大西洋海鮮火鍋

營業中

休息中

北角呢間火鍋店幾有四川mood，任食邊爐一個人唔使三嚿水就有得任食兩粒鐘首先揀咗湯底先，花膠濃湯鍋底就啱晒大胃呢啲女人仔，補鈣補骨膠原，有紅棗同蟲草花等等，飲多兩碗先好開始淥嘢食作為社畜，第一輪嗌咗家畜先，打邊爐必叫肥牛，仲有羊肉同豬肉任嗌，厚切又大片仲有黃喉、腰花、豬腦、豬大膠、牛肚等等可以嗌，款式特別，每次嗌都大大碟呢間主打海鮮，好多選擇，有成條魚可以嗌，亦可以點蠔、蝦、鱔、鮑魚、魷魚、海螺等等，都幾鮮味，仲好足料，自己屋企打邊爐咁買法都唔平除咗掃QR code落單，都可以出去撈生勾勾嘅海鮮，有蟹、蝦、鮑魚、蜆撈，開心過撈金魚，即撈即淥熟咁食，嗰種新味難以忘懷竹笙、鵝腸、千張等等都可以落單，都係出面相對唔common嘅材料。除咗落單，出去自助區撈丸撈菜好多海藻類菌類選擇，非常健康外面有醬料區，可以自行混醬，有啲醬汁如腐乳、花椒油都比較少見等唔切啲嘢淥熟，都有熟食可以開住胃等食甜品方面除咗生果同雪米糍，竟然有得自己𢳂冰粉，今次真係要𢳂兩碗食，太開心喇飲品櫃有汽水、涼茶、啤酒、冷泡茶等一應俱全最特別係去雪櫃度有椰青拎，椰水好香甜

晚上，我跟朋友來到北角的大西洋海鮮火鍋去吃火鍋。😁餐廳裏面好多人 ☺這裡的火鍋湯底有經典的麻辣湯底、花膠雞湯、番茄鍋底和大骨湯等。我選擇了花膠雞湯湯底。花膠雞湯雞肉的鮮味與花膠的滑潤結合得恰到好處。每一口湯既有雞肉的鮮甜，又有花膠的獨特風味。醬料區海鮮這裡的海鮮選擇非常豐富。墨魚仔的肉質鮮嫩，生蠔則是鮮甜多汁。鮑魚仔則彈牙有嚼勁，蝦滑和魷魚鬚的口感也相當不錯。活生生的海鮮讓人感到新鮮，撈起來的蝦超鮮美。😆肉類牛小排的肉質柔軟，油花分布均勻，燙過後的口感更加滑順。鮮鵝腸的彈性十足，讓人吃得過癮。蔬菜餐廳還提供了新鮮的生菜、娃娃菜和白蘿蔔，這些蔬菜在火鍋中煮過後，吸收了湯底的精華，口感清脆，十分爽口。丸類(有海膽丸和龍蝦丸等) 飲品與甜品餐廳提供的飲品選擇相當豐富，任飲的汽水、茶飲和乳酸飲料都非常解渴至於甜品，豆腐花滑嫩，口感柔和，讓人心情愉悅；而乳酪則是清新可口，完美地為這頓火鍋餐劃上了一個圓滿的句號。

［📍北角｜大西洋火鍋店］大西洋火鍋真係可以用抵食黎形容，地點係北角地鐵站一出行3分鐘就到，地點超級方便。入到餐廳嘅環境都好舒適，坐嘅位置好寬敞。先揀湯底叫咗個菌菇鍋底，見到都幾足料有好多菌菇，而且湯底清清地，幾好！跟住QR code落單睇下有咩食，估唔到仲有咁多選擇，咁我就叫咗牛小排，蠔🦪，新鮮鵝腸，鮮蝦滑，同埋紅衫魚。牛小排幾有牛味，切得好薄，高質。蠔就粒粒勁大隻，好新鮮，同埋有甜味。新鮮鵝腸感覺到佢唔係雪藏嘅，勁爽口。鮮蝦勁足料，仲有好大舊蝦。估唔到仲要有魚食，有䱽魚同埋紅衫魚，咁淨係叫咗紅衫魚，細細條幾鮮甜。再講自助區，一行到過去有少少嚇親，估唔到有勁多椰皇，仲要係任飲，而且開嘅速度好快基本上唔使等，飲四五個都抵返晒。再行前啲有個魚缸，入邊有蝦、蟹、鮑魚同埋蜆，全部都新鮮識郁嘅，蟹仲要有三款俾你揀，有三點蟹，花蟹同埋大閘蟹。蜆就全部勁大粒。熟食區有焗蠔，炒飯同埋大閘蟹，仲有啲麻辣雞腎，麻辣木耳等等嘅冷盤。仲有啲炸物呀，烤榴連等等。蔬菜區有好多選擇，好多都好新鮮，綠油油咁。丸類既選擇都好足夠。甜品有雪條，泡芙，同埋糯米糍。二百幾蚊可以食到生猛海鮮真係好抵，而且仲有咁多熟食同埋甜品，

雖然夏天，但有時好想食火鍋，最近就去咗北角呢間---🌟大西洋海鮮火鍋(北角)🌟食火鍋放題，每位$268任飲任食正宗重慶火鍋放題🍲最特別係有海鮮任撈，新鮮海鮮好生猛，款式種類又多，每次出去可以將海鮮裝滿鐵桶，一桶滿滿都有好多隻👍🏻火鍋配料可以出面自取，蔬菜、菇類、丸類款式又係非常豐富✨️除咗火鍋配料，仲有冷盤小食前菜都有，熟食甜品都有供應，非常有誠意。飲品除咗一貫嘅罐裝汽水、紙包飲品，連成個椰青都有，好特別，每個椰青都即飲即開，夠曬新鮮！醬料調味料款式多，滿足你唔同配撘。除咗出面自取，仲可以掃碼落單肉類，選擇嘅種類亦好多，連海鮮都有得落，仲有火鍋必食嘅響玲卷✨️火鍋湯底選擇都有好幾款，仲可以揀鴛鴦火鍋，麻辣湯底🌶環境舒適寬敞，而且店員服務態度好好，依家餐廳仲會開到淩晨三點，呢個價錢真係食到捧住個肚走，太多野食太多選擇性價比高👍🏻

總括呢間野d食物唔错, 可惜吹得太急, 限2小時, 勁準時提你~又話叫你食埋唔好浪費🤷🏻‍♀️如果唔係收$, 我食緊又話我超時罰$, 遲5-10分鐘,即係點？😮‍💨真係唔知老闆係咪吩咐員工不停提客人, 好反感~重點仲有大他吉位出門冇人等, 似趕客多d😓如果唔想被人吹, 大家三思！

踏入北角英皇道這間以朱紅樑柱、雕花屏風配襯的中國宮廷風火鍋店，彷如穿越到古代的御膳房。門外立著一面橫幅，寫著「挑戰價格最優惠」，「大西洋火鍋」以$298港幣的晚市放題，建立起一座海鮮殿堂。「撈活」的儀式感鮑魚緊吸缸壁，需稍用力才能取下，入鍋五分鐘便蜷成誘人的金黃油亮，咬下彈牙如溏心蛋，帶著淡淡海水回甘；  活水蝦青殼透亮，入湯時仍奮力弓身，熟後蜷曲如玫瑰，剝殼時汁水迸濺，帶春帶膏的鮮甜直衝舌尖；  沙白蜆在湯中如花苞綻放，飽滿的貝肉裹著菌菇雞湯，一啜滿口海洋氣息，連食二十粒仍意猶未盡。魚缸旁總圍滿人，一撈便是蟹蝦翻騰。這種即撈即涮的鮮活體驗，遠非冰鮮食材可比。靈魂湯底：花膠雞湯五款湯底中，花膠雞鍋堪稱鎮店之寶——  乳黃湯色浮著紅棗枸杞，膠質濃到能黏唇。舀起便是大塊花膠與雞肉，慢熬的精華滲透每滴湯汁。涮海鮮前必先喝兩碗：蟲草花的藥香平衡了雞油的厚重，建議保留原湯涮海鮮，方不掩其本味。除自撈海鮮，掃碼下單的菜品亦不遑多讓。美國安格斯肩胛肥牛，紅白霜降紋理如落雪的山巒，肉片觸及滾湯的剎那，油花瞬間熔化成金色網紋。荷蘭天然五花腩片的脆彈豬皮如薄糖片，掛住花膠湯的膠質，半透明脂肪層入口即化成奶

自撈海鮮火鍋好吸引，任食放題都只係$2️⃣9️⃣8️⃣要左鴛鴦鍋，菌菇鍋底 拼 大骨湯鍋底菌菇湯好濃縮，鍋裡面有有不同的菇菌粒大骨湯就係豬骨湯，但surprised湯底完全唔肥膩‼️生猛海鮮任撈，有大頭蝦、大花甲、活鮑魚，🦐大頭蝦主要食蝦膏，蝦膏好creamy花甲非常新鮮，蜆肉好鮮甜飽滿😋鮑魚就夠大隻，不過可能我哋淥得耐左啲，有啲韌～～如果唔想食大頭蝦，都可以有其他蝦食👍🏻呢個價錢仲有日本和牛呢款和牛無咩雪花，但食落牛味濃，而且肉質軟嫩❤️打邊爐點都係比較熱氣，呢度有即開椰皇🥥可以即時清清熱氣仲有IF椰青水結尾一定要食返支KitKat雪條

平時少係北角覓食，今日同男朋友放假去東岸板道行下海邊再去新開嘅大西洋海鮮火鍋到食火鍋放題🫶🏻店內裝修好有古代氣息，餐牌上有幾個set可以揀，我地個套餐可以係自助海鮮區度任夾海鮮，見到好多生猛海鮮：🥢大頭蝦、活蟹、蜆、鮑魚等等😍自助區有好多火鍋料選擇，仲有啲炸物同其他小食，小龍蝦十分惹味!而飲品除咗汽水同啲紙包飲品之外，仲有自家製嘅養生茶同埋新鮮椰皇架湯底我地揀左好濃郁嘅花膠雞，仲有可以qr code點食物，推介日本和牛、五花腩同蝦滑😋食完主食揀埋雪條大滿足！

朋友話北角有間任食海鮮邊爐想試，就同佢一齊黎搵食！北角地鐵站行5分鐘左右，門口充滿中國風味，入到去環境寬敞，仲有陣陣火鍋香氣撲鼻，令人即刻肚餓！😋 醬料位整齊企理，選擇都夠多，自己調配最岩口味！丸同菜都係自助區，不過我地目標一致係食海鮮xd海鮮區包括有蝦、鮑魚、蟹、蜆，亦可以掃Code嗌蠔、蝦、鮑魚仔、魷魚仔、海螺等，海鮮控見到就興奮！呢度主打海鮮，種類豐富！飽魚粒粒超大隻，入口彈牙有嚼勁，仲帶點海水鹹香，食完想再拎多幾輪！鮮蝦新鮮，蝦肉爽彈，配埋自家調嘅海鮮醬，好正！任食任拎，食海鮮食到爽～今次揀咗花膠蟲草花雞湯做湯底，湯底濃而不膩，雞湯嘅鮮甜同花膠嘅滑潤完美融合，仲有紅棗同蟲草花嘅淡淡藥材香，飲落好滋補，感覺即刻補充滿滿骨膠原！😍 湯底滾得勁，淥嘢食啱啱好～蝦滑好creamy，滿口蝦香，口感彈牙，淥喺花膠雞湯入面特別match肥牛切得薄薄地，淥10秒就食得，入口即化，牛味濃郁～牛柏葉夠爽口，叫左一碟比左好多塊水果甜品區，有乳酪、椰青水任食任拎，解渴解膩都唔錯！人均唔洗300就有海鮮邊爐任食，抵食又滿足！

位於北角嘅大西洋主打中國風，座位空間寬敞，店員都會主動加湯同收碟，qr落單，上菜速度夠快。我地揀左日本和牛套餐$298，湯底揀左花膠雞湯鍋底，湯底呈金黃色，雞湯好濃味。呢到有得自己撈海鮮，有蟹、蝦、鮑魚、沙白，蝦好生猛除左海鮮，肉類最推薦日本和牛，油脂分布平均，唔會好肥，牛味夠濃！配料種類豐富，特別推薦黑栢葉、鵝腸同海螺片鵝腸爽口，海螺片彈牙，黑栢葉新鮮。仲有好少見嘅千張，豆腐皮味好香！另外仲有比較少有嘅竹笙都係任食，勁抵，竹笙吸晒雞湯，超好食！自助區有好多丸、蔬菜生果，生果種類好多。熟食有焗榴槤、小龍蝦、炸魷魚鬚等等飲品除咗有大家好推薦嘅椰皇，都仲有不少冷泡茶最後食番條雪條做甜品真係好滿足！

雖然今日好熱但香港人依然都係咁鍾意打邊爐🤣。近近哋去咗北角嘅大西洋海鮮火鍋。呢度最吸引我嘅，係客人可以自己去海鮮魚缸嗰邊即撈新鮮海鮮比職員清洗後打邊爐。今日嘅新鮮海鮮係海蝦，蟹，鮑魚同埋蜆，全部都好生猛。湯底我哋嗌咗鴛鴦鍋，蕃茄湯同埋花膠雞湯，兩個湯底都好濃郁。多款肉類，海鮮，蔬菜，丸類，炸物，熟食，生果，飲品同甜品供應，總體質素都唔錯。呢個$268一位嘅午市放題套餐，免加一，好抵餐廳係宮廷式嘅設計，座位寬敞，環境舒適。以任食火鍋餐廳嚟講，係一個唔錯嘅選擇

成日見人北上食任撈海鮮火鍋，今次終於到我啦，不過喺香港就有得食！黎到北角呢間大西洋海鮮火鍋，一見到個大魚缸已經好興奮啦！🤩🤩🤩火鍋湯底有5款，我哋揀咗花膠雞湯鍋湯，金黃色濃湯好鮮味又養顏滋補。叫完湯底，我哋梗係第一時間攞個住店員比嘅海鮮桶去撈海鮮啦！🦐🐟🦞🐠🦀🐡🦑，海鮮種類豐富，全部都跳跳紮，保證新鮮生猛。卜卜蜆肉厚飽滿又無沙，大頭蝦勁爽口，蟹夠鮮甜，鮑魚大隻又彈牙！$238起就任食咁多海鮮真係非常之抵🥳另外我哋重order左肥牛、五花腩、生蠔、蝦滑、海螺片、響鈴、竹笙等等…配料質素都唔錯。除咗QR Code落單，外邊重有多款蔬菜、火鍋配料、熟食等等…連小龍蝦同烤蠔都有！飲品選擇都唔少，裝啤酒都係任飲的🍻甜品就有雪糕、豆腐花、糯米糍、泡芙、糍粑等…最驚喜嘅係重有我最愛嘅烤榴連！食幾多都得架！今時今日，呢個價錢食足120分鐘，有咁多嘢食，重有現撈海鮮，真係好難揾！想自己海鮮自己撈就真係要試一試👍🏻

又發現左間任撈海鮮嘅火鍋放題，呢間位於北角嘅火鍋店最近新開張，以四川重慶火鍋為主，最吸引係無加一嘅平民價錢，200幾就食到任撈各式生猛海鮮🦪🐚想像一下，鮑魚、蜆、羅氏蝦同蟹隨便任你撈加上自助區嘅選擇眼花繚亂，有肥牛、羊肉、黑虎蝦，仲有各式新鮮蔬菜，完全唔會令你失望😝超推薦試花膠雞湯，愈煲愈濃郁，搭配竹笙吸滿湯汁，口感真係一流👍🏻而且火鍋配料入面我特別中意嘅毛肚、蝦滑同豬黃喉，咬落去嘅爽脆感真係好正🤤

港島終於都有自助火鍋係可以自己撈海鮮價錢都幾優惠 可能因為係北角唔係喺銅鑼灣 所以唔算好迫環境係好有中式風 我哋中午嚟到湯底方面揀咗鴛鴦鍋 一邊係花膠雞另一邊麻辣飲品方面，有椰子水比較解渴呢個主打係海鮮 牛肉 蝦滑 自助區都有好多菜揀雖然唔係好大，但係想食特都有平時內地見到嘅海鮮火鍋配料 佢都有 仲有唔少內臟 鵝腸 黃喉 鍾意食內臟啱晒但係我哋主要都係食海鮮🦞可以喺個魚缸裏面撈 有蝦 鮑魚 蜆 蟹 鮑魚實在比較飽肚可能食咗四五隻 另外每樣都食咗少少已經好飽休息一陣間我哋再食牛肉種類比較多我哋揀得比較多鮑魚同埋花甲！覺得係中式裝修都幾特別 因為平時自助火鍋冇咁闊落就算同成班朋友嚟 都唔會坐得好迫咁海鮮最緊要新鮮 自己撈仲可以揀特別鍾意食嘅有時食多一兩粒都得 因為本人比較少食蟹 朋友就話ok

今天去了一家让我惊艳不已的海鲜火锅店！一踏入店门，就被中式戏曲装修风格所吸引，那种沉稳大气又不失典雅的格调，营造出一种舒适惬意的用餐环境，让人心情愉悦。但这家店真正的亮点还是在于食材！我敢说，这是我近期吃到食材最新鲜的火锅店了！店里的大头虾、大闸蟹、鲍鱼、沙白都养在鱼缸里，个个活蹦乱跳，捞出来的时候还在奋力挣扎呢，这新鲜度简直绝了！下锅煮熟后，虾肉弹牙，蟹肉饱满，鲍鱼肉厚Q弹，沙白肥嫩多汁，每一口都充满了大海的鲜甜，仿佛大海就在舌尖上翻滚。除了这些生猛海鲜，他家的烤榴莲和小龙虾也给我带来了巨大的惊喜。烤榴莲一上桌，香气四溢，榴莲肉软糯香甜，入口即化，喜欢榴莲的朋友一定不要错过。小龙虾处理得非常干净，虾肉紧实入味，麻辣鲜香，让人欲罢不能。当然，火锅食材的种类也十分丰富，各种肉类、蔬菜、丸滑，应有尽有，可以满足不同人的口味需求。店里的服务也很周到，店员们热情有礼貌，能及时响应顾客的需求，让人用餐过程十分舒心。这家海鲜火锅店真的太赞了，无论是食材品质、美食种类还是用餐环境和服务，都无可挑剔，强烈推荐给各位美食爱好者，相信你们来了也一定会爱上！