大鍋口海鮮火鍋店

營業中

休息中

由於我食星期六，大鍋口星期一至六都咁多人，我人又多，所以決定早啲book，聽聞大鍋口可以早21日book，所以一早就book，滿心期待！我地有成12人，可以叫兩個鍋，揀左椰子雞同蕃茄薯仔，揀蕃茄薯仔有個好處，如果覺得唔夠味可以自己叫蕃茄薯仔放入去無限loop女士們一黎就叫左花膠，份量都幾多，幾爽口，但係滾左好耐都唔淋。肥牛雪到冰晒，黎到都要等一陣先可以食，一般，都是雪花(脂肪)多過肥牛啦！脆鯇魚腩幾厚幾結實，食落口真係索索聲的！響鈴油唔多，真係滾三下好啦！一，二，三就要攞起食。另外要提提個蟹粉包心丸，好好味，有蟹粉小龍包嗰種味，餡多！一咬啲蟹粉係多到漏晒出黎！最後甜品有綠茶雪糕，條龍好長，排左一陣先攞到，味道麻麻，好淡，唔係好食到綠茶味，不過配料都幾多！大鍋口，都係一般貨色！

【附上证据「17:00 排队3 位入座，突然经理话19:00 前交枱。並非广告说明19:30 交枱，我两个朋友信」，我一位朋友坐车趕到楼下KFC已经18:40唔通食20分钟？点解呢间会照收广告显示咁多钱，但山长水远嚟到排完隊入座先口頭临时收紧抽水屈客30分钟？叫 经理解释【不良营销手法係乜？我两个朋友可向消委会海关投诉的】佢跳过我叫後面肯被屈的客打我占入座先，而我约好晒朋友见面无法改地点，被迫交枱下19:02 交左枱。】

大家對昵間野個名有D熟悉，取自地鐵站名，但是食材是用新鮮的，稳定的出品，由其高荀是我心水推介高營養，爽口，正。另外服務態度真係very good,熱誠，爽快，主動，有禮。睇得出呢間店對員工好有“家教”俾個like 你啦～

聽到同事講左好多次話間大鍋口好好食, 老公終於約到人話一齊去, 勁開心呀 (*´▽`*)Book 左7點半... 但係去到都已經好多人企唒係度啦, 聽聽下原來個個都book 唒位企唒係度等入座~不過等左一陣都有得入去啦, 坐個個係門口位... 但唔係咁好囉....... 食食下就勁熱同冇冷氣 已有醬油放左係度 湯底叫左胡椒豬肚 幾好味, 好香!!! 為左就返唔同人食, 想叫個特別d 既湯底都唔得 最後叫左胡椒豬肚湯啦 個個都岩食(｡◕∀◕｡)(｡◕∀◕｡)(｡◕∀◕｡) 影下個menu 先 →→→→→ 檸檬薏米水誠意推介, 好好飲呀 任飲真係好抵!! 而且比較去濕, 好過飲汽水啦~ ヽ(✿ﾟ▽ﾟ)ノ 其實每個份量都唔係好多, 都叫做食得唒 響鈴~ 必點 蝦都幾新鮮 手打丸~ 幾好味, 其他丸就唔好叫咁多啦~ 我唔食牛牛既, 但其他人食 不過眼見佢都幾新鮮 呢個搞笑啦~ 叫左個墨魚滑...反轉俾我地, 但一反轉係咩都冇xDDDDD 笑到反肚 認真, 我覺得D 生菜都唔差!!!d(`･∀･)bd(`･∀･)b 下次唔叫啦, 冇咩特別 每碟份量唔係多, 所以樣

埋單後，還有10分鐘交枱，有個呀姐走來拎走半碟生菜話你地都食唔切㗎啦! 回收食物，20:30交枱，20:00拎單過來叫埋單，唔緊要，但一埋咗單就算未夠鍾都趕你走，隔5分鐘就來話你要交枱，真係short嘅，食過其他任食都未試過咁嘅情況，埋單每位164，係平嘅，但寧願俾多幾十去第二度食囉，真係貼錢買難受

最近掛住捉小精靈，幾乎忘記了寫食評。這間海鮮火鍋店是上星期五和舊同事的聚會點，十分抵食，所以不得不推介一下。那是任飲任食的火鍋，我們點了兩款火鍋湯底，分別是麻辣湯底和蕃茄豬骨湯底，麻辣湯底很重麻辣香味，很多指天椒和香料的氣味，未食已經感覺到非常辣，但有同事喜歡食辣，所以只好試下，想不到雖然是麻辣湯底，但把火鍋配料放落去滾熟，食落又不是想像中那麼辣，而且還十分惹味，亦令食物的鮮味更突出。 這兒的火鍋配料種類繁多，當中包括有肥牛，羊肉片，雞肉，牛丸，芝士腸，芝士丸，蟹子丸，千島醬丸，鮮蝦，帆立貝,墨魚滑，炸魚皮，生菜，牛腩，牛骨髓，牛柏葉， 魷魚，水餃等等很多美食，有些我更是第一次食到，而當中鮮蝦和千島醬丸十分值得推介，配料很新鮮，放落火鍋內滾熟，食物不會過火，剛剛好，大家都吃得津津有味。這兒之所以說抵食，是因為點的火鍋配料全都來齊，沒有遺漏，在限時兩個半小時內任飲任食而言已是十分難得，不少任食火鍋都點的不會來齊，而且就算上配料亦會很慢，這兒的火鍋配料和醬汁都上得很快，值得一讚， 而飲品有可樂，啤酒，凍鳥龍茶，凍龍茶，意米水等， 選擇亦很多。整體而言，兩個半小時內可以食到多款不同的火鍋配料

成日聽同事講大鍋口點正！點正！終於的起心干訂位，但真係好爆book左兩日先訂到位仲要5:30先有。今日同老婆拍拖黎試一試佢。因為我地訂甘早吾诜等即時入座，免費湯底都算多選擇，我地選左藩茄朱骨湯底後即刻選野食，選擇對比一般火鍋任食算好多。同事推介各類包心丸。還有我喜愛的肥牛，虾滑，墨魚滑，骨髓，生虾……食過之後發覺D丸真係好正，尤其係千島酱龙虾丸，薑计皮旦貢丸。飲品選擇都Ok啦！148蚊7點前仲有得減10蚊，真係超底食！

位於荘士倫廣場大鍋口火鍋，喺一間任食火鍋店。湯底有多款，特別既有魚雲湯、蕃茄豬骨湯。我們叫了蕃茄豬骨湯，鍋裏有很多蕃茄，很香，一試發現蕃茄味道濃郁，配已豬骨十分美味。海鲜有蝦，蝦超新鮮，好彈牙鮮甜，size 略為細小。是日海鮮，每次不同，今次喺聖子，好鮮甜爽口，有一隻有沙。魚雲及鳝片都可以任叫👍🏼👍🏼，鐘意吃魚雲既我，極度開心，魚需好新鮮，鮮甜，唔腥。不過，每碟分量好少，得3件，要加單。飲料有韓國忌廉溝鮮奶，重本有jolly shandy 。

約一大班同事食飯，顧及大大胃嘅男同事飽肚的褔𧘲，又要顧及嘴刁嘅女同事既心情，無得揀，一定係返黎大鍋口😂綠色區嘅推介有肥牛、海蝦、花膠仲有日日唔同既是日海鮮-今日係蜆（肥牛唔係得白色肥嗰種👍推介！海蝦我雖然無食，但望落好大隻有我隻肥中指咁粗😂，有份食既同事都讚好👍👍叫完又叫，叫完又叫。而花膠雖然真係細細粒，但難得俾你任食叫花膠，不要要求太高👌）中間藍色區推介有帆立貝、黑松露水餃、黑椒一口台灣腸、午餐肉（帆立貝又係細細粒的，都係嗰句，有得你任食，仲想要求咩？😅黑松露水餃我只搵到黑木耳，說好的黑松露呢？雖然係咁⋯不過幾好味，黑木耳爽口包喺餃入邊好夾👍）紅色佢推介炸響鈴卷、粟米、冰豆腐（炸響鈴卷我都好似食咗四夠咁多，好香好味，打邊爐可唔可以唔叫響鈴😁）

大鍋口出名平靚正，打邊爐揀佢就無錯喇，肥牛、海鮮，任飲任食，檸檬薏米水，汽水、烏龍茶任拎，不斷供應，有邊道好得過大鍋口啲海蝦？又新鮮又肥美...仲有六種湯底任揀唔洗加錢，簡直話佢平靚正係實至名歸呀，多多支下。

上星期六，約咗一班朋友打邊爐，於是揀咗“大鍋口”，每人$148再加一。因為我哋一早book咗位，所以我哋去度都唔駛點等。當日無加錢叫另外嘅肥牛，但佢任食嗰份肥牛已經 ok，比出邊一般嘅任食肥牛真係好好多。而佢嘅蝦都有近手掌咁大，而且肉質彈牙。最緊要嘅係……無漏單，上菜快，兩個半鐘不停食足兩個鐘（頭15分鐘喺度諗湯底，起勢咁劃食物；尾15分鐘就去方便同埋單）。下次約人，一定再揀呢度！不過順帶一提，如果兩人想打邊爐 sweet sweet 下，呢度就唔係咁啱喇，因為環境都幾嘈下

同一大班fd 想打下邊爐傾下計! 就黎左呢到試下賣單每位160到~但d野食積素都高肥牛,滑牛都靚海鮮都新鮮~ 我d fd都話幾好食佢入面比較出名係槄庭鳥東 好好味 !

今日收工同朋友一齐去食嘢，我地揀左倫敦廣場大鍋口，我Ｄ朋友话好好食，我仲未食过，今日就去食，我覺得Ｄ嘢食新鮮，我最仲意就係食丸子类，各款嘅丸子粒粒飽滿，而且毎粒粒都不同嘅味道，令我地食到回味無窮，Ｄ蔬菜类好新鮮，有蔬菜鮮味，淸甜可口，令我地食得津津有味

之前喺荃灣嘅大鍋口食過, 個陣已經被我列為最抵食任食邊爐之選, 知道佐敦有間分店, 緊係要試試啦!! 有食開既朋友都知道, 大鍋口等位嘅時間係極耐, 所以今次特登book哂位先嚟食, 不過都要等四個字先有得坐低.飲品我唔駛多介紹啦, 同普通任食火鍋餐廳一樣, 汽水, 忌廉鮮奶, 啤酒自己係出面任拎任飲.食物方面基本上同荃灣大鍋口完全一樣, 佢地有六樣免費湯底, 我地就揀左沙嗲湯, 味道濃郁. 其實差唔多全部叫得嘅嘢食都非常高質, 其中有幾樣係必叫嘅:肥牛 – 打邊爐一定要叫肥牛,這是常識吧. 但係呢度嘅肥牛非常新鮮, 你唔會好似其他地方咁食到雪到硬哂既肥牛, 牛味濃郁, 必叫!黑豚肉 – 我諗你都估唔到, 任食打邊爐竟然有黑豚肉食!! 黑豚肉係我眼中係貴版豬肉, 呢度仲要唔駛另外加錢食. 食得出同普通豬肉有明顯分別, 豬味非常濃郁, 脂肪分佈均衡,非常正!手打丸類 (魚蛋, 墨丸, 牛丸..) – 全部都非常新鮮, 墨魚丸咬落去好爽口, 魚蛋夠哂彈牙.蟹柳 – 同平時我地食嘅普通蟹柳唔同, 唔會食落去好似一團麵粉咁, 而係一條條, 味道亦都唔同, 比較似日本蟹棒.海鮮 (帆立貝, 蝦…

天氣凍啦！除左可以留係屋企或者去快餐店打邊爐，約朋友仔去大鍋口最抵食最多野食既任食火鍋啦🔥醬任撈～ 不過侍應態度好差，我地成檯都未整晒d配料，就好想快d收左距。墨魚滑一定要order呀！好得意，仲可以自己玩～ 但侍應可能會爭住幫你整。湯底：鯊魚骨猴頭菇👻+番茄薯仔豬軟骨🍅猴頭菇好濃好香，一邊滾就有陣陣香味至於蕃茄薯仔真係食到係屋企既味道，又唔會太油膩，最鍾意再order更加多番茄加落去xd肥牛海鮮丸子任食～～ 海鮮都有 而且日日唔同架～飲品：jolly shandy，韓國樂天檸七 忌廉溝鮮奶😍 任飲架！大鍋口打邊爐絕對係同朋友去既好去處！天氣凍最岩不過真系好旺架 最好預先訂位如果唔係上到去個lobby真系好爆 有排等都冇位呀 >_<