大興餐廳 (第尾牛扒)

營業中

休息中

我都唔知有幾多年冇去扒房喇，呢晚老友話想鋸扒，話呢間好食唔使等咁就去啦，點知要係樓梯排隊，如果要坐卡位就要等耐Ｄ，我地４個人唔揀卡位會坐得鬆動Ｄ，所以今次等左２０分鐘已經覺得快喇。入到去，佢地係熟客仔已經極速諗到要乜野餐，我就要等到佢地點哂餐上到枱先諗到食乜，我真係有選擇困難症架哩！！呢晚我地４個點左以下食品：① 晚餐F：鐵板肉眼牛扒配黑椒汁、鮮油餐包、羅宋湯、凍檸茶 (84)② 晚餐G：鐵板西冷牛扒配黑椒汁、鮮油餐包、羅宋湯、凍檸茶 (84)③ 雞絲湯米粉 ($42) + 鮮油餐包、羅宋湯、熱咖啡 ($24)④ 晚餐A：鐵板牛仔扒配蒜茸汁、鮮油餐包、羅宋湯、凍檸茶 (72)Total = $30610% Service Charge Total = $336鮮油餐包：本身個餐包已經有牛油味，唔使額外塗牛油食都得，不過個包實的的嘅，麻麻地。羅宋湯：睇落好稀，但又估唔到味道幾濃，有好多椰菜，也有牛肉碎、甘筍同西芹，都幾好味喎！鐵板肉眼牛扒(黑椒汁)：有２塊大肉眼扒，厚身唔韌且嫩，唔錯；扒下面有好多雜豆，冇雪味唔經食得落，則邊有厚切薯條，唔脆又腍....。鐵板西冷牛扒(黑椒汁)：黑椒汁唔辣

改名改得冇錯...「第尾」牛扒...冇必要吾洗試...員工態度差劣...牛扒又硬...叫4成熟就比78成熟...食野既人都廢事換過碟...廢事加料啦...都係哥句未試過吾洗去試...完

侍應服務態度差!我叫左眼眼扒(等左好耐),問個女侍應有冇漏單?對方態度惡劣。而且牛扒質素亦欠佳,叫左7成熟點知血淋淋..😞D黑椒汁偏鹽!埋單果陣仲俾個男侍應迫俾(貼士),我見已經有收加一服務費就冇俾,點知對方黑晒臉,仲將找續返黎既硬幣潑去檯面俾我轉身走。真係吾會再去第尾食了。餐廳冇改錯名。食物質素第尾,侍應服務質素第尾。

本來想去金翠食，但太熱啦，唔想行，就來咗呢度食，上到去，裝修勁殘舊，又黑蚊蚊，坐低就問湯，要左羅宋湯，叫左兩個肉眼扒，5成熟。羅宋湯好似水，唔濃鬱，無乜味。牛扒來到8一成有多，要左黑椒汁，唔辣又唔香，只得鹹字，牛扒拿得太犀利，仲有陣梳打粉味，失敗，餐茶就一般。難怪叫第尾，真係第尾啦😖

其實我細細個就成日去E間餐廳, 果時重有個甜品, 多數係青檸味JELLY, 果時真心覺得好抵, 之後加價同冇左JELLY, 就少左食今次去到, 叫我每次都食既鐵板肉眼牛扖, 5成熟, 黑椒汁先黎一個紅湯, 辣辣地, 足料, 口感豐富, 飲落唔太酸, 肉味濃郁, 非常開胃, 好多地方都做唔到,再黎餐包, 夠軟, 叮一叮熱熱地, 加埋牛油, 好味食到一半就會有呀哥底呀姐問你飲咩, 我就多數叫凍檸茶,夠茶味, 唔澀, 正是日非常滿足, 好懷念以前同屋企人一齊黎食 

食過10次以上,但近3次係一次比一次差今日叫肉眼扒,肥仔侍應第一次比錯左羊我當然彈第二次上,佢自己口講西冷,我話:吓,我叫肉眼,佢即轉口話係肉眼....又當我白痴,冇錯,係又,上次黎又係呢條肥仔比錯,又係用呢招先問你要乜,然後佢就會轉口話呢個就係上次仲要見佢係其他枱都用呢招其實價錢就一樣,好,算~ 餐包例牌叮熱上,湯KEEP到以前個味話要5成,例牌黎到唔係,成塊切開後至少5舊咬唔開要吐印象中~5年前係幾好食,依家....咪就咁LOR $84,埋單96PAY 100 留4蚊比你當施捨第尾已死,以後唔會再黎各位去要小心D侍應有好多個都唔憂做

忽然想食扒，行家介紹話依間野平靚正！於是專登踩轉落去試下。一入去，環境唔錯，整齊企理。落單 ~ 伙記禮貌有待改善主菜 ~ 牛仔扒，味道太濃，有根...        ~ 炒飯細得可憐 (慘過通賬！) 而且質素欠佳，欠缺香味，又係凍嘅 (無心做不如你唔好包俾我好過)        ~ 茶香奶滑，比例適中。值得一試。

這家餐廳把自己叫作第尾牛扒從來只看見爭着認第一 認第尾的還是頭一次見就從這一頓飯探討它的背後意義餐廳在一樓 電梯帶着不疏氣積下來的怪味與潮氣踏出電梯已進入餐廳 地方挺大下午時份窗戶簾子全落下 餐聽黑如K房從電梯的殘舊程度到餐廳的格局 感覺是一家舊舞廳改成的西餐廳當然這只是個人聯想侍應大叔領我們到座位去 人還沒坐下已被問紅湯還是白湯反應差點轉不過來 兩人對望一眼均表示要紅湯羅宋湯很快送上 質感比較薄 但還未至於薄如水味道上沒什麼重點好說 不過不失 主菜先上來的是焗海鮮飯說到焗飯心裡預計着是以焗盤呈現成品卻是飯菜散佈在碟上 面頭頂着一坨醬只能憑燒焦的芝士特徵安慰自己這是一個焗飯把碟子拉近自己 指頭感到黏黏的抱着不會吃壞肚子的阿Q精神勇敢吃下去嗯.......味道就不多說了 心中有數吧黑椒牛仔扒上來的時候殺氣大 煙霧狂飆濃濃的氣味撲鼻 汁料一下子已在鐵板蒸發過半頓時讓人忘了海鮮焗飯的悲痛熱騰騰的來一口 黑椒汁不怎麼辣黑椒味不突出 就是一股咸味為主牛仔扒無骨 肉質是經過梳打粉調節後的軟軟得失去扒的口感其實這個味道口感就是一貫茶餐廳做的版本對比價錢來說 質素不會讓人失望只是這樣的質素價錢比比皆是

呢間港式西餐扒店由我中學時代已開始吃，由我穿校服吃不到30元個午餐吃到現在已46元，第尾已算是加幅算少的餐廳相比起其他餐廳。中午十二點半到達不用等位，內裹人煙稀疏卡位任坐，來到一坐下便點了西冷牛扒餐$46包凍飲及餐湯，晚上才有餐包(很久前還有牛奶公司雪糕奉送)味道適中及不辣，多肉多菜若湯再濃一點就更好黑椒汁有點辣，西冷牛扒只有一塊不過肉質佳食落感覺像牛扒般軟，這份量若生女生絕對夠吃不過若是男生絕對不飽，整體水準比吃翠華好，坐得舒服(至少周圍都沒有國語人)

為左去始創拎團購經過呢條路見到一間寫住第尾牛扒仲以為睇錯 邊有人改叫第尾嫁呢間食落就覺得佢地太謙喇下午茶時間都叫得午餐兩個人所以叫左一份午餐一份下午茶午餐跟一碗忌廉湯用碟上 好濃 好潔身放左好多麵粉 但溝得都岩岩好有粟米係入邊我地見價錢平應該係雜扒餐跟飯一上台原來係牛扒餐 配上薯條牛扒都好大塊 配黑椒汁黑椒汁好濃 淋上好多汁 好香牛扒好淋約七成熟 吾會硬但要改善係把刀 太鈍一份下午餐 咖哩牛腩飯咖哩夠濃 撈飯一流 全部都你腩位冇根位 又吾會食落係渣滓凍奶茶不用另加錢 茶味夠香 又滑

昨日與家人影完相後，呀哥突然想鋸扒。所以就諗住去花園餐廳啦，點知花園餐廳條人龍長到所以就放棄左。點知比媽子見到「第尾」，話D fd話幾好食所以就去左試下。先講講佢地嘅羅宋湯，幾重胡椒味，幾香口。但個餐包就麻麻本人都係比較中意食傳統嘅餐包。再加上佢地嘅牛油溶溶地，令到個餐包冇乜口感講番個扒，D肉質好林，一食就知被嚴重"la"過，話要7成但係好明顯連6成都冇認真麻麻到飲品，我叫左紅豆沙，冇技術可言所以都ok嘅。但係有D不足嘅係佢地比我飲紅豆冰嘅飲管只係飲普通飲品嘅飲管，令到我唔可以係飲嘅同時都食到紅豆有時仲會因為D紅豆塞住左而飲唔到總括而言，唔會再去

第一次去光臨這家餐廳已是不知多久之前的事，只記得地點是於一家屬於他的已結業分店。這個第一次是令人有點難忘的，因為這也是我首次與朋友一起到這種扒房用餐。進到去坐下，有一種強烈的壓力隨即而來，源頭是來自侍應大叔。差不多坐下不夠幾秒，他已殺氣騰騰地上前向我們詢問想吃什麼，而且態度毫不客氣，讓當時年輕的我非常淆底。整檯人也是如此，口震震地落單，場面非常滑稽。這就是青春啊。當然人會長大，時至今日，我已不再是當年的傻小子。前陣子，由於發生了一些小意外，我與同一班朋友不能按計劃到某間餐廳用餐，在這個有點繁忙的時段，有什麼餐廳比較容易入座，就成了一個重大的問題。我念頭一閃，就想起「第尾」，大家沒有異議，就馬上起行。當然，正值八時這個繁忙時份，位還是要等的，但起碼不用像其他餐廳要等上半小時或以上。等了約只有十數分鐘，一行六人即可入座。不知道是我們人大了，還是服務真的不及當年勇，感覺真的與從前不同了。節奏已不如從前匆忙，而且殺氣也不復見，剩下的就只有隨歲月而黯然的豪氣。唯一不改的就是那一就一，二就二的爽快，三紅三白，黑白分明，不容有半點含糊。落單不足一會兒，一碟熱騰騰的湯已速速送到，相片一如以往拍得有點求

今晚想食鋸扒，專程開車去太子，依座大廈有兩間老牌扒房選擇，我選擇依間已經汁剩太子依到最後一間，之前食過幾次其他店覺得唔錯（幾年前），有小小情意結。       係對出馬路泊好部車係咪錶位，就行上一樓，到門口見到好幾十人排緊隊，心諗應該要放棄行程既時候，店員問我幾多位，我答佢一位，佢馬上比我入座搭枱，我坐低叫左個餐，跟住就望下周圍，暗淡既燈光，做事快速既侍應，搭枱既食客，依種先係舊式扒房既氣氛。唔到三分鐘，侍應上左紅湯+餐包比我，紅湯有小小辣，非常醒胃，餐包有整熱先上枱，搽上凍牛油，非常好食。食完再等五分鐘西冷牛扒七成熟上到枱，首先切開筋位，再切開一半，剛剛好七成熟，正！食落口無un既口感，牛味十足。切開筋位放入口，肥膏十足，更有牛獨有既「蘇」味，口感一流，之後一啖飲晒杯檸檬茶，食完比錢，多謝$86。     依餐覺得好食，至於服務：因為係舊式扒房，所以本人覺得無問題，坐位方面係舊式扒房黎講已經好闊落，而且價錢非常相而，多謝觀賞

雖然呢間係比較耐既牛扒店，以前亦有一段時間獲好評。但今次食既午餐真係令人徹底失望，叫左個A午餐，黑椒肉眼扒意粉，羅宋湯。個湯先上，味道還可以，但當中有舊好似豬腸定唔知豬肚既物體，奇怪，何解會用呢d黎煮羅宋湯？黑椒肉眼意粉，上黎時塊扒成塊俾汁蓋住，成舊都係黑色的。我撥開哂d汁，塊扒仍然係是黑色的。賣相真的很糟糕。我正猶豫要不要換，後來想想，不如先試試味，一切開，肉是鬆的，但三分一是非常韌的，是用刀切也有困難的韌。結果我食了一小部分就頂不順了。最後我叫了杯凍檸茶，要少甜少冰，結果上來時我問是否少甜少冰，個中年侍應居然說，「杯杯都係咁架喇」，難道少甜少冰是很難的嗎？連一般茶餐廳都做得到，為何對此餐廳來說，變了個異常難的要求？只此一次，再不光顧。

從未試過，見到價錢唔貴就去試下，係港式西餐廳，客人亦唔少，心諗應該ok但真係××××,先點了牛尾湯同粟米忌廉湯，牛尾湯不錯，粟米忌廉湯好水同冇味，飲左兩啖冇飲了，再來T骨扒同肉眼，叫左5成但全部10成，一pat好杰嘅汁放上面，我唔介意食汁，但有點過杰，食左一半便放棄了，侍應態度亦不太好，所以唔會同佢反映，試過一次便算了