大茶飯 (將軍澳中心)

營業中

休息中

週末除了是親子時間，亦是與朋友聚一聚的時光。小火子最近愛上了踏單車，將軍澳亦成了我們經常出沒的地方。剛好朋友說要在將軍澳聚一聚，更要帶我們去食大茶飯。大茶飯其實是位於將軍澳中心的台式餐廳，現在更有一人一鍋的打邊爐，打邊爐是小火子最愛呢！我們點了台式和蕃茄湯底各一，每個火鍋的份量也不少，而且價格十分親民，每個鍋都只是大概$100，配料料可再追加，連鴨血也可以點呢。喜歡香口食物的我，就十分欣賞鹽酥雞與酥炸蠔，小火子超愛這個鹽酥雞，不停吃了很多塊！酥炸蠔用的是製作蠔餅的小蠔，十分鮮味。惹味的小吃是一班朋友邊聊天邊吃的最佳拍檔。雖然已吃得很飽，但吃甜品仲有多一個胃，火箭爸的檸檬愛玉十分fresh! 而我點的芋圓仙草配紅豆除了賣相讚之外，也十分真材實料，不會太甜好吃！吃埋甜品就讓這個飯聚完美了。如果大家帶完小朋友去將軍澳玩，推薦大家去試試囉。幸福的話，可能有機會會遇上老闆娘美棋BB啊。

決定入黎呢度試下, 然後叫左：~~~~~~~~~~~~~~~~~~【花雕嫩雞麻香拌麵 ($62)】雞肉嫩滑, 份量都多, 雖然入味但唔夠熟(出血太多)P.S:希望能改善下, 不要靠快。~~~~~~~~~~~~~~~~~~【黑糖芋圓仙草3號 ($43)】食完覺得不錯, 有機會下次會再黎食~~~~~~~~~~~~~~~~

雞排配豬油飯見到有得加5蚊轉豬油飯咁當然試一試啦，雞排有好香既香茅味而且炸得岩岩好，有肉汁而外皮夠脆，豬油飯冇想像中咁濃味，感覺上冇咁肥膩同埋成口油既感覺，都值得一試!櫻花蝦蝦球粥櫻花蝦同埋蝦球既量都幾多，蝦球爽口彈牙，加埋粥食好有鮮味，另外蔥、花生同埋油炸鬼都係另一碟上，自己想加就加。個粥底都唔錯幾綿同埋水既比例都適中!煎蠔餅好傳統台灣既蠔餅，蠔仔係中間而蛋就係側邊。蛋煎得夠香又唔會太老，加埋蠔仔都好新鮮冇怪味，仲有跟埋既辣椒醬都好開胃，鍾意食蠔餅既要試下啦!黑糖芋圓仙草凍2號最後食咗呢款糖水，其實都真係好足料，有紅豆、綠豆、珍珠、仙草、芋圓同埋少少花奶，量夠多而且都係煙韌唔會粉哂既，甜度亦都岩岩好，下次經過就咁買個外賣糖水食都好滿足!

下午茶去食，兩個唔同嘅店員都充滿自信咁落錯單，一句道歉都冇，自問講嘢唔係細聲，講得清清楚楚H餐鹽酥雞，第一個落咗D餐豬軟骨，第二個落F餐吉豬，個阿叔覆單答F餐個陣我提咗佢係H餐鹽酥雞，佢同收銀廚房都係話F餐，我openrice 搵返張tea set menu 放大指住問佢，係咪幫我落返H餐，佢兇我話咁而家要F定H餐🙄🙄韮菜餅係炸嘅，台式呢款叫韮菜餡餅，應該係煎嘅，味道不過不失，只係貪方便唔正宗，唔算難食鹽酥雞味道幾好，但都係廚房貪快，切到啲雞太細嚿太碎，入面乾爭爭，外貌似人地食淨，好唔吸引最難食係肉臊飯，嚴重懷疑個廚唔識分醋同豉油，或者冇食過台灣嘢，成兜嘢酸酸宿宿，我淨咗大半碗啃唔落黑糖珍珠豆漿冇乜特別，唔值得加15蚊

近年越嚟越多明星開食店，美棋BB都唔執輸，喺將軍澳中心開咗間台式餐廳《大茶飯》！台灣嘢我成日都淨係識食肉燥飯、鹽酥雞呢啲，呢到菜式包羅萬有，名字特別。我哋就叫咗個台式一人火鍋同「17歲的麵」👅17歲的麵 ($23)• 風浪三波（牛丸、魚蛋、勁爆芝士丸） ($12)• 牛柏葉 ($14)• 生根 ($9)「17歲的麵」係餐廳嘅招牌，麻辣味道嘅拌麵加上經典配料，讓大家回想起自己人生嘅「17歲」、青春🥰麵身彈牙，帶有微辣刺激，配料自由配搭🤪養生花膠鍋 ($128)• 肥牛片/白肉片、黃金蝦天婦羅、花枝丸、蜂巢豆腐、炸支竹、清甜蘿蔔、雲耳、金針菇、冬菇、唐生菜、稻庭烏冬曾經一講「一人火鍋」就會諗起某連鎖日本食店，但原來外邊仲有好多好多選擇😆呢個養生花膠鍋相當足料，花膠大大塊，仲要一啲都唔孤寒！另外其他配菜都好夠份量，又新鮮，正正正👍面醬炒白菜仔 ($63)白菜仔新鮮爽口，味道偏咸。波濤洶湧奶茶 ($25)呢杯飲品就有啲遜色:< 「波濤洶湧」但珍珠唔算好多，而且偏硬；奶茶偏甜，尚有茶味。-Menu:

今晚探索將軍澳中心嘅‘food corner’，雖然地方有少少隱蔽，但大茶飯係眾食肆裡面裝修得最清新嘅一間，台式文青小店。今晚試咗雞扒肉燥飯同花雕雞麻香拌麵。雞扒肉燥飯嘅雞扒炸得有少少硬，上面有啲香茅絲，味道偏咸，但佢配咗個幾好味嘅青瓜粒，都算唔錯。拌麵出乎意料地好味，有咬口（嚼勁），有好少好少麻辣味，而個花雕雞係完全無花雕味（我隔離嗰個話有少少，但完全唔覺），亦都無醉雞味。翼位碎骨比較多，但肉質算嫩。雖然唔係想像中咁但都唔係唔好食，味道幾特別。另外一杯珍珠奶茶（記得叫少甜？）都有驚喜，我唔鍾意甜野，但佢個黑糖入到口非常醇厚兼滑，有少少苦味，唔係齋甜。整體嚟講都算唔錯😋

走到將軍澳中心這邊才發現這間餐廳大茶飯。這是一間中菜台灣菜，已有好幾個食客在排隊，menu看起來款式不錯，一於試試。🌈花雕嫩雞麻香拌麵 $62一整碟送到眼前，賣相擺碟吸引！雞肉嫩滑，份量不少，啖啖肉味道入味。麻香拌麵比我想像中的稍辣，面上撒港花生碎增添層次，麵不只辣，還有麻的感覺，喜歡吃辣的朋友會吃得過癮！🌈自選車仔麵 $54 友人選了車仔麵，不只菜式選擇多，連麵的選擇也多！友人選了淮山麵，點了魚蛋魚片頭金錢肚，配上豬骨湯和沙爹汁，每一樣都可以自己選擇。味道不錯，份量十足，值得一試。🌈蒜香雜菜 $68 滿滿的西蘭花椰菜花，蔬菜新鮮，炒得好食又不會太咸太油膩，一下子被我們吃清光。🌈養生紅豆紫米糖水 $32 點品是紅豆糖水，不是煲得綿爛那種，糖水偏稀水，不會太飽肚，不會過甜，個人頗喜歡。食完覺得不錯，下次會再來吃！

其實附近求其食都冇話要咩高要求，只係希望食物價錢可以符合翻個質素，講真呢碟飯牛腩偏咸，肉又鞋，最重要係飯一patpat爛到好似食糊仔咁，我去街市食，價錢只需大概呢度嘅三分二，但係都好食過呢度不過好彩，只會上一次檔，選擇權在消費者手上希望老闆可以學下點樣煲飯，唔理好食唔好食，起碼可以入到口先，再拎岀嚟賣咁先可以對得住自己個招牌同賣到咁貴嘅價錢環境方面就唔評論，因為香港地方狹窄，如冇太大問題一般我都冇咩要求，所以理解

將軍澳站與多個大型商場相連, 而今日就首次再踏足大裝修一番後既將軍澳中心。除左多間品牌商店, 就連食店都不少, 行到較盡頭位置, 見到呢間"大茶飯", 主打台灣料理, 仲係香港藝人美棋BB所開設。雖然我唔係佢fans, 但總想一試!餐廳面積不大, 設有室內同"半室內"座位, 未知係咪出面既座位都以中央冷氣為主, 冷氣唔多夠, 坐左陣已經有d焗。  Menu上一般台灣料理所食到既都有, 更有自選台式車仔麵,  先來兩個小食【芝士蘑菇雞翼】HK$48雞翼表面炸至金黃香口, 而且脤卜卜, 入面既芝士同蘑菇比例平均, 口感+味道一流!! 【乘風破浪鹽酥雞】HK$45似乎是即叫即炸, 非常香脆。每粒鹽酥雞都細細粒, 剛好一啖一粒, 表面不油膩, 內裡juicy, 肉質很滑又入味。【大茶飯炒河】HK$68類似港式既乾炒牛河, 不過牛肉就以牛肚所取締, 牛肚好林, 整碟河粉炒得好有穫氣又夠濕, 夾集芽菜、香蔥、炸蒜等等...香口又有層次!【滷水牛鍵麻香拌麵】HK$62滷水牛鍵極林, 拌麵帶少少麻醬味兼有少少辣, 惹味! 另外再有一碗清湯, 有助解解口中既辣。最後當然要order埋甜品【黑糖芋圓仙草2

11月10日下午1:15分於門外等位，見門外有椅放置，故叫兒子先坐低等。但有員工大聲閙啲椅子不能在店外坐(再加大反眼)。最後唔等即走，去另一間食。做餐飲壓力大，但唔需要對小朋友及客人這麽匈狠！

餐廳在將軍澳開業有一段時間，平日收工便和男友來試試看！餐廳環境明亮舒適，頗有空間感。如果想約住附近的朋友吃餐便飯，這裏便適合不過了。吧枱位置還可以有USB叉電呢！餐廳有不少必食推介，本來我們想點滄海遺珠（手工餃子🥟），但是已經買清光了！😭下次一定要試試看。芝士磨菇雞翼$48雞翼去骨，釀了蘑菇及芝士，再炸得香脆！奶滑的雞肉配上溶化的芝士及鮮甜蘑菇，這個配搭很好吃！啱晒我呢啲懶人！🤩自選車仔麵$46餐廳的車仔麵配料及湯底選擇繁多，有選擇困難症的我看了良久才下了決定🤣🤣🤣車仔麵雖然簡單，卻頗有驚喜。麻辣鴨血入口非常惹味，鴨血爽口！拌麵一流。菠菜嫩綠，味道清甜，是健康清新之選。本來沒有想過要魚片頭，但是看到鄰座在吃，賣相吸引，便跟着叫。魚片頭果然非常爽甜彈牙！幻麵有嚼勁，湯底是番茄魚湯，味道清甜。台式炒米粉$58👍🏻👍🏻👍🏻👍🏻新竹米粉一點也不黏牙，米粉不但炒得極有鑊氣，而且充滿醬油香。配料有香蔥、洋蔥、蘿蔔絲，增添口感。🥰有驚喜！不錯！檸檬薏米水$22天氣轉涼，來一杯滋潤的薏米水就再好不過了。薏米水清甜潤喉，加上檸檬，更感清新。燕麥綠豆湯加芋圓$38綠豆湯甜到恰到好處，燕麥綠豆軟糯，芋圓有四

尋晚去完科大，搵左好耐郁搵唔到食咩好，搭726m到將軍澳中心1樓見到大茶飯裝修唔錯，咁就入去試下啦。點知食完就決定要比個食評它，首先d 伙記十分友善同主動，有介紹下食咩，之後好快食飯就到。價錢亦十分實惠，6x就有咁大碗飯同小食。豬扒好味又唔太油，噪肉好有台灣味道！！食完我仲有試他們既甜品，紅豆紫米芋圓，好味，又唔算好甜，芋圓都算多粒！絕對係將軍澳既好選擇，果度多食肆但好多郁好貴，要揾間唔過一百有飯小食同甜品真係好難得！

搬來將軍澳原來已經有半年多的時間，一係在家煮一係出街食 但發現了將軍澳區滿多台式餐廳，不知是否想打造一個新式台灣在將軍澳呢上次來到將軍澳中心也嚐了其他餐廳的台灣麵，今次來品嚐台式菜色，據傳大茶飯是藝人美琪開的餐廳，在晚市其間人流滿多的 枱上配上辣椒油，辣搾菜 看見大部分客人都選擇了車仔麵，但我來是想品嚐不同的小食，所以2人只order了一碗車仔麵，職員也溫馨提示最少order$42 上菜也相當的快大大塊豬扒 $45 原塊豬扒用上了香茅醃制，薄薄的一層粉，外脆肉質鮮嫩 長江後浪煎蠔餅 $78 用上好多蠔，好入味，不是潮式的蠔餅，口感是煙韌的另配上了泰式辣醬車仔麵 粗麵$12 滷大腸$12 秘製辣魷魚 $14 風浪三波$12（牛丸，魚蛋，勁爆芝士丸）豬骨湯+秘制辣汁粗麵麵質彈牙，丸類也彈牙但沒有什麼特別滷大腸夠淋夠入味，魷魚就未夠味道可能浸了在湯內自家手工鯪魚球 $38 大大粒鯪魚球，非常有魚肉味 一客4粒 好滿足滷水蛋 $38 一份3隻的蛋，也很入味 但建議車仔麵可配上滷水蛋，一人或二人也可以order此蛋 台式紅豆冰 $22 紅豆冰不只有紅豆還配上了珍珠，珍珠口感煙韌帶上了黑糖的味道

Another Taiwanese restaurant in Tsueng Kwun O district, and this one is opened by a local female artist. A friend recommended it for a meal together, so I got to try it out.Tea set options look great, and they are reasonably priced.I got Set H with a cup of Soy Bean Milk (without added sugar). This Crispy Popcorn Chicken with Braised Pork Rice was very nice. The portion of rice was far much more than expected. The braised pork was good and flavored, not too fat. And the popcorn chicken pieces we

近年來越來越多台灣餐廳，但水準方面出色嘅冇幾間，呢間亦都不過不失，只能夠話冇驚喜但都唔會失望。聽講仲係美琪BB開嘅，試咗個滷肉飯味道真係普普通通，如果要繼續有回頭客可能要諗諗辦法