大茶飯 (將軍澳中心)

營業中

休息中

見係小芬女有份開，經過就試吓不過，個人覺得都幾伏.....餐廳以「經得起風浪先食得起大茶飯」做hashtag藍、白色簡約style係幾舒適不過服務就麻麻大茶飯雞扒配迷你肉燥飯 $39兜飯都唔算迷你嘅，不過味道麻麻，唔太肉燥，味偏淡，雞扒唔夠脆，肉又唔夠嫩必食麻辣雞中翼 $38真係勁辣！麻辣味好重，怕辣真係唔好試.....單骨雞翼其實都幾呃秤.....

行過見到無乜人龍，就打算簡單解決晚餐。俾佢既飯吸引左，款式都多。叫左台式牛肉配白飯。小食唔貴，見隔離枱食就心思思要左個酸辣貓耳朵。男朋友叫左車仔麵，不過當晚好多餸都無，令人失望。貓耳朵到，偏辣既，我食得辣所以覺得都幾正！男朋友要左車仔麵。個麵叫17歲的麵，其實係好普通既撈麵。牛肉，牛肚正常。呢個價錢我會推介四爺車仔麵。台式牛肉飯同我諗既好唔同。抵讚係菜量同顏色多，望落幾繽紛。牛肉都幾腍。不過佢個菜既醬汁多到一個點。加上白飯唔係另上，所以基本上係汁飯，感覺好唔健康。價錢唔算好貴，不過性價比唔高。雖然食物上黎靚靚地，不過好難回頭。

餐廳係商場最入位置，清新文青風格，以白色同灰藍色為主，大約有四十個座位左右，食物環境質素都幾好，難怪到九點仲見到有人排隊等入。啲菜式名都幾特別，好襯個店名個種霸氣。今次三人行，叫左四樣野，每人大約$75。17歲的麵 配 豬頸肉同芝士丸 $47餐廳推介嘅撈麵，麵質爽口輕盈唔油，味道可揀辣唔辣，而配料豬頸肉有成七塊，配送湯好香又唔太咸，加左蔥花好清新。味道有啲似以前係學校食麵嘅感覺，會唔會因為咁而叫17歲的麵呢。長江後浪煎蠔餅 $78 有好多粒蠔，有成十幾廿粒，而且無腥味。煎得岩岩好，唔會好淋好濕，邊位仲煎到脆脆地，中間煙韌，配埋泰式辣醬好惹味。台式肉燥飯 $38分量好多，而且肉燥分量同一般餐廳比多好多，味道好濃，配飯食真係一流。乘風破浪鹽酥雞 $45有成十幾粒雞，真係炸到酥脆效果，雞肉唔乾身，又唔會太咸，無油膩感。

中午約了媽咪行將軍澳中心， 這裏好似一個迷宮， 永遠有行不完的商鋪。 行到很攰的時候， 經過大茶飯門口， 餐廳裝修清新舒適， 所以吸引了我們入去食下午茶，順便休息下。 現在寫食評的時候才知道這間台式料理是美棋bb開的， 這裏除了有台灣食物之外，還有台式車仔麵， 很多選擇呢！ 我們點了下午茶餐大大塊豬扒配迷你肉燥飯+ 冬瓜茶$41， 滄海遺珠（ 湯水餃）$38， 炸花枝丸$35，皮蛋豆腐$35， 滷水拼盤$62， 百香果小農紅茶$25。大大塊豬扒配迷你肉燥飯～ 估唔到咁大碗喎， 絕對不是迷你😂， 豬扒厚切好入味， 肉燥飯絕對是食極都不厭的。皮蛋豆腐～ 豆腐如果可以再滑一點比較好。滷水拼盤～ 滷水拼盤有雞翼，豬耳，豬大腸，牛肚和蘿蔔， 每一樣都滷得好入味， 我最喜歡豬大腸和豬耳， 又淋又入味。炸花枝丸～ 本身想點鯪魚球可是買曬了，所以點了花枝丸， 花之丸口感煙韌彈牙。滄海遺珠（ 湯水餃）～ 一碗有四隻水餃， 餡料是韭菜豬肉，湯底幾清。冬瓜茶～ 清熱解渴， 非常好飲。百香果小農紅茶～ 甜度適中， 飲的時候有陣陣的百香果香味。大茶飯的食物份量很多又幾好味，足料抵食， 座位舒適， 但今次沒有試到

好耐冇去過將軍澳中心咁啱有事要經過就喺附近睇吓有啲咩食啦。聽講啲人話大茶飯係美琪BB開嘅一間台灣餐廳於是就入去試一試明星開嘅餐廳質素又如何呢。餐廳嘅裝修係非常之舒服嘅係一啲清新嘅風格以藍色白色做主題睇睇個餐牌選擇都非常之多，三心兩意嘅我真係有選擇困難症有咁多嘢都想食嘅時候。呢度嘅車仔麵嘅配料同埋面底湯底都有非常多嘅選擇全部都有一啲台灣嘅特色嘅尤其是新竹米粉淮山麵等等。不過當日嘅我呢就好想試吓受大家歡迎嘅手工湯水餃呢一個名為滄海遺珠嘅手工湯水餃其實係一個豬肉菜餃嚟嘅菜肉嘅比例非常之均勻而且皮薄，裏面嘅餡料絕對唔馬虎非常之香口食四隻都已經夠晒飽啦另外我仲叫咗一碟櫻花蝦炒高麗菜:佢嘅碟頭非常之大。呢一碟高麗菜非常之香口令我吃過不停，櫻花蝦再加少少炸蒜炒落嚟嘅味道令到成個高麗菜香氣提升而且又炒得夠火喉入口熱辣辣清甜爽脆

今日在家中煲劇，到晚餐時間又不想煮飯，就落去樓下商場搵嘢食，將軍澳中心裝修工程之後開了一堆食肆，今次就去咗間叫「大茶飯」，門面裝修很開揚以白色爲主，人多但有空間感，2個人不用等就有位，餐牌有很多選擇，點了車仔麵，雖然價錢比一般車仔麵貴了小小，但勝在環境乾淨企理，難得車仔麵都可以咁專門，就豪啲啲啦，我們每人都點了幾個餸，每加一個大約加十零蚊咁啦，店員推介長江後浪煎蠔餅，個名幾特別，味道方面蠔仔好新鮮，煎過熱辣辣還保持蠔仔半生熟，蛋餅很煙韌和蠔仔一起吃很好味不老，值得推介。車仔麵麵條很彈牙，牛腩和各種餸都好新鮮美味，高質車仔麵。

Park Central seems to have finished it's renovations and a number of new restaurants have popped up. One of them we decided to try is 大茶飯 (English name: Tai Cha Fan).  A restaurant serving Taiwanese eats at a reasonable price.The restaurant had a nice blue and white design. I noted they had places to recharge your phone.Menu is in English and Chinese. They offered various Taiwanese items and cart noodles as well. You pay on your way out.We decided to order a few items to share.Started with drink

將軍澳大茶飯，自選車仔麵，車仔麵單食要$42以上，我選擇淮山麵$15，淮山麵很爽滑不易折段而且是很健康食物，炸魚旦3粒$12，爽口彈牙無腥味，清甜蘿蔔(2件)$8，都大大件而且好腍身清甜，金針菇$9 ，無咩特別同平時食的一樣，豬骨湯底，唔錯有濃郁的豬骨味，還可以免費加沙嗲汁。乘風破浪鹽酥雞(小食)$45，鹽酥雞下面有一堆椰菜可以幫助吸油，食起來就無咁油膩，雞肉不鞋仲好熱帶有脆口，細細件可以一口一件剛剛好，有一碟醬汁可供點雞用。清炒A菜$58，是油麥菜炒得很有鑊氣但油多左D，上面鋪滿蒜頭，蒜頭是生炒和炸好各一半。自家手工鯪魚球(小食)$38，這個鯪魚球比較實肉，而且好大粒，有鮮魚味又彈牙，$38有4粒好平食得過。凍檸檬🍋薏米水$20，薏米有1/3杯，好足料而且檸檬又多，好有檸檬薏米味，材料夠所以好好味。黑糖芋圓仙草凍2號$43 ，內有:綠豆、紫米、仙涼草，真珠，芋圓、少許花奶，仙涼草很滑，加上綠豆和紫米煮得好腍，這款糖水都可以食飽肚，食材太豐富，值得一食！👍👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

將軍澳最近開咗好多新餐廳，梗係要逐間試吓，見到呢間台式車仔麵裝修好靚，好多雲石枱 座位又夠闊車仔麵有好多配搭，先揀面底，再揀配料湯底醬汁，選擇多到真係考起我，我都睇咗好一陣先揀得到🥢17歲的麵😋試吓佢個招牌淮山拌麵，中辣嘅醬汁唔算太辣，而且個醬汁唔係算係麻個種，而係香辣😂 而且預先撈勻晒，好方便，淮山麵都好掛汁👍🏻 另外叫咗麻辣鴨血、蘿蔔同牛柏葉，值得讚嘅係牛柏葉好彈牙、鴨血都入味🥢新竹米粉豬骨湯車仔麵食台灣野梗係試吓新竹米粉，果然新竹米粉唔會容易變淋，夠爽口👍🏻 而豬骨湯底果然係每日新鮮熬製，冇咩味精，食完成碗都唔會覺得好口渴！另外叫咗鮮牛肉、魚片頭、蘿蔔、豆卜，蘿蔔夠淋冇渣，其他就表現正常😋🥢 長江後浪煎蠔餅蠔嘅份量好多 而且都好新鮮 冇沙好乾淨！ 都煎得好香口好脆 而且好細心咁下面有放椰菜絲 所以食落唔會太油🥤桂圓紅棗茶+檸檬薏米水桂圓紅棗茶好足料 味道好濃 夠哂養生 推薦！檸檬薏米水嘅薏米都好足料 而且都仲好有咬口！🍨黑糖芋圓仙草凍2號最美梗係要食返碗糖水 芋圓紅豆綠豆同珍珠份量都多 兩個人分都夠😋

經得起風浪先食得起大茶飯！小編首選是招牌17歲的撈麵加麻辣鴨血！好少可車仔麵會有鴨血，其實味道吾算辣，好惹味，吾會腥。食物材料的質素高，食過幾次，都好新鮮，蘿蔔都好清甜，仲無渣！都試過有湯汁的車仔面，不過還是較喜歡撈麵的味道，較入味。價錢算係附近餐廳較便宜的一間！平日食就更化算，Lunch set送埋野飲，夏天之選，當然是薏米水，去濕清熱啦！平日都多打工仔黎食，週末更是差不多滿座！餐廳環境設計走簡約風，主要木色調系，予人清新的感覺！本身不太看得明白logo設計，但睇完他們的口號就明白了是代表風浪！經得起風浪先食得起大茶飯！

我在某兩次在該餐廳食飯時，都有同一名員工一直在多管閑事。該名員工已上了年紀，兩次都改餐廳用餐時，都是該名員工在多管閑事。例如其中一次，本人因為太餓，所以在獨自一人的情況下，下單點了一份車仔麵套餐以及一份飯餐。雖然其他客人都投以驚訝的目光，但是這是別人的是我管不了，但該餐廳的一名員工(阿姐、特徵：男仔頭有白髮)一直投以驚訝的目光，而其他員工沒有這個情況。麻煩拿出一點侍應的專業工作精神好嗎。但在撇除該名員工的因素下，產品價格正常，而且食物質素一流，除了在繁忙時間內可能等候用餐的時間較長外，在其他任何情況下，表現都非常優秀。

每當在工作上有困難，都會找朋友傾訴。這次選擇一間新開的台式料理店，店內環境很光亮和舒服，餐廳菜式很盞鬼，而食物有台式及港式風味，讚👍——————————🔸當花雕遇上雞 $88雞肉很滑，充滿花雕酒味，估計店家浸了一段時間，令雞肉變得好香又入味😍🔹滄海遺珠（手工湯水餃）$38餃子皮很薄，餡料是豬肉和菜，隻隻飽滿足料，調味亦剛剛好，不錯～🔸狂蜂浪蝶蚵仔酥 $88蚵仔份量很多，炸得香口，用上椒鹽煮變得特別惹味。店家提供泰式雞醬，帶給食客另一種味道👍🔹蛤蜊絲瓜 $88材料有菇，蜆肉，絲瓜和洋蔥，再加上九層塔，香氣滿分，整個配搭非常夾！朋友特別愛食這道菜，健康又好味。🔸17歲的麵（養顏花膠扒＋秘制豬頸肉＋麻辣鴨血）$67這個拌麵可選擇辣度，因為不能食太辣的關係，故點了小辣。花膠用了蠔油煮過變得入味，鴨血有點辣，豬頸肉煎得香口，整體不錯😋

每當在工作上有困難，都會找朋友傾訴。這次選擇一間新開的台式料理店，店內環境很光亮和舒服，餐廳菜式很盞鬼，而食物有台式及港式風味，讚👍——————————🔸當花雕遇上雞 $88雞肉很滑，充滿花雕酒味，估計店家浸了一段時間，令雞肉變得非常香及入味😍🔹滄海遺珠（手工湯水餃）$38餃子皮很薄，餡料是豬肉和菜，放入口飽滿，調味亦剛剛好，不錯～🔸狂蜂浪蝶蚵仔酥 $88蚵仔份量很多，而且炸得很香口，用上椒鹽煮變得特別惹味香口，店家亦提供泰式雞醬，帶給食客另一種味道👍🔹蛤蜊絲瓜 $88這個菜式用了九層塔煮，而材料有菇，蜆肉，絲瓜和洋蔥，整個配搭估唔到這麼夾，朋友特別愛食這道菜，健康又好味。🔸17歲的麵（養顏花膠扒＋秘制豬頸肉＋麻辣鴨血）$67這個拌麵可選擇辣度，因為不能食太辣的關係，故點了小辣。花膠用了蠔油煮過而變得入味，鴨血有點辣，豬頸肉煎得香口，好吃😋

同朋友係將軍澳中心行行下街肚餓，咁啱見到呢間“大茶飯”，睇個菜單好似幾多選擇，所以就決定試下啦！菜單上面有超多選擇，可以自選車仔麵，都可以選擇其他台式食品。我同朋友最尾點左4個菜同兩杯凍豆漿既。【大茶飯雞扒配白飯】整體賣相非常唔錯，份量都非常足夠。雖然話係配白飯，但係送黎個陣飯係連埋肉燥既。肉燥味道非常不錯，用黎送飯一流。雞扒外皮酥脆，雞肉醃製入味，食完會想再叫多塊！【台式肉燥飯】同其他舖頭最唔同既係呢到啲嘢事份量都好足，唔洗驚食唔飽！呢個肉燥飯同上面提過既唔同係有多一隻鹵水蛋既。肉燥味道香濃，連埋蔥同芝麻食更添風味。我朋友係細食人士，食呢個都食左大半碗！【鳳梨蝦球】呢個菜有好多蔬菜，例如菠蘿，洋蔥，生菜等等。炸過既蝦球加埋酸甜既沙律醬，開胃黎講簡直係一流！蝦球表皮酥脆，蝦肉彈牙，加埋啲點過沙律醬蔬菜真係幾好食架！【狂蜂浪蝶蚵仔酥】一黎到嗰下我同我朋友都驚食唔曬！雖然話底有啲係菜鋪墊，但係整體黎講都好多粒蚵仔酥！蚵仔酥略嫌偏鹹，但整體仍然唔錯。總結，呢間舖嘢事唔算太貴而份量都好多，如果下次再黎將軍澳中心的話我絕對會再黎幫襯！

聽聞美棋bb的餐廳新開張，主打台灣菜，所以一點也不貴，作為粉絲我當然要去捧場。食物：芝士蘑菇釀雞翼$48這個用奶香頗濃的芝士釀入雞翼之中，加上蘑菇，甜甜的香味比釀入豬肉更好吃大大塊豬扒$45相當肥美的一塊豬扒，還預先切開，好滿足！滄海遺珠（湯水餃）$384顆湯水餃放在甜甜的湯裡，連著湯一起吃才試到其真味。清炒A菜$58好大碟油麥菜！加了蒜頭炒香，沒有多餘的菜渣～大茶飯炒河$68少有地用上牛𦟌跟牛肚加入炒河，這些部位比平日的炒河牛肉更爽口彈牙！可惜的是，沒有見到美棋bb呢！