大興餐廳 (第尾牛扒)

營業中

休息中

上到餐廳暗暗地都幾有氣氛～坐低見張枱有好多汁～講咗一句麻煩抹一抹～女員工好冇禮貌大聲咁講你唔好吹我我忙緊～其實可以心平氣和細細聲表達嘅～個個員工都忙緊㗎啦～唔通你唔使做呀之後求求其其用抹完枱隻手將D餐具隨處放叫咗一個下午茶餐包熱飲～茄汁燴龍脷柳飯、熱咖啡～茄汁有洋蔥粒、西芹粒偏酸幾開胃～龍脷柳兩大塊唔會炸得好乾～配三色豆～飯嘅份量適中～熱咖啡比較苦澀生意好好坐滿晒～客人等下都冇咩問題～不過衛生麻麻～員工態度差都幾難留客喎

復活節最後一日 心血來潮想食牛扒 成日經過都未試過 點知第一次體驗就咁失望 上到去女侍應知我一個人 居然安排一個角落位似員工用膳枱比我 當時個場唔爆 另一邊位完全冇人坐 都唔比一個正常卡位比我 其實好想即時走人 但都嚟到就忍下 16：20坐低都未睇到食咩 女侍應就不停過來問我食咩 到我揀好想落單 叫左幾次頭先嗰個女侍應先過來落單 寫單時佢同我講17：00下午茶時間完 （心諗咁講即係叫客人40分鐘內要食晒個鐵板西冷）落單時我要求西冷5成熟 答案居然同我講下午茶冇得揀幾成熟 聽完O曬咀 點完湯又會不停問你餐飲飲咩 飲品會依家上埋比你 （好似我阻佢收工咁）一早到齊湯同飲品 個鐵板西冷都等左一段時間 點知見到隔離枱2個女人 遲過我落單個扒都到左我都未到 （點解唔係睇單分先後枱上菜 仲要話我好催單 ）未食已經一肚氣 叫支喼汁都要叫2次先有 當到17：00突然有客人來 又肯開埋另一邊比客人坐 只係相差40分鐘時間 （點解一早唔比另一邊卡位比我）另一件事令我更加嬲 就係比位我嗰女侍應 自己食飯時間就舒舒服服 坐係另一邊有枱布嘅卡位坐 而我就坐左角落位 仲有佢用膳完果張枱布都唔會換過先比客 諗起都好污

星期五晚六點幾嚟到啱啱好唔使等位食到7:30到走 出邊已經排晒長龍😮‍💨勁多人食 不過又真係比平時嘅抵食精選晚餐有湯、牛油麵包同埋嘢飲羅宋湯都幾足料 真係有牛肉係入面亦有好多雜菜 都偏辣忌廉湯比較水 羅宋湯比較出色麵包唔算好鬆軟 可接受👌🏼招牌鐵板肉眼牛扒 ($114)勁大塊！叫左7成熟 有點熟得滯不過食落都好鬆軟 叫左蒜蓉汁好香 不過有點蓋過左個牛味另外有d雜菜同薯條 好飽！鐵板西冷牛扒 ($114)都係勁大塊 亦叫左7成熟呢個熟度岩岩好 都係好鬆軟同肉眼個味好似 唔係好分到😂整體份量好大 呢個價錢性價比高👍🏼

今天下午，我走了過去太子西洋菜南街 新發大廈1樓 新發大廈1樓， 第尾牛扒餐廳 午飯 。叫了一個是日鐵板午餐 ，是西冷牛扒， 配上薯條， 另外有一杯凍檸茶， 大約85元。 牛扒 軟硬適中 ，配黑椒汁， 很好味。

心血來潮想食扒，黎到太子見到第尾牛扒就入左去～上到去一樓環境燈光都偏暗，幾有氣氛，全低都即時有人服務。😍位同位之間都有適當距離！情侶拍拖都唔錯😻🔸鐵板鑊仔牛柳套餐（包餐包，紅白湯，熱飲）$113 就咁睇外表份量正常配薯條， 我地叫左5成熟，但最後出到黎會比較有小小似9成熟建議下一次會叫3成比較好～🤓牛肉口感就偏向比較軟身d，牛味都夠但口感就未必滿足到 薯條就ok 炸得出黎金黃 食落可以餐包食落同埋湯都係老餐廳基本野飲品都不過不失🥸價錢就覺得好合理 所以好多人都黎當飯堂咁食😋地點：大興餐廳 (第尾牛扒) (太子)太子西洋菜南街218-220號生發大廈1樓🔸味道：6.5/10🔸環境服務：9/10🔸推薦：7/10

六點嚟到已經要開始等位，今次食咗西冷牛扒蒜蓉汁，佢塊西冷真係好鬼死大塊，同埋燒得啱啱好唔會好韌，好重牛肉味，鐵板亦都唔馬虎睇得出燒到好熱，同埋最值得讚嘅係個汁，調味調得好好。

如果想用平民價鋸扒同體驗吓老香港情懷餐廳，歷史悠久嘅大興餐廳（第尾牛扒）絕對係你不二選擇👍🏻👍🏻餐廳嘅鐵板餐（包括牛扒）平均價錢都係一百蚊左右，仲要包埋餐包、餐湯、同埋飲品（凍飲加$3）。如果唔想食鐵板餐，餐廳仲會有其他焗飯同炒意粉選擇，減肥人士仲可以選擇沙律餐🥗🅵🅾🅾🅳鐵板肉眼牛扒 （五成熟 & 蒜蓉汁） $109一上菜，就俾牛扒嘅份量嚇親，大塊厚切，十分足料！仲配有三色豆同薯條，一個女仔去食係絕對食唔曬🙈肉眼牛扒嘅肉質會比西冷牛扒相對地淋身，外層都煎得香脆，入面肉質嫩滑多汁，牛味濃郁，口感不會太硬和煙靭，十分滿足‼️每個套餐都包咗：餐包（配牛油）餐湯（羅宋湯/忌廉湯）飲品（凍飲加$3）但畢竟八十年代懷舊裝修同抵食鐵板餐係呢餐廳嘅賣點，所以如果係重視餐廳環境衛生同服務態度嘅人就可以再三考量去唔去食🫣🫣（建議唔使咁高期望）

1.上次身邊人跟我去食兒時回憶之味，今次到佢帶我去食佢某段日子嘅飯堂。2.格局上，第尾感覺再舊式啲，有味道啲，比起去懷舊，更似穿越咗時空。3.二話不說點咗帶子牛柳鐵板，而餐湯係餐湯，餐包係餐包，唔係麗梅姐式評語，只係普普通通的委婉說法，但呢個時勢，普普通通有時都難能可貴。4.鐵板餐一上枱望落超豐富，三件牛柳、三粒帶子，全部啖啖肉，蒜蓉汁亦美味，大概就係支撐住港式西餐屹立不倒嘅重要因素。5.現場聽到多國語言，相信不少遊客都喜歡嚟呢種充滿港味嘅餐廳，體驗一下氣氛，食吓扒又食吓情懷。6.回頭指數：🌝🌝🌝🌝

每次經過太子都會見到大大個招牌，香港已經吾多懷舊扒房，兒時既味道， 肉質都好腍，仲有薯菜同蔬菜，唔錯。埋單每人百幾蚊，價錢實惠。 第尾牛扒(大興餐廳)地址：旺角西洋菜南街218-220號生發大廈1樓電話：23803938

上星期五上午突然間喺社交平台見到一個KOL食港式豉油西餐，抽起條筋勁想食，於是去咗附近嘅經典老字號 - 第尾（有人話本身佢哋招牌係寫「茅屋」）。一去到見到個樓梯燈牌已經好有 feel, 入到間鋪完全好似去咗九十年代初嘅港式西餐廳，感覺返晒嚟。order 咗個鐵板牛扒午餐 set。紅湯（羅宋湯）好飲，可惜午餐冇牛油+餐包，同埋量有啲少。個牛扒完全有驚喜，七成熟，肉質剛好仍然有咬口又有牛味，冇用食粉「乸」到淋pat pat 同冇晒味，黑椒汁夠晒味，加咗5蚊加白飯撈汁，大滿足！杯黑咖啡完全可以，都抵讚！咁嘅氣氛，咁嘅價錢，咁嘅食物質素，咁嘅服務態度…… 我諗香港真係所剩無幾，要支持！！！

起碼都10年沒有上過來。發覺裝修竟然一絲都沒有改變。一股親切感，湧上心口。不用說那麼多，當然是叫招牌的鐵板黑椒牛扒。老婆叫咗招牌焗豬扒飯。姐姐很細心，見我的女兒很細小，主動給她加了booster seat。小朋友玩刀叉跌咗兩次落地，佢都充滿笑容咁樣replace左。有點令人不好意思！羅宋湯先上，並不是太水 lell lell ，也有幾塊牛肉和蔬菜。老婆的焗豬扒飯竟然快過我上。 豬扒也算是juicy，很好吃。飯的份量比想像中少，如果我叫應該不夠飽。之後到我的黑椒牛扒，當然是醃製過的，由細到大食的味道，非常親切。份量也不過不失。肯定是正宗港式豉油西餐的味道。價錢也很大眾化。

依家就同大家講下喺呢間餐廳食嘅體驗啦！首先，啲餐包真係得意，鬆軟得嚟帶啲脆，塗咗牛油一啖入口啲香味四溢，真係味美至極🍞！再講返個湯，羅宋湯濃郁得嚟仲有牛肉粒，呢種溫暖味道真係好適合天氣涼啲嘅日子。講到重頭戲嘅牛扒啦，肉眼牛扒大塊得滯，淋上嘅黑椒汁又夠晒香，一啖咬落去，外面微焦有嚼勁，但肉質仍然夠嫩滑，呢種口感真係冇得輸😋！至於鐵板西冷牛扒呢，個份量係比較細塊，但每一啖都肉香滿口，加上鐵板嘅嘩啦聲，食落更加有情調！當然，點忘記埋身旁嘅金黄薯條，薯條外脆內軟，夠曬香口，真係好配牛扒。今次食完，真係感受到舊式餐廳嘅滋味，唔使好多花巧，憑住質素同簡單嘅調味就已經好正😍！下次有機會，一定要再嚟試下其他嘢食！

估唔到太子食到咁好味嘅扒房真係用鐵板上㗎😤而且價錢唔算貴，已經有餐湯+主菜+野飲👍肉眼扒叫左五成熟，一啲都唔靱，肉質軟腍好濃牛肉味，配菜同黑椒汁都好好食😋雖然當時係繁忙時間，好爆場但無影響食物質素👍

呢間第尾扒房都好出名，平民既舊式餐廳。我都食過好多次🤭🤭叫套餐會有埋餐包餐湯同飲品，味道都係正正常常不過不失。每次黎都係會叫F餐同G餐鐵板肉眼牛扒 $109 +1鐵板西冷牛扒 $109 +1薯條熱辣辣，不過今日就有d overcook ，有d濃左少少🤏兩款都係叫左7成熟，肉眼肉質會淋d，容易咬。西冷就有會有根，肉質比較實d。個人就比較鐘意食肉眼🤭如果想平平地鋸下扒，呢間餐廳夠哂風味，但味道唔好期望有好高水準，因為始終係一間平民餐廳🤣🤣

豉油街對面原本有間花園餐廳，環境唔錯，想話再去幫襯，點知去到先知褶埋! 唯有轉場去豉油街榮哥煮場食翅.但個心仍然想鋸扒，於是過兩日就走去太子第尾開餐.上去大眾點評想話打卡，先知道原來正名叫大興餐廳，自稱係第尾牛扒! 即係話..... 就算唔好食都唔好投訴! 講到明牛扒唔係第一係第尾! 哩個意思係我估啫.... 唔好當真!行到樓下，竟然壞𨋢，好彩今日豬腳無痛，可以行上樓梯，但樓上就慘鳥，貼哂通告話因為長期壞𨋢要停業!未入門口，已經聽到D極誘人嘅鐵板咋咋聲!我先去攞位，等女友小熊嚟先落單，望到隔離枱四個客人，份份鐵板都大大份厚切，所以見意小熊只係點一份鐵板餐，另外再點一份意粉已經足夠，結果點份神戶牛柳同白汁磨菇雞扒天使麵，白湯牛尾湯各一.優點:1, 個人習慣問題，食西餐必定要有西湯同麵包，如果西湯同麵包出色就更加完美啦，今次嘅白湯不過不失，麵包有D暖，雖然各樣都未至於完美，不過不失都接受了.2, 神戶牛柳鬆軟得不得了! 即使係厚厚厚切亦一D都唔韌，一丁點肉鬆粉味都無，配上味道帶甜嘅蒜蓉汁，你就會明白點解門口排長長人龍，隔離花園烏蠅都無隻.3, 不單只牛扒足料，白汁磨菇雞扒天使麵份量亦唔細，