大西洋海鮮火鍋

營業中

休息中

最近北角新開咗間即撈海鮮重慶火鍋店 — 「大西洋海鮮火鍋」🤩🤩餐廳主打火鍋放題，晚市只需$298就可以任食即撈海鮮、多款肉類、火鍋配料、熟食、甜品等～性價比好高！！🍲晚市火鍋放題套餐 $298/位✨湯底揀咗「蕃茄鍋🍅」，味道酸酸甜甜、好開胃，蕃茄味十分濃郁！！即撈海鮮方面，包括有蟹、鮑魚、大頭蝦、沙白等可以任食～全部都好新鮮，當中至愛「大頭蝦🦐」！肉質爽口彈牙，味道鮮甜😋😋肉類方面，包括有美國安格斯肩胛肥牛、美國安格斯頂級和牛、日本和牛、荷蘭天然五花腩片、新西蘭小肥羊等～～我就最鍾意「美國安格斯肩胛肥牛🐂」！肉質軟嫩juicy、重牛味，同朋友encore咗幾次❤️❤️另外，自助區仲有多款火鍋配料、熟食、甜品、雪糕、飲品等可以任食任飲～～火鍋配料有墨魚仔、蝦滑、黃喉片、毛肚、丸類、蔬菜等，熟食就有小龍蝦、小酥肉、焗榴槤等～味道都唔錯！！ 最後再食返支KitKat雪條，今餐好滿足👍🏻👍🏻

這間火鍋店絕對是性價比之王！花膠雞鍋湯底濃郁得令人驚艷，金黃色的湯汁充滿膠質，每一口都鮮甜滋補。牛肉片油花均勻，牛味香濃，入口即化；海鮮更是亮點，任撈的鮑魚大隻厚肉，蝦蟹新鮮彈牙，鮮甜度滿分！竹笙吸飽湯汁後口感絕佳，豬皇喉和牛柏葉爽脆過癮，響鈴炸得酥脆，浸湯後層次豐富。 配料選擇多樣，蔬菜清新，丸類彈牙，還有解膩的自家製冷泡茶。服務貼心，店員笑容滿滿，更提供圍裙防污，細節周到。最驚喜是免加一，人均消費合理，質素卻媲美高級火鍋店，絕對是回頭之選！

這是一處超具中華建築特色的四川火鍋餐廳，故宮形式的紅牆設計及京劇面譜，氣氛滿滿。內裏有生猛海鮮，包括蜆、蟹、蝦、鮑魚等。新鮮海鮮自己撈起放入鐵桶的感覺太好玩啦，自己想食的自己捕捉，別有一番風味！而其他類型的蔬菜海鮮肉食亦應有盡有，種類繁多。特別是牛肉方面肉眼都看得出食材非常新鮮，油脂分佈均衡之餘更是非常鮮豔的紅色，更有蠔海參之類的豪華食材，重點推介是黃喉片，非常爽滑帶嚼勁，是一般自助火鍋店比較難得的食材，能夠自由食到實在太滿足了！

任食海鮮火鍋2小時，人唔多，座位舒適，自己拎桶出去任拎海鮮冇限refill😋大門同裝修都非常中國風，幾靚花膠同菌湯底都入味，醬料任裝飲品海鮮自己飲拎，另外手機可落單，美國安格斯肩胛肥牛、荷蘭天然五花肉、澳洲高鈣小肥羊、雞子、紅杉魚、黑毛肚、鮮鵝腸、豬黃喉、精品腰花、海螺片、豬大腸、黑魚片、蝦滑魷魚須、麻辣雞腎、目魚花、豬腦花、鮑魚仔、生蠔、竹笙、豬肚等食物大部分味道都正常，鮑魚仔幾好味，但肉就全部都喺急凍。$268一個人唔使加一唔同價錢可以揀唔同食物🥘但都係可以任拎海鮮🦞價錢不同任君選擇🤣

呢間餐廳主打打邊爐，任飲任食，多款肉類，蔬菜，丸類等食物，呢度可以拎海鮮桶出去任食海鮮，自己撈自己揀，沙白，海蝦，蟹肉都有，拎完再自助煮。鮑魚肉質彈牙又新鮮，海鮮生猛。免加一2小時任食生猛海鮮＋近百款食材 椰青暢飲，椰青清甜好味。五大招牌湯底花膠雞風味 / 菌菇湯底 / 大骨湯 / 番茄湯鍋 / 經典麻辣湯，可以自選湯底我地叫左花膠湯底清淡又健康雞湯味濃。丸類多款推介芝士牛丸同芝士丸好彈牙同濃郁芝士味，竹笙，海蔘都有，肉類有肥牛，魚類，羊肉等等，熟食就有小龍蝦，炸物，生果，甜品雪糕都一應俱全。

北角新開生猛海鮮重慶火鍋放題 最平午市$158 簡單記錄一下 有咩食？見到價錢分咗三個$198 最主要係冰鮮海鮮但嚟到呢間 當然要試吓佢生猛海鮮放題$268起如果晚上10點後入座 或者同行有朋友生日 仲有八八折優惠.第一時間拎個桶 出去自己揀海鮮有大頭蝦 鮑魚 蟹 大蜆見到邊隻大隻 跳得快 就揀佢一定唔會出現唔新鮮嘅問題.各款冰鮮海鮮 可以自己掃code落單我比較鍾意⭐墨魚仔 ⭐生蠔 ⭐蝦滑 ⭐鵝腸竟然連⭐海參都有 當然唔少得⭐羊肉⭐豬肉⭐牛肉外面自助區有各款丸類 蔬菜菇菌亦都有炸物小食 連烤榴槤都有.前菜甜品區域 有幾款生果 新鮮榴槤任食 清甜椰青即開即飲冰粉 乳酪 泡芙 雪糕 雪條飲品種類都足夠.特別一提 如果生日仲會送勁大碗生日麵 仲可以播埋生日歌而且有同行朋友生日全枱88折 包房房間都幾大 仲有梳化 麻雀枱 6位或以上就可預訂包房.營業時間至凌晨3點 好適合鍾意打邊爐 又鍾意任食海鮮嘅朋友.#hkfunfoodrecord窮遊香港#hkfunfoodrecord_北角.#大西洋海鮮火鍋 (北角)地址：北角英皇道395號僑冠大廈地下28-31號舖電話：2152 0348.（記住L

最近發現港島北角開咗間自助火鍋，價錢都幾優惠，大概因為唔係喺銅鑼灣咁熱門嘅地方，所以環境唔算好迫，仲有一個好有中式風嘅裝修～😄 越嚟越鍾意自己拎海鮮嘅感覺，可以精挑細選，玩味十足！🤭呢度飲品選擇都算多，汽水、茶類就唔洗講，連椰子水都有提供，只係要去第二個位置搵吓～🧃自己去拎調味料，好似唔同口味調製專屬火鍋湯一樣，隨心所欲！🧂雖然海鮮選擇唔算多，但係質素真係唔錯！啲蜆真係勁大粒，最緊要冇沙，每粒都厚肉又甜美，食落好爽口～😋牛丸同貢丸都唔失禮，好有口感同彈性！👍🏻總體嚟講，呢度真係抵食，仲係一個消遣好地方，下次一定要約埋朋友再嚟！🔥🥢

大西洋海鮮火鍋除咗好底食，地點仲好方便！ 北角地鐵站出行三分鐘就到！今日我同三個朋友食lunch，地方都好寬躺！坐得舒服！我哋揀咗鴛鴦湯底，蕃茄同花膠雞！打邊爐必備嘅肉類，丸類，菜類，熟食，炸物，生果，甜品，飲品，都自己任攞任飲任食，無限供應！值得一提係，呢度嘅海鮮，新鮮又生猛，全部都係自己任撈！$268午市放題兩小時，仲係免加一！真心平！好貼地！真係啱晒附近嘅街坊！📍 大西洋海鮮火鍋 (北角)北角英皇道395號僑冠大廈地下28-31號舖

雖然夏天，但有時好想食火鍋，最近就去咗北角呢間---🌟大西洋海鮮火鍋(北角)🌟食火鍋放題，每位$268任飲任食正宗重慶火鍋放題🍲最特別係有海鮮任撈，新鮮海鮮好生猛，款式種類又多，每次出去可以將海鮮裝滿鐵桶，一桶滿滿都有好多隻👍🏻火鍋配料可以出面自取，蔬菜、菇類、丸類款式又係非常豐富✨️除咗火鍋配料，仲有冷盤小食前菜都有，熟食甜品都有供應，非常有誠意。飲品除咗一貫嘅罐裝汽水、紙包飲品，連成個椰青都有，好特別，每個椰青都即飲即開，夠曬新鮮！醬料調味料款式多，滿足你唔同配撘。除咗出面自取，仲可以掃碼落單肉類，選擇嘅種類亦好多，連海鮮都有得落，仲有火鍋必食嘅響玲卷✨️火鍋湯底選擇都有好幾款，仲可以揀鴛鴦火鍋，麻辣湯底🌶環境舒適寬敞，而且店員服務態度好好，依家餐廳仲會開到淩晨三點，呢個價錢真係食到捧住個肚走，太多野食太多選擇性價比高👍🏻

總括呢間野d食物唔错, 可惜吹得太急, 限2小時, 勁準時提你~又話叫你食埋唔好浪費🤷🏻‍♀️如果唔係收$, 我食緊又話我超時罰$, 遲5-10分鐘,即係點？😮‍💨真係唔知老闆係咪吩咐員工不停提客人, 好反感~重點仲有大他吉位出門冇人等, 似趕客多d😓如果唔想被人吹, 大家三思！

踏入北角英皇道這間以朱紅樑柱、雕花屏風配襯的中國宮廷風火鍋店，彷如穿越到古代的御膳房。門外立著一面橫幅，寫著「挑戰價格最優惠」，「大西洋火鍋」以$298港幣的晚市放題，建立起一座海鮮殿堂。「撈活」的儀式感鮑魚緊吸缸壁，需稍用力才能取下，入鍋五分鐘便蜷成誘人的金黃油亮，咬下彈牙如溏心蛋，帶著淡淡海水回甘；  活水蝦青殼透亮，入湯時仍奮力弓身，熟後蜷曲如玫瑰，剝殼時汁水迸濺，帶春帶膏的鮮甜直衝舌尖；  沙白蜆在湯中如花苞綻放，飽滿的貝肉裹著菌菇雞湯，一啜滿口海洋氣息，連食二十粒仍意猶未盡。魚缸旁總圍滿人，一撈便是蟹蝦翻騰。這種即撈即涮的鮮活體驗，遠非冰鮮食材可比。靈魂湯底：花膠雞湯五款湯底中，花膠雞鍋堪稱鎮店之寶——  乳黃湯色浮著紅棗枸杞，膠質濃到能黏唇。舀起便是大塊花膠與雞肉，慢熬的精華滲透每滴湯汁。涮海鮮前必先喝兩碗：蟲草花的藥香平衡了雞油的厚重，建議保留原湯涮海鮮，方不掩其本味。除自撈海鮮，掃碼下單的菜品亦不遑多讓。美國安格斯肩胛肥牛，紅白霜降紋理如落雪的山巒，肉片觸及滾湯的剎那，油花瞬間熔化成金色網紋。荷蘭天然五花腩片的脆彈豬皮如薄糖片，掛住花膠湯的膠質，半透明脂肪層入口即化成奶

自撈海鮮火鍋好吸引，任食放題都只係$2️⃣9️⃣8️⃣要左鴛鴦鍋，菌菇鍋底 拼 大骨湯鍋底菌菇湯好濃縮，鍋裡面有有不同的菇菌粒大骨湯就係豬骨湯，但surprised湯底完全唔肥膩‼️生猛海鮮任撈，有大頭蝦、大花甲、活鮑魚，🦐大頭蝦主要食蝦膏，蝦膏好creamy花甲非常新鮮，蜆肉好鮮甜飽滿😋鮑魚就夠大隻，不過可能我哋淥得耐左啲，有啲韌～～如果唔想食大頭蝦，都可以有其他蝦食👍🏻呢個價錢仲有日本和牛呢款和牛無咩雪花，但食落牛味濃，而且肉質軟嫩❤️打邊爐點都係比較熱氣，呢度有即開椰皇🥥可以即時清清熱氣仲有IF椰青水結尾一定要食返支KitKat雪條

平時少係北角覓食，今日同男朋友放假去東岸板道行下海邊再去新開嘅大西洋海鮮火鍋到食火鍋放題🫶🏻店內裝修好有古代氣息，餐牌上有幾個set可以揀，我地個套餐可以係自助海鮮區度任夾海鮮，見到好多生猛海鮮：🥢大頭蝦、活蟹、蜆、鮑魚等等😍自助區有好多火鍋料選擇，仲有啲炸物同其他小食，小龍蝦十分惹味!而飲品除咗汽水同啲紙包飲品之外，仲有自家製嘅養生茶同埋新鮮椰皇架湯底我地揀左好濃郁嘅花膠雞，仲有可以qr code點食物，推介日本和牛、五花腩同蝦滑😋食完主食揀埋雪條大滿足！

朋友話北角有間任食海鮮邊爐想試，就同佢一齊黎搵食！北角地鐵站行5分鐘左右，門口充滿中國風味，入到去環境寬敞，仲有陣陣火鍋香氣撲鼻，令人即刻肚餓！😋 醬料位整齊企理，選擇都夠多，自己調配最岩口味！丸同菜都係自助區，不過我地目標一致係食海鮮xd海鮮區包括有蝦、鮑魚、蟹、蜆，亦可以掃Code嗌蠔、蝦、鮑魚仔、魷魚仔、海螺等，海鮮控見到就興奮！呢度主打海鮮，種類豐富！飽魚粒粒超大隻，入口彈牙有嚼勁，仲帶點海水鹹香，食完想再拎多幾輪！鮮蝦新鮮，蝦肉爽彈，配埋自家調嘅海鮮醬，好正！任食任拎，食海鮮食到爽～今次揀咗花膠蟲草花雞湯做湯底，湯底濃而不膩，雞湯嘅鮮甜同花膠嘅滑潤完美融合，仲有紅棗同蟲草花嘅淡淡藥材香，飲落好滋補，感覺即刻補充滿滿骨膠原！😍 湯底滾得勁，淥嘢食啱啱好～蝦滑好creamy，滿口蝦香，口感彈牙，淥喺花膠雞湯入面特別match肥牛切得薄薄地，淥10秒就食得，入口即化，牛味濃郁～牛柏葉夠爽口，叫左一碟比左好多塊水果甜品區，有乳酪、椰青水任食任拎，解渴解膩都唔錯！人均唔洗300就有海鮮邊爐任食，抵食又滿足！

位於北角嘅大西洋主打中國風，座位空間寬敞，店員都會主動加湯同收碟，qr落單，上菜速度夠快。我地揀左日本和牛套餐$298，湯底揀左花膠雞湯鍋底，湯底呈金黃色，雞湯好濃味。呢到有得自己撈海鮮，有蟹、蝦、鮑魚、沙白，蝦好生猛除左海鮮，肉類最推薦日本和牛，油脂分布平均，唔會好肥，牛味夠濃！配料種類豐富，特別推薦黑栢葉、鵝腸同海螺片鵝腸爽口，海螺片彈牙，黑栢葉新鮮。仲有好少見嘅千張，豆腐皮味好香！另外仲有比較少有嘅竹笙都係任食，勁抵，竹笙吸晒雞湯，超好食！自助區有好多丸、蔬菜生果，生果種類好多。熟食有焗榴槤、小龍蝦、炸魷魚鬚等等飲品除咗有大家好推薦嘅椰皇，都仲有不少冷泡茶最後食番條雪條做甜品真係好滿足！