影片
以上資料只供參考, 請與餐廳確認詳情
有關獎賞計劃
一個價錢盡享即撈海鮮火鍋、熟食、即開榴槤、即開椰子等等….回本率極高!!揀咗最高等級「120分鐘至尊套餐」, 三百蚊左右呢個價錢的確係坊間好難食到新鮮海鮮, 難怪平日晚座無虛席, 人氣爆燈。餐廳設自助區, 放有多款丸類、蔬菜、飲品、雪糕雪條等, 當然仲有幾個水缸, 放有多款海鮮。即撈海鮮包括有鮑魚、蟹、大頭蝦、沙白蜆, 自己撈絕對係揀到最新鮮嘅質素。鮑魚大大隻, 大頭蝦肥美爽彈又鮮甜, 蟹雖然偏細隻, 不過總算鮮甜實肉。六選一湯底, 揀咗蕃茄湯底, 甜酸清新開胃。熟食自助區放有少量熟海鮮同炸物,蒜蓉烤蠔: 肥美多汁, 加咗大量蒜蓉, 少量辣椒, 惹味提鮮。另有炒蟹、小龍蝦、炒蝦等…肉類同部份火鍋配料經QR code落單, 肉類有牛肉、牛板腱、牛肩胛、五花腩片同埋羊肉, 質素對得住放題價錢。今晚主攻海鮮, 所以火鍋配料只點了蠔、海參、鵝腸同埋毛肚。鵝腸沒有肥油連帶, 爽口!飲品方面除了罐裝汽水、紙包飲品, 仲有即開椰子, 清甜潤喉!!另一最有驚喜就係可以任食即開榴槤, 散發榴槤獨有香氣同埋香甜。
繼續閱讀
天氣嚴熱又好想食火鍋最愛吃鴛鴦湯底可以品嚐兩面味道朋友介紹去葵芳大西洋火鍋, 又平, 又有新鮮海鮮又近地鐵站真的不錯葵芳..搭車返家都易店內雖然不大.最吸晴係個海鮮位. 又大又干淨比想像中好.仲有其他熱食.不錯.叫左2個 套餐D298 (成人) • 鴛鴦湯底 雞蘿蔔湯 同 金銀花露雞湯 第一件事, 出去拎海鮮. 每人一桶, 朋友拎左5少蜆, 蝦, 鮑魚,, 新鮮的扇貝,扇貝通常有厚實的外殼，內部有鮮嫩的肉，顏色從白色到淡橙色。好吸引。仲有好多火鍋配料. 牛丸, 墨丸,響鈴等等熱食.徐左出面任食外. 可以手機落其他食物:另外叫了 西班牙五花腩片/份 , 滷雞/份 , 雞腿/份, 帶子, 長腳蟹蝦滑/份 鮑魚肉/份 鵝腸 蝦餃/份o西班牙五花腩片/份：肥瘦相間，煮熟後入口即化，油脂與湯底融合，帶來濃郁的肉香。o滷雞/份：醬香濃厚，雞肉嫩滑，滷汁滲透入味，回甘無比。o雞腿/份：肉質鮮嫩多汁，帶有輕微炭香，適合喜歡濃郁口感的食客。o特別一提，蝦滑/份份量超值，新鮮蝦肉與蝦膠製成，口感彈牙。我們直接將一份放入滾燙的鍋中，爽滑美味，令人回味。o鮑魚肉/份：雖然細隻, 但口感軟糯，帶有天然海鮮甜味，與湯底相得益彰。o鵝腸：煮得恰到好處，爽脆彈牙，略帶獨特風味。o蝦餃/份：皮薄餡嫩，蝦肉彈性十足。o帶子: 不是細隻的帶子. 都算厚身•食物確實豐富，尤其是第一次吃火鍋時遇到榴蓮、山竹、荔枝糯米糍, 細粒李子, 甜品是雪條等等特別選擇，遠超一般西瓜或哈蜜瓜的常規水果，令人驚喜。以兩百多元的價格，實在超值，性價比高。•整體而言，葵芳大西洋火鍋帶來了難忘的用餐體驗，新鮮海鮮與多樣化的食材搭配，冷氣環境和便利的交通更添舒適。這裡都值得，期待下次再訪！
繼續閱讀
行完葵涌廣場，同朋友搵食見到呢間「大西洋海鮮火鍋」，被佢嘅至尊套餐吸引咗！套餐主打即撈海鮮任食，海鮮選擇多到眼花撩亂，鮑魚、螃蟹、大頭蝦、沙白蜆全部養喺魚缸到，即撈即上，上枱時鮑魚仲識郁，大頭蝦好生猛，新鮮程度滿分！海鮮款式非常多，除咗基本款，仲有生蠔，夠大隻又creamy、墨魚仔，爽口彈牙、剝皮魚，鮮甜冇腥味、墨魚片同埋蟹腿，肉質飽滿，每款都處理得乾淨，冇沙冇渣。特別要讚佢哋嘅時令特色，烤榴槤，烤過之後榴槤更香甜軟糯，入口即化，另外仲有原個椰皇，非常清甜，正好中和火鍋嘅濃味。肉類方面一樣有驚喜，澳洲安格斯牛肉片油花均勻，輕輕一淖已經好嫩滑，牛味濃郁；西班牙五花腩片肥瘦適中，口感爽脆，同海鮮一樣可以任點任食！熟食區都有不少選擇，炸物、小炒等水準不錯。最後當然唔少得飲品同雪糕任飲任食，有多款汽水、紙包飲品，雪糕櫃更有知名品牌選擇，為呢頓豐富晚餐畫上完美句號。總括來講，以$298價錢可以食到咁高質又新鮮嘅海鮮放題，絕對係葵涌區性價比極高之選！
繼續閱讀
最近成日想食海鮮，喺葵芳匯搵到呢間「大西洋海鮮火鍋」，上網望咗下決定試一試佢！估佢唔到又有啲意外驚喜(^з^)-☆人均唔使$300，竟然可以任食生猛海鮮、爆膏大閘蟹、高質肥牛，仲有即開榴槤同椰皇，性價比高到癲！🦀 震撼回本位：爆膏大閘蟹任點任食！今期最大亮點絕對係任點任食大閘蟹！無錯，係任食！唔係細細隻敷衍了事嗰種，每隻都爆晒膏，蟹膏甘香豐腴，入口濃郁無比，蟹肉鮮甜得嚟帶淡淡酒香，絕對係誠意之作！我同朋友encore咗兩轉，淨係食蟹都已經值回票價！（提提您：季節限定，記得問清楚店家供應期）🦐 海鮮靚料樣樣齊除咗大閘蟹，其他海鮮一樣高質。大頭蝦上枱仲生猛跳跳下，蝦膏爆滿；鮑魚厚肉，爽口彈牙；沙白蜆清洗得超乾淨，無沙，鮮甜肥美！鍾意食海鮮嘅朋友一定會好滿足！🥩 肉類+火鍋料絕不馬虎肉類推薦安格斯牛肩胛，雪花均勻，牛味香濃；自助區還有各式蔬菜、丸類和烏冬，選擇唔少🥳🍈 甜品生果完美收官點可以唔提佢哋嘅生果區！即開榴槤香味濃郁，口感Creamy；即開椰皇清甜解渴，打完邊爐飲返個簡直一流！💯 服務細心，值得加分不得不讚這裡的服務，員工態度親切，會幫忙處理海鮮💗加分～Overall 嚟講，$300有找可以任食爆膏大閘蟹、生猛海鮮、高質牛肉和即開榴槤，選擇多質素高，加上服務細心，絕對係葵芳區內超高CP值之選！強烈推薦給喜歡任食海鮮嘅朋友仔(⁎⁍̴̛ᴗ⁍̴̛⁎)！💡 小貼士：記得提前訂位，#大閘蟹為季節限定，建議預約前先查詢哦！
繼續閱讀
因為食開火鍋湯底都係好濃嘅，中辣的麻辣湯底吃完個身係會熱的，但呢個的中辣係唔辣。如果追求清淡湯底呢度好適合！人手唔多夠，ReFill 湯底叫左4-5次，叫到湯底都煲乾先加湯！食物質素同價錢是成正比的，要食靚野又要平就唔合理，呢度d野食質素算合格，價錢任食火鍋黎講真係算平。如果致在吹水又有得任飲任食呢度好OK！因為坐左差唔多4個鐘都沒被趕走😊整體來說，我只會試一次，因為我對火鍋的質素都係有少少要求的！
繼續閱讀