃灣總會被雞煲吸引著，就沒有再吃過了。食評中提及這裡非常爆場，所以我也早了兩個星期訂位，不過訂位只接受七點和九點，其他時段就要walk-in，另外只限兩個半小時。我們準時七點到達，已看見不少人在等位，似乎要等很久的樣子，心裡慶幸早有準備。店子比荃灣店小，還好不算太擠迫，感覺新淨光猛。這裡是任飲任吃的，任飲方面有汽水、薏米水和蜜桃綠茶，薏米水甜了點，相反友人說綠茶味道很淡，而我就覺得剛剛好。火鍋湯底有分免費和付費的，免費的鍋底不能雙併，款式都是大路款，如芫茜皮蛋、沙嗲等，而我們就要了個鮮蕃茄薯仔豬軟骨湯底。蕃茄湯底出乎意料之外好，絕不比平常單點火鍋店的鍋底差，蕃茄味重，而且加湯也是蕃茄湯，所以來回幾轉都依然喝得到蕃茄味，不過很有趣的是有店員錯把清湯加進去，結果所有蕃茄的痕跡都消失了。火鍋料分自費和任食兩部份，自費的我們完全不看

睇食評見到“大鍋口“邊爐好似好得，即刻打電話去訂星期五，點知full晒，佢話可以五點半上去攞飛。。。咁唯有改下一個星期一。 訂咗七點，準時到，唔洗等即入座。 預先已看定湯底，一坐下就叫咗蕃茄薯仔豬軟骨湯同一渣薏米水。 湯底好快就到，我都仲未畫完食物佢就到。湯底好濃味，加咗香草同茄膏，有啲似羅宋湯。豬軟骨都唔錯，有肉！ 同埋每次加湯都真係加湯唔係加水。 飲物款式多，而且質素以任食黎講好得，新鮮，貨源又唔係最cheap嗰啲。 當中以海蝦、手打丸類、墨魚滑、滑牛、肥牛、稻庭烏冬最好！ 海蝦雖然細隻，但好新鮮，爽口；肥牛唔會得個肥字，瘦又有牛味。滑牛都好好味！ 是日海鮮係瀨尿蝦，一般般，唔係隻隻都靚。 稻庭烏冬好彈牙煙韌！！！環境都好喎，好光猛，冷氣又夠凍！兩個半鐘夠晒啦！

PricePer head $138 +10% (5:30 pm - 9:00 pm ) / $108 +10% (after 9:00 pm) 2.5-hourhot pot buffet. Mum said she preferred Japanese buffet as Japanese buffet also cost around $138 as she had 長者優惠。ServiceBooked a table for 4 at 7:00 pm until 9:30 pm, no need to wait as reservation was made. When we arrived, many people were waiting outside, shall be walk-in customers. When we left at 9:30 pm, many people were waiting outside, shall be the 9:00 pm round then.  This restaurant seems having popular rep

小弟很喜歡打邊爐，曾經試過一個星期連打四晚，喜歡的原因源於小時候中學時期經常去吃任食打邊爐的習慣，於是，漸漸陪養了這個興趣。而且，與朋共聚，打下邊爐吃到飽得不行同觥籌交錯那一刻，是如沙龍中歌詞形容柔合生命千樣好的一瞬間。人大了，漸漸不喜歡再吃這些沒有質素的邊爐，反而投進了那些高流灣，合興，方榮記，牛皇星這些講究湯底，靚海鮮，滑牛肉的邊爐店裡，忘記了小時候的開懷任食大吃大喝的，是人大了心境不同了嗎？近來任點任吃也不大爭氣，越做越差。彌敦道的創興廣場不知留了多少腳毛，由花園金閣吃到德興到近上年開的至尊重慶雞煲，或者是去到油麻地的花園同新星小肥羊，任食火鍋真的越做越差，日漸息微，這兩年吃的次數一隻手也數得到。因此寧願貴一點吃那些續碟叫也不想再吃那些任食邊爐，加上現在那任吃的價錢也跟上了通脹的步伐，也不像我之前吃那樣美而廉了。上星期一班同事雀躍地講開打邊爐，然後就講開位於荃灣的大鍋口。自問孤陋寡問的我真是沒有聽過，其中有位很為食的朋友說將這間邊爐為全城最好最抵吃的任食店，聽後實在令人蠢蠢欲動一試，可惜始終地點太遠。所以就算點好，都難有衝動立刻去吃。不過，吃東西也很講緣份的，第日又有一位朋友話佐