大街小館 (已結業)

咁早食完晚飯梗系要歎翻碗糖水啦😜我哋由旺角行到去佐敦呢間大街小館見到有啲幾得意嘅甜品 子似榴槤撈河粉呀 榴槤腸粉等等😳一於去試下到底好唔好食先🤪-☻︎ 榴槤撈河粉 $42有一球大大球嘅榴槤雪糕、椰汁河粉、小丸子同榴槤球榴槤雪糕應該系用咗coco berry嗰款雪糕球食落好smooth好creamy😳反而榴槤味就冇咁出椰汁河粉其實系用䈮篛整嘅小妹就覺得佢唔夠爽口😗小丸子就唔夠彈牙榴槤球有成3球咁多😳食落好甜好香濃榴槤味😚但整體椰汁味偏重 有少少蓋過咗個主角😗味道偏甜 小妹就覺得普普通通不過不失啦味道: 6/10件價比: 8/10-☻︎ 芒果撈河粉 $41呢碗系細佬嗌嘅一樣都有河粉同小丸子只系雪糕同榴槤球轉咗做芒果雪糕同埋芒果肉小妹就冇試到唔評分🙌🏿細佬話芒果夠甜夠多汁😜呢個整體會冇榴槤咁甜-整體嚟講味道不過不失啦 唔伏嘅價錢唔算好貴 糖水都夠大碗夠足料試一次冇所謂但小妹就唔會encore啦😗店員服務態度唔錯呢度啲凳坐得都舒服🙌🏿整體評分：味道: 6/10環境: 8/10服務: 8/10衛生: 7/10抵食: 8/10回頭率: 1/10-想睇更多關於小妹嘅food diary 歡迎follow

而家香港地食個飯後甜品都唔平，呢幾年好興椰皇燉蛋真係幾貴起碼$5-60 ，呢度食過芒果撈河粉$41都唔錯，河粉有椰味，志在一班朋友食完飯搵個地方繼續吹水，呢個甜品都幾多元化，個個都揀得啱心水

嚟親佐敦，如果想食甜品，第一時間就會諗起大街小館，無論春夏秋冬，都係會食燉椰皇😆，椰皇超級出色👍不過今日好想食雪糕，多款甜品都可以配雪糕，選擇困難症又出現🤓，不過最後揀咗可以配三球雪糕嘅香蕉船，雪糕選擇都有好幾款，心大心細，不過都係鍾情朱古力🍫，選了兩球朱古力及一球綠茶，香蕉🍌面燒咗一層焦糖，好有誠意😍雪糕就正正常常😋，仲有少少棉花糖同生果點綴一下，有幾粒生果，食落感覺無咁⋯⋯邪惡🤪香蕉船$45

係油麻地食完蛇晏9個人行落佐敦食宵夜原來都幾多人鍾意食榴槤榴槤豆腐花（凍）榴槤雪山甘露（凍）份量好多芒果雪山甘露（凍）椰皇芋圓燉蛋白呢個係我地入面最貴個個🙊🙊榴槤綿綿冰-粟米脆片-黑糖珠珠榴槤綿綿冰-黑糖珠珠-椰果豆腐綿綿冰-Oreo-小丸子-加細粒綿花糖榴槤至專（凍）黑糖芋圓仙草凍-芋泥一點都吾會好甜仙草好呢個好多層次感芋泥都吾會好膩

晚飯完畢，梗係要食返個甜品先係圓滿🍨，佐敦都有好幾間甜品店，今次要試嘅係出名椰皇嘅哩間小店，佢地仲有間分店喺黃大仙。入得尼當然要試下哩度嘅椰皇蛋白燉桃膠，味道真係唔錯，🥥椰味好香，熱辣辣，啱晒凍天食，另外叫多個芒果至尊同埋雜果芋圓仙草凍。佢地仲有好多其他甜品，下次要再來品嚐！👍

可以選擇芋泥球或雪糕，我揀左玄米茶雪糕，好好味呀，芋圓同小丸子都軟硬適中，芋圓似係自家製既唔係入貨，有我最愛既伯爵茶味，好特別創新呀，希望繼續會有其他驚喜新口味，但佐敦其實好少去😢我會為左呢個甜品再來的，價錢又合理性價比好，係有心既小店👍🏻仙草軟滑，比我以前食過既仙草更好，睇嚟有精挑細選過貨源方面，雪糕口味也有好多選擇，但我玄米茶呢個配搭係好夾👍🏻雪糕軟硬又係好適中無可挑剔，如果開多d分店我就更容易去到

朋友嗌左個榴槤雪糕涼粉，嗰浸榴槤味好濃郁😂真材實料，應該係榴槤愛好者嘅恩物❤️因為唔食得凍嘢，但熱糖水選擇唔算多中式糖水都冇乜得揀🥲所以我就養生啲，嗌左個燉雪梨食落好潤，都係有少少甜咗啲，不過我諗糖水都係呢啲甜味。整體來講唔錯，係會再去食嘅甜品舖，見到OpenRice好多人都食芋圓，可能下次再去食就會order😂似係佢啲招牌嘢！舖頭Background Music係詩歌❤️❤️❤️比讚👍🏻

有冇人好鍾意食榴槤？ 我同老公都好鍾意食榴槤所以買咗兩碗糖水返屋企食點咗榴槤西米露， 西米露有三大嚿榴槤肉非常足料如果非常鍾意食榴槤的話建議叫榴槤椰皇燉蛋白榴槤味更加金香濃郁， 入面材料豐富有好滑嘅蛋白又有小丸仔同西米露口感好有層次

最近好想食芋圓糖水😍係尖沙咀行完街見到係佐敦有間食手工芋圓，好吸引，未食晚餐都過嚟食左先，怕食完飯太多人排隊😂6:30pm 未算多人，我地叫左2碗，黑糖芋圓仙草凍+芋泥球 ，朋友叫左芒果至尊。都好大碗🤩D芋圓係扁身嘅😮唔係平時食開圓柱形的，質地好煙韌。仙草份量好多👍🏻食極都有😂個芋泥球亦好軟滑👍🏻好正芒果至尊，係個芒果酸左DD，其他一樣高質，雪糕球仲有好多味揀♥️好似全部味都好正咁♥️份量真係大，我地食完已經好飽，唔使再食晚餐😂👍🏻

去親尖沙咀行街睇戲.食飽飽之後.通常都會行去佐敦.因為佐敦有小巴直接可以搭車返屋企.同埋食飽飽都會散下步.次次經過呢間糖水舖都見到好多人.今日八點幾竟然冇人排隊.所以就決定入去試吓🙌🏻-凍雜果芋圓豆腐花-糖不甩-榴槤綿綿冰(揀咗爆珠同小丸子)雜果芋圓豆腐花個芋圓同平時食嘅唔同.係會比較大粒會工整啲係似機整出嚟.芋圓食落好多粉.無咩芋頭/蕃薯味.一般.豆腐花正常而雜果份量都比較少.糖不甩好細粒入邊係冇餡非常普通.個冰係冇汁冇煉奶.平時食開都有醬汁.同埋得好少配料.榴槤味都唔重.對於哩間糖水舖覺得非常一般.價錢合理唔算好貴始終開喺佐敦區.同埋呢頭附近真係冇咩糖水舖.但係下次要食糖水我寧願行遠少少去返松x食!

去完佐敦覓食後，繼續想搵地方傾下計食下糖水！今次同行朋友介紹黎左 (大街小館) ，去到見門口都已經排哂人，有等外賣，有等堂食！最後大概等左20分鐘就入到去坐朋友極力推介 最後叫左— 椰皇皇蛋白燉桃膠 (熱) $55  真心推薦! 椰皇勁香甜，食到最後記得要刮埋入面啲椰子肉出來食！好多肉同JUICY加上蛋白+桃膠，好滋潤，我唸冬天來食，一定不得了！仲有好多好多桃膠係入面，好重料—玫瑰花荔枝綿綿冰 $50呢個係期間限定來，所以見咁特別，就Order 左，同埋上面除左綿綿冰之外，仲有荔枝肉配料！夏天食真係好爽！—黑糖芋圓仙草凍 (凍) 配雲尼拿雪糕  $42芋圓好ＱＱ，唔係軟淋淋個種，好有咬口，仲有小丸子！ 

每次黎呢間糖水舖必食既係椰皇燉蛋白桃膠雖然天氣好熱 但都叫左熱既因為食落會香啲不過舖頭冷氣好夠 所以唔會食到成身汗椰皇燉蛋白桃膠入面既料好豐富有燉蛋白 桃膠 小丸子 西米 好香好好味 又唔會太甜良心推介👍🏼💛

同朋友食完飯，之後就話想食糖水，然後我就第一下已經諗起大街小館。我平時食開佢嘅黑糖芋圓仙草凍，真係好正。不過真係好耐都冇食！今晚四個人，叫咗三個糖水，因為我記得佢嘅份量都幾多，佢又限人頭最低消費，所以就冇嗌四個。呢個好重要因為女仔有時食完飯去食真係食唔晒。浪費咗食物咁今晚我哋叫咗三樣嘢黑糖芋圓仙草凍配雲呢拿雪糕椰皇桃膠燉蛋白新產品 - 玫瑰荔枝綿綿冰玫瑰荔枝綿綿冰好驚喜，因為夏天食真係消暑清新！椰皇桃膠燉蛋白係養生之選，我從來都冇食過，但係原來可以咁好味，至於黑糖芋圓仙草凍就唔使講啦！一向都係我至愛。所以大街小館對我來講真係一路都咁好食

食飽飽晚飯 突如其來想去食個甜點作結尾就黎左 大街小館朋友誠意推介 行左兩條街就到好爆wor~~ 等左大約15分鐘左右就有位了椰皇蛋白燉桃膠 必食推介 可以凍食同熱食 係咁炎熱既夏天哈 養生朋友係選擇左熱食😌我就一定會食凍 由於開心share熱就熱啦！🥰🥰🥰可能係熱的關係 佢唔係太甜 淡淡椰香味 加上足料桃膠同蛋白仲可以食埋殼內面的椰肉 美味另一款黑糖芋圓仙草凍佢可以配雪糕/芋圓/什果我地就配左雪糕 仙草滑雪雪 芋圓煙韌最驚喜 竟然係個黑糖 配搭又幾好波最後就係呢個綿綿冰本來想食既味無左店員話呢個係新既就試左啦～荔枝玫瑰味 你見則面有杯茄汁既野 其實佢係糖水黎加淋上去應該好靚但最後大家都怕佢似藥水 所以都冇淋到不過就咁食都已經好重荔枝味加左可能會太甜了下次一定會試下凍食椰皇～期待～

呢間甜品店真係好出色 份量好大碗 真係食一碗都飽🤩上次就嗌咗黑糖芋圓仙草凍 配料相當豐富 除咗有三色芋圓同涼粉之外 仲有白玉、紅豆、黑糖啫喱、雪糕🍦芋圓好特別係片狀 食落好有咬口 雪糕仲可以揀玄米茶味🍵都幾好味😋