大街小館 (已結業)

好耐冇食綿綿冰，男朋友上網係ig post搵到呢間甜品鋪🥰，一去到已經排緊隊，未坐低已經聞到好香嘅榴連味！！1. 榴連雪山甘露 $50超好食！！仲好食過我以前係新加坡食嘅榴連冰！入面有榴連綿綿冰、個底有西米露、小丸子，側邊有雪凍左嘅榴連蓉，仲要好香！！！所有配搭都好夾🤤🤤🤤🤤，超級抵食，連叫朱古力綿綿冰嘅我都係咁忍唔住係咁食男朋友個碗😆2.朱古力綿綿冰 $42配料可以自由配搭2樣，我揀左小丸子同椰果，唔抗拒食榴連嘅我都覺得呢個冰輸左比榴連😂，個冰同配搭都正正常常，因為係黑朱古力唔會太甜唯一唔好係我地坐個位好凍，食正個冷氣位，加埋個冰，愈食愈凍，真係食到震晒😖😖，要記得拎多件嬲先好黎呀😉價錢💸9/10

係佐敦，想揾個滋潤嘅糖水食下，搵搵吓第一次嚟到大街小館。舖頭光猛乾淨，算坐得舒服嘅糖水舖。叫咗個店主推介嘅杏汁雪燕燉蛋配湯丸，簡直係一見鍾情😍❤️😍第一啖食到滑滑嘅蛋白同好香嘅杏汁，清清地唔會好甜，加埋粒彈牙皮薄爆漿嘅黑芝麻湯丸之後，清甜得嚟又有芝麻嘅香濃，完全係超水準驚喜！🤩 四十蚊碗糖水嘅雪燕算好足料，即刻滋潤晒🤤🤤🤤遇著店主廚師係收銀，我講咗句好好味，佢好有誠意咁講咗句多謝。其實過多兩日之後已經忍唔住返咗轉頭叫返同一款糖水 😛😛😛下次會努力試吓叫第二樣嘢㗎啦！

1.🍴黑糖芋圓仙草凍 38 蚊🍡雖然話黑糖芋圓 但其實有勁多味 有紫薯 玫瑰味夠哂特別 地瓜 仲有香甜紅豆 當然仲有底層既仙草 夠哂爽口 可以加一個雪糕 🍨 點左玄米茶☕ 茶味夠香 個雪糕好正2. 🍴紫薯芋圓西米露 36 蚊🍡紫薯味香 好多彈牙既紫薯既芋圓 西米夠彈牙 密度夠高 而且佢個糖水汁 夠香滑 奶味幾香 正！#黃店 #黃 #黃藍是政見黑白是良知 #甜品 #仙草 #糖水 #海鹽 #紫薯 #雪糕盅 #玄米茶 #芋圓 #玫瑰 #蛋白 Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#大街小館佐敦吳松街93 至103 號德利樓 地下 c鋪~~~~~~~~~~~~

大街小館芋頭小丸子紫米露芒果撈河粉價錢💲: $28/ $39好味程度😋: 3.6/5服務🍴: 3.6/5環境🗾: 3.3/5性價比🥢: 4.2/5回頭率😚: 3.6/5-大街小館係💛糖水鋪，油麻地個間鋪平日夜晚去都幾多人。佢係好港式糖水店，有中式糖水，芋圓系列，楊枝甘露，幻彩明珠個啲🤪 都幾多選擇。如果係附近食晚飯，又想同朋友吹耐啲水，都可以一去。-今次我地叫左一個芋頭小丸子紫米露。呢個普通， 因為佢比較稀，好似水還水，渣還渣咁😨。但我中意杰啲多啲紫米的🙈 成碗食到有椰汁味既，呢方面ok。紫米都唔會太硬，啱啱好。加埋有咬口的小丸子，好多嘢咬好開心😝-另一碗係芒果撈河粉，呢碗出色好多！😍 芒果好甜，好多芒果汁，芒果肉，啖啖都好似食緊個🥭咁😆雪糕就普通貨識。但河粉好好食，係椰汁做的。好似蒟蒻口感咁，滑入口龍。雖然條粉椰汁味唔太濃，不過食個口感都幾正。仲有小丸子，呢款真係大滿足😚 河粉唔會間間有，推介呢款。總結就一間正常水準的港式水準🤓 如果係附近食開嘢就支持下啦😎

每次去糖水鋪，我幾乎都係叫西式甜品，少食中式糖水，亦都覺得間間都差唔多，糖水甜品好難形容到特別好食。不過今次俾男友話事買啲咩糖水，而除咗joyful dessert house 之外，我覺得呢間都係值得推介。📍椰皇湯圓燉蛋白 $52呢個係店內top 5之一，我試完之後都覺得係必食嘅，椰皇味好重，口感非常香滑！📍紅棗桂圓雪燕燉蘋果 $46蘋果份量都幾多，同桂圓一樣，新鮮爽口，紅棗咬落係甜甜地

今日同朋友去佐敦行街，朋友話有間叫「大街小館」嘅隱世糖水舖好好食，所以特意嚟支持一下。我哋四點左右嚟到呢間小店，可能因為係平日嘅關係，所以唔使等位就可以馬上坐低，不過當時都已經接近滿座。餐牌上除咗一啲普通嘅甜品之外，值得一提佢哋有自家做嘅雪糕，仲可以配合唔同嘅甜品一齊食。我哋點左三款甜品，分別係椰皇蛋白燉桃膠、芒果拿破崙配黑糖奶茶雪糕同椰汁湯圓。椰皇蛋白燉桃膠，服務員端上嘅時候馬上聞到濃郁嘅椰香，上面鋪上金黃色嘅桃膠，淨係賣相已經有90分。燉蛋白非常嫰滑，配合濃郁嘅椰汁再加上西米同桃膠，真係非常滋補養顏。芒果拿破崙係即叫即做，大家睇吓幅相係咪好靚呢，食落口非常有驚喜！老闆為咗保持質量，用咗新鮮芒果肉去做呢個拿破崙，而餅底更加係熱辣辣同埋入口鬆化，絕對可以媲美好多大酒店嘅出品。最後就係椰汁湯圓。原來兩者配合係十分好味，口感滑順不會過於甜膩。

今日係感謝日，搵咗呢間小店嚟食個下午茶甜品。平時都唔覺咁旺，但唔知點解今日特別人多🤔 啲甜品就唔貴嘅，尤其是係個西米露，比其他糖水舖重大兜一啲😱😱雖然女人有第二個胃，但我都差啲食唔晒😂😂！啲芋頭好夠林，熱熱地配埋小丸子都幾正😆😆😆佢個窩夫係即叫即整，多單到廚房都勁忙，等咗20分鐘先有得食🥺個雪糕係可以隨便揀唔同味雖然等咗好耐，但都好值得，啲芒果好甜，配埋啲窩夫食感覺唔會好溜，值得一試！！

大街小館💛黑糖芋圓仙草凍, 除了有仙草、芋圓, 配料還有紅豆、雪糕、小丸子和啫哩, 十分豐富! 而最欣賞的是, 他們有差不多八種雪糕口味選擇, 喜愛喝茶的我, 便決定一於試試他們的玄米茶雪糕! 果然, 不出所料, 是相當高質的! 濃濃的玄米茶香, 淡淡的回甘! 不過, 個人來說略嫌有點太濃🤣, 因此吃起來, 和平常吃雪糕的質感有點不同~ 仙草是很滑的, 芋圓則不過不失, 條狀的啫哩挺好吃的! 絕對會再來的! 😍💛榴槤紫米露🤫不是榴槤愛好者的我, 便不好評論了🤣不過, 男友說很好吃!! 坐在對面的我, 已聞到濃濃的榴槤味, 相信喜歡榴槤的人, 一定會很喜歡這間店呢!

💛💛💛過黎支持吓晏就三點都可以食個糖水嘅😋😋服務員態度非常好 好有禮貌環境又乾淨 🔸期間限定 - 宇治金時（抺茶綿綿冰+紅豆+芋圓+小丸子+煉奶）因為朋友唔食紅豆都可以免費轉做棉花糖☺️抹茶味入口唔係死甜 仲會有啲回甘！🔸黑糖芋圓仙草凍（紅豆+芋圓+小丸子+啫喱+仙草凍+雪糕球）自選雪糕球味道都有6-7款！而我就揀咗玄米茶味 一樣都唔太甜 會回甘岩哂我呢啲怕好甜嘅人😚而且雪都好凍得黎又唔會分唔開 配料非常多！紅豆煮得軟爛芋圓係片狀 幾煙韌 不過認為無乜味道 食唔出三隻色嘅分別啫喱帶小小酸味 但幾欣賞 好過用珍珠❣️最喜歡係仙草凍 好濃味 好滑呀😍😍😍

咁啱喺附近食完飯8:30左右嚟到，都要等位啊！等咗三個字左右就有位啦☺️同男朋友兩個人嚟食，叫咗一個黑糖芋圓仙草凍同埋芒果撈河粉！冇記錯兩個夾埋買單好似$90其實兩個都好高質，啲芋圓好彈牙好有口感，個雪糕又有得自己揀味，個份量又多！啲仙草連埋個黑糖汁同埋啲雪糕一齊食好正啊😋😋個芒果撈河粉其實我次次黎都係叫呢個，啲芒果都好新鮮好甜佢原本係跟芒果味雪糕嘅，咁我就改咗雲呢拿味我覺得好似仲夾呀，連埋啲小丸子一齊食超滿足😋🤤

佐敦有不少小店其中一間糖水鋪更加街知巷聞但今次想試新野，於是就揾到黎啦四點左右黎到，已經差不多滿坐見到有芋圓就試試佢黑糖芋圓仙草凍，配左玄米茶雪糕份量好大，芋圓有三隻色我諗應該係南瓜，芝麻，芋頭味？煙煙韌韌，好飽肚重有紅豆，小丸子等配料底下有大量仙草，食極都食唔完咁玄米茶雪糕幾特別，第一次見真係有玄米茶味，i like it總括黎講份量十足，但味道未算有驚喜反而雪糕多味道選擇，抵讚以上食評只反映本人立場，如有雷同，實屬不幸

🔸榴連至尊 $50🔸雪糕紅豆冰 $28🔸懷舊糖不甩 $22-喺附近食飽飯經過見到糖水店，難得啱啱延長咗限聚令，又係時候召喚出第二個甜品胃出嚟啦。呢間需要被懲罰嘅良心小店，店內有大大塊霓虹燈牌，上面嘅quote真係講得好啱啊😆榴連控叫咗一份榴連至尊，裡面有三球榴連果肉、榴連雪糕、涼粉、黑珍珠、紅豆等多種配料，份量十足。雪糕紅豆冰大大杯，綿綿嘅紅豆配椰奶，而雪糕亦有多款口味任選，我就揀咗海鹽味，藍色嘅雪糕球非常上鏡呀！最後再叫咗一份糖不甩，一碟有8粒，灑上滿滿嘅椰絲、白芝麻同花生碎，軟軟QQ口感好滿足啊！😆

略聞小店以芋圓作招牌，可惜個人認為它們的芋圓屬於偏硬身扁實，完全沒有軟糯煙韌口感；味道淡，嚐不出芋頭香及芋圓的不同口味，令人較失望。個別甜品質素味道不錯1️⃣(熱)椰皇蛋白燉桃膠$53 👍🏻令人很驚喜的椰皇蛋白，端上時熱氣騰騰，椰香撲鼻🤤；燉蛋白佔椰殼的一半，蛋白非常滑溜；椰汁湯底內還有軟糯的白色小丸子、西米和桃膠；最後還能括出不少厚厚的椰皇果肉😋很美味！#foodideas推薦菜式2️⃣(凍)榴槤至尊 加配芋圓 $50+$15 榴槤迷會滿意的款式。除了有濃郁的榴槤肉蓉和榴槤雪糕🍨，還有涼粉、西米、紅豆及黑珍珠在內。整體的優點是榴槤味十足3️⃣(凍)黑糖芋圓仙草凍(配玄米茶雪糕)$38 基底主要是花奶味為主，整體味道太淡，不夠甜；其他配料正常，沒特別驚喜；🍨有多種雪糕口味選擇，我們當天選了玄米茶味，茶味出聚🍃；就份量而言，性價比高———————————————————————環境：5.5 /10服務：5 /10衛生：6 /10味道：6.5 /10性價比：中上回頭率：40%

早幾日去佐敦做個簡單的body check ,完成後都已經差唔多六點，係附近買返碗糖水滋補一下。甜品有凍有熱，選擇既款都有好多，豐儉由人。分門別類，真係花多眼亂。最後我叫了熱生磨杏汁燕窩燉鮮奶蛋白$78，本身我都需要高蛋白質的食物，一定要叫。杏汁很香濃幼滑，很大碗，入口的時間都感到有杏仁少少幼粒，好正。燕窩很足料，幾乎每一口都係滿滿的燕窩，啖啖珍貴，而且很滋補，鮮奶蛋白都好多，很滑，而且很香濃，拌勻後進食很幸福又高營養。老公食黑糖芋圓仙草凍$38，因為外賣關係，天氣又熱，本身配雪糕改了雜果，色彩更加繽紛，新鮮生果很鮮甜，不是罐頭的，菠蘿，哈密瓜，西瓜很多汁。芋圓有些特別，片狀的，分別是蕃薯，紫薯，茶味，食落都唔錯，有很多配料，如紅豆，小丸子等等。老公很欣賞仙草，很香很滑。當日外帶，包裝得非常穩固，回家後進食，沒有傾瀉，非常安全。

最近因為疫情關係長期冇得出街食飯今日妹妹心血來潮想食甜品於是就走到樓下 我決定外賣糖水返屋企😆😆因為我外賣嘅關係所以盡量都唔揀啲有雪糕或者冰嘅諗咗好耐 最後選擇左四款熱嘅甜品蛋白杏仁茶一向都好少食蛋白杏仁茶因為成日覺得嗰隻味道好似藥水出奇地呢度嘅杏仁茶 比較香滑冇嗰隻藥水味而且相當足料 啖啖都食到蛋白椰皇蛋白燉桃膠佢呢度嘅外賣包得非常企理整體感覺唔會好甜食完呢個即刻有滋潤嘅感覺椰皇芋圓燉蛋白呢個相比起桃膠就比較甜入面有勁多芋圓口感煙靭 估唔到熱嘅芋圓都幾好食有驚喜椰汁紫米露加湯圓味道好香濃 紫米好有口感重點係佢有三粒湯圓呀好豐富 整體來講對於平時好少食外賣甜品嘅我都好滿意呢間甜品舖因為佢包裝得好乾淨企理同埋可能係疫情關係 所有嘅甜品都係即點即做 拎到返屋企都仲係熱辣辣同堂食乜分別咁 下次可以再encore👍🏻👍🏻