大蕃薯

營業中

休息中

大蕃薯一直係聯和墟入面我最想食嘅餐廳，佢開咗咁耐，我今次難得有機會入去食晚餐，點知成個 experience 根本係令人反感。我一入到去搵個位坐低，嗰個好肥又後生嘅侍應就扔一壘 menu 俾我，我心諗我做過啲咩得罪咗你？跟住我叫佢寫嘢嗰陣佢用一個好唔耐煩嘅語氣問我要乜嘢，其實要你講得好聲好氣少少係咪咁難為你？跟住佢無論係嗰個裝住麵包嘅籃，嗰碗羅宋湯、嗰杯蕃薯好立克、定係嗰兜茄醬甘薯牛柳粒焗飯佢都係咁扔過嚟，我心諗你餵狗都唔係咁餵啦！完全唔覺得佢對人有任何尊重。杯嘢飲係 ok 好飲，但係嗰兜飯根本唔係即焗，只不過得返少少少少餘溫，似係一早焗好咗等上菜。講到呢到你自己諗吓嗰兜嘢仲好食得去邊。都未計佢啲茄膏一食落去就知係化學嘢，完全食唔到嗰種自然嘅感覺。跟住埋單仲好意思收我加一（成 $124），我心諗你憑咩收加一，收之前可唔可以反思吓自己做過乜嘢係值得嗰加一嘅服務費。直係唔好怪咁多人每逢週末都衝曬上去，就係唔想對住呢咁嘅服務態度嘛！

今日中午係呢間叫左兩個外賣，其中一個係 ’極品牛肉麵湯麵‘，估唔到d牛肉真係極品，差唔多全部都係唔食得既肥豬肉，仲要似係廚餘執番黎個d🤮希望餐廳老闆了解一下前線員工平時提供什麼食物予食客🙏🏻

大番薯屹立在聯和墟多年，今次是我第一次食大番薯相片的先後次序是根據上菜時間坦白講，食物不是太特別，都算是入得口亦幾好味反而這間餐廳是出名於番薯，故特意叫特飲($15或更多，因為有部分是套餐配餐牌飲品為半價)甘薯(香蕉/蘋果/紅豆)奶昔就是後者了是幾開心，外賣回辦公室慢慢飲都是一份享受而且，食物毋須等太耐是餐廳的優點👍服務和環境都是讓人舒服😁RELAX

講都唔知點講 自己睇啦👇👇👇👇👇👇👇👇🪳🪳🪳於平台叫了外賣3個，食左2啖肉醬意粉，以為有D燶，夾起黎睇 眼都大埋 叫埋出黎🤮🤮，竟然有隻啡黑色 曱由係肉醬意粉度🤮🤢 超嘔 今時今日仲有咁污糟餐廳 😵‍💫😵 🪳即時向外賣平台反映，食物質素衛生咁差，差D成隻食埋落肚🤮🤢🪳 👎有手有腳 🪳🪳❗️❗️📛🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮🤮

最近係social media有人話呢間野好食，咪試早餐，真係好一般，我寧願食茶餐廳，仲要雞扒唔熟。上錯餐，叫個職員，佢掛住包外賣，當時一啲都唔嘈，佢背住企我地後面，但都唔應我地，叫左3，4次，我地火都來，佢先應我地一下，話自己包緊外賣，用手包唔係用口包，應一句都唔得？！我地一心諗住佢上錯餐，拿拿聲拎走俾番人，放咁耐，人地都唔想要，點知你急人地唔急。唔會想再幫襯

見到呢間餐廳個名好得意🤭加上係食我鐘意嘅焗焗系列😍叫左以下2個焗飯套餐包蒜蓉包🥖➕餐湯➕餐飲💕原茄甘薯焗豬扒飯♥💕原茄甘薯焗雞扒♥👍🏻平時焗飯配菠蘿粒粒多今次配蕃薯粒粒都幾特別 2個焗飯都係炒底正常發揮炒飯夠乾身粒粒狀配上酸甜適中嘅茄醬係唔錯嘅～個人覺得煎雞扒比豬扒香口好味因為豬扒偏韌🫢餐廳環境都算寬敞見到仲有好多特飲甜品🍮都以甘薯做不妨一試😆

最近初試呢間早餐，聽聞其他客人大讚牛扒早餐高質素，假日晏d都會賣曬有日放假，平日試左，難得早餐牛扒係厚身 有重牛味 幼嫩唔柴，一試難忘今次試晚餐10安士炭燒安格斯餐牛扒：重牛肉味，5成岩岩好，脂肪位帶有牛油香味 單純用黑椒，鹽 已經帶出安格斯特有既味道，非常滿意意粉：跟餐意粉一般都白洽,無味，但小店有用蒜蓉，香草 配搭 不油膩又不乾身天氣開始凍，老板娘親切招待，主動加熱水 暖心睇到小店最近有dislike,我用呢個食評大力like返外區光臨聯和墟，除左諗起馳名豬手麵，不仿試下呢間！

食咗一舊，就見到隻昆蟲。超級大隻，正正食咗昆蟲上面嗰一舊，真係好反胃。另外再加嘅蕃薯蘋果沙律都唔敢食。🤢🤢🤢🤮🤮🤮感覺另加嘅沙律都應該同一盤出嚟。咁大隻昆蟲响個沙律咁耐，衛生情況真是好令人懷疑😵‍💫

其實食客入到餐廳，除咗想食到好嘢，都希望餐廳員工服務恰當。若果冷氣有滴水，沾濕座位，希望店主盡快改善。當時店內滿客，只有最後一張枱，唯有接受。坐到座位，發現有滴水，並且沾濕褲，情緒已經唔老嚟，所以希望有幸再轉換位置，點知員工只係回答 “冇喇”，佢都懶得再理睬。其實佢哋可以再問吓，如果要另一個位，需要再等，問吓可唔可以，最後由食客決定照坐定等。之前做咁多宣傳，不如做好服務態度仲好啦

其實唔係第一次幫襯，都食左幾次，但真係估唔到佢今次咁叻叻豬白烚都做得出！我直頭係食緊湯渣！霉、柴、鞋！佢係咩菜式—咪就係炭燒豬排骨囉！一上菜用一大劈紅色醬汁冚住啲肉，見到啲肉都心知不妙，一食落口直頭係服！好心啦……其實如果整唔切不如一早同個客講話整唔到，好過你心急出菜俾啲白烚嘢人食。用餐時間是5月7號下午三點幾係咪因為時間問題所以冇預先將啲食材解凍導致要白烚呢？不過我都唔會再為佢解釋，食過今次真係唔會再有下一次。

嗰日行完沙頭角，搭巴士回到粉嶺時，大家講起粉嶺有間餐廳有蕃薯奶茶，咁啱大家也好奇蕃薯奶茶是什麼味道，也剛好是下午茶，就大家一齊嚟呢度食下午茶😄蕃薯西多士配楓糖 (HK$36)．炸得金黃色，切開見到2片麵包之間有厚厚一層甜蕃薯蓉，點些楓糖，正😋吉列豬扒三文治 ($38)．脆口烘底麵包，熱烘烘的．薄脆外皮的吉列豬扒，你睇幾厚肉地㗎！．三文治仲有芝士、鮮甜番茄、和生菜蕃薯奶茶 (跟食物 +HK$15)．這是奶茶加入蕃薯蓉．味道都幾特別，絲滑奶茶帶有蕃薯蓉的口感，味道不會太甜．我覺得凍飲版比熱飲版好味薑汁甘薯批 (HK$32)．薄批皮配以薑汁混合蕃薯蓉．薑味出眾而不辣，蕃薯味都好出眾而口感香滑

經朋友介紹專程嚟到大蕃薯試佢嘅番薯奶茶，佢嘅口感好厚身，就好似奶昔一樣，蕃薯加落奶茶都有種好新鮮嘅感覺，但同時又不失奶茶嘅風味。朋友叫咗「香煎雞扒配薯菜」，雞扒肉質嫩滑，薯菜有蕃薯，令整體顏色更鮮艷。可惜，我自己叫嘅「蕃茄雞肉麵」就令我有啲失望，味道偏淡，有種可以喺屋企煮到嘅感覺。

如果你喜歡食番薯，一定不要錯過這間名不見經傳的小店番薯糖漿西多士我最喜歡是裡面金黃色的餡，鬆軟綿綿。炸得裡面不算太乾，我覺得如果外皮更加鬆脆就更好了。姜汁甘薯批我一看這個名字，我就想嘗試了。最後我還蠻欣賞用甘薯來做批大膽創意。開始我以為批一定是熱的。誰知到來的時候是凍的。說不上入口即化，用綿綿軟軟來形容再好不過。質地不像蛋糕也不像雪糕，只能說是土豆蓉質地。味道是姜汁撞奶混和濃郁甜薯的味道，美中不足的是底批是軟的並不脆，不知道是冰得太久還是怎麼的又所欠缺。

📍大番薯📍💡聯和墟🐥炭燒8oz 安格斯肉眼扒($188)塊扒一上枱即刻聞到好大浸炭燒味，即刻流口水，叫左7成熟，啱啱好，好juicy,不過個意粉冇汁，真係幾dry🐥番薯奶茶番薯奶茶我覺得一般般，唔係好重番薯味，而且好似太甜

聯和墟評價不一既餐廳閒時諗起都會幫襯下但好唔好食 好似睇彩數今次係少伏😂 CP值低😂晚市 外賣單多 堂食唔係好多人芥蜜脆皮原隻咸豬手配薯菜香脆既外皮 略嫌炸得太乾原味茄醬甘薯焗牛柳粒飯每次點都唔記得咗係咁🧏‍♀️鮮茄醬配甘薯 有啲太過分明😅焗飯太濕水牛城雞翼 炭燒安格斯肉眼/西冷扒好香炭燒味不過西冷較薄身 七成出嚟偏向well done反而肉眼剛剛好焗蒜鮮蝦蕃茄手打特闊蛋麵冷/熱 蕃薯奶茶搞勻飲唔錯不過蕃薯味又唔係話勁濃