大街小館 (已結業)

人在佐敦想食個甜品至返屋企，醒起呢間喺吳松街嘅一直想試，擇日不如撞日就嚟咗🤓黑糖芋圓仙草凍（$38），材料有地瓜圓、玫瑰圓、紫薯圓、小丸子、仙草、黑糖珍珠、紅豆、再加一個自選味道雪糕球🍨芋圓軟硬煙靭度適中，味道夠；仙草嫩滑柔軟，其他材料也OK；較特別有自家製玫瑰圓，入口有淡淡玫瑰花味，幾特別🌹雪糕揀咗海鹽味，個螢光藍色好sharp醒目，啱晒打卡😂員工態度nice，整體滿意，值得推薦🙆🏻‍♀️🙆🏻‍♀️

佐敦糖水小店。嗰日平日去，三點半打後差唔多四點先至開門，早食嘅朋友注意。阿妹叫咗碗紫薯芋圓西米露，紫薯味好明顯，我嗰碗就係冇紫薯味嘅椰汁芋圓西米露，椰香味好重，好大碗下，食曬好飽。芋圓係大粒嘅類型，我嗰碗有三款，最得意係有一隻茶味嘅芋圓，有啲似花茶或者伯爵茶。一人$36左右。

可能唔係第一次寫大街小館嘅食評，我自己都唔記得，不過平時都係食外賣多，今日喺附近食晚餐（咖哩葉）嘅時候，食得唔係幾滿足，食到中途已經決定過嚟食甜品。四個人分別叫咗香蕉船，椰皇燉蛋白湯圓，芒果撈河粉，黑糖芋圓仙草凍。首先介紹我自己最鍾意嘅黑糖芋圓仙草凍，我有一半以上嘅機率都係會叫呢一個糖水，而且每一次都係跟玄米茶雪糕。佢嗰啲仙草凍真係好好食，又滑又多，而且呢個甜品唔會太甜，甜度比較適中。入面除咗有芋圓，仲有紅豆，珍珠奶茶嗰啲珍珠，細細粒嘅小丸子，個底就全部都係仙草凍，我自己真係好鍾意食仙草，幾飽都可以食晒成碗。芒果撈河粉，我之前都食過一次，我覺得佢啲芒果夠甜，但係我自己就唔鍾意食佢嘅芒果雪糕。香蕉船等咗好耐先嚟，原來佢嗰啲香蕉要燒過，淨係睇個樣都覺得一個字～～掂！雪糕可以自選三款味道。燉椰皇係佢嘅招牌菜，有幾款選擇，呢一個係配湯圓，因為佢嘅椰皇燉蛋白系列係比較甜，我自己就好難可以完成一個，都係𢳂人地果碗食幾啖就最好，蛋白好滑，不過都真係幾甜。大街小館每一個糖水都係好有水準，而且份量亦都好大，價錢大約三十幾至五十幾蚊。物有所值，無奈經常排隊，所以都係食外賣多，今日難得早食完晚飯，8:30

🍨大街小館🍦生活很苦 但你要甜Life is ShortMake it Sweet ╰(*´︶`*)╯♡食完甜品真係會開心啲特別係食完啲七彩繽紛又打卡Able重點仲要好食既甜品(о´∀`о)食完癲啦梗係要直落食糖水啦今次有個手足帶我一齊去食大街小館佢就為左我可以影靚相🇸🇨叫咗個冰鎮西瓜盅仲可以自選雪糕味我揀左水蜜桃味雪糕而當中令我驚艷既係果個椰果啫喱好Q彈好香椰味係清香既甜呀好想瘋狂食一碗呢個啫喱但係我今次只獲分配到一粒因為太搶手啦我下次會再黎食架熱-椰王蛋白燉桃膠 $55食甜品都可以養生就係食熱既甜品啦一上檯既溫度岩岩好可以入口係最sweet既好細心呀好足料 好香椰汁味食到2/3已經好飽但係又好好食最後又食到抱住肚仔出黎玫瑰味芋圓以芋圓黎講咁創新既味道真係第一次食一入口個玫瑰味好香一邊咀嚼果舊芋圓個玫瑰味就越嚟越出鍾意試新野嘅話可以去試吓(*´◒`*)雖然相傳黃大仙嗰間係好食啲嘅因為有功力深厚既老細坐陣兼加持但係因地理位置問題生意就冇咁好但係個個都住黃大仙先咩我就近近地去返佐敦算啦黃大仙就靠新界區既手足啦地址：大街小館 (佐敦)佐敦吳松街93-103號德利樓地下C舖大街小館 (黃大仙

同朋友食完飯點會冇下場呢，當然要黎返一轉糖水做個完美既ending啦，知道附近有間黃店糖水舖當然要撐下，九點去到已經排滿人，堂食只做到十點，真係怕等唔到，好彩九點半終於入到去，糖水選擇好多，而且份量超足，係我有記憶以來糖水舖既糖水份量細又貴，但呢到個碗大份量又多，合桃露等於出邊兩碗都係$23，重點係香滑而且低糖，真係好好味，朋友既蕃薯糖水表示夠薑夠辣，黑糖芋圓仙草凍d糖料多到嚇死人，d料好似唔洗錢咁，滿滿一碗好滿足

大街小館 - 黑糖芋圓仙草凍幸好今晚早吃飯，8時半已開始找甜品店 (那時還有位)。原來佐敦有不少新的甜品店，有西式、日式、中式。我喜歡吃芋圓，所以便挑了這間。我點了黑糖芋圓仙草凍。店員也很體貼地讓我由原本的雪糕轉做豆腐花 (總覺得雪糕溶時會令到整盤甜品混濁，也令所有味道混淆)。由於我常常點這種芋圓仙草類的甜品，所以都有個概念。誰不知，那大碗的黑糖芋圓仙草凍放在我面前時，第一個感覺是 - 居然沒冰! 通常吃到的起碼都有半碗刨冰，所以這個令我有點意外。由於沒有刨冰墊底，整碗都是料，好豐富!!! 這裡有大量我喜歡的芋圓、蕃薯圓、黑糖 (?)圓、小丸子 ... 所有圓都有淡淡桂花的香味，口感也很煙韌。 糖水的黑糖味也很濃很香。碗内也有很多仙草凍和紅豆，很多料 - 我吃了差不多10分鐘才吃完，非常滿足。我們走時大概9時多，店外已排了一條小龍。這店還有不同特別味道的雪糕，如玄米茶和海鹽味雪糕，下次要試一下。

今日黎開佐敦，朋友介紹呢間既手工雪糕好好食，所以就黎試下🥰榴槤拿破崙打卡唔錯👍🏻🥰 不過嗌完都要等啲時間，個拿破崙比平時一般食開既唔同，鬆脆好多，唔會硬堀堀好難切👍🏻 配埋榴蓮同cream一切食好正，不過就略嫌個榴蓮未夠香！佢仲配有雪糕可以揀味:好可惜手工雪糕今日已經冇晒，唯有食返普通雪糕！而佢地呢到既雪糕好好食，好多口味揀😍 我揀佐水蜜桃雪糕，特別啲嘛🍑 食第1啖，唔…好好味，水蜜桃味好出，好清新，我中意佢冇佐雪糕個種奶味感咁厚重，好有食水蜜桃冰咁！讚！榴槤撈河粉賣相反而一般，相對細碗。有榴蓮肉同小丸子，榴蓮肉份量都可以☺️ 仲配一個雪糕可以揀味~ 河粉汁底好濃椰汁味，幾正！

平時食開鑽石山分店，今次第一次試佐敦分店，芋圓有小許不一樣鑽石山的芋圓是一般的立體正方形，而佐敦的扁身正方形，口感我較喜歡前者，不過都一樣煙韌，味道都一樣咁好食有點失禮是本人吃了多次大街小館的芋圓，一直都覺得啡色那隻味道很香很獨特，但又不知確實是什麼，最終上網睇原來是玫瑰花茶味/ 伯爵茶味，難怪陣陣飄香超喜歡除了芋圓和榴槤甜品很出色之外，原來這裡的芒果綿綿冰也很好吃，芒果新鮮，真的很欣賞大街小館的質素，極力推介

因為晚市要10點閂門嘅關係，已有一段時間無食糖水，難得當日早左食完晚飯，當然食埋第四餐😆星期日去到大概排2張枱，可以接受。小店提供傳統糖水，如紅豆沙、紫米露、中高價的椰皇燉桃膠，亦有西式窩夫、拿破崙、人氣高企嘅芋圓仙草凍，中西合璧，花款甚多👍🏻係令我想回頭嘅原因雪糕同樣多元化，有水蜜桃🍑、海鹽🌊、榴蓮、曲奇🍪等等，仲有自家制嘅奶茶、辣椒朱古力🤣〔黑糖芋圓仙草凍 配玄米茶雪糕 $38〕賣相甚有康瑞甜品嘅樣子，配料有小丸子、紅豆、仙草、黑糖珍珠，非常足料，口感豐富！😍雖叫芋圓，但不見其綜，有點期望落差🙈紫薯圓、地瓜圓味道唔算突岀，但玫瑰味就真係食到，幾特別！玄米茶雪糕既有炒香又有雪糕的奶香，唔錯😙整體糖水大碗好食，係有良心有水準嘅糖水鋪💛值得一推〔評分區〕🍜食物質素: 3.8/5🏡環境: 3.5/5🤑價錢：3.8/5 🙋🏻‍♀️回頭率: 3.7/5

平日少行入內街，某日由佐敦行去油麻地時發現小店，原來位置都幾方便，悄悄收入口袋擇日光顧。小店裝潢簡單簡潔，比一般糖水舖坐得鬆動，夜晚七點半左右嚟到剛好唔使等位。黑糖芋圓仙草凍 $38嚟到一心想食芋圓，但依度嘅無論質地同味道(地瓜、紫薯、玫瑰)都唔太合口味，反而其他配料有驚喜：小丸子糯米味重，煙煙韌韌；玄米茶雪糕濃郁奶滑，真係有炒米香；紅豆大粒起沙；仙草同黑糖珍珠亦係水準之上。依個價錢大碗又豐富好味，真係佛心，食得滿意！

椰皇蛋白燉桃膠 🧉 （凍）整個甜品不會過甜 就只有香濃的椰奶味道 燉蛋白軟滑 入口即化 奶味香醇 加以桃膠令口感更上一層樓 我和友人都很愛這甜品🍼而且它上枱時真的是凍的 不是坊間常見的常溫扮凍椰皇 很值得一讚🥰🥰忘記甜品的名字了😬 但裡面有榴蓮綿花冰、新鮮榴蓮肉、小丸子和榴蓮醬🍨 這個配搭乍看就知道甜度滿分 是真的會甜到漿住喉嚨那種 不過榴蓮本來就是高糖份生果 所謂「食得鹹魚抵得渴」嘛😆😆 小丸子煙韌且數量很多 榴蓮肉亦有3小球 很滿足🥰🥰也是大愛之選！！！不過建議店方可以省卻榴蓮醬的部分 這樣甜度便可減半〰️又或是可以另上 讓客人按照個人喜好自行添加〰️〰️心太軟是我每次到訪大街小館的必點！！應該說 我是為了它而來😆順便試一下其他甜品款式 心太軟內含大量朱古力醬 🍫🍫🍫 香濃而不會偏甜 蛋糕厚又濕潤 最最最重要是上枱時 心太軟很熱 這一點很得我歡心😛😛😛 配以朱古力雪糕、粟米片、棉花糖和朱古力醬。賣相滿分！唯一要挑剔的是 粟米片存放太久變得很硬很硬 我一直以為是咬到玻璃碎片 🧩 明白粟米片可為這道甜品增加口感和層次 不過還是建議用上新鮮的粟米片吧🫓🌽 -店員服務態度殷切 不會催客人落單 值

上次同朋友去完佐敦食晚飯之後去左食甜品搵到呢間係吳松街既大街小館黑糖芋圓仙草凍 ($39)黑糖芋圓仙草凍包括地瓜圓、紫薯圓、玫瑰圓(❤️😍)仙草、紅豆、小丸子、黑糖珍珠、仲有一球自選雪糕地瓜圓同紫薯圓夠煙韌值得一提既係個自家製玫瑰圓淡淡既花香好好食滿滿的仙草凍同黑糖好夾繁忙時間要每人最低消費一款甜品所以我地叫埋豆腐花同糖不甩糖不甩比起其他店黎講佢唔會太甜仲有陣薑味😍下次要再encore呢間甜品(今次食嗰陣無為意堂食去到10點所以食得比較急🤣)

香港有好多糖水店 高質既芋圓仙草都唔止一間但最近食完呢間既仙草芋圓 我覺得可以推上去心目中既Top3 💛💛💛 黑糖芋圓仙草凍 配玄米茶雪糕🍵首先佢陣黑糖味好香 但又唔會過甜💕芋圓係佢地自家制 全部都方方扁扁咁🟨不得不提 佢有款係玫瑰味既芋圓🌹一食落口 勁重玫瑰味 好似飲左啖花茶咁🌺另外一樣大推既係 玄米茶雪糕！平時糖水舖已經少見呢款口味 佢仲要做到好高質！ 一下就食到玄米茶味🍵整體真係好高質啊🥺🥺佢其他甜品都好似好出色🥺🥺下次要再試埋其他🤤🤤🤤🤤

黑糖芋圓仙草凍 $38 ★★★★★👍大大碗真係好抵食！👍第一次見到甜品鋪有玄米茶味雪糕，茶味濃郁👌芋圓好膩韌！甚至覺得膩韌過meet fresh🙈但就唔夠味，深色個舊食唔出係咩味仙草凍陣味有小小似龜苓膏🙈其他配料都好好食，尼碗有驚喜！芒果綿綿冰 $43 ★★★相比起上面果個，尼碗就有d遜色啦綿綿冰唔夠芒果味，覺得陣味有d假，整體成碗無咩特別🤧環境唔會擠逼，食得幾舒服，下次會再黎試下其他甜品/糖水👍

🌟黑糖芋圓仙草凍 $38黑糖味比較淡 但個人覺得岩岩好 唔會好甜 成日食黑糖既野好驚太甜 但呢個既甜度岩岩好👍🏻 份量方面十分之足 有三色芋圓（蕃薯 芋頭 同埋玫瑰花味芋圓！第一次食玫瑰花味既芋圓 好特別 有淡淡既花香味🌹）仙草 紅豆 小丸子 寒天 仲有一球自選味道既雪糕🍦 有8種味道選擇 當中有啲好特別（玄米茶同海鹽味） 而小編就揀左榴槤味🙈😜 好好味🤤🥭芒果撈河粉 $39芒果份量十分之多！除左河粉 仲有小丸子同埋一球自選雪糕🍦👍🏻自選雪糕味道🍦