大街小館 (已結業)

妹妹放假，好耐無見，就約她的家附近甜品店聚聚。已經不是第一次黎，覺得餐廳店員非常有禮貌同親切。牆壁寫着“life is short, make it sweet”,真的是我的心聲。點了西瓜汁($22)，椰汁燕窩燉蛋白($78)同心太軟配雪糕($47)。西瓜汁清新，適合炎炎夏日消暑。椰汁燕窩燉蛋白夠滋補，不夠略嫌燕窩比例較少。心太軟係我最為推介，超級流心，朱古力味道極濃郁，可配自選口味雪糕。今次選了海鹽味，下次想試試荔枝味♥️。

同朋友食完飯經過見到有間糖水鋪，即刻又心郁郁想食糖水，哈哈！話哂我都有糖水胃😍鋪頭裝修好簡單，光猛，簡潔同埋唔會太逼！雖然裝修的感覺比人好新潮嘅感覺，但估唔到meun除左中式糖水之外，仲有好多滋補養生的糖水😍椰皇鮮奶燕窩燉蛋白😍平時出面的糖水鋪會將燕窩放係到，等你一眼就望到。但呢到竟然無，所以第一眼到有少少失望。但係湯匙一攪，嘩！嘩！嘩！好多燕窩走哂出黎吖😍😍蛋白好滑，因為我嗌左熱嘅，所以我仲食到鮮奶有淡淡的椰皇味道，唯一係略嫌甜左少少榴槤雪山甘露（推介👍）榴槤雪花冰的有好香的榴槤味，小丸子無因為放係雪花冰隔離而變硬，keep 到煙韌，配埋西米，口感好豐富，但最終的靈魂都係果三嚿榴槤肉！除左係無添加純榴槤之外，佢仲係熟得岩岩好，好香甜，軟滑👍👍👍最後黎多杯椰皇水浪一浪口，用椰皇的清甜帶走榴槤的濃郁😍總括黎講：座得舒服，唔會好似荃灣大部份的糖水鋪，又逼又趕人走。另外，個榴槤甜品真係做得唔錯，下次食糖水一定會再黎👍

和朋友在佐敦吃完飯後，到這家位於吳松街的《大街小館》吃甜品。餐牌上面有多款冷熱甜品，選擇頗多。芒果至尊 ($46) - 材料包括紅豆蓉、涼粉、西米、山粉圓、加上大量芒果粒及芒果雪糕，食落香滑冰涼芒果味濃郁，芒果至尊之名當之無愧！榴槤至尊 ($50) - 同樣加有紅豆蓉、涼粉、西米及山粉圓、配上榴槤果肉及榴槤雪糕，榴槤果肉味道特別香濃，細問之下原來用了D24品種榴槤，難怪如此香濃幼滑，榴槤控必試！這幾款甜品味道好，用料優質，性價比甚高！

一早已經bookmark左呢間甜品店 琴晚終於有機會同朋友去食 一去到唔係好多人以為自己入錯舖 但一坐低唔夠10分鐘就full house 厲害 一開menu樣樣都好吸引 咩都想叫 奈何我地一行3人 而且食左晚飯 每人只可食到一樣甜品🥺榴蓮果個一上檯就聞到好香 個雪糕好好食意想不到 d配料好多而且好夾 不過唯一不足係佢有2舊真榴槤肉 但唔知咩品種 比較苦 我唔太鍾意 🙈 如果係甜貓山王就爆分架啦 可惜可惜4/5⭐️⭐️⭐️⭐️另外 蛋白桃膠燉椰子 聽個名都覺得好補 同樣好多料 不過d椰奶越飲越甜 食到一半就覺得膩唔想飲 3/5⭐️⭐️⭐️最後 西瓜雪糕 裡面有一堆配料 西米露 涼粉 爆珠 椰果 雜果 一上檯有好震撼 當然相機食先 雪糕揀左cookies and cream 一食就知唔係cheap野 好濃郁唔淡 不過如果下次再去我會揀榴槤雪糕！😋 西瓜就唔係好甜 有d失望 不過亦因為咁成個甜品味道比較balance 如果唔係會食完覺得自己有糖尿病 😂 整體味道ok無咩特別 符合我的期望 4/5 ⭐️⭐️⭐️⭐️Overall: 唔錯 會為左個榴槤雪糕再去 期待再試其他甜品😄

佐敦附近一帶開咗好多吃甜品糖水店，今次特意來這間是因為這間的燉椰皇做得好出眾，同朋友吃過晚飯就來吃甜品。這裡佈置簡約白色牆身而另一邊掛著霓虹燈。芒果至尊(凍) $46款式種類很多，朋友點了芒果至尊有大大個芒果雪糕球、涼粉、紅豆、西米等，雪糕質地幼滑味濃，芒果肉鮮甜，芒果汁加花奶個汁底非常濃郁加埋涼粉紅豆西米一起吃，口感冰涼豐富。椰皇蛋白燉桃膠 (熱) $52而我點了這個超級滋潤的椰皇蛋白燉桃膠，這個滿滿椰汁很清香，桃膠很足料蛋白幼滑還有西米同小丸子，吃了幾啖口喉已經很舒服，這款甜品真的春夏秋冬一樣咁啱吃呀！懷舊糖不甩 (8粒) $22還有點了一個小吃，糖不甩煙煙韌韌面上鋪滿椰絲芝麻同花生碎，是香港的傳統美食。

今晚和一班好友在戲曲中心吃飯，飯後他們要一起吃甜品。想起之前來到吃下午茶，覺得好味，價錢又適中，便來到了。榴槤至尊$50內有榴槤肉、榴槤雪糕、涼粉和西米，而榴槤肉是D24，所以味道除了榴槤味外，還帶些獨特的味道，算是不惜工本之作。榴槤腸粉$36腸粉爽口，榴槤味道濃郁，倒上用榴槤打成的醬汁，味道更加強烈，是榴槤控必點的甜品芒果拿破崙配雪糕$49拿破崙是即點即做，所以酥皮很鬆化，加上芒果粒，味道更加豐富，又是一個精選甜品。

飯後在佐敦閒逛，這裏沒有一式一樣的大型商場，有的是平民地道的店舖。在這條大街上，有一間小館默默經營着。簡單清新的裝潢，以白色為主色，沒有多餘的裝飾，反帶着一種現代人追求的清新簡約感。牆上的霓虹燈”Life is short. Make it sweet”，提醒我們人生短暫，要過得「甜」和快樂。所以我們在這一嚐那甜味。生磨杏汁燕窩燉鮮奶蛋白(凍)($78)，看見鄰座的食客也點了同一款甜品，想必是熱賣的甜品。在炎炎夏日的下午，喝一口冰涼的燕窩杏汁是人生樂事。燕窩量多，散佈於杏汁內，所以每一口都嚐到少量燕窩。杏汁與蛋白的搭配，吃下如杏仁豆腐花，蛋白在杏汁的配襯下如變成豆腐的質感。濃郁鮮奶加添其嫩滑感。養顏、消暑同在這碗甜品找到。另外點了一杯新鮮椰皇水($15)，其價錢比外面甜品店的椰皇水便宜得多，卻無損其味道。依舊是清甜消暑，有時候我覺得比其它飲品更解暑。最後點了一杯香蕉鮮奶($28)，不喜歡沙冰，鮮奶成了我喜愛的水果飲品替代品。香蕉與鮮奶攪拌在一起，沒有嚐到破壞質感的大量香蕉碎粒，反之有香蕉肉中的籽，提升飲品的口感。鮮奶同樣加提升飲品的嫩滑，是甜蜜柔滑的味道。假日下午茶時段，在這寂靜的大街

第二次來, 雖然說想試他其它的甜點, 但最後還是忍不住要再嚐上次吃過的芒果腸粉.超級滑的外皮, 而裡面的芒果十分厚肉又鮮甜, 兩者確是Perfect match. 沒有花巧的材料, 但配下去酸酸甜甜, 令人吃上癮般

本來是找下午茶吃的，但沒有合心水的，剛好經過門外，覺得不錯就想也不想就進去。點了熱椰汁雪耳桃膠燉木瓜，很滋潤，很好吃，連木瓜也吃了一些。沒想到吃完一整個後非常飽，晚餐可以晚一點再吃。

佐敦橫街窄巷特別多甜品店，得知吳松街有新甜品鋪，素來喜愛甜的我又揾老公去試新野。店面面積成一個L型，擺放了幾張枱，餐牌中的甜品多以蘋果、雪梨、榴槤、芒果做主，有中式又有西式甜品。紅棗桂圓雪燕燉蘋果近排天氣比較差，飲呢款甜品可以潤一潤。蘋果唔會有酸味，仲覺得佢甜。而且個燉蘋果好熱，出煙。芒果拿破崙配雪糕餅底夠脆，切開唔會散哂，芒果都有甜味而唔係酸。女店員一個人負責落單，埋單，招呼，間中有一兩個由廚房走出來的男人幫手，女店員雖忙，但態度仍然友善。

晚餐過後意猶未盡，吃個甜品才算美滿，便帶朋友到來吃個甜品。大街小館主打港式及新派甜品，選擇非常之多，但作為榴槤控的我目標非常明確，還是點我的最愛「榴槤腸粉」。椰汁燕窩燉鮮奶蛋白 ($78)非常足料，燕窩份量多，入口椰香味濃郁，燉鮮奶蛋白口感非常滑溜，甜度適中。榴槤腸粉 ($36)榴槤腸粉一放上桌便立刻飄來陣陣榴槤香。隨腸粉會附上一小瓶自家製榴槤醬，把榴槤醬倒在腸粉上才吃。腸粉被榴槤蓉填滿，十分飽滿，絕不欺場！味道甘香濃郁，口感軟綿，榴槤香在口中久久不散，真的百吃不厭！

之前上網睇介紹知道佐敦開左分店.就搵晚收工後趁冇咁多人去試一試..款式多多..最後揀左期間限定的🔅雪耳桃膠燉木瓜🔅🥣...一上檯嚇一嚇..因為好多料😆😆店員仲好細心比左碗仔椰汁倒落去食..食落都好驚喜好正！！最後食完勁飽！舊木瓜好多肉好甜😘😘店員都好nice~~！最後我呢個幾月已經幫襯左幾次..試左🔅椰皇桃膠燉蛋白🔅..🔅紅棗桂圓雪燕燉蘋果🔅..都唔錯！會繼續去試其他甜品🤤

今日油尖旺一日遊，行經佐敦突然想食凍嘅甜品，所以決定反傳統，先食甜品再食晚飯，經過廟街附近俾這間甜品店的招牌甜品吸引，就行咗入大街小館。點左定冰鎮鮮果椰皇和黑糖芋圓鮮草凍。 冰鎮鮮果椰皇$52首先講吓冰鎮先鮮果椰皇，有西瓜哈密瓜蜜瓜西米和mochi，椰汁底有椰香味又唔太甜再加上清甜的各種水果10分搭配，值得一讚的是他的mochi有咬口，軟硬適中又唔太甜，整體配搭10分適合我的口味。黑糖芋圓仙草凍 $38重點想講下黑糖芋圓仙草凍，應該係比我食過包括所謂名店的出品更好味，首先個湯底唔太甜10分啱我口味，而其中所有配料包括芋圓、仙草凍和mochi全部都咁好味，尤其是芋圓有不同的口味，當日我的口味是伯爵茶，10分特別。加埋一舊綠茶雪糕更加有點睛的效果，很美味哩。最後因為要留肚食晚飯所以嗌住咁多先，但已經決定咗下次經過一定會再返嚟幫襯試一試其他招牌甜品。

同肺友食完夜晚一餐, 正餐胃已爆滿, 但甜品胃仍有待餵食今次就揀左大街小館油麻地店, 小店係佐敦同油麻地中間, 地點夠晒就腳方便這裡專攸創意甜品, 多款式之餘仲要一啲都唔貴，性價比高芒果撈河粉39 （芒果雪糕）港式甜品芒果撈河粉, 以蒟蒻及椰汁製成甜甜的河粉冰凉滑溜，絕對令人瘋狂，椰奶香氣淡雅而不膩原隻芒果, 啖啖芒果肉，鮮甜多汁 芒果雪糕讓整碗河粉加添多層次的甜蜜滋味---榴槤拿破崙配 榴蓮雪糕49烤到金黃的拿破崙酥皮，外層層次分明，鬆化香脆，配搭軟滑香甜的榴槤&忌廉，榴槤是真榴槤肉, 黏口而富香氣, 厚肉香甜，滋味醉人榴蓮雪糕口感軟滑、榴槤香味極濃--椰皇蛋白燉桃膠 52叫了一碗桃膠燉鮮奶來滋潤一番, 充滿椰香，蛋白滑溜，入面除左有蛋白外, 還有小丸子和西米, 增加口感, 好食過其他出邊甜品店好多, --芒果窩夫配綠茶雪糕49熱騰騰的窩夫外脆內軟, 鬆軟又煙韌，濃郁香甜的芒果果肉跟芒果醬, 層次豐富用料實在,芒果自然香甜綠茶雪糕綠茶味濃郁，很是吸引----

8點鐘來到，見冇咩人驚伏，打算轉戰隔離街間米芝連，但去到好多人排隊，仲要全部係「外國人」，呢期真係唔想同佢地迫，加上一定食到好趕，都以決定回頭試下本土開嘅糖水店，就算伏都叫做支持下香港小店，好彩冇令我失望！餐牌多選擇，傳統糖水同西式都有，同朋友一人叫左一樣。老薑蕃薯芋圓糖水$38一睇就知足料。蕃薯大份份量多，夠淋身，加埋好夠辣嘅薑味糖水，一流。（雖然宜家夏天，但個人係超愛蕃薯同勁辣嘅薑味，所以好岩我）湯圓係芝麻餡，正常水準，芋圓反而味道較淡，而綠色嘅綠茶味較重，夠煙韌，整體唔錯。芋頭小丸子紫米露 $28好多時出面啲紫米露都係好稀得甜味，呢到嘅紫米煮得夠熟同時保留到口感，有咬口唔太淋，開頭以為係芋頭蓉，但原來係一舊舊芋頭，好足料，甜度滴中，濃郁椰奶味，唔會成碗都係水，大大碗食到尾唔怕膩。小丸子細細粒，正常水準。總結：宜家啲糖水店愈來愈貴，價錢高份量少，好多都係得甜味又唔足料。呢間糖水店滿足到食客嘅需求，除左性價比高，同以上提及嘅食評外，熱都係重點！夠火喉令糖水香味更濃郁，味道出啲，食落唔會好似隔夜糖水黏埋一舊舊，新鮮啲口感更香滑。會返轉頭試下啲中式糖水！