大街小館 (已結業)

平日少行入內街，某日由佐敦行去油麻地時發現小店，原來位置都幾方便，悄悄收入口袋擇日光顧。小店裝潢簡單簡潔，比一般糖水舖坐得鬆動，夜晚七點半左右嚟到剛好唔使等位。黑糖芋圓仙草凍 $38嚟到一心想食芋圓，但依度嘅無論質地同味道(地瓜、紫薯、玫瑰)都唔太合口味，反而其他配料有驚喜：小丸子糯米味重，煙煙韌韌；玄米茶雪糕濃郁奶滑，真係有炒米香；紅豆大粒起沙；仙草同黑糖珍珠亦係水準之上。依個價錢大碗又豐富好味，真係佛心，食得滿意！