大街小館 (已結業)

最近陪朋友去佐敦 看醫生， 因為 未到診症 時間， 便到附近一間甜品店 食甜品。在 煩囂的 佐敦區，找地方坐底 歇息 下。 但 要求 餐廳要有冷又有熱的甜品，而且仲非常港式，價錢 便宜些，在 大街小馆 甜品 店舖 有一款西瓜盅，餐廳推薦必食。 份量有半個西瓜，大大個，又有雪糕，可足夠兩人食。 西瓜香甜多汁，有乾冰補底，保持西瓜冰爽，又有涼粉西米露配上花奶，幾豐富。 不夠滿足'還叫了凍的榴槤椰皇燉蛋白。 有三件榴槤肉，香嫩的蛋白不單只有椰汁味，還充滿輕微榴槤味，就連椰皇旁的椰肉都有榴槤味。 適合我這個榴槤爱食者。

上次話過會返黎 唔夠一個星期就忍唔住再黎了今次要試我上次食唔到的椰皇蛋白燉桃膠🥛勁足料 成碗滿滿的蛋白同桃膠 好似食緊燕窩一樣 養顏值滿分香濃椰汁🥥西米露同上次一樣 椰皇肉燉到半透明 一刮就食得熱食食到心都窩了💗還點了芒果雪山甘露🥭🍧不過冇上次榴槤雪山甘露咁濃可能唔係因為鍾情榴槤吧點解咁中意呢間糖水店因為佢平平實實 親民貼地尖沙咀食完晚飯 近近地緊係直落佐敦嘆埋地道港式糖水啦 ————————————————————————————#大街小館 #hkdessert #hkdessertshop #香港美食 #香港 #香港糖水 #糖水 #香港好去處 #食左先講 #拍拖好去處 #jordan #佐敦 #佐敦美食 #大街小館 #椰皇 #椰皇燉蛋白 #燉蛋 #芒果冰 #芒果 #mango #綿綿冰 #刨冰#🍧 #ice #shaveice

佐敦呢頭我好少黎，今日同朋友係度去完個活動，就想揾間糖水食下，上openrice發現左呢度，試試佢～結果，好有驚喜呀！！必叫椰奶芒果丸子，講真我覺得呢個名完全呈現唔曬佢有幾正，佢有極美味既娜奶、極甜既芒果，仲有唔只丸子，最重點係有好滑既豆花！！好驚喜！仲有蒟蒻，西米等等，口感好立體講真，我係毫無期望咁食，第一啖真係好意外：之後每啖都係真係好足料，不極都有超級好味芋圓紅豆丸子雪糕，配左紅豆。我覺得其實佢都唔錯，不過可能因為我本身唔算好鍾意紅豆，淨係鍾意超級甜嗰種日本紅豆，所以呢個感覺比較中式嘅糖水就唔係我最愛了但朋友都幾鐘意佢～我都好鍾意啲芋圓，口感彈牙牛奶棉花冰 配棉花糖 小丸子我覺得佢嘅牛奶味真係好濃配棉花糖真係好夾！不過配小丸子就唔係好夾，我哋揀錯咗，建議大家揀其他配料不過呢個都係好好味芒果沙冰，掂！不過因為我哋越食越凍，真係太凍了所以飲唔曬Hahaha如果我杯暖水嘅話，戰鬥力可能會增加hahaha好滿意既甜品店！我一定會為咗椰奶芒果丸子而再黎咁高質既甜品，價廉物美！！推薦！

“大街小館”喺位於佐敦新開嘅糖水店，我地一行四人9點幾嚟到，已經有長長嘅人龍😀😀😀同朋友叫咗好多嘢食😆😆😆黑糖芋圓仙草凍喺店裡嘅招牌甜品之一，芋圓唔似坊間嘅咁唸咁軟，非常煙韌彈牙真材實料，大大粒好好味。而雪糕仲有好多唔同口味可以揀，配埋仙草同黑糖，好正🤪🌟❤️另一款必叫嘅係椰皇蛋白燉桃膠，食落椰汁唔會太甜太膩口，桃膠份量絕對多得驚人，非常飽肚！食落暖笠笠，好養生☺️☺️☺️”糖不甩”喺我最愛嘅甜品，每次去糖水鋪都一定會嗌🦖🌈呢度既”糖不甩”都係夠晒QQ，每粒都可以沾滿花生芝麻碎，熱辣辣好滿足🥰我地仲叫咗三款小食：炸雞、炸薯條同炸燒賣。三款都好脆口😛可惜薯條冇茄汁😭😭😭😭😭😭😭😭食完後朋友都覺得呢間糖水鋪幾出色，仲有好多新派款式選擇。而且店員服務唔錯，唔會催人埋單，所以下次一定會再幫襯過～

咁岩行下廟街，又想食下糖水，系遠處已經見到大街小館發光既招牌，見d甜品相幾吸引，就入去試下。芒果至尊 $46推薦!賣相靚，料好足，芒果雪糕+芒果肉+紅豆+涼粉+西米，對比起一般糖水舖好大碗，食完都食唔落正餐了。雪糕就類似雀巢雪糕，芒果肉佔大比例，而且都鮮甜。多種材料撈埋一齊，口感好好，又甜又好食。合桃糊 $23我地中意食結少少既，呢碗比較淡，冇咁結。一般般。好多款甜品，價錢又合理，份量又多，賣相都5錯，下次會想再黎

身邊嘅老友都知我甚鍾意食甜品，不時試到咩好嘢都通知聲，而小弟近呢個月，前後都品嚐過兩間好嘢，均是值得推介嘅小店，就喺旺角嘅「果粒粒甜品」及佐敦嘅「大街小館」，前者已經另文寫過，今篇就介紹後者。短短一條吳松街，都已經有4家甜品店，不過，附近食肆多，又有條廟街，客源應該唔使擔心。店面光鮮企理，除貼有啲食物相吸引路人之外，仲貼有啲飲食雜誌專訪，原來喺90後暖男所開，雖然素未謀面，但試過之後，覺得真材實料外，製作有誠意。踏入店內，裝修簡潔明亮，一室白磚牆，配木枱椅，加上個鋪本身樓底都高，所以，少咗一般好似綠林呀、松記呀、許留山呀嗰啲擠逼感。牆上一句：「Life is short, Make it sweet」相信喺店主嘅心聲，好認同，就正如將Stressed（緊張的、壓力的）反過嚟就喺Desserts，讓甜點成為你壓力嘅心靈舒緩劑。晌餐牌封面，已講到明主打港式及新派甜品，翻閱一轉，選擇非常之多，部份款式更附上參考圖片，而種類方面包括：椰皇系列、滋補燉糖水系列、榴槤系列、芒果系列、精選系列、綿綿冰系列、芋圓系列、窩夫 / 拿破崙系列、天使系列、西米露 / 涼粉 / 黑珍珠 / 紫米露系列、中式暖

大街小館店鋪面積唔算太大，店内的裝修是非常簡單,看看餐牌，考慮了一陣便選擇了椰皇蛋白燉桃膠, 皆因近期興起吃桃膠，所以想試試。椰皇蛋白燉桃膠是以椰皇作為容器，椰皇裝得滿滿的，有桃膠、西米、小丸子及椰汁, 桃膠爽滑煙韌，白色的小丸子食落煙煙韌韌, 口感唔錯, 整體甜度適中。食完整個甜品之後, 再可以用匙子把椰皇肉都了刮出來食, 實在是涼透心, 可以為大家消消暑。這小店真是真材實料的好味，值得推介比身邊的朋友和一試再試。

哩度啲甜品多款式之餘仲要一啲都唔貴，性價比高！一班朋友食完飯仲想聚下，食甜品就最啱！而且地點夠晒就腳，方便！哩個芒果嘅河粉，真係好特別，有用椰汁整嘅”河粉”，配埋好彈牙嘅小丸子，芒果粒仲有芒果味嘅雪糕，芒果迷必嗌！我嗌左熱嘅椰汁芋圓西米露，佢除左芋圓非常煙韌，夠晒彈牙，西米份量好多仲有配埋小丸子，好豐富哩度用嘅粉咁靚，糖不甩當然都係好煙韌好好味！一碟仲要有10粒，粉有用足唔會唔夠，好味！嗌心太軟有好多雪糕口味選擇，仲有埋平時好少有嘅榴槤同埋紅豆！心太軟流心都不得了！而且又唔太甜，加埋雪糕同棉花糖，正！

昨晚收工last day，和闺蜜想选一家甜品店庆祝。看这家评价特别好，刚好也在她住的地方附近就前来探店啦😏六点过店里还没什么人，门口的小哥哥特别友好让我们随便坐，座位也蛮舒服的，装修很新😍📌芒果至尊绝对太招牌了，里面有芒果粒仙草冻，还有一个大大的芒果冰淇淋球!份量很足，味道也很好。📌黑糖芋圆仙草冻这个芋圆是手作的吧，真的特别有嚼劲的那种口感超棒的，配上红豆小丸子还有天使面?上面的冰淇淋球可以选好多种口味我们选了云尼拿🤤总评真的可以拿满分，价格适宜+份量足+味道棒🍧在香港吃到的很top的甜品🍰

Coconut King Protein Stewed Peach Gum ($52), this coconut king bottom layer is protein, the protein is very smooth, and only a little less sweet, in addition to peach gum and bird's nest is very moist, the lady must order the sugar water Iced watermelon with ice cream ($50), because the street was hot on the day, so the friend ordered a watermelon to cool down. Watermelon  includes fruit, jelly, and blasting beads. All the fruits are so sweet and sweet. There are ice cream at the top. There are

喺佐敦廟街食完晚飯，同朋友想食甜品，經過見到呢間甜品店，有中式又有西式，選擇夠多就入去食。我叫咗椰汁燕窩燉鮮奶蛋白，鮮奶蛋白好滑，燕窩份量都唔少。朋友就叫咗推介必食嘅生磨蛋白杏仁茶，超香杏仁味，我聞到都忍唔住食返啖😋！另一位朋友叫咗黑糖芋圓👍🏼D芋圓超有口感，黑糖底甜味岩岩好～最後見其他客人嘅心太軟好吸引，又忍唔住叫一客同朋友share食。一切開就知有水準，朱古力漿慢慢流出，唔會太甜，雖然有啲飽，但係我地都K.O.晒～呢間甜品店食物有水準，重點係價錢唔貴～有機會我會再嚟試燉椰皇！

係油麻地食完煲仔飯，覺得個肚仲有啲空虛就係附近揾咗間甜品舖食多個甜品😝 叫咗生磨杏汁燕窩燉鮮奶蛋白 ($78) 食落感覺又真係幾滋潤，鮮奶蛋白整得好滑好正🤪 仲加咗好濃既杏汁，食完覺得皮膚滑咗hahahah呢度榴槤既產品都幾多幾吸引，試咗榴槤西米露 ($38)，入面有幾球榴槤肉，用料絕不吝嗇！推介！！最後叫埋呢個芒果拿破崙配雪糕 ($49) 拿破崙整得好酥脆好香牛油味🤪 芒果仲要勁多勁甜，食完好滿足既甜品～

夜晚吃完一點輕食，過來佐敦搭車回家經過「大街小館」，決定進來吃碗糖水～餐廳地方闊落，環境乾淨企理牆身貼上多款惹人垂涎的甜品照片，燉木瓜看起來很吸引，可惜今日缺貨，唯有下次再來試我們點了朱古力心太軟配曲奇雪糕一切開心太軟，濃濃的朱古力流心湧出來，心太軟熱呼呼的，朱古力味香濃，即點即整，很好味呢椰皇芋圓燉蛋白很足料，有很多西米，芋圓，小丸子，蛋白滑嘟嘟的，好味啊除了平日經常見到的芋圓外，餐廳還有種非常特別的芋圓（下圖右邊），這款芋圓有淡淡的花香，似花茶味，超喜歡呢

今日嚟到佐敦區，晚飯剛剛食完串燒，行咗一陣，消化完，又係時候食下甜品糖水啦⋯⋯今日係星期六，所以街上面都十分多人，同遊客。經過廟街，發現一間新開嘅甜品屋，呢間甜品屋喺我屋企黃大仙附近都有一間！之前幫襯過，都唔差，唔知呢間係唔係同一個老細呢？發現佢個餐牌都係一樣， 原來係分店！原來老闆係以前响hotel icon做過。。。我見過佢真人，佢都幾Nice嘅！晚飯後，都坐滿左人，我哋都等左15分鐘先有位！店員都好有禮貌，不停講唔好意思！椰王蛋白燉桃膠我有一個習慣，無論天氣幾熱，我都唔會食凍野！所以呢個都係熱嘅。。。載滿了桃膠，蛋白，小丸子，西米。食完感覺好滋潤，突然覺得自己皮膚美白咗冰鎮鮮果椰王裏面有西米，蛋白，主力生果係西瓜，仲有少量蜜瓜同哈密瓜！老公話好解渴！生果又夠甜！西瓜汁沙冰天氣真係好熱，再嚟一杯超級涼爽嘅西瓜沙冰，飲完立即透心涼！食埋呢幾個甜品，真係好滿足！呢句說話。。。令我有啲反思。。。你嘅人生。。。又喺度做緊乜嘢呢？

現在的甜品店供應的都大同小異，而且比起普通餐廳，是容易比較控制水準的，當然近來我們都試過一些不堪入目的甜品店，幸好今晚這間沒有失望。一般甜品店的格局，但是他的選擇就比較上豐富，中西款式樣樣有齊，我們點了三樣甜品。先來椰皇燉桃膠蛋白，由於天氣熱，今晚食的東西全部都是要凍的，蛋白在底撈上椰汁加桃膠一齊食很是香滑。再來芋圓黑糖天使麵，這裏的芋圓做得很好，煙靭有咬口配上生果一齊食唔會咁飽滯，而天使麵用黑塘寒天做成麵條，口感非常爽口最後的芒果拿破崙是今晚的亮點，酥皮鬆脆加上忌廉芒果一齊食是很滿足的一個甜品，雪糕可以揀味道，我們選了朱古力，因為這是最基本而又最好味的。總括而言，這間甜品店的水準亦很穩定，值得一試。