大西洋海鮮火鍋

營業中

休息中

天氣乍暖還寒咁，出門真係唔知要點着衫😮‍💨不過講到食，打邊爐就一年四季都咁啱心水😝今次要介紹嘅呢間「大西洋海鮮火鍋」位於北角英皇道，距離北角站2分鐘腳程就到，主打自助海鮮任撈任𢳂🦞🦀配搭多款足料湯底，仲有新鮮即開椰青，價錢仲要好親民夠貼地！「晚市放題火鍋套餐$268一位🍲」首先湯底就揀咗花膠雞湯🐔鍋配大骨湯鍋🐷雙拼湯底鮮香濃郁，面層仲有紅棗椰肉等新鮮底料，美味又養生🥰自助放題區有各款前菜、滷味、炸物等熟食，未淥得都可以醫住肚先～手機落單後，唔使幾分鐘各項生鮮配料就上齊啦🤩 除咗傳統火鍋配料同丸類，佢哋仲有好多獨特嘅內臟部位，例如腰花、黃喉片、毛肚，每樣配料都咁新鮮爽彈～ 尤其鍾意用花膠雞鍋去淥唔同嘅肉類，濃郁嘅鮮雞精華令到肉片更有肉味😝嚟到今餐嘅重頭戲就係自助海鮮放題！大大隻生猛游水蝦蟹，仲有鮑魚俾你任夾，小編就夾咗滿滿一桶嘅鮑魚！實現鮑魚自由🤤 浸落膠原滿滿嘅湯底煮一陣就食得，游水海鮮嘅肉質爽彈之餘仲有獨特鮮甜，掛滿湯底精華，一試難忘！食到咁上下，推介大家一定要試吓用個湯底嚟淥寬粉食！煙靭嘅寬粉朔晒海鮮同肉類精華嘅湯汁，好味到停唔到口🤤 甜品就有烤榴槤吃到飽🤤 整體而言，哩度真係一次

一行10人有老人家小朋友book咗房。食物質素就一般，款式飲品對得住價錢。最欣賞係廳有位姐姐同埋後生仔（黑T-shirt)非常之落力打點全場，小朋友遇到乳酪冇晒，就即刻入廚房攞俾兩個小朋友。另外，大廳嘅姐姐10分貼心不停幫我哋跟單又清潔。兩位嘅服務態度真係好過酒店多多聲10分推介。老人家食得好開心。

大西洋火鍋，店內環境雅致，木質桌椅與暖黃燈光相映成趣，VIP 房更添私密感，無論是聚餐還是約會皆宜。兩個人嚟食任吃自助火鍋晚餐，叫咗個大骨湯鍋湯底。 大骨湯鍋以其醇厚的口感和豐富的營養成為餐桌上的亮點。精選新鮮豬骨，經過長時間慢燉，釋放出骨頭中的精華，湯底濃郁而不油膩，富含膠原蛋白，既美味又養顏。呢度主打賣點任食海鮮（卜卜蜆、蝦、蟹、鮑魚仔），俾個桶你任裝，海鮮種類豐富，保證新鮮生猛。卜卜蜆飽滿，肉質緊實，encore好多次；蝦滋味甘甜，螃蟹鮮美無比，鮑魚仔彈牙，咁嘅價錢有肥牛，又有海鮮非常之抵食。牛魔王點少得叫肥牛，美國安格斯肩胛肥牛，肉質鮮嫩多汁，紋理分明，入口即化。每一片肥牛都經過精心挑選，確保其最佳的口感與風味。在火鍋中輕輕一涮，脂肪瞬間融化，包裹住瘦肉部分，散發出誘人的香氣。牛小排，是肉食愛好者的首選，結合了瘦肉的緊實與脂肪的香甜，在鍋中稍作停留後撈起，非常之美味。出邊仲有好多丸同蔬菜，我哋拎咗啲魚皮餃，肉丸，蔬菜；魚皮餃以新鮮魚肉搭配滑嫩魚皮製成，口感獨特，既有魚肉的細膩又有魚皮的爽脆。手工製作的肉丸則是用上等豬肉剁碎後反復捶打而成，富有彈性且充滿肉香。再配以各式時令蔬菜如

今日同朋友去咗大西洋火鍋食晚飯！😎 我哋叫咗個花膠雞湯底🐔，估唔到咁抵食都咁鮮甜！👍🏻 仲要係任食自助！🤩 真係CP值爆燈！💯自助區嘅海鮮🦞🦀🦐都好新鮮，我哋梗係唔執輸，撈咗好多海鮮返嚟食！😋 仲有鮑魚，鮮蝦同蟹！真係抵到爛！🤩 肉類方面，我哋叫咗新西蘭小肥羊、美國安格斯肩胛肥牛，同埋美國安格斯頂級🐮牛！ 款款都咁好味，真係食到回本！🤣 飲品方面，佢地有唔同嘅飲品，仲有新鮮椰青,真係好抵！👍🏻

留港消費發掘到間寶藏即撈海鮮火鍋！古風宮廷裝潢拍得住古裝劇場景，打卡位get✅ 🐔養生控必點花膠雞湯底湯面浮着紅棗椰肉，鮮甜滋潤到心坎裡。未開涮先掃熟食區：避風塘炒蝦、小酥肉、烤榴槤（🔥表皮焦脆咬開爆流心！）瞬間清空半個胃😆🦐生猛海鮮任撈模式拎住小桶衝海鮮區！鮑魚彈牙、肥蜆無沙、爆膏蟹蝦生猛到跳彈，倒入湯底鮮味x2✨QR code追加安格斯牛&手打丸，胃容量即刻進入戰鬥狀態💪🥥飲品區暗藏驚喜椰皇自助開殼機好療癒～輕按即開洞，椰青水清甜解膩！仲有涼茶/啤酒/特調茶，啱晒火鍋後降溫🧊💰人均$268免加一兩小時任食夠回本～海鮮區補貨快。

真心強烈推介呢間海鮮火鍋🤗性價比真係相當相當相當高因為好重要需要講三次一入到去環境相當中國風重點係海鮮任撈唔嬲 又非常多選擇海鮮都相當生猛 又花甲 鮑魚 蝦 蟹等等而價錢只係$269 +1 就可以食到兩個鐘㗎喇😛呢度最特別嘅係椰青水係真係原個椰青 俾你即開飲品方面都係任飲㗎 仲有自家製茶飲湯底選擇咗椰子花膠雞及蕃茄湯湯底亦相當濃郁 連食物方面都有原條魚 價錢簡直抵到黐咗線又有生果又有甜品重點仲要係有燒榴槤完全係值回票價💕

北角開咗間好抵食既即撈海鮮火鍋，叫左個兩小時任食套餐，$268 仲要免加一。叫左湯底之後，店員會派發一個QR code ，可以自己揀選不同的火鍋配料。仲有一個桶仔可以去海鮮區撈海鮮😍 另外火鍋配料區都有不同火鍋配料可選。花膠湯底夠曬養生，好濃郁😍先講講火鍋配料區，有不同既選擇，丸類 、 蔬菜、菇菌、熟食、小食、飲品，應有盡有，款式好多。熟食區有不同既炸物，有避風塘炒蝦，小酥肉等。重點是還有烤榴蓮，有幸吃了一件，表面微微焦脆，散發著濃郁的甜香氣，好味。飲品區最特別的是有新鮮椰王，旁邊設置一部開椰王殼的機器，好新奇。只需要少少力就可以為椰王開個洞，有足夠位置放入飲管，真的十分方便。而其他飲品選擇很多，連啤酒也可選。重點既現撈海鮮區，任撈任食，貨量充足。有蟹，蜆，海蝦，鮑魚，全部都好新鮮，直接倒入鍋中煮熟，鮮味十足。醬料台亦很豐富QR code 亦有不同的肉類和食品可以下單，真係要空住個肚去食才可以試到全部食材呀，大滿足😌

北角新鮮生猛海鮮自撈火鍋🍲多種火鍋配料選擇🫶🏻 鍾意食海鮮嘅不妨一試👍🏻 😻位置好方便👍🏻環境舒適海鮮有好多選擇有大閘蟹、海蝦、鮑魚、各種貝類🙌🏻全部海鮮自助即撈即食❤️‍🔥款款都好新鮮、勁生猛，而且fill得好快🤓嘢飲都有好多選擇最特別就係有椰皇🥰味道鮮甜啱晒打邊爐飲😋自助區/QR落單有肥牛、羊肉、黑虎蝦、蠔、豬黃喉、竹笙、毛肚、雞子、各款丸類、蔬菜、千層肚、魷魚弧、無骨鴨掌、小酥肉、等等😝種類十分多🙌🏻

朋友叫到今日去北角食自助撈海鮮火鍋賣點海鮮任撈火鍋。 湯底有麻辣湯底、花膠雞湯、番茄鍋底和大骨湯、菌菇鍋底。我選擇了菌菇鍋底 ，都幾多菇菌，而且湯底清清地。主角就係可以出去撈生猛嘅海鮮，有得撈、蝦、鮑魚、蜆、蟹活生生的海鮮自己慢慢選生猛大隻。鮑魚爽口彈牙有嚼勁，大頭蝦跳彈肉質爽甜，蝦膏爆香。蜆冇沙肥美，蟹都好好膏。五花腩肉質細膩，肥牛肥瘦得宜。仲有好多魚片仲有埋原條魚選擇。丸類非常多選擇，蔬菜新鮮選擇多。仲有可以拎生果食飽整個雪米糍，仲有得自己整返碗冰粉 有勁多椰皇成座椰皇山咁，仲要係任飲。飲品櫃選擇都好多。仲有好多熟野即食。

#即撈海鮮放題北角新開重慶火鍋 $268/位任食生猛蟹/鮑魚/大頭蝦 椰青/啤酒任飲🍻+長者8折 今日同小朋友去咗食 #火鍋放題特別之處係可以#自己出去撈海鮮鮑魚 海蝦 仲有大蜆大頭蝦非常生猛畢咗落個桶之後 跳咗出嚟 嚇到熙熙大叫😂😂好抵食 服務好 值得再去嘅 🥰鮑魚好林身 大蜆好鮮甜暖笠笠嘅榴槤好好食臨走想再食都已經冇曬喇🥣湯底方面共有5款包括花膠雞風味、菌菇湯底、大骨湯 、番茄湯鍋、經典麻辣湯，當中必試招牌花膠雞湯底，嚴選一鍋濃縮花膠雞精華，配合蟲草花及嚴選枸杞大棗，入味又滋補！可單點湯底或加$48選鴛鴦湯。

北角依間任飲任食火鍋店地點超方便，地鐵站一出行幾分鐘就到，餐廳裝修古色古香，仲有D四川京劇面譜作為裝飾，地方寬敞，非常舒適。湯底有5款可以選擇，包括經典麻辣鍋底、花膠雞湯鍋底、番茄鍋底、菌菇鍋底和大骨湯鍋底。我揀左花膠雞湯鍋底，味道十分濃郁，鮮味十足，湯底仲加入左蟲草花同埋紅棗，好滋補。火鍋店既重頭戲係任撈海鮮，鮑魚大大隻，仲有大頭蝦、蜆同埋蟹，全部都新鮮生猛，$268任飲任食，可以自己夾海鮮，你話唔正呀?仲可以SCAN QR CODE 點其他野食，生蠔係必食，勁肥美JUICY, 鮑魚仔好正，唔係平時罐頭個D, 蝦滑足料彈牙，豆腐滑到不得了，牛肉切得好薄，高質。唔止, 仲有其他打邊爐必食既丸類、蔬菜等等。飲品方面, 選擇都多，最正係有即開椰皇，真係其他火鍋店都冇, 平時出面飲一個都收你幾十蚊, 依度係任飲，超讚!總括來說，值得一試!

即撈海鮮重慶火鍋放題店「大西洋海鮮火鍋」登陸北角！餐廳裝潢以中國宮廷風古色古香設計，設有生猛海鮮自助區，2小時任食生猛海鮮＋近百款食材 椰青及2款青島啤酒暢飲，任選五大招牌湯底花膠雞風味 / 菌菇湯底 / 大骨湯 / 番茄湯鍋 / 經典麻辣湯。自助區有：生猛海鮮區，有蟹、羅氏蝦、鮑魚、蜆，可以即撈即煮。（工作人員都會不斷補充海鮮，確保有充足貨源給客人撈煮）火鍋配料區：丸類、蔬菜款式都有不少選擇，至於肉類、海鮮類就要掃碼下單。熟食區有炸物，其中焗榴連極受歡迎。飲品區：飲品款式都幾多，椰青及2款青島啤酒都好受歡迎。湯底揀咗大骨湯，一大鍋有足夠空間放海鮮和火鍋配料。當然第一時間就係放入主角生猛海鮮，羅氏蝦非常鮮甜又彈牙，蝦頭仲有膏。蟹雖然唔係好大隻，但係一樣爆膏，鮑魚就比較大隻，鮮甜彈牙，蜆肉都好鮮甜。其他火鍋食材都好新鮮。烤過的榴槤會比直接生吃更甜，口感更軟滑，榴槤的味道更突出。

是日與好友到北角食海鮮火鍋，朋友仔推介這間大西洋火鍋個賣點係自己出去拎新鮮海鮮。一埋位就拎個盤去拎海鮮，非常生猛。兜上黎d蝦跳返出嚟，蟹都會走。真係非常生猛既海鮮，拎埋鮑魚同蜆，真係心情愉快兜海鮮。鮑魚新鮮彈牙，口感好夠鮮味。蝦同蟹爆膏肉質爽口彈牙又夠實肉，鮮味十足，新鮮捉即整個新鮮程度係唔同d既。蜆夠晒大粒飽滿同埋無沙。叫左個鴛鴦鍋番茄鍋底加菌菇湯底，再用QR Code掃描點左脆鯇魚片，蝦拼盤，蠔，蝦滑，黑魚片，成條紅衫魚，荷蘭天然五花腩，美國安格斯肩胛肥牛，魚皮餃。d魚成條原條咁上咁打邊爐先夠過引。肉類肉質都幾好，海鮮都幾新鮮。蔬菜款式夠多同埋新鮮。丸類有著大量種類任君選擇。飲品櫃有甜既有茶類有酒有涼茶，十分多選擇。仲有椰皇自己開即飲涼在心頭，清甜可口。

你係咪同我一樣一年四季都鍾意打邊爐😂我就特別鍾意食生猛海鮮🐟🦐🦀要搵間性價比高，呢間係北角既大西洋海鮮火鍋放題免加一只需$268即可享2小時任食生猛海鮮，真係超級抵食‼️地點超級方便，北角地鐵站一出行3分鐘就到，裝潢滿滿中國宮廷風，卡位坐得好舒適🥰🍲湯底坐低先揀湯底，5款精選湯底，包括招牌湯底花膠雞風味、菌菇湯底 、大骨湯 、番茄湯鍋和經典麻辣湯，加購$48仲可以五選二配搭鴛鴦湯. 我就揀咗花膠雞同埋蕃茄湯，花膠雞湯清甜，蕃茄湯夠晒濃郁！生猛海鮮🦐🦀🐚最開心🥳 就係出去自助區撈生猛海鮮，無限任食海鮮有蟹、鮑魚、海蝦、大頭蝦、沙白. 海鮮每日新鮮運到，店員仲不停refill，鮑魚大頭蝦勁大隻勁鮮甜😋火鍋配料🐮🐷🐑過百款火鍋配料，QR code落單，牛羊豬樣樣有，最愛生蠔大大隻好新鮮. 必食牛小排，鮮蝦滑，同埋䱽魚。牛小排好嫩滑，鮮蝦滑勁爽口，䱽魚細細條好鮮甜。自助區有多款丸款和蔬菜，超級多選擇！✨熟食區多款炸物和炒飯，仲有甜品雪條，泡芙和糯米糍✨飲品汽水、茶類任你飲，估唔到椰皇都係任飲🤩 椰皇即開即飲，打邊爐就唔怕熱氣啦，飲幾個已經返晒本🤭

今日和朋友探訪北角一間新開張的海鮮火鍋店，最吸引的不單是任飲任食，而是「海鮮可以自己撈」！現場設有多個魚缸，鮑魚、沙白、大蝦、蟹樣樣新鮮任你拎。畀個貼士大家，先放扎扎跳的大蝦入桶，然後用鮑魚壓住佢，否則真係會跳出來呀！鮑魚爽口彈牙、沙白鮮甜、大蝦有膏又爽、蟹雖小但肉厚多膏，完全滿足海鮮控！店內裝潢走中國風，湯底有幾個選擇，我揀咗滋補花膠湯，完美襯托海鮮鮮味。掃碼點餐方便快捷，肉類、其他海產任你加，自助區仲有蔬菜同配料，選擇豐富。想食得新鮮又有趣，自己撈海鮮好好玩，真係一大賣點！