大蕃薯

營業中

休息中

超足料 #甘薯 健康又好味～😍————————————————————#薑汁甘薯批🍠(HKD26)✔️👅：7/10✏️ 雪凍既甘薯批整番熱後呈上 甘薯足料之餘香滑綿密 帶絲絲口感天然得很💕 而且甜度適中唔會太漏吖 而且橙黃黃既色太吸引啦❤️ 但批就做得麻麻地 唔知係咪再熱過既問題 冇應有香氣之餘比較濕潤 冇預期香脆酥軟既口感啦 但#番薯控 值得一試啊 啊！仲有 其實冇薑汁味～✏️ 聽聞以前水準好d架 宜家店員服務都麻麻 食完茶檔之後更加有對比🌚

Order咗黑椒豬扒意粉，味道不過不失。服務不錯，款式都不少，可能我叫的是午餐，價格不貴，質素也一分錢 一分貨，上餐速度頗快，奶茶味道不錯，總結來說不過不失可以再試。

期待以久既懶懶行依日終於行完由於勁曬，所以行完勁餓好彩朋友有揸車，如果唔係有排未走到本身打算去太陽花度食點知無開，所以過左黎依度叫左個lunch set 香草肉丸意粉包括埋湯同飲品免治肉丸煮得好稔意粉用蒜炒過雖然上面有茄醬食落都會食到陣陣蒜香味而且份量都唔少當我地點好晒飲品先醒起佢有蕃薯奶茶下次再黎試下

服務差勁，食物一般，收費高昂！一切都是差劣的大排檔水準。只是標籤健康，包裝效果。上菜錯誤服務員不認錯，還對客人檸頭。上菜緩慢，點餐點了15分鐘才有人理睬。大家小心！

蕃薯控出動🍠聯和墟-［大蕃薯］鮮茄豬手湯麵 豬手有四五件，切到細細舊，方便食，而豬手膠原十足、入味👍🏻補補骨膠原煎雞扒拼甘薯蘋果沙律 小清新 新鮮fresh🍠🍎再加蕃薯奶茶，薯味十足，飲完好飽😂

🍞蕃薯西多士$32(下午茶)🍰薑汁蕃薯批$26☕️蕃薯奶茶$15(跟餐加)店名叫大蕃薯，名副其實好多蕃薯既製成品😍作為澱粉質愛好者當然要衝去粉嶺試下啦😚蕃薯西多士早餐至下午茶都有得食🍞晚市就冇啦，所以至到5:30就無架啦🙋想食要睇時間啊，午市都唔覺眼有得食，蕃薯西多士剛炸好又唔算太熱，上面有一pat牛油，冇額外加糖漿同煉奶的，甜味就來自中間既甘蕃啦😍西多比起平時食既都算厚，中間既黃色醬好吸睛👀望落令我幻想成邪惡既芝士醬，但實際係健康既甘薯溶😚果然幾正啊，估唔到西多同蕃薯係咁合拍，多士好鬆軟唔算太脆，但味道取勝😋唯獨食到最尾覺得有小小油膩啦薑汁蕃薯批，又幾得意啊叫左件黎食。另外小店門口仲有個餅櫃🍰有南瓜批、胚芽蘋果甘薯芝士餅、合桃甘薯芝士餅、合桃批、蘋果批、法國麵包布丁等等。都幾多元化🌝叫左個薑汁蕃薯批試下，食落味道似蕃薯糖水，但批皮偏淋身同唔夠牛油香，整體麻麻。另外跟餐加$15叫左杯蕃薯奶茶，有凍同熱簡，簡左杯凍既🍠但實在敗北，奶茶冇冰唔夠凍但又唔係熱，奶茶味道偏苦澀，口感奇怪，簡稱唔好飲🙈

呢日去咗粉嶺聯和墟內薄有名氣嘅大蕃薯。裝修係港式餐廳風格，當時食客唔多，都幾舒服。我哋分別叫咗兩份午餐。雜菜湯（只得一碗，另一個午餐唔包餐湯），無咩酸味，反而偏鹹，不過椰菜、西芹、胡蘿蔔、洋蔥嘅份量幾多。朋友跟餐要咗凍檸茶，我就一向鍾意食番薯同抹茶嘅嘢，見呢度有唔少用番薯沖調嘅飲品，於是加錢叫咗呢個番薯奶茶，第一啖飲到番薯嗰種粉粉哋嘅質感，佢嘅甜味比較輕微，奶茶底就茶味比奶味濃郁，我覺得唔加糖飲都OK。鮮茄鹹豬手湯麵，朋友話豬手煮得幾軟腍，而湯底就同我頭先碗雜菜湯類同。煎雞扒伴特色沙律，雞扒用黑椒調味，油份偏多都係無可避免，不過塊扒煎得外皮微脆香口。特色沙律堆疊如小山，入面有甘薯（黃番薯）同蘋果粒，甘薯綿軟，蘋果微酸爽口。配上沙律醬，非常飽肚但又唔會太膩。收銀處旁邊有個凍櫃，擺咗佢哋自家製嘅蛋糕。我哋臨走時買咗傳統蘋果批同薑汁甘薯批，朋友嘅傳統蘋果批好厚，入面啲蘋果切成一片片，都幾有肉桂香。薑汁甘薯批整件都塞滿甘薯蓉，仲有少少薑汁香味，但入面較多一絲絲、咀嚼唔到嘅纖維。兩件味道尚可，不過批皮被餡料整到較為濕潤，無咗脆脆嘅口感，驚喜度唔大。番薯係知名嘅保健食品，好易買之餘價錢又唔貴，仲有

本身好喜歡食蕃薯, 於是就去粉嶺呢間專食蕃薯既餐廳試下, 可能期望相對較高, 所以呢, 都有小小失望我同朋友分別叫左豬柳天使麵同芝士南瓜龍脷柳飯, 加左一杯蕃薯奶茶, 同埋甜品蘋果蕃薯芝士批一開始就黎左個紅湯, 個湯既味道唔錯, 幾濃, 但偏向咸。豬柳天使麵, 天使麵原本係無味既, 上面就加左蕃茄溶,都幾鮮同清,但就咁食天使麵就麻麻地, 配埋個豬柳就幾唔錯, 因為豬柳味道偏咸, 所以加埋一齊就岩岩好, 但係$56 LUNCH 就唔算好抵, 因為味道都係中間, 價錢LUNCH 黎講算幾貴。我都有試下個芝士南瓜龍脷柳飯, 醬料都好足夠, 成個飯都有醬配, 甘著好甜, 都有好多龍利柳, 但個醬料偏甜, 如果食哂成個都會幾漏, 個飯總括而言,不過不失, 唔算特別好味。蕃薯奶茶對我黎講好甜, 又唔係好重蕃薯味, 好似加左好多糖咁, 真係一般般。最後, 蘋果蕃薯批都唔錯既, 真係見到有一舊蕃薯粒, 中間就好有芝士餅既味道, 唔算好甜, 但係始終多芝士所以如果一個人食哂都會漏漏地呢個餐廳LUNCH 黎講唔算好平同好好味, 性價比一般. 所以都可能食一次就算。

今日山長水遠入到黎上水食咗個都幾滿意嘅黑毛豬扒 通常西班牙黑毛豬都幾貴架 不過好彩佢呢度嘅價位都唔算高或者可能係因為係上水啦切落去就知道佢好嫩滑 唔會over cooked 豬肉嘅香味好出 醃料亦都好入味隔離仲有一個自家製嘅醬汁係香甜嘅芒果醬真係好特別最後我哋仲食咗一件番薯蛋糕添番薯味都好真實好似真係食緊番薯咁(廢話啦人哋真係用番薯做架嘛)

粉嶺好似有好多豬手麵食 本身諗住去最出名既群記 點知冇開 就轉戰佢隔離既呢間 鮮茄咸豬手湯麵, 咸豬手一d都唔咸 不過肉就幾嫩滑 豬手皮好膠 滿滿既骨膠原個鮮茄湯底亦都係淡而無味唔值$42一上枱 哇！ 好頹！ 得兩塊豬排、一堆麵同一pat醬 貌相真係唔係好得…味道就ok既 個豬柳入味又冧 煎得都夠香 係意料之外既好味 不過個茄醬🍅真係唔多掂 同食茄糕冇乜分別正餐唔係咁好食 就唯有俾埋最後機會佢 試埋佢既招牌甜品甘薯批根本就係食緊滿滿既蕃薯蓉！批皮上面既餡全部都係帶有淡淡薑味既蕃薯蓉 唔會甜 係好天然既蕃薯香蕃薯控一定會中意 不過批皮偏冧 同埋價錢都偏貴

記得第一次同女朋友食呢間餐廳係一年前，佢好中意，成日都話想再食，但位置唔方便，所以再黎食。事隔一年，今日女朋友係粉嶺返工，所以就再食。佢又再一次見到D甜品話等陣要食。。。但次次都太飽食唔到。今日又係食一樣既主打同飲品，但試左個新沙律，想留肚食甜品。甘薯蘋果沙律呢個組合係好創新，甘薯好甜，加埋好𡙁又幾清既蘋果好開胃。望落唔係好大碟，點知都唔係好食得曬，我覺得可以三個人食。芥蜜脆皮原隻豬手跟住係女朋友勁鍾意食既德國豬手，呢隻豬手既特點係外面好，但入面又好冧，肥同瘦既比例剛剛好，加埋芥蜜檸檬醬真係好好食。女朋友連檸檬都食埋，再加醬…佢又太飽....再加一杯特別既甘薯奶茶，真係好正，芳香又易入口。其實呢間嘢都上過雜誌，唔知點解咁少人 

今日剛巧到粉嶺，諗住去試下傳說中出名的番薯奶茶，睇下有幾強勁！心入面的確滿懷期待！星期六午膳時間無需等位！有午餐選擇，叫左個香煎豬柳伴天使面($56)! 另加$13要番薯奶茶，原價$24！沒有驚為天人....只有較為質感（飲完似有層脷）苔）的奶茶.....！性價比😩豬柳都只是一般般....但食落都幾好味....如果有條菜伴下碟會更好！總結：不要有太大期望～😳食完一次試過就算

每次經過總去了斜對面的爵士拉麵今次終於立下心腸要一嚐大蕃薯的名菜芥蜜脆皮原隻咸豬手晚市價錢在粉嶺區而言不算便宜每道菜約$150左右賣相很美的豬手炸得很脆身肉有點over, 但也是可接受範圍總體而言炸得不錯但最令人失望的是所謂芥蜜脆皮原隻咸豬手的豬手其實只是普通炸豬手再加上蜜糖醬豬手並無任何特別的調味而蜜糖醬亦太死甜另外點了芝士南瓜汁海鮮麵汁和麵不錯可是………這未發育的青口實在有點兒那個在$58的意粉尚且不會跟牠邂逅更何況這是碟$158的意粉最後在套餐加$13試了蕃薯奶茶其實感覺還可以但只是蕃薯還蕃薯，奶茶還奶茶並不是特別合拍其實以西餐來説味道算不錯但是略嫌性價比稍低從當晚用膳後附近兩間set dinner 約七八十元的餐廳大排長龍大蕃薯仍未滿座便可見一斑或者在午市光顧會較為合適最後，希望名菜芥蜜脆皮原隻咸豬手會加以改良在調味和醬汁上多加功夫令下次再光顧時有更佳的評價

難得星期日打算搵啲好味既野食安慰下自己，記得有間叫大蕃薯既餐廳好似係賣好多有蕃薯既野食，於是就特登係聯和墟落車去食喇。入到去，一個比較大既waiter就冇乜誠意咁接左我去張枱度，冇所謂啦，香港有好多餐廳都係咁。之後睇個餐牌，好似冇蕃薯既食野啵，唯一見到有「蕃薯」兩字既就係個蕃薯奶茶，跟餐加13蚊。然後全部餐都有肉，咁冇乜所謂啦，反正我一星期比自已兩日可以食肉，所以就叫左個香芧牛肉菜飯，加杯凍檸水少甜。哇！個牛肉飯咸到乸脷既發生乜事，菜又真係冇乜，希望 貴店下次唔好放個菜字等我以為個菜份量會正常啲。個飯好油，真係好油，油到好似一個人幾日冇洗面咁油。最好既就係杯凍檸水少甜，又真係會少（好多食店少甜都係好甜）。最後半碗飯都食唔到就埋單…好傷心啊我既期待都掃地了。

粉嶺有一間很出名食蕃薯食品的餐廳，而且很多報章雜誌也有宣傳其健康食品，於是就同朋友去拜訪一下這間好多人介紹及推介的健康食品店食晚餐，怎料食完後大失所望。可能太夜去到，晚上八點鐘到達時沒有太多人在店在用餐。同朋友坐下後點了焗飯和西式晚餐各一份。先送上既係有牛展既羅宋湯和大蕃薯自家製法包。羅宋湯造法叫做正宗，因為有牛肉，但味道則很淡；健康食品而言，這是可以接受。至於自家製法包，則只有一個評語「食之無味，棄之可惜」 。去到正菜「原味茄醬甘薯焗牛柳粒飯」和「紅酒燴牛尾配雜菌菜飯」，同朋友食完後既感想係……好咸。健康食品可以接受淡味，但真係接受唔到咁咸囉！先講「原味茄醬甘薯焗牛柳粒飯」，出奇地牛柳粒多過蕃薯，食完後都可以數得出食過既甘薯數量約四粒左右，真係唔知食買既蕃薯價錢係咪貴過牛柳多多聲；至於茄醬，偏酸程度有點兒那個，不是每一個人也接受得了。另外，焗飯既牛柳粒真係咸到無朋友，食左要飲太量既水中和返。另一邊既「紅酒燴牛尾配雜菌菜飯」亦不遑多讓，牛尾和雜菌飯同樣咸到無朋友。同一節牛尾燴到可以一邊很「瀡」，一邊可以很「韌」，好Amazing呢！雜菌飯好乾身同硬，亦不是每一個人也接受得了。整體而言，