大街小館 (已結業)

佐敦開左間新派糖水店，主打港式甜品，有好受歡迎既芋圓系列、仙草凍系列、椰皇、窩夫、拿破崙系列等等，食完晚飯都仲可以有下場🙈.椰汁芋圓西米露 8/10呢碗完全有齊哂我最鍾意食既野，包括芋圓、小丸子同埋西米露，份量都幾多，而椰汁味聞落好香，西米雪白透明，唔會有d好硬或者未熟，而三色芋圓比較特別，有別於傳統製係採用左正方形狀，不過口感同樣煙韌🥰除左食到芋頭同蕃薯既味道之外，仲有小店自創既茶味芋圓，味道豐富，夏天食真係一流

#fafafoodblog #fafafoodblog甜品 #fafafoodblog懲罰系列 #黃藍是政見好食是良知 🍴玫瑰花桃膠芋圓蛋白 42 蚊😄上面鋪面有玫瑰花做配襯🌹桃膠落足料 蛋白夠香滑 糖水 甜度適中 暖飲最正 芋圓都好夠彈牙 有口感 🍡 整體 十分唔錯🍴冰鎮西盅配雪糕 50 蚊🍉🍦 海鹽雪糕大大個西瓜盅 外表望落都開心 西瓜肉夠爽甜 充滿住椰汁 小丸子 彈牙既 qq粒 涼粉等等 自己揀既海鹽雪糕 海鹽味夠 同甜西瓜十分 match正#黃店 #黃 #黃藍是政見黑白是良知 #甜品 #雪糕 #糖水 #海鹽 #涼粉 #西瓜盅 #桃膠 #芋圓 #玫瑰 #蛋白 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#大街小館佐敦吳松街93 至103 號德利樓 地下 c鋪~~~~~~~~~~~~#fafafoodblog #為食花太郎 #fafafoodblo

今天行經佐敦，見一間叫大街小巷的甜品店，便入去試下，甜品款式也多，叫了款芒果撈河粉，有多款雪糕可選，選了海鹽味，味道不錯，芒撈入面有些小丸子，椰汁做的河粉，芒果，和一球雪糕，味道和賣相都相當不錯，值得推介

去過呢間甜品鋪幾次，次次都點呢個「黑糖芋圓仙草凍配雪糕」，我呢碗勁足料，有哂3款口味既芋圓：紫薯、蕃薯同玫瑰味🌹，仲有紅豆、仙草、小丸子🍡同啫哩，雪糕試過叫海鹽味、雲呢拿，今次點朱古力雪糕🍫🍦，但發現配雲呢拿雪糕係最夾！不過今次有少少失色係個糖水底落得太少，令d配料痴實，好稠，加上朱古力雪糕又唔太溶（之前雲呢拿雪糕有溶少少，所以撈埋一齊食好好味），所以今次成碗既口感比較實。係好味既，但下次去會叫佢地落多d糖水～

係網上見到介紹呢間糖水舖，比佢個榴槤雪山甘露吸引到流晒口水🤤第2日立即走去食，地址位於佐敦吳松街，下午去到舖頭已坐咗幾枱客了榴槤雪山甘露裡面有榴蓮味嘅棉棉冰、有西米、小丸子，仲有三球榴槤肉西米有小小硬，但小丸子口感煙韌，榴槤肉足夠，每一啖都勁滿足夏天食更加一流成個甜品好足料份量又足夠，一個人食會好飽Life is short, Make it sweet

大街小館芋圓係香港甜品市場佔有率真係好高無論去到邊間甜品舖總會有芋圓食位於佐敦呢間嘅大街小館嘅芋圓甜品系列已經幫襯過好多次佢除咗佐敦呢間分店之外黃大仙都有我每次來都會食佢嘅黑糖芋圓仙草凍材料非常之豐富，除咗有芋圓同仙草凍之外，仲有紅豆，小丸子，椰涷同埋雪糕我覺得佢要嘅芋圓好食係因為口感非常之彈牙識落有番薯同埋紫薯嘅味道另外佢仲有一個黑糖玫瑰圓，食落去嘅味道好特別椰涷佢唔係一般嘅椰果，佢係用椰子水整成嘅果凍，口感非常之清新而雪糕嘅口味超過八種可以選擇，如果想選擇舖頭自家製嘅雪糕就要另外再加$5多數我食呢個黑糖芋圓仙草凍都會陪焙茶味嘅雪糕，食落真係超夾份量大得來價錢又平，CP值更高另外我都有試過佢榴槤類嘅甜品，榴槤味道非常濃郁，鍾意榴槤嘅朋友更加唔可以錯過係有樣嘢唔係幾好就係要排隊不過好食就係要排下冇計啦

//#黃店地圖系列間野叫：大街小館邊度黎：佐敦吳松街93-103號德利樓地下C舖(另有黃大仙分店)環境點：座位闊落 裝修整潔簡單 唔會留低上手糖水跡比我奶🌝：101提供免費椰子水同飲用水 出post撐反送中運動 支援「和你寫活動」▪黑糖芋圓仙草凍 $38 6.5分黑糖 仙草 丸子 紅豆 都係正常發揮 無咩花挑剔 特別之處係佢可以揀雪糕 我揀左玄米茶雪糕 玄米茶味清香 唔會太甜 幾特別嘅初嚐 每日都有限定雪糕 仲有榴槤等少見嘅口味 睇你彩數 仲有少少椰汁蒟蒻 呢個幾出色 本身鍾意椰子水 所以呢個好啱我食 可惜當日嘅芋圓 實在有種難以形容嘅生水味 眼見openrice並無任何人士提出相關問題 相信乃當日之失誤 鼓勵大佬們可以去用舌頭幫我考證一下

佐敦呢間糖水舖 主打港式新派甜品 有招牌椰皇 芋圓 榴槤 仲有心太軟 芝麻糊 中式西式 任君選擇⁣⁣強烈建議唔聞得榴槤既千祈唔好入去因為一行入去就聞到超香榴槤味 (不過 與善人居 如入芝蘭之室 久而不聞其香 聞耐左就無野架啦)⁣▪️榴槤椰皇燉蛋白 $52⁣椰奶味濃郁 入口香滑 淡淡榴槤香 入面有三至四球榴槤蓉 成個放入口超滿足 底下既燉蛋白帶椰子香 入面仲有好多西米 水晶條 口感豐富 最後還可以刮埋啲椰肉食 超足料 份量唔會好細 重點係價錢唔貴 性價比超高⁣⁣▪️黑糖芋圓仙草凍 $38⁣原本呢個仙草凍係配雪糕架 可惜當日雪櫃壞左 所以就轉左做雜果 密瓜好甜 配左生果食落反而更fresh⁣芋圓 三隻色分別係 紫薯 番薯 玫瑰花茶 芋圓口感煙韌 紫薯味同番薯味道偏淡 玫瑰花茶味既芋圓有驚喜 入口真係淡淡花香⁣仙草幾岀色 口感滑溜 味道突岀 配上黑糖汁底 又唔會太甜 小丸子軟冧 糯米粉味偏重 紅豆呈顆粒狀 唔會太甜⁣每一樣份量比例都好好 整體好和諧⁣⁣⁣⁣⁣⁣⁣⁣⁣整體而言 甜品足料 味道唔錯 性價比超高 榴槤控私心推薦榴槤椰皇

如果係佐敦想食個飯後甜品，選擇真係唔算好多🤨大街小館依間甜品店都有聽過下，不過之前以為得黃大仙先有舖頭，點知原來佢地係佐敦有開分店嫁喎，睇過餐牌都覺得係個唔錯嘅選擇！**********<黑糖芋圓仙草凍> $38依個黑糖芋圓仙草凍嘅份量都幾多，配料比得一啲都唔吝嗇喎，個芋圓有三種顏色，係芋頭味、蕃薯味同埋茶味，個茶味嘅芋圓都幾特別，出面好少見！個雪糕有成八種口味比你揀，我地揀嘅荔枝味都幾清新幾好味，另外有好多紅豆、小丸子同埋啫喱凍，所以食完成碗糖水勁飽，性價比幾高！🤪

朱古力心太軟配雪糕🍫($47)雪糕可以根據佢當日既口味去揀, 我地就揀左曲奇口味🍪 由於心太軟係即叫即焗既關係所以等大概十分鐘⏰ 不過好野總係要等待既😌 心太軟最令人期待既就係一切落去啲朱古力醬湧出嚟既果一下, 而呢個就正正做到呢個效果, 視覺上十分滿意🤩 味道方面都唔錯嫁, 朱古力味夠濃而且夠熱所以絕對冇得輸椰汁芋圓西米露🥥($36)呢款甜品可以揀凍或熱, 呢啲天氣當然係食熱嫁啦😂 基本上有芋圓出現既地方我都會叫, 而佢既呢個組合既全部材料都係我鍾意食既野😍 有三色芋圓, 小丸子同埋西米再配埋個出奇地濃既椰子糖水好正, 飲完之後成身暖曬💆🏽‍♀️ 不過芋圓令到我有少少失望, 首先佢既形狀係方形, 有別於我地平日見到果啲, 二黎佢既味道有啲怪怪地🙈 我覺得價錢黎講算中位價, 不過勝在夠乾淨同埋都多人幫襯, 大家經過可以去支持一下👍🏽

大食妹係一個好鍾意試新嘢嘅美食愛好者通常一間餐廳食過一次之後, 就好少會再食返除非佢有過人之處今日同朋友仔去開佐敦食過晚飯之後, 又忍唔住食番呢間大街小館<椰皇蛋白燉桃膠>大食妹就係因為掛住呢個椰皇蛋白燉桃膠, 先至過嚟encore 椰皇裏面有半個都係蛋白, 上面有啲椰汁西米露, 最後擺咗唔少嘅桃膠, 食落好滋補養顏<朱古力心太軟配榴槤雪糕>朋友仔就鍾意食朱古力心太軟可惜心太軟唔係好夠熱, 有少少扣分但係朱古力味濃郁而且流心, 配上重口味嘅榴槤雪糕, 食落都幾唔錯

同朋友食完飯就去食糖水。係門口已經見到好多滋潤養顏嘅糖水。係呢啲時間食最好不過。兩個朋友就點左椰皇蛋白芋圓，兩個都大讚，蛋白滑仲好夠椰皇味👍🏻而我同另一個朋友就點左期間限定既椰汁雪耳桃膠木瓜，一黎到個椰汁同木瓜桃膠係分開黎，估唔到椰汁裏面都有驚喜，有椰汁西米，仲要都係熱既，而個木瓜都整左幾個球型方便我地食到，又美觀又細心，個味就真係好夾，好推介大家一定要食👍🏻而仲有一個朋友就食黑糖芋圓仙草，中間個雪糕球可以自己揀味道，我見到佢個黑糖芋圓仙草入邊都有好多材料👍🏻

天氣又凍又乾燥,本來約了朋友去食下午茶甜品,可惜朋友突然有事爽約,唯有獨自去啦……選擇好多,有中式又有西式。點左個椰皇芋圓燉蛋白原個椰皇,椰子味飄香,西米透明,多款芋圓煙韌,甜度剛好,味道順滑。最後連椰皇肉都食埋,甘甘哋好好食,份量都好多。會約朋友一齊再來食其他甜品。

佐敦尖沙咀沒幾間糖水店，五隻手指數到完。這次來到人氣爆登的甜品店，大約晚上11點門口依然有大約20人等候。心想吃糖水的人通常都很快就吃完，所以都留下來等。這裡有中式糖水也有港式西餐甜品，最有名的是椰皇燉桃膠。我在等位置的時候已經跟店員下了單，誰知道我入座後才告訴我賣完........我等了整整的45分鐘，然後告訴我賣光了! 最後我點了玫瑰鮮奶燉桃膠，另外再點了台式甜品仙草加雪糕和芒果拿破輪。他們應該一下單才開始動手做，所以等很久很久。我覺得這個是好的，因為新鮮，但真的等太久了，外面有很多人都等不下去走了。台式甜品普通，鮮奶燉桃膠都不是很特別，芒果拿破輪很脆但芒果不算甜，跟甜品的雪糕又不夠濃味。如果不用排隊，我可能會來吃一下，如果要排隊就不必了。

下午茶時段，想食個甜品。想食燉椰皇，又想係黃店，試左哩間。兩個人，一人一份甜品，一個凍一個熱！1️⃣ 黑糖芋圓仙草凍（海鹽雪糕）$38平時芋圓都係紫色同黃色，佢加多左個啡色，係茶味！茶味幾岀，可以一試！圓子係Q，但偏硬，有待改善。中間藍色嘅係海鹽雪糕，有黏性，質地幾有趣。味道： 😋😋😋2️⃣ 椰皇湯丸燉蛋白$52蛋白幾滑，椰味十足！湯圓都ok！重點係唔太甜，配合埋惹味嘅湯圓，味道啱啱好！味道：😋😋😋