大瀛喜日本料理 (已結業)

返工OT是常識，放工都差不多9點幾，跟同事不約而同好想食日本野，所以去左最近好有名氣既大瀛喜吃晚餐，正式來講是宵夜。門面有個大公仔招迎大家，好得意。我們實在太肚餓，所以一坐低即刻點食物，但意外地食物上菜時間很迅速，值得一讚👍🏻刺身很新鮮，選擇亦很多，我最愛的三文魚很肥美。燒牛舌，燒得好香，加點檸檬汁，好開胃。燒羊架，好juicy燒鰻魚，細細舊，容易入口。黃金大虾，無諗過日式放題都有黃金虾食，正！放題飲品仲要有好多選擇。

我幾乎每個月都嚟大擦一餐，因為食過咁多間放題，唯一呢間食了咁多次都無令我肚仔唔舒服的，我屬於腸胃敏感，生冷辣野一食就……，所以食呢間我好放心咁大吃大喝了，今次第一次試了中午來放題，以前都是夜晚或宵夜時段來食，星期六中午12:30嚟到唔使等位，仲勁多吉位.呢間從未試過唔使等位的狀況，勁開心！一去到坐卡座，感覺也無咁焗束！每舊壽司都好新鮮，好味，但食放題食壽司有D唔化算，始終有舊飯，太易飽了，食了一輪就放棄了！刺身都系好鮮味。海膽也好新鮮，但有飯系度，食一個夠了。最差呢碟，得2.3只大蜆系有肉的甜品的法式焦糖燉蛋都唔錯，夠香夠濃味，可惜太飽食唔到太多了。

野食ok既，價錢都合理，如果成年人自己一班人去食都唔差，但係小朋友90cm下一般不收費，但呢間話只要有食任何歲數都要收68， 唔識做生意囉， 一歲bb食得你幾多，都係見大人食佢食兩啖，都係食下粟米嗰啲，唔通食你魚生咩。

今日媽媽生日 帶呀媽去食放題🙈一早已經book 定1730😆一開始即刻叫刺身 一上檯 我地都哇左聲 夠凍 仲有煙霧瀰漫嘅感覺 果然 真係好新鮮！ 我都係最鍾意食三文魚 師傅切得夠厚 食落好有口感🤤🤤甜蝦都好新鮮😋一定要encore！又叫左我嘅最愛帶子壽司😍😍 食落去啖啖肉 係幸福嘅感覺😍我起碼自己食左6舊😂😂另外 要重點介紹-花之戀 係兩塊新鮮三文魚包住好細嘅飯 再加蟹子 同沙拉醬 味道好夾係滿口三文魚嘅感覺 最欣賞佢舊飯夠細 一啖食落真係好滿足😍😍😍其實都點左另外其他壽司試下 左上係黑松露甜蝦 一食好香黑松露味 而右上就係香蒜牛油燒大蝦 係好新奇嘅組合 而下面果個令我好驚喜原來魚生同柚子蜜係夾😻食完生野 就到燒野😆 一眼就見到烤羊鞍 （圖最底）呀媽怕羶 但佢食左啖都話接受到 而我就本身好鍾意食羊 師傅燒得好均勻 肉汁鎖住係厚厚的肉入面 而且好埝身👍 而左上就係燒牛舌 薄薄一片 過下口癮咁 而隔離嘅一口牛更加要推介 好juicy 一口軟埝個牛 忍唔住會想再食多幾口😋另外 當然要叫下辣酒煮花螺 & 藍青口 花螺冇沙 洗得乾淨 配合辣辣嘅味道 再飲淡凍冰冰嘅茉莉茶 簡直爽 另外青口配忌廉

好耐冇食放題 今次特意同朋友搵下資料先決定黎呢間 果然唔錯 星期三1730入座唔單止平啲（$218再加一）而且坐落都好闊落 兩個人可以用到四人枱擺食物 一次叫多啲都唔驚已經唔係第一次黎 今次依然都好滿意 餐廳有好多食物選擇 有成十幾張紙 好吸引 服務態度又幾好落單上菜執枱都好快好快落完單後 就去拎飲品 發現原來仲有甜品區 可以拎雪糕飲品種類都好多 但為左食多啲魚生 就留肚淨係飲左小小魚生全部都好新鮮 拎上枱仲見到散發緊陣陣涼氣出黎叫左朋友至愛既三文魚 同我既甜蝦 好正 鮮味十足另外壽司都唔錯 推薦花之戀同北海道帶子壽司 辣酒煮花螺都好入味 可以一試 不過我就唔太食得辣😂炸物就試左金磚炸鮮奶 熱辣辣 香甜奶味 勁好食 流心一口芝士亦唔錯 不過食一粒就已經好滿足串燒方面 試左燒菠蘿 好juicy幫我清下油膩感 係放題必點䈬燒鰻魚都好推薦 軟稔又入味 refill左好幾次值得再試當然都有榴槤fans 必點既 榴槤炸彈同貓山王糯米糍 兩款甜品都有香濃榴槤味 但我更鐘意貓山王糯米糍 一咬開 成個口都係榴槤餡 勁正呢款我地都refill左幾次

今晚同媽咪撐枱腳，決定去食放題！禁岩我地喺旺角行完街，就揀咗呢間好多好評嘅放題試吓先！呢到係朗豪坊對面MPM商場五樓，我哋揀咗最後個時段入座。坐低就睇吓有咩食先！因為我同媽咪都唔太鍾意食生野，所以熟食同埋壽司係我哋非常期待第一輪-火焰三文魚、鵝肝壽司，壽司飯細細件，配上肥美嘅火焰三文魚，正呀媽咪就鍾意食鵝肝， 非常推介黃金炒海蝦-外面沾滿著鹹蛋王香味！超惹味燒羊鞍-配上檸檬汁加肉汁，好juice燒海蝦-蝦簡直係我哋嘅大愛！尤其係燒嘅！配上檸檬汁，可以無限encore 蜜汁燒雞翼-又係超juice啊！蜜糖同雞翼真係好搭飲品都有好多款，仲有涼粉最後梗係要食返個水果先啦！超甜西瓜因為太飽啦其他甜品都食唔落，其實仲有雪糕雪條，好多選擇！總括嚟講，呢度嘅熟食都好有水準！嘢食嘅速度亦都好快，下次一定會再嚟

今日同三位朋友一齊係旺角行完街，近近地見到係朗豪坊對面MPM文華商場有很多食市，看見有一間日本料理放題，價錢很合理，食物比想像中好很多，就位於旺角奶路臣街11號MPM文華商場5樓A，名稱叫大瀛喜的日本料理放題，有A至S頁的食物分類，每頁都有相當多的類別，大約一頁有5至15種食物可以選擇開始由A頁，先叫一些沙律做頭盤，我就叫了一個柚子大蝦沙律，材料相當豐富，跟餐單上的圖片一樣之後叫了B頁一些日本料理刺身，三文魚刺身， 甜蝦刺身， 北寄貝刺身， 墨魚片刺身， 泰式生蝦刺身，如圖片上， 刺身的佈置都相當精緻，刺身都非常新鮮I頁-一口牛，超香蒜味，正！黃金蝦惹味h頁-燒海蝦，啖啖肉g頁-芝麻雞亦加香芋丸，我的最愛總括嚟講好滿足！無論係熟食定刺身都好好味！

今日家姐生日，知道佢鍾意食放題就搵左呢間近近地又多好平嘅放題，地點非常方便！就喺朗豪坊對面 MPM商場。我哋揀咗夜場九點半入座，入咗亦係見到全場爆滿非常好生意因為九點半實在太肚餓啦！所以一坐低就即刻睇下有咩好食先！第一輪嘅選擇梗係刺身壽司先啦！刺身-三文魚厚切，仲有泰式生蝦、甜蝦！好味鰻魚壽司、花之戀-都係我嘅最愛、細細粒一啖一件、重鋪滿左吹卜卜既蟹籽柚子大蝦沙律、蟹子沙律-柚子好juice a！頭盤之選！海膽手卷-迷你版一口一件！海膽亦好有奶香味第二輪熟食時間辣酒煮花螺-呢個真係可以不停叫不停叫！原隻和風帆立貝-配埋芝士好好食芝麻雞翼-每次放題都必叫嘅！無限encore！意式奶凍總括嚟講，呢度地點方便，食物速度都好快，都令我幾滿足下次會再嚟過！

同朋友兩個去食放題呢間地方算方便，入口都好靚，不過餐廳入面就好熱鬧，有d狹窄21:45入座仲有8折優惠，更加多人夜麻麻入座點完餐好快有野食啦第一樣泥既係火炙壽司我地點左醬燒珍寶蟹棒壽司、鹽燒三文魚壽司同埋三文魚腩壽司鹽燒三文魚壽司同三文魚腩壽司比較細件，好易入口醬燒珍寶蟹棒壽司就好大件，好好食，不過食多幾件就覺得有少少鹹雞軟骨串都好食，上枱既時候仲係熱辣辣架多數放題都係刺身上枱先，不過我地食左一陣熱食就有刺身點左20隻甜蝦就泥得幾隻，唯有分開點多幾次啦三文魚特別厚，其他都不過不失啦呢碟一口牛真係要讚下d肉非常軟熟，係我食過最好食既牛柳粒之後就係必點既芝麻雞翼，味道ok最後就係Q版心太軟，喺menu入面好難搵，之後主攻食心太軟又熱，外脆內軟雖然冇流心，但入面係軟既，好好味

今日放工後約了男朋友吃飯，心思思想食耐d，因為咁樣就可以見耐啲😚🙈，所以揀咗去咗食放題😋其實今次已經唔係第一次食呢間，所以都已經大概知道有咩食😙，不過冇諗過食多次都有驚喜☺️蒲燒鰻魚魚肉很肥美又嫰，啖啖肉，我一個人都食咗兩三件🙈🙈蟹棒，大蝦天婦羅和炸鮮奶😝全部都係即點即炸，粉漿係薄薄的一層，所以食多幾件都唔覺得油膩🙈☺️雜錦刺身😝，都係平時食開果幾款，不過今次食有一款新出嘅泰式生蝦刺身，配上青檸酸辣汁，既清新又開胃😍😍蒲燒鰻魚忌廉芝士卷😍軟滑嘅芝士加埋鰻魚同飯，食落去很有層次很豐富☺️法式焦糖燉蛋😋意外地很好食，燉蛋很滑同埋焦糖做到脆面👏🏻榴槤糯米糍😍名副其實的皮薄餡多，榴槤味香濃☺️

天婦羅的放題就食得多，但是這間的天婦羅是即叫，即炸，即刻上菜，炸物當然是外脆內軟才達到標準，而大瀛喜的天婦羅就做到了.不得不提，這個炸鮮奶十分有驚喜，炸不膩，甜不膩.元背的味道一般，但是放題有任食元背也是一個驚喜喜歡吃鰻魚的朋友一定要來，起初對放題鰻魚也沒有什麼期望，但係一擺入口，無論味道，口感，都十分豐富.性價比滿分放題之餘，仲可以黎個小邊爐，豚肉口感正常，而辣味適中，還有響鈴附送，可以餐廳的心思

今日男朋友生日 佢話想食放題慶祝下wo 甘咪順下佢意 因為我地系朗豪坊行完街 甘岩對面見到有個牌寫呢個時段有85折 所以就去拉去到即刻叫刺身刺身有我最中意食既甜蝦同三文魚 甜蝦幾生鮮同埋幾大隻 而三文魚系厚切既 而且凍冰冰好正 而三文魚既質素 encore好味過第一次落單 因為第二次既三文魚較為肥美 肥既比例多少少 有反d口感之後叫左牛肉鍋牛肉鍋既湯底好正 有少少甜 又吾會太味精 而d牛肉都幾嫩口 大概有3-4塊 入面仲有少少蔬菜清下腸胃tim不得不提既系一口牛肉粒系我食過甘多次放題入面最嫩口既一次 呢個encore左3次 而且味道仲好野味 值得一試呀我仲叫左炸物一黎到睇落好細件 原來系因爲佢既炸粉少 而且外表都幾白 證明佢d油都幾乾淨！ 仲有叫左芝麻雞翼 外脆內軟 而且熱辣辣 即叫即做 正呀！最後叫左d甜品同出去拎左d雪米池我叫左馬卡龍 馬卡龍小小的 拎上手幾可愛 而且吾算話好甜 因為佢細既關係我食左5粒😂😂整體而言 我覺得吾錯 如果下次行開都會再食

覺得其實食午市放題都幾好. 第一, 有三個鐘 慢慢食. 第二, 唔使食完夜晚黑, 脹住脹住咁瞓. 消化都好啲.準時去到準時入場. 一坐低就想飲碗湯, 但係經理話午市冇湯飲.海膽壽司, 每件有兩塊海膽. 海膽同飯都係屬於一口size, 一啖可以成個入口.鰻魚淨食好大件, 好厚身, 其他放題店少見. 壽司, 叫咗好多不同款色, 平均質數幾好, 全部滿意. 比較有印象嘅壽司係三文魚腩, 火炙三文魚腩, 鵝肝帶子(好香鵝肝味), 鰻魚芝士卷(好香芝士味).個海鮮粥嘅海鮮唔新鮮, 啲蟹肉係霉, 啲粥好重胡椒粉味, 唔及格.如果想留肚 ,可以唔食嘅有 蒜香焗海蝦, 一口牛, 天婦羅蝦 超辣尖椒, 和風帆立貝. 可以試嘅有牛舌, 炸生蠔, 炒大蜆.飲品選擇唔多, 有一半係康師傅貨色, 冇清酒, 梅酒等. 雪糕只係見到雀巢嘅三款味同兩款雪條, 冇乜選擇, 當時真係幾失望.地方清潔程度僅屬普通. 廁所比較舊同埋有污漬, 及衛生程度需要改善.話雖如此, 大約到中午一點, 已經全院滿座. 以178蚊再加一呢個價錢嚟講, 認為可以接受.後記: 食完先至睇到話大瀛喜同大喜屋其實係同一集團. 但係覺得食落啲嘢

9點幾放左學先食晚飯，旺角食肆多數開得夜，一出地鐵雅蘭出口見到大灜喜，諗起食過唔錯，單拖再去食一次。店員很友善，見我得一個人也親切帶位埋位前先閃去拎定飲品，啤酒同橙汁枱面除左枱號，仲有free wifi提供，方便手機族。到點食物，樣樣都想食，放題嘅好處就係唔洗諗太多就住就住上菜無敵快，呢頭上左2碟，影個相，又黎1碟，食完1碟，轉頭又到2碟新上枱，然後店員即刻收走吉碟，枱面嘅食物來來去去，食得超痛快B刺身：油甘魚，劍魚腩，泰色生蝦，赤海蝦，希靈魚，魚，墨魚片，其中最推介泰色生蝦F天婦羅：有機蕃薯天婦羅＆金磚炸鮮奶。炸鮮奶唔係周圍有，細細粒充滿奶香味，不容錯過。D手卷：海膽手卷，一口手卷，唔驚食完飽肚食唔落其他，又唔會造成浪費。E壽司：北海道鮮帶子，黑松露赤蝦，鱆紅魚努力清左手卷和炸物，壽司隨即上枱，我幾時食到刺身E壽司：鹽燒左口魚H燒物：香草燒扭西蘭羊鞍再次終斷我食刺身嘅快速上菜G炸物：芝麻雞翼，黃金炸生蠔，流心一口芝士，紫心香芋丸。熱辣辣，香口嘅炸物S星級海鮮宴：芝味蒜香焗虎蝦，香濃美味S星級海鮮宴：和風帆立貝，一客太多件，不利一個人食 囧rzA沙律：柚子大蝦沙律J煮物：黑豚響鈴辣

話說同朋友係朗豪坊行行下街突然想食壽司放題，就黎左呢對，過候馬路就係，好方便，就係旺角地鐵站一出就見到。我地等左陣就有位啦，場內空間唔算好寬敞但勝在食物種類繁多！有好多野飲，仲有啤酒tim，因為任飲既關係，會唔會有人醉住走呢雞翼好香脆，肉質好滑嫩，encore左幾次，羊架燒得夠香，好有羊味^_^帶子大大粒好有咬口，講完熟食就講要刺身啦三文魚夠厚身，都算新鮮，仲有甜蝦好鮮甜，落單後上菜都算快，當日食得好滿足。而且店內仲有存放bag既服務，好貼心呢。